اسيل قالت لي يمكن يكون بقضيها مع غيرك يعني هو اصلا وسخ ومتعود زعلته من كلام اسيل شديد مع انو حقيقي ومنطقي 💔 مشيت قولته ليهو اذا خلصته ارح قال لي نقعد شويه قولته ليهو لالا تعبته قال لي مالك م كنتي مبسوطه؟؟ قولته ليهو مبسوطه بس انو تعبته قال لي تمام اضرب لي عمرو صحبي بس اجيب العربيه عشان مشى بيها مشوار قولته ليهو طيب....
ورجعته لناس اسيل عدن قالت لي زعلتي من كلام اسيل ليه ؟! قولته ليها م كده بس تعبته انا من الصباح لافه قالت لي م مقتنعه بكلامك بس براحتك ؛ سمعته صوت عمار قال لاسيل ارجعي الوقت اتأخر تاني اتلفته سلمته عليهو بفرح قال لي اهلين كيفك قولته ليهو تمام وانت قال لي الحمدلله يلا اسيل الوقت اتأخر ردودو كانت بارده كأنو م بعرفني جا وائل قال لي مشينا ؟ هزيت ليهو راسي مشيت مستغربه من تصرفات عمار وبفكر اذا انا عملته شي زعلو من غير اقصد وائل قال لي بتفكري ف شنو ؟! قولته ليهو ولا شي قال لي شكلك مرهقه شديد اول م نصل نومي قولته ليهو الا كده بعد مساافه قولته ليهو ده م طريق البيت قال لي عارف قولته ليهو وين ماشين؟! قال لي ح نمشي شقة الرياض قولته ليهو اشمعنا؟! قال لي انا كلمتهم اننا ح نبيت بره وكلمتك قبيل قولته ليهو لالا ارجع انا عايزه امشي البيت عاين لي ولفى رجع طوالي لغايه وصلنا هو ساكت م اتكلم خالص قولته ليهو مصدعه شديد وراسي لافي م رد لي خشى جوه وم طلع تاني بعد شويه كده دقى لي باب الغرفه ودخل قال لي ده بندول ابلعي حبه بترتاحي شلتها بلعتها كان واقف م مشى قال لي احسن ؟ قولته ليهو يدوب بلعاها كان ماسك التلفون ف يدو قال لي ح اطلب اكل عندك شي معين عايزاهو؟! قولته ليهو لا م جعانه انا قال لي اكلتي ف القيادة؟! هزيت ليهو راسي لالا قال لي لا تاكلي م ح تنومي جعانه اطلب بيتزا؟! عاين لي مسافه م رديت قال لي ح اطلب بيتزا😹 طلع مني دخل غرفتو سمعته صوت الباب بدق لقيته عمتي نفحات قالت لي انتوا طلبتو اكل من بره ليه؟! قولته ليها ده وائل جعان وحسب طول اليوم بره مافي شي ناكلو قالت لي م تطبخي انتي ولا م بتعرفي ؟ قولته ليها مصدعه شويه ادتني البيتزا قالت لي اكل بره ح يبقى ولدي عضم 😑 ومشت يعني كان ناقصني هي ي ربي دي شنو النسيبه دي😭💔 ختيت البيتزا ف الترببزه كان طالب بوظه معاها مشيت اكلمو عايز ادق الباب لقيتو فاتح خشيت لقيت الغرفه فاضيه بقيت انادي عليهو طلع من الحمام وعيني وقعت عليهو وهو لابس المنشفه بس غمضتته عيوني واشرته بيدي واتلفته ورا قولته ليهو الاكل بره ضحكك قال لي هسي مالك انتي متوتره كده ؟!😹😹 قولته ليهو لقيت الباب فاتح عشان كده خشيت م كنت عارفاك بتغير قال لي اصلا م قاعد اقفل الباب انا زي ناس كده 😌 ؛ وم كنت بغير يدوب طالع من الحمام لكن انتي مدياني ضهرك ليه م فاههم ؟! 😹 قولته ليهو عشان اعاين لي عضلات بطنك وانت لابسه منشفه بس ☺🔥 ضحك قال لي م انتي شيفاني ف المرايه يعني ماف داعي تديني ضهرك 😹😹💔 قولته ليهو مرايه شنو؟! عاينته لشمالي شويه كان ف مرايه قولته ليهو بخلعه والله م عاينته فيها ولا كنت عارفاها اصلا 😢 قال لي م حال حتى لو شوفتي 😹😹💔 طلعته بسرعه منو اصلا تافهه م بصدق يلقى فرصه 😑 🔥كنت فعلا جعااانه استنيتو شويه م جا فتحته البيتزا شلته لي قطعه قال لي هسي م قولتي م جعانه 🐸 قولته ليهو لكن هسي جوعته قعد جنبي شال قطعه وفتح الحدث العناوين العريضه كلها السودان اعتصام القياده العامه 😍💙 قال لي شوفتي الناس مهوله كيف اليله😍 قولته ليهو شديد ياااخ حماس م عادي قال لي زمان كان بنطلع عشرين نفر بنبزونا وبقول عننا صعاليق وم ح نصل لي شي هسي نحنا ف قياداتم زاااااته وم قادرين يعملو شي صعلقه لكن😹😹💙 ضحكككته قولته ليهو عقبال نقلع منهم الحكم قال لي مش بششه ده شويه بس وبقول وااي قولته ليهو صعب يااخ 30 سنه م ح يسيبه بسهوله قال لي اسمعي مني بس بكره تقولي وائل قال 😏 قولته ليهو وااااثق شديد قال لي م واثق بقدر م انا متأكد 😌 قولته ليهو شنو الخلاك متاكد كده؟! قال لي م شوفتي ف اخر مؤتمر طلعو كان عامل كيف؟! زي الكديسه الداقاها مطره حتى كرشتو نزلت ولا جضومو اختفت رسمي 😹😹💔 قولته ليهو شكلو م بنوم 😹 قال لي ياا ينوم كيف وف مرتزقه بره مجهجهنو بكيبورداتم ناس الفيس ولاشنو ياا😹 قولته ليهو صااح كنا فاتحين فيلم كوميدي جات لقطه بتضحك م قدرته اتحكم ف روحي ضحكته بصوت عااالي قعد يعاين لي قولته ليهو وانا بضحك مالك؟! م رد لي وبرضو بعاين وانا لسه بضحك ع الفيلم لمن لاحظته انو لسه بعاين لي كتمته الضحك قولته ليهو ف شنو ياخ ؟! قال لي صعب الواحد يتحكم ف روحو وانتي بتضحكي 💕 قولته ليهو م فاهمه قال لي وشوفي شوفي عمل شنو 😹م اشتغلته بيهو خاته البيتزا ف كرعيني وهو قاعد قريب مني نوعا ما زح شويه علي انا م كنت منتبهه جريت التربيزه ومطيت رجولي قولته ليهو وائل قال لي احكي قولته ليهو انا عايز انزل اشتغل زهجته من قعاد البيت سكت وم رد لي اتلفته عليهو قولته ليهو م متعوده اقعد ف البيت انا زح باصبعو ب كاتشب من خشمي قال لي من بكره انزلي اذا ده بريحك ابتسمته ليهو قولته ليهو شكرا ختى يدو ورا ضهري ف حواف الكنبه وزح علي عاينته ليهو قولته ليهو شيله بالطيب احسن 😏🔥 قال لي انا م بحب الطيب لكن 😹 قولته ليهو ف بينا اتفاق م كل مرة اذكرك قال لي م خنته الاتفاق انا 😌قولته ليهو وللتصرفات دي افسره شنو ؟! قال لي عاادي واحد قاعد مع صحبتو عادي فيها شنو قولته ليهو كده ؟! قال لي تصدقي ولالا بس انتي البت الوحيده ال م حصل فكرته فيها ك جسد رغم انو مغرياتك ك جسد كتيره كل العايزو اكون ف حياتك م بفرق معاي اكون شنو المهم اكون فيها 💕 سكته م رديت ليهو شال الريموت قال لي 12 جات عندي فلم عايز احضرو بتاع رعب تحضري ولا بتخافي 😹😹 قولته ليهو شنو البعجبك ف الرعب ده👻 قال لي متعه 😻 انتي جربي تحضري ح تتدمني تاني قولته ليهو م شايفه فيهم شي ممتع قال لي حصل جربتي تحضري رعب؟! قولته ليهو لا قال لي م تحكمي ساااي احضري معاي ده واحكمي الفلم كان ع وشك يبدا اول م شفتها الدم قومته قولته ليهو م دايره ضحكك قال لي ياخي اقعدي ع ضمانتي قولته ليهو م بنوم لو حضرتو قال لي ببلعك منوم م تشيلي هم النوم 😹💔 اصر اني احضرو م قدرته اكمل نصو كل م يجبو لقطه بتخوف بغطي وشي بالمسنده شلته الريموت غيرتو قولته ليهو انت م طبيعي ده شنو البتحضرو ده انا قايمه منك ضحكك فيني قال لي خوافه بس ده ابيخ فيلم حضرتو 😹😹💔 قولته ليهو الحاااله 😥 عايز اقوم كده الكهربه قطعت مع قطعته وائل قام براحه مع الكرسي بقيت بنادي فيهو م برد اتحسسته الكرسي م لقيتو هنا خلاااص قلبي اتقطع وقربته ابكي اكره شي ف حياتي الضلام ولع فلاش تلفونو وختى قدام وشو وجاني من ورا قال لي بوووو👻 بعد نطيت قعد يضحك الحيوان 😹😭😭💔 قولته ليهو حقييبر😭 قال لي انا الوحششش اووو👻👻👻😹😹😂😂😂💔 شلته تلفونو قولته ليهو زح مني ي معفن 😭💔 مشيت ع غرفتي قال لي ف واحد متخبي ورا الباب 😹😹💔 اتلفته صريت ليهو وشي وقفته قدام الباب م قدرته افتحو وهو اتشرط بالضحك جا وقف جنب الباب قال لي اول م تفتحي الباب ح تلقيهو ورا الباب طوالي شعرو ابيض ومنكش وعينو مقزعه لفوق وحمراا وعندو نوابيب ومخالب جسمو ضعيييف وبكب دم ورقبتو ملويه كده وح ياااكلك وجا علي قال لي بقتلك اليله بووو 😈👻👻 بعد نطيت 😭💔 ضحك زعلته شديد قربته ابكي وقف ضحك قال لي خلاص انا اسف فتحته الباب قال لي هو جوه م تفتحي ايااااكييي اوووو👻😈 سكته وبقيت بعاين ليهو بس قال لي تمام انا اسف ومسح رقبتو فتح لي الباب قال لي مافي شي والله 😹 انا ثقيل م رديت ليهو وخشيت طوالي قعدته ف السرير قال لي اديني تلفوني قولته ليهو لالا دايراهو قال لي اشتغلي بتلفونك قولته ليهو طافي كنت خاته ف الشحن خليهو لي اصلا انت م بتخاف قال لي تمام اول م عايز اتحرك الفلاش طفى جاني اشعار بانو البطاريه ضعيفه ضحك قال لي مشكلتك مشكله تصحبي ع خير 😹👻👻 قولته ليهو ح تمشي ؟! قال لي بصوت كبيير اي ماشي انووووم 😹👻 قولته ليهو انا بخاف من الضلام لكن 😢😭💔 قال لي مافي شي بخوف قولته ليهو البقنع عقلي بكده منو لكن وبتخيل حاجات من راسي خليك كمان حاضره فلم رعب 😭💔 الستاره تحركت وصوت الهوى والبيت هاادي مسكتو ف يدو قولته ليهو والله م بتخليني براي😭💔 ضحك قال لي بخباثه ممكن انوم معاك لو حابه😏 قولته ليهو لا شكرا يلا امش 😑🔥 قال لي تمام راحتك بس 😹😹 قال لي فضل ف التلفون كم؟! قولته ليهو 1 شالو ضرب بيهو قال لي الجننيتر اليله مالو م شغلو ؟! ضرب ليهو قال ليهو عطلان قال لي حظك بخخ😹 قولته ليهو والحل ؟! جا رقد جنبي قال لي نومي بعد تغرقي ف النوم بمشي منك قولته ليهو لا يااخي... قبل اخلص كلامي قال لي شهر معاك لو عايز اتغابى معاك كنت عملته وعندي بدل الطريقه الف ؛ كذه مره حاولته اقنعك لكن المشكله ثقه وده حقكك طبعا 😊💔 مشى اتبطح ف الكرسي مع بطحتو الكهربا جات طوالي مشى كان باين عليهو زعلان شديد 💔 بعد مسااافه م جاني نوم مشيت ليهو كان راقد ع ضهرو وخاتي يدو ف راسو موصل التلفون ف بور بانك خاتي ف بطنو وشغاله بيهو عاين لي من سكات قولته ليهو م قادره انوم سكت وم رد لي وانا واقفه والسبب الموقفني زاتو م عارفه ختى التلفون والبوربانك بجنبه فتح لي يدينو الاتنين نظام انوم ف حضنو مشيت بعمى ورقدته ف حضنو💙 خلا النور فاتح ومسك التلفون نومته م حسيت بشي تاني ؛؛ صحيت لقيتو لسه نايم م لومته نفسي ولا حسيت بذنب اني عملته كده خاالص لانو حرفيا م فكر ثانيه يقرب مني ♡ م قدرته اقوم كان محاوطني بيدينو 💙 قعدته اتامل فيهو وهو نايم شكلو بريء شديد م بتقول انو ده واطي وسجلو اسود😹😹 قال لي وهو لسه مغمض حلو وانا نايم ولا صاحي؟!😹 لمن سمعته صوتووبعد اتخلعته قولته ليهو وانت ميت😹 ابتسم وفتح عيونو قال لي اها حامل ولالسه 😹ضربتو قولته ليهو عواليق زحيت يدو عايز اقوم ابا يزح قال لي بخباثه دخول الحمام م زي خروجو لكن 😏 قولته ليهو زح قال لي ح ازح بس بشرط قولته ليهو م موافقه قال لي اسمعي طيب😹 قولته ليهو شروطك انا عارفاها زح قال لي اوكيييههه اذا مح افكك ورجع غمض 😌💙 قولته ليهو طيب اشرط قال لي اذا اضايقتي من شي او زهجانه او ف شي مقلق بيك اما اسالك جاوبيني م تخبي علي ؛ انا امس م حبيت اضغط عليك بس كان باين انك مضايقه بعرف انك م بتثقي فيني ولا بطيقني بسبب عمايلي معاك بس القدامك ده وائل م شبح هاا ؟! ابتسمته ليهو عاين لي ف عيوني قال لي ينفع ابقى البيست فريند حقك؟ قولته ليهو ح افكر😌 ختى يدو ف خدي قال لي احكي لي اها امس مالنا مضايقين؟! عايزه ارد ليهو قاطعني قال لي لسه انتي واعداني م تكذبي 😌 ابتسمته ليهو قولته ليهو اسيل وعدن شدو معاي ف الكلام ف موضوع بخص عاليا المهم وانا زعلته من كلامم عاين لي وتكل يدو ف المخده قال لي يعني كده اانتي وريتني السبب 😒 قولته ليهو م هو الموضوع بناتي وحساس😷 قال لي طيب 😒 قولته ليهو شنو م حكيت ليك هسي ؟ قال لي وانا مصدقكك 💕 كان عايز يقوم رقدته وختيت يدي ف وشي ومسكته يدو استغرب شديد واتلفت علي ولسه بعاين ف يدي وانا ماسكاهو 💕 قولته ليهو وانا لسه خاته يدي ف عيوني مش البيست بحكو اي شي لبعض قال لي اها؟؟ فتحته صباعين من يدي وعاينته بعين وحده قولته ليهو احكي لي انت وابوك مالكم ؟! وقعدته ف نص السرير قولته ليهو ف المستشفى مره كان اتشاكلتو ايام مظاهرات الجامعه وهسي انت م بتنزل الا وهو مافي و هو م حصل قال عنك شي كويس وع طول بشاكلك ف شنو،!؟ شال نفس قال لي القصه انو انا غلطه زي م قاعد يقول عني طوالي ......
#استكانهه
