سكتنا شويه اسيل قالت لي نسيمه ،، هو اذاك شديد عاينته ليها قولتا ليها لالا سطحي بس
قالت لي يعني فضاك ولالا انا م بفهم ف سطحي و بتاع قولتا ليها م وصل هناك اصلا هبش فوق فوق بس كان عايز يخوفني ود الكب قالت لي الحمدلله قلبي كان ف يدي والله من امس بفكر فيك قولتا ليها عارفه لمن دخلوني هم الاربعه وودونقا قفل الباب وهم بعاينو ليهو بس وم بحركو سااكن وانا بكورك بطول حسي وماف زول سامعني اتذكرته موقف امي لمن كانت بتكورك والجنجا بعاينو ليها ويضحكو "و قعدته ابكي" قولتا ليها امس انا حسيت اني عاجزه حسيت نفس ضعف امي الكانت فيهو احساس العجز حااار ي اسيل لهسي بتذكر كيف كان اليوم داك قااسي وحااار لهسي شايفه صورته وهي بتزحف بعد الجنجويد طلعو بره ودخلت جوه البرميل لهسي بشوف قدامي كيف جا بكل دم باااارد رشا عليها البنزين ووقع طرف السيجاره كانو بحرق ف قش م بيحرق ف بني ادم صوته وهي بتكورك ف البرميل وانا بحاول اطفي النار جسمه وهو رماد قدامي وريحه الدم ف كل مكان "شلته نفس ورفعته راسي فوق " عاينت لاسيل قولت ليها م قادره اتجاوز اليوم ده انا ي اسيل م قادره 💔 ضمتني عليها قالت لي ربنا يرحمه ويغفر ليها هي ف مكان احسن من هنا وربنا م ح يسيب حقكم ح تاخدوهو ضحكته بستهزاء قولتا ليها ونخدو متين ان شالله؟! ماف زول واحد حرك ساكن علشانا زمان ح يحركو هسي؟! ولا شخص قال انو ف الاف البششر العندهم اهل واب وام واخت وعيله ماتو مافي زول قال حرام ليه قتلوهم نحنا قتلونا واغتصبونا وضبحونا وحروقنا حرق القش واخدو اهلنا وكل ما نملك ولهسي م عارفين هم عملوا فينا كده ليه ؟! ولا ف زول بسال اصلا عن السبب كانو الاباده الحصلت دي كانت تحصيل حاصل ماتو!!! خلاص ماتو ماتو وم يموتو فارقين مع منو؟! نحنا بنسبه ليهم عبيييد وخدم يقتلوهم ؛ يغتصبوهم ؛ يضبحوهم يحرقوهم بالطقاق اسيل سكتت وم ردت وانا سكته
بعد مسافه قالت لي بكره ح تجي؟! قولتا ليها وين؟؟! قالت لي الجامعه قولتا ليها لا طبعا م ماشه قالت لي انتي ح توقفي حياتك يعني؟! قولتا ليها م قولته كده انا بس محتاجه لوقت شويه اها قالو الامتحان متين،! قالت لي م مشيت اليله م كان عندي نفس امش يلا بعد انا امش قولته ليها اقعدي معاي حبه قالت لي لالا اتاخرته وامي براها يلا بايات
ابوي لقاني واقفه جنب الباب قال لي اها اليله مشيتي الجامعه ؟! قولتا ليهو لالا قال لي ليه ليك تلاته يوم م مشيتي قولتا ليهو الدكتور البدرسنا م جا ومافي داعي امش قال لي شايف اسيل امس مشت قولتا ليهو اي مشت تشوف اذا جا وقالت لي م جا مشت خساره ساي قال لي اهااا تمام انا طالع ع عمك صلاح عكاشه م بتاخر و سميره قالت ليك راقبي اللبن ف النار جريت جري عليهو فعلا لقيتو فار ودفق وخلص طفيت الغاز سرعه قولته البت دي ح تتعلم متين ف زول عاقل بعمل كده مشيت عليها اشاكله لقيته بتتكلم بتلفون وتضحك للضرس الاخير قلعتو منها وختيتو ف اضاني سمعته صوت ولد بقول ليها " اها حبيبتي بكره نتلاقى ف مكانا اوكييههه ي بيبي " قولته ليهو الببو اليفقعك وابعد عن سميره وم القاك متصل هنا تاني والا ح يبقى لي معاك كلام تاني فاهم ولالا وفصلته الخط قالت لي ده شنو العملتي دي ده قولته ليها ليه ؟! م عجبك؟؟! قالت لي انتي كيف بتفصلي فيهو قولته ليها اسمعي هنا ي سميره انتي زوله عندك قرايه ومدرسه م فاضيه لي القاكي ف الحته الفلانيه والحركات دي والولد ده ماشي مع كل بنات الحي ولا واحده ولا اتنين وانتي عارفه انو واحد تافهه وقليل ادب وصايع لو لقيتك بتكلميهو ولا ف شارع الله رديتي السلام تصرفي م ح يعجبك خالص فاهمه؟؟! قالت لي وانتي منو عشان تفرضي علي قراراتك اعملي وسوي وانا انفذه ليك قولته ليها انا اختك الكبيره عجبك تسمعي كلامي ورجليك فوق رقبتك تعاالي التلفون ده لقيتي وين؟! م قالت لي م شغلتك قولته ليها سالتك جاوبي التلفون ده جابو ليكي منو قالت لي جابو لي المعاجبك ده قولتا ليهو بكره الصباح ترجعيهو ليهو وتقطعي علاقتك معاهو خااالص قالت لي م بقطعه وم انتي البتحددي شنو البصلحني وشنو البضرني وتتحكمي ف حياتي بس عشان اختي الكبيره شلته نفسي وطلعتو قولته ليها وعشان انا الزفت اختك لغايه هسي بتكلم معاك بهدوء التلفون ده م القاهو عندك تاني والعواليق ده تختيهتو وتختي تركيزك ف قرايتك وتبطلي الفارغه البستوي فيها دي قالت لي لا م ح اعمل كده وح اعمل البريحني انا م انتي وم عشان انتي اختي الكبيره انا اتحملك طول عمري وخليك متذكره انك م امي وف فرق بين الام والاخت انتي خليكي ف حدود الاخت دي وم تدخلي انا امي ميته وانتي م امي سميه قالت ليها سميره انتبهي لكلامك انتي ناسيه انو دي الربتنا بعد امي الله يرحمه يعني دي امنا الوعينا ولقيناها قالت ليها يعني عشان ربتني تدخل ف اي شبر من حياتي وتتحكم فيني عشان هي ربتني انا لازم اسمع الكلام واقوليها حاضر عشان بس هي الربتني ابوي بياخد رايه هي ونحنا بالطقاق عشان هي الربتني هي عارفه اكتر مني وليها الحق تتحكم ف كل حاجه ف البيت هي اختي م امي سميه قالت ليها انا م بصدق البتقوليهو ده انتي عارفه كوويس هي قدر شنو ضحت عشانا انا وانتي قالت ليها بجد؟! ضحت بشنو ان شاءالله ؟؟ ادتني كليته والله سلفتني حياته ؟!م هدا عايشه حياته كيف م هي عايزه ونحنا ....قبل م تكمل سميه ضربته كف قالت ليها انتي اتجاوزتي حدودك وانا اخر حاجه كنت اتوقعه منك انتي بذااات انو يجي يوم وتكوركي ف نسيمه كده وتقول ليها الكلام ده انتي شنو الغيرك كده ؟؟! سميره قالت ليها انتي كيف بتضربيني ؟! ابوي قال ليها بنهره تضربك وح ادبله ليك انا ي قليله الادب انا بقيت واقفه بعاين ليهم بس وم مصدقه ولا حرف من القالتو سميره
ابوي جا عليها داير يضربه مسكتو قولتا ليهو ابوي هي شافعه معليش خليها قال لي شنو شافعه بقت شحط طول الحيط وتقول لي شافعه لازم تضوق يدي دي قالت ليهو اي حاجه نسيمه نسيمه انا زهجته دي م حياه دي البيت قايم وقاعد نسيمه ، نسيمه تعبانه اشتغلو بدله نسيمه ممتحنه اشتغلو معاها نسيمه صاحيه م تكوركو خلوها تنوم نسيمه نسيمه ابوي قال ليها نسيمه عمره 6 سنه بتعوس وتفكرك عشان تاكل سميره نسيمه مساهره عشان سميره عيانه سميره جعانه عشان م لقينا اكل بكفينا وادت العيشه الواحده الكانت حصته حقت اليوم لمسيره وسميه عشان م شبعوا نسيمه عيانه وشغاله عشان اخواته صغار م ح تخليهم يشتغلو نسيمه ربت وكبرت وشالت مسؤليه بيت مكون اب وبيتين وتغسل وتفرك وتقرا وتهتم باي واحده فيكم براها عشانه امكم ميته وم عايزاكم تحسو بفراقه نسيمه ضاقت المر ولمن جينا انا مضروب ف رجلي كانت بتمشي تدق باب باب تغسل ليهم سرير ملان ملابس عشان توفر ليكم ولو جزو بسيط من الحاجات النفسكم فيها ويوم م كبرتي وبقيتي بطولك وبعقلك دوستي ع المنا كان عمره سته سنه اتشتت بالنار وشالت مسؤلية اخواته ولو امك الله يرحمه كانت بيناتنا م كانت ح تعمل نص العملتو نسيمه عرفتي ليه بنقول نسيمه ف الطالعه والنازله عرفتي ليه انا بحاول اعوضه طفولته العاشته ف الحروب والمسؤليه والفي عمره كان بلعب ف الشارع هي كانت جنب اللدايا بتعمل لحضرت جنابك الاكل ويوم ويوم ي سميره وقعتي من الحيطه وكسرتي رجلك كان الاتكسر رجلك انتي لكن نسيمه القعدت تبكي وشالت اليوم كلو جعانه عشان حست انها اهملتك فهمتي ولزاها بيدو ختى كيس كان شايلو ف يدو ف التربيزه وطلع بره
انا مشيت منهم دخلته جوه وقعدته ابكي حسيت اني قسيت عليهم شديد انو خوفي عليهم خلاني من غير م احس احسسم اني متحكمه ف حياتم وفعلا اناا اختهم م امهم كلام سميره صاح المفروض الزم حدي ك اخت وبس لكن دايما بحس انو امي خلت لي مسؤليته كامله م حصل اتخيلته انو ف يوم واحده من اخواتي تكون بتكرهني كده وشايله ده كلو ف قلبه علي حسيت بدنيا ضيييقه اتمنيت لو امي كانت هنا لو كانت هنا م كان ده كلو حصل سوم عن يوم بزيد احتايجي لامي وم بلقاها يالله من فقد الام يالله من فقد السند💔
سميه جات بكت قالت لي م تزعلي منها هي م قاصده امسحيها ف وشي ضميته علي قولتا ليها انا م زعلانه منها انا زعلانه من روحي الظاهر انا ضغطته عليكم شديد من غير م احس لكن والله م بقصد 💔
قالت لي انتي هبله والله انتي امي ومهما عملتي ده من خوفك علينا بس ضميته علي
العشا اذن صليت وختيت ليهم العشا زول جا اكل مافي قولتا ليهم يعني انا الاكل السويتو ده اكشحو يعني ولا شنو البياكلو لي منو سميره قالت م دايره وخشت جوه ابوي قال لي انا م جعان اديني مويه بس اشربه سميه قالت لي ارح انا جعانه بدينا ناكل الباب دقه شديد ابوي قام قال ده منو الجاي ف الوقت ده وبدق كده مشى فتحو جا واحد قال ليهو انا جاي من صاحب العماره دي باني افضي الملحق اليله (المكان النحنا قاعدين فيهو) قاليهو لكن هو م ورانا انا اضمنك كيف؟! قال ليهو دي مش عماره ابو محمد وانت الغفير جبريل ؟! قاليهو حصل قاليهو تمام وهو ضرب لي هسي وقال لي امشي فضيها ابوي قاليهو معليش دقيقه اتاكد قاليهو استنا انا بضرب ليك ده مش رقمو ولا بكضب ضرب ليهو ابوي اتكلم معاهو قال ليهو انا الصباح عايز الملحق فاضي وفصل ابوي قال ليهو طيب نحنا الصباح بدري ح نفضي ليكم الملحق قال ليهو انت م سمعته قال هسي يعني هسي قال ليهو نبيت وين انا معاي بنات م بقدر اطلع بيهم ف اليل ده امشي وين ؟! قال ليهو ان شالله تمشي احمدشرفي انا داير الملحق ده فاضبدي هسي قال ليهو ي ولدنا استهدا بالله بكره من الفجريه بفضي ليك خلينا باقي الساعات دي بس قال ليهو انت لسه ح تتفاوض معاي ي رجال تعالو خشو طلعو ليهم كراكيبم دي بره
#يتبع🔥
