#في_ديسمبر43
قولته ليهو حبسوك هناك شهر كامل ؟! قال لي م شهر 15 يوم قولته ليهو وال15 يوم التانيه كنت وين؟! قال لي لمن فتحته عيوني لقيت روحي ف غرفه مقفله هوا م فيها مربوط يديني ع رجليني بورا ومقعدني ع ركبتي دقوني دق العيش قبل يستجوبني ؛؛ شالو القطعه الكانو رابطين بيهت عيوني وكشحو فيني مويه بارده وبقو الغرفه كلها ابيض ف ابيض واي سااكت مبتسمع دب النمله ختوني 5 ايام ف نفس الوضع ده انا م كنت قادره انوم دقيقه الغرفه كانت مخيفه شديد ال5 يوم التانيه بقو الغرفه كلها ضلام ف ضلام وضوضاء واصوات مزعجه شديد انا قربته اجن م بعرف لهسي انا لهسي م جنيت ليه ؟،! ال5 يوم البعده استجوبوني وكانو بضربنوي بالكهربا العرفتو انو ابوي هو البعتم عشان م اتكلم عملته فيها ميت عشان انقز روحي وقدرته اكتم نفسي 10 دقايق كااامله تخيلي 10 دقايق ي اموت ي اعيش بعد اتاكدو تماما اني خلاااص موته ،، م عرفو يتصرفو جا الضابط بتاعم قال ليهم اجدعوهو واحد منهم قال ليهو ده ود ابشنب رد ليهو هو قال لو مات اجدعو 💔
ركبوني ف بكوسي وجدعوني زي الفطيسه ف اقرب غابه لاقتهم ولا حتى فكرو ثانيه انهم يدفنوني 💔
وكويس انهم م عملو كده جسمي كان تعبان شديد وف نفسو الوقت انا يدوب بفتح عيوني بالعافيه لغايه غمضته ولقيت روحي ف مستشفى ف مدني الجابني مدني شنو ومنو وكيف ؟؟! م عارف كل العرفتو انو ف جماعه كانو مسافرين لاهلم ف العيد ورجعو لقوني ف طريقهم رفعوني وجابوني مدني ف البدايه كنت مخلوع وبرجف وخايف شديد خصوصي انو م معاي ولا زول بعرفو الدكاتره شكلهم شكو اني مفقدي القياده وحسب مافي نت م قدرو يعرفو لي طريق هربته منهم وبقيت لافي من شارع لشاارع لغايه لقاني صاحب معتز اخوي ف الشارع م كنت قادر اتذكرو نهاائي ساقني وداني بيتهم وحاول يطلع مني بمعلومه وعرضني ع دكتور نفسي ضرب لمعتز اخوي جا مدني حاول يرجعني البيت بس رفضته كنت بتمتم ليهو انو م يوري ابوي انو لقاني شكلو شكا انو ابوي هو العمله ف الايام الاول انا كنت م بقدر انوم من هول الشوفتو ف الغرفه ديك بس كتر صاحب معتز كان م بفارقني لحظه ،، م بعرف كيف معتز عرف انو ابوي ورا الموضوع بس عرف وقال لاحمد صاحبو انو يخليني معاهو لغايه م يتصرف بعد تميت 20 يوم مع احمد حالتي شويه بتتحسن وترجع بس بقيت عصبي شديد وم بحب اتكلم او اتعاطى مع زول والبلغ ف ابوي متعز اخوي وانا كنت شاهد ليس الا نسيمه انا كنت بموت بالبطيء ومالي زول جنبي وي ريتني لو مته قبل اعرف انو ابوي كان مستعد يقتلني بس م افضحو💔
قعدته ابكي بطول حسي وحضتنو شديدد💔
قولته ليهو اسفه اقسم بالله م كنت عارفه المرقته بيهو اعفي لي سبته براك شداني عليهو قال لي م فقدته ولا اشتقته لزول قدرك رغم كل المرت البيهو واتمحى مني انتي الوحيده اكنتي م بتروحي عن بالي اشتقته ليك اشتقته ليك شديد انا 💔 بعد نص ساااعه من البكاء والعايط انتبهته لاني لسه ف حضنو زحيتو مني قولته ليهو ولدن ؟! قال لي لدن كل البيني وبينها شغل بس م اكتر قولته ليهو انت جبتها البيت كيف شغل قال لي وهو بمرر يدو ف شعري كان عندنا شغل كتير ف قررنا نشتغل ف البيت وم مشيت بيها الشقه حبيت يكون معانا ماس وف نفس الوقت حبيت احسسك بالغيره وابين اني قوي وانك م هزيتني بس والله العظيم م حصل بينا شي ولا عندي ليها مشاعر ضربتو قولته ليهو وانا المفروض اصدق زير نسوان صح شال يدي وخاتاها ف قلبو وهو بدمع قال لي م تصدقي لساني بس م تبعدي عني ولا ثانيه م حمل بعادك انا كفايه علي الشهر داك 💔 قولته ليهو انت عارف بسبب العملتو انا كرهتك ؟؟! قفل خشمي بيدو قال لي لو عايزه تقتلني بجد عيدي الكلمه دي تاني 💔 ختى يدو ف بطني قال لي التالت ؟؟! هزيت ليهو راسي باس بطني قال لي م بتتخيلي السعاده الدخلتني لمن عرفته انك حامل 💕 قولته ليهو شوفته السعاده دي انا قال لي دي كان قدامك بس من جوه انا كنت مبسوط شديد خصوصي بعد عرفته الحصل عارفه اني يومها شلته اليل كلو بتفرح ع صور اطفال💕 انا م مصدق انو ح يجيني طفل ضميتو علي شديد قولته ليهو بحبك انا م كنت قادره استوعب خسارتك ضحك قال لي م تخسرني طالما انتي الفوز بنسبه لي 💕 قال لي يلا قومي غسلي وشك وتعالي نتغدا عشان البيبي جعان قولته ليهو كلمك قال لي مش ابو حاسي بيهو انا ضحك وختى يدو ف بطني قال لي انا اب تخيلي ورفع راسو عاين لي الفرحه الشفتها ف عيونو وهو خاتي يدو ف بطني وبعاين لي كانت كفيله اني اغفر ليهو كل الشفتو منو ،، دخلته الحمام غسلته وشي وطلعته لقيتو مجهز الاكل ف البلكونه قال لي الجو حلو تعالي قولته ليهو انت الطابخ ده كلو قال لي وهو بزح لي ف الكرسي طبعاا قولته ليهو م بقدر اخطر انا اتنين ضحك قال لي نحنا تلاته 💙 ،،، خلصنا اكل قعدنا ندردش شويه لغايه اليل دخل جيت خاشه لقيتو بتكلم بتلفون قال ليهو ااي اها ماشي كيف ؟ طيب انتو اعملو كل شي وم تشيلو هم القروش ، لالا انا بكره بجيكم تمام يديك العافيه ،، قولته ليهو بتتكلم مع منو؟؟! قال لي عاملين حمله للمفقودين ح نجيب مختصين يفتشو عنهم ومن بكره ح نتلمى نتوزع نفتش عنهم م بتتخيلي اهلم بعانو كيف مره شهر ع فض الاعتصام ولهسي م عارفين يقرو ليهم الفاتحه ولا يفتشو ليهم💔 قولته ليهو انت حنين شديد يااااااخ💙 جراني عليهو وهو بحاول يبوسني قال لي جد ؟؟ 😏 قولته ليهو وائل م وقتو قال لي بالعكس انا زول جاي من الموت عايز لي حبه دفا 💕 قولته ليهو جاده معاك انا قال لي وانا اشتقته ليك ول دفا جسمك ولمست يدك وشداني عليهو اشتقته لخدودك وعيونك وو ..وقف مسافه وهو خاتي نخرتو ف نخرتي اشتقته لنفسك ده وشفايفك باسني مساافه حسيت روحي مخدره ومرر يدو يقلع ملابسي 💋 ....🔞🔞
......
بعد مرور سته شهور :-
جاني اتصال من معتز قال لي ف البيت انتي؟! قولته ليهو ااي قال لي وائل معاك؟! قولته ليهو اااي قال لي جاي لعندكم ومحضر ليكم معاي مفاجئه ح تعجبكم بس زبطو ليتا صفره كاااربه قولوه ليهو تنورووو بس تعالو 😍😍😍💙 فصلته منو ومشيت اكلم وائل لقيتو قاعد ف السرير بضحك سااااي ومفرش ملابس البيبي قولته ليهو بضحكه ده شنو البتعمل ف ده ؟؟!😹😹 قال لي بمانو المولد بنوته ف انا قولته اختار ليها ملابسه ع زوقي عشان زوقي احلا منك قولته ليهو وااالله🔥 ضحكك وضربني باصبعو ف انفي قال لي ده امر مفروغ منو قال لي شوفي دي رهيبه صح ؟!😍 قعدته اتامل فيهو وبرفع لي الملابس قطعه قطعه قال لي انا م مصدق انك مرتك وانو كمان جايني بنوته حلوة تشبهك😍😍 حاسي روحي ف حلم انتي احلا حاجه حصلت لي ف دنيتي اقسم بالله ، عارفخ بس تولدي ح امشي اوزع شكولا ع كل اطفال الشوارع والمايقوما 💙 ي ربي ح اكون اب صالح؟! ي رب اكون اب صالح لبتي ي نسيمه تفتكري ؟ هزيت ليهو راسي لا انا متاكده قال لي تعالي شوفي دي كذه غرفه والده اختاري البتعجبك انا شخصيا عجبتني دي كانت غرفه بالدهبي قال لي ح تكون حلوة شديد قولته ليهو وائل قال لي م عجبتك نشوف غيره قولته ليهو وائل قال لي نعم قولته ليهو قرب لي شويه قرب قال لي اها قبلتو 💋 قولته ليهو كان نفسي فيها ضحكك قال لي بتك دي طالعه قليله ادب 😹😹 قولته ليهو ابوها شبحح بحالو لو م طلعت تافه المفروض تشك انها بتك 😈🔥 مسكني باصبعو من مناخيري قال لي لو م حامل كنت قتلتك 🐸🚶
طبعا وائل كسر حنك الجامعه والطب وبقى شغال ف اادراه الاعمال بمانو بحب المجال ده 💕،، وكمان انا بقيت مره اداوم ومره اكسر الحنك عارفين الولاده تعب 😹😹💔 الشرطه حجزت ع المصنع وبقيت الاملاك التانيه م عدا الشركه لانها بتعود لابو نفحات م عصمت ابنشب والبيت بمانو مسجل بسم خالتهم اللهي ام امجد ومعتز كمان م اتحجز عليها ...
معتز جا وجات معاهو امو طبعا انا بعد اتخلعته لمن شفتها كرشتي بقت شبرين طبعا ووائل كل مره بجاكرني بيها😹😹💔 المهم دخلت البيت وقعدت ف الكرسي ضيفتها ووائل قعد جنبها بكت زييين وقشت دموعه قالت ليهو م كنت عارفه العملو ابوك اعفي لي 💔 باس راسه قال ليها اعفي لي لو ف يوم قصرته ف حقكك 😭💔
اتغدينا وامجد وعمتي نفحات مشو بس معوز فضل قاعد وائل قال ليهو خير م ناوي تمش؟! معتز قال ليهو انت مالك طاردني من البيت قام ع حيلو وطا علي قال لي عايزك ف موضوع وائل قال ليهو طرطور انا بتكلم معاك قال ليهو عايز نسيمه ف حاحه قال ليهو م اختلفنا احكي قدامي مالك ؟! قال ليهو لاا اسبشيل والله قال ليهو اسبشيل ف عينك زايد مرتي م بتتكلم مع رجال غربه صاح نسميه ☺ قولته ليهو غلط ارح ي معتز قال لي شوفتو ودودتكم دي انا م ح امرره ليكم ي تتكلمو قدامي ي وراي لا معتز قال ليها راجلك لصقه الله يكون ف عونك 😹😹😹 قولته ليهو هو لصقه سااااي😹 ضحك معتز قال لي بصراحه ي جماعه انا عايز اسيل انا ووائل عاينا لبعض بغرااابه قولته ليهو اسيل ياسر؟! قال لينا اااي عايز اعرسه عجبتني البت دي وبصراحه مكسر فيها من زمااان من اول يوم شفتهت فيهو بت كيرفي كده وظريفه 💕💕 وائل رفع ليهو حاجبو وحكا لحيتو قال ليهو بغمزه عين زمان ده متين بالضبط ي اللخو🐸 قولته ليهو قصدو لمن بتجيني ف البيت صح وائل قال لي اطلعي منها المره دي هاا جاوب متين ورفع ليهو حواجبو معتز قال ليهو ح يكون متين يعني زي م قالت نسيمه لمن بتجي..قاطعو قال ليهو اااااااااا لهنا تسكت وتتفضلي انا من لمن كان عمار صحبك صاح وكنت بتمشي ليهو بيتو زمن كانت بتقرا ف الثانوي ولافه شعراته زي شافعه الروضه وانت بتكندك ليها بالعربيه 😹😹💕 معتز قال ليهو حنانك زاتو🐸☺💔 وائل ضحك بصوت عاااالي قال ليهو والله كنت كاشفك لكن انت دغيييل م بتتفاهم 😹😹😹💔 قولته ليهو دي لووف استوري عديييل ضحكك قولته ليهو بربط ليك معاها معتز قال لي لا م يحتاج انا عايزك تجي معاي لمن امشي اخطبه بس هي عارفه 😹 قولته ليهو عارفه كيف يعني ،؟؟! وم ورتني ليه؟! قال لس انا منعتها قولته ليهو انت تمنعه هي بتكلمني ده م موضوعنا اصبر ليها شلته تلفوني ضربته ليها قاالت لي والله كنت جايه اكلمك فصلته منها الخط وجدعته التلفون وائل قال ليهو امممك ابلع تاني الا كان تمشي انت وامي براكم😂😂😂😂💔
قعدو يحنسو فيني لغايه رضيت😹😹😹💕💕
يوم العرس كنت لابسه فستان موووف وفاكه شعري واكسسري بسيطه وائل شافني ضحككك قال لي اقسم بالله سمااااحهه تهبل كرررشه ياه 😹😹💕💕💙💙 جينا خاشين ورا العرسان وانا وائل مندمجين شديد بضحك ع كرشتي وانا بغيظ فيهو😹😹🐸🐸 طبعا لينا البايره جات الحفله اااعي البايره😈🔥 العروسين قامو يرقصو اسلو وانا وائل جراني رقصنا معاهم تخيلو بس انا بكرشتي وبرقص اسلو لا وكمان مع العرسان ☺💔💕 الفتوغرافي كان مركز معانا اكتر من العرسان معتز قال ليهو هووي جايبك انا ولا هم ركز معاي هنا 🔥 وائل ضحك قال ليهو غيره وروح شريره بس😹😹😹💔 انا ونسومتي م محتاجين لفتوغرافي يصورنا 😌💅😏 فكاني ومشى شاااال الغيتار وبدا يعزف عليهو ولابس مايك بغنى سمحه قمريه والناس دي كلها تعاين فينا 💙💙 وهو بلف حواليني كمان يعني قاااصدك انتي 💙 ختى الغيتار وشغلو زنق 😹💔
وهو برقص معاي ويقولي اهااا ايواااا كده اهاااا 💃💃💃💃💃💃💃💃 عمتي نفحات قالت ليهو بتكتل البت هي حامل ساقتني مسكه قال ليها خليها تولد تعبت زاتو وهي شايله الكرشه دي قدامه قالت ليهو ي ولد فك البت 😹😹😹💔 قال ليها
تاني مافي زول يقول عندو وجناااا
لمن ابتسم لي احيااا انا وجعليين واقفين قنا وووووووووووو💃💃💃💃💃💃💃💃💙💙💙💙💙💙💙💙💙 الناس كلها تعاين فينا اسيل دي سوت جنس رقيص عروس خمجانه😹😹😹💔
لينا حردت العرس ومشت 😹😹😹💔
جاني وجع قعدته اكورك ركبني ف العربيه شغال لي اخدي اخدي نفس وهو يشيل نفس وانا اكورك 😹😹💔مشينا المستشفى الدكتور قال لينا لسه خليها تمشي مسافه طووويله برجليها مشيه وجيه لهنا عشان الوجع يزيد قعدته ابكي قولته ليهو لاا ولدني هسي دي 😭😭😭😭💔 وائل قال لي ارح ساقني كداري وانا ابكي واضرب فيهو ياخي الوجع ده حار حره 😭😭😭💔 مشينا وجينا وو........
16/11/2030
لمحه بسيطه عن السودان 💕
ف مدينه النور " الخرطوم" من اكبر المدن العاليمه البتتميز بالمعمار الشاهق واكبر ناطحه سحاب ف افريقيا والنضافه ،؛؛ السودان بقى من اكبر الدول الصناعيه والتجاريه ف العالم بلا منااافس ؛؛ تفشي الغناااء واندثار الفقر والجهل بنسبه100%
ف دار ايتام سمي ب" دار كشه " ف وسط الخرطوم دار الايتام رقم 1 ف السودان ؛؛ كنا قاعدين كلنا جات دانه بتي جاريه شاله وائل وكورك لي كان عيد ميلاد واحد من الايتام ناداني اقطع الكيك معاهم جينا انا واسيل وعدن وعمار ومرتو ايوووه عرس ف اميركا واخيراا لقى عافيتو زي م بتقول 💙
جامعتنا بقت جامعه عالميه وم فيها اي نوع من الوسخ او التنمر الكان زمان الا م قل وندر ؛ دفعتنا اتخرجت كلهاا ههه سبحان الله بس ده الحصل بعضا من للمدمنين مشو اتعالجو ورجعو كملو قرايتهم عادي؛ الاتفصلو بشكل تعسفي رجعوهم واتخرجو معانا سوا 💕💕
النهااايه
................
