سامعه نجوى بتتكلم بالتلفون بصوت وااطي قالت ليهو اااي فهمته سمح م بوريهو لالا الانت عايزو بحصل بس م تكلمو انا زاتي اشتقته ليك كويس كويس افصل خلاص سمح يلا اااي فهمته بكره الساعه سته ؛؛؛ قولته دي شنو المره الوسخه دي وكمان الانت عايزو بحصل تووف ع دي اشكال
اكلته اكلي وم اشتغلته بيها شلته تلفوني شغلته الفلاش شايله كبايه المويه ف يدي عشان م انزل اشرب تاني لمحته مظفر خاشي بدبا قولته دي شنو العيله الشغله كلو بليل دي ؛ كان ماشي قدامي ماشي اركب السلم وماسك نعلاتو ف يدو وانا وراهو قفلته الفلاش وربته ع كتفو اتلفت بخلعه ولعته الفلاش شافني قال لي ااااخ دي انتي قولته ليهو جاي بتدبا زي الحرامي مالك قال لي افتكر م شي بخصك قولته ليهو ف زول بدخل بيتو بالطريقه دي؟ 😂 قال لي م ناقصكك انا وكمل قولته ليهو رجلك ماله قال لي اففف واتلفت علي قال خليصناا ياااخ قولته ليهو كنت وين انت كنت ف موكب؟ قال لي عايني اختيني تمام حشريه كده ماالك انتي قميصو كان فيهو دم قولته ليهو اتصبته ولاشنو وهبشتو شال يدي قال لي زحي مني ي جن قولته ليهو تمام ح اكلم خالي مكرم بالشفتو الصباح قال لي هيي استني ح احكي ليك بس لسانك جوه خشمك عاين لي قال لي ينفع نكمل كلامنا فوق عشان م نتكشف بفلاشك ده قولته ليهو اصلا نايمين م ح يجيبو لينا خبر سامعاهو بنقنق تحت تحت بعد وصلنا قال لي تصبحي ع خير قولته ليهو مش قولته ح تحكي لي؟ ولا اشتغل بي ومشى خشيت غرفتي قولته ده شنو الطيييره ده كمان فتحت الفيس م كان جايني نوم لقيت منشورات عن الثورة ومصعب منزل اغاثات شيرته لي منشور ف صفحتي طالعه ونازله ف الفيس التايم لاين كلو عن الشهداء والناس بتسال عن عدد للناس الماتو وف فديو فتحتو كان فيهو تاتشر بدهس ف اهل شهيد قفلتو طوااالي م قدرته اتحمل وناس ميته بابشع الطرق نفسي قفلت من الفيس زمان بصح بليل م بلقى موضوع بخشو هسي كلو موت 💔 عايزه اقفلو شايفه دكتور ايهاب منزل منشور ف قروب تسقط بس كاتب بطلنا عمار بخير وعافيه منزل صوره ليهو عامل اشارة تسقط بس وشايفه البنات منبرشات عملته لايك للمنشور تحتو طوالي كان منشور لعزام ممنشن مرتو وكاتب بقت حقتي ♡ والناس بتبارك ليهم وكذه م كنت متخيله انو عزام بالوساخه دي 💔 حظرتو طوووالي بعد شفته المنشور 💔 نفسي ضاق قعدته ف نص السرير جاتني مكالمه من رقم غريب رديت لقيتو عمار قال لي شايفك اونلاين قولته ليهو صحيت هسي وم جاني نوم تاني قال لي امممم اسف بسببي اعتقلوك قولته ليهو لا عادي المهم انك كويس قال لي بجد؟! قولته ليهو اكيد قال لي م كنت عارف روحي مهم عندك بعد تقدمي سلامتي ع اعتقالك 😏 قولته ليهو المخو وسخان عمرو م بنضف قال لي طيب م قولته شي م تقلبي 😂 سكته م رديت ليهو قال لي مضايقه ؟؟! قولته ليهو لا قال لي كذابه😊 قولته ليهو وانت كيف عرفته؟؟! قال لي شفته ف تلفون اسيل منشور حبيبك داك قولته ليهو اول شي هو م حبيبي ولا بفرق معاي اساسا قال لي وثانيا؟؟! قولته ليهو حتى لو مضايقه ده شي م بخصك قال لي تمام وفصل ؛؛ حسيت روحي كنت وقحه معاهو قولته واذا هو بدخل مالو جدعته التلفون سمعته صوت باب الغرفه بفتح قولته ي ربي منو الجايني بليل فتحت الباب لقيته عاليا قولته ليها ف شي قالت لي ممكن انوم عندك؟؟! قولته ليها اكيد بس مالك؟! قالت لي مافي شي بس خايفه شوفته حلم م حلو💔 قولته ليها ربنا يجعلو خير جات اتبطحت قالت لي المصحك شنو انتي قولته القاك نايمه؟! قولته ليها م جايني نوم قالت لي نومتي بدري شدييد قولته ليها امم عشان كده م نعسانه بمجرد م ختت راسه ف المخده نامت وانا زاتي نمته صحيت ع صوت عاليا قالت لي صحي نوم الساعه 7 ومشت غرفته خشيت استحميت وجيت طالعه لقيت سميه بتفتش ف دولابي قالت لي نسيمه الفوط بتاعتك وين ؟! قولته ليها خلصو اخر واحده لبستها امس طلعته ليها 50 ج قولته ليها هاكي جيبي ليك واحده قالت لي تمام انتي م عايزه؟! قولته ليها لالا اغتسلته هسي
مشت خطوتين وجات راجعه قالت لي كنت عايزه حاجات لو عندك قروش اديني قولته ليها دايره كم؟! قالت لي 500 مشت ع دولابي طلعته ليها القروش قولته ليها عايزه بيهم شنو؟؟! قالت لي عايزه لي لبسه قولته 500 م بتجيب ليك لبسه قالت لي لا انا عايزه بنطلون وطرحه بس قولته ليها عندك تلاته بناطلين تاني شنو؟! قالت لي عايني ح تديني ولالا ؟! قولته ليها انا بسالك عشان لو شي ثانوي نخليهو مافي داعي قالت لي اوووفف اكلنا وشرابنا بصرفو لينا خالي شنو اي شي مصعباهو وطلعت طوالي استغربته سميه دي ماله زمان هي كانت بتوريني العايزاهو وبتقول لي جيبي انتي عشان بثق ف زوقكك انا م بعرف اختار قولته يمكن انا عصرته عليها من البيت بقى ف راسي اسالتي كترت طلعته ال500 العايزاها ختيته ف المطبقه ؛ عندي عبايه كحليه وطرحه بيجيه لبستهم وطلعته مشيت ع غرفه سميه م لقيته قولته معناها تحت نزلته لقيت الا نجوى بتشرب ف الشاي معاها خالي مكرم صبحته عليهم قالت لي م شالله مبدره اليله قولته ليها لي يومين م منتظمه ف شغلي اذا بتاخر تاني ح اتفصل خالي مكرم قال لي مافي داعي تشتغلي لو محتاجه شي وريني قاطعتو نجوى قالت ليهو ف حاجات بتحتاجه هي واخواته م بتقدر تطلبه منك بعدين الاجازه طويله وم عندها شي تعملو خليها تشتغل تملا فراغه مش ي نسيمه؟؟ هزيت ليها راسي خالي قال لي تعالي اشربي الشاي طيب كبا لي ف كبايه قال لي هاك نجوى قالت ليهو براها بتكب ي مكرم قال ليها كبت الشاي م عامله لي حاجه قولته ليهو م كان ف داعي شربتو جيت طالعه وقفني قال لي هاك ومد لي قروش قولته ليهو ديل شنو ؟! قال لي اتصرفي بيهم اذا عايزه حاجه كده ولا كده قولته ليهو لا مافي داعي معاي انا قال لي لالا شيليهم مني نجوى قالت ليهو قالت ليك عندها م تحرجه عاين ليها سكتت قالت ليهو يمكن هي بتتحرج مني قولته ليها ابداا م كده بس انا معاي واذا احتجته شي ح ابقى اجي اشيلم منك 😊 قال لي يعني ح تكسفيني؟! قولته ليهو م قصدي بس انا معاي والله حتى لو م مصدقني بوريك قال لي لالا م بتحتاج ابتسمته واستأذنته طلعته كان قدامي ساعه للشغل قولته امر اشوف ناس اسيل امس م مشيت ليهم ومنو اسيل م تحس روحه براها دقيت الباب عمار قال لي اتفضل قولته ليهو صباح الخير قال لي صباح النور اتلفته يمين شمال م شايفه زول قولته ليهو وين ديل؟ قال لي وديناهم البيت يبتو هناك لكن شويه وح يجو قولته ليهو وبقيت كيف؟؟! قالو لي عااايش اصلا ضربه ف الكتف يعني م شي خطير قولته ليهو طيب ح امشي انا قال لي معليش تجيب لي مويه م قادر الحق الكبايه شلته الجك كبيت مويه ف الكبايه و مديته ليهو مسكني من يدي وجراني عليهو بعد اتهجمته قولته ليهو عمار جنيت؟؟ قال لي عارفه انو البيج يحردو ليك زحيت منو يدي قولته ليهو انت الدواء دخل راسك ولاشنو قال لي م انا جيت لزول الساعه 4صباحا اطمن عليهو لا ولبسته لبس الممرضه وجيت بالدس ده لو اعتبرنا انو تبرعك بالدم خدمه انسانيه بس انك تطمني علي ده تفسيرو شنو؟؟! قولته ليهو دي شنو الخزعبلات والطلاسيم المن الصباح دي قال لي يعني معتبره دي طلاسيم من راسي م حصلت؟! قولته ليهو اكيد مسك يدي تاني قال لي معناها انا بتنبىء وح اشوفو قريب قولته ليهو عمار فكني قال لي فكيت وفك يدي شلته شنطي وطوالي طلعته ماشه وبتكلم مع نفسي العواليق كيف بتجرء وبمسك يدي فاكرني شنو هو لاقيت دكتور ايهاب قال صباحو قولته ليهو انت م بتعرف تمسك لسانك اي شي بتقولو لي وتخليهو يفسر ع كيفو قال لي منو هو؟! جات اسيل قالت لينا مووورنيييغ 😍 عاينت لايهاب قالت لي هو كيفك قال ليها هلا بالحلوة😌💕 سلمته عليها قولته ليها انا ماشه قالت لي دقيقه دايراك ايهاب قال لي م كملنا كلامنا حمرت ليهو ومشيت معاها قالت لي كلام شنو؟ قولته ليها م تهتمي اها عايزاني ف شنو؟؟ قالت لي عمار حكي لي الحصل قولته ليها م تصديقهو كل القالو ده كذب بفسر من راسو بس قالت لي شنو هو الكذب؟؟! كدي اسمعيني قولته ليها م محتاجه اسمعك واخوك واحد طاير ليهو ساااي قالت لي ياخ م تسكتي اخلص كلامي المهم كنا بنقول ف شنو ايواا اي عمار حكى لي انو هو الاجبرك تبعدي عني وتعملي لي حركاتك ديك انا اسفه م كنت فاهمه وبعتذر بنيابه عنو قولته ليها اهااااا لا عادي م مشكله قالت لي اهااا؟؟! هو ف شي تاني م عارفاهو؟! قولته ليها لالا هاا قالت لي اشتقته ليك و عندي حاجات كتيره نفسي احكيها ليك 💔 قولته ليها وانا برضو والله💔 قالت لي ماشه الموكب حق اليله؟! قولته ليها م عارفه قالت لي اسمعي ضربو لينا عمار امي زاته قالت ح تطلع لكن م اخليها عشن زولتك سكر وكذه ح اطلع ارح نطلع سوا والله عززه قولته ليها بس انا م ضربو لي زول عشان اطلع عشانو😊 قالت لي انتي بذااات المفروض تتطلعي لانو قتلو ليك اهلك كلهم اسمعي الموكب ببدا الساعه ثورة اقصد واحده المهم ح نمشي بري عشان ناس بري صعبين ولمن تكبس بفتح لينا بيوتم انا ح اجيك الساعه واحده الا تلت القاك جاهزه تمام ح اعمل حسابك ف الخل والحاجات دي نحنا شله م تخافي والموكب ح يكون مهيب قولته ليها تمام ي زوله قالت لي جد قولته ليها اي نطت قالت لي اخيراااا ح نطلع سوا انا متحمسسسسه😭😍😍😍😍💙💙 قولته ليها وانا برضووو ده اول موكب لي 😍💙 قالت لي اما انا كتيييير قولته ليها امك عارفه؟! قالت لي بري بطلع من ورا ضهره😂ا بمشي مع ناس حسام والجماعه ديييل شله ي زوله وم حصل مسكوني 😂💔 قولته ليها الله يستر من اليله يلا بايات 👋 قالت لي زمنك ضايق ولا نقعد شويه؟؟! قولته ليها قدامي نص ساعه لسه قالت تعالي نقعد بره طيب مشينا قعدنا بره قالت لي من غير لف ودوران جايه افتح معاك موضوع عزام قولته ليها شنو بالضبط ؟! قالت لي انا اكتشفته انو هو واحد باطل سااي وهسي عاادي م مرتو دي 💔 قولته ليها م بهمني صفحه وانطوت خلاص قالت لي احكي لي قصه انكم رجعتو
لبعض دي حسام كان لفتره قال لي انو لمن اتصاب رجعتو وشنو حصل وقته نفسي اعرف لكن لو بتضايق يبقى بلاها قولته ليها لا احكي ليك...
