اسيل قالت لي خلاص انا بديك تلفوني ده وكده كده بابا اليله ح يجيب ليَ واحد قولته ليها تمام قالت لي بكره بتجينيا؟! قولته ليها عندكم شنو؟! قالت لي الا يكون ف شي حاجه؟! انتي من سنه تالته بيتنا تاني م عتبتيهو وانا 24س ف بيتكم قولته ليها انتي عارفه...قالت لي نسيمه اجازه تالت الطويله دي كلها جيتيني فيها مره بس ولمن امي شاكلتك صح؟!قولته ليها انتي عارفه المسؤليه الشايلاها قالت لي عارفه وم لايماك لكن م طول اليوم انتي بتكوني مشغوله انتي عارفه امي سالتني منك قالت لي نسيمه ليه م بتجيك علاقتك معاها انتهت ولاشنو تخيلي امي لاحظت انتي عارفه يوم عزمتك الخميس الفات داااك وم جيتي امي زعلت قالت لي انا قولته بتجي معاك الا انا اتحججت ليك وكضبته عليها قولته ليها خلاص ي اسيل انا الجمعه م بوعدك لكن بجيك نهايه اليوم قالت لي خلاص تمام تعاليني العصر ونقرا سوا قولته ليها سمح قالت لي ارح معاي السوق قولته ليها عندك شنو؟! قالت لي ماشه اجيب لي قميص ملابسي كلها بقت ضيقه ي نسيمه قولته ليها ملابسك م بقت ضيقه انتي السمنتي زياده حدرت لي كده😒😒 قولته ليها م صاح انتي بقيتي بقره عديل والله قالت لي نسيمه قولته ليها برا نسيمه برا بتاع وزنك كان 80 ف اجازه تالت زيدتي 10 ك زعلت مني وقبلت وشها مني قولته ليها انتي عارفاني لا بكضب لا بجامل خشي جيم ي اسيل ولا امشي اعمل ليك كلاسات زومبا انتي ضامنه للمدى القريب خليك من البعيد يجيك كم مرض وكم مرض وتبقى ف صحتك تاني جات واحده بجنبا قالت لي شوفيها شايله كيف😢😢💔 قولته ليها امشي خسي وانحتي جسمك ده والله ولا تفضي ليها " كانت شايله اسكريم منقا بتاكل فيهو خاته الكيس ف خشمه قالت لي جد ي نسيمه😢😢 قولته ليها اي قالت لي انتي عشان عندكم الجسم ورثه بتقوليها بالساااهل قعدته اضحك قولته ليها فعلا نحنا جسمنا مقسم خلقه لكن انا ضعيفه م واضح لي شي الا اسمن حبه قالت لي سبحان الله اي اتنين صحبات بتكون واحده عايزه تخس والتانيه تسمن والاتنين م بصلو للعايزنو😂 جات عدن ماره اسيل نادتها لكن م سمعته قولته ليها اسيل م تناديها ارح قالت لي هي خلصت السمستر وقالت مسافره بكره تعالي نودعه قولته ليها انا م ماشه امشي ودعيها انتي قالت لي مالك قولته ليها امشي بستناك هنا بعدين بحكي ليك قالت لي كويس مشت عليها وانا بقيت واقفه مايله ع العمود وخالفه رجلي جا الشبح بحركه سريعه دخل رجلو بين رجليني وجنبه العمود اتزلقته وقعته ع رجلي الناس الكانت قاعده دي كلها تعاين لي ومشى ولاكانو عمل حاجه جا عدي طالع من القاعه المقصدانا شكلو طالع يشرب لقاني بنفض ف روحي وم قادره اقوم مسكني قال لي وقعتي كيف ي بت الناس ومد لي يدو قومني قولته ليها شكرا قال لي اعمل حسابك الحتات دي الناس بتقعد فيها كتير وبكون شايلين مويه بتدفق قولته ليهو تمام شكرا ليك جات اسيل وطلعنا طوالي ف المواصلات حسيت روحي دايخه وانا جعااانه مووت خصوصي اني الصباح م اكلته قالت لي مالك قولته ليها مصدعه قالت لي م شربتي الجبنه ولاشنو قولته ليها م شربته والله قالت لي خلاص خلي مشى السوق اليله نمشي يوم السبت بعد الامتحان قولته ليها احسن زاتو بنطلع بدري هسي المغرب قرب قالت لي اي والله بقولو السوق بالمغرب بتكتر فيهو الشياطين ف ولد كان راكب قدام بعرف اسيل سلم عليها وساله من ناس بيتم وكده نزل قبلينا ودفع لينا اسيل قالت ليهو لا والله م بتجي قال ليها انا دفعته وخلصته سلمي ع عمار قالت ليهو الله يسلمك وشكرا ليك ♡♤
وصلنا الموقف نزلنا حسيت بدوخه حسب ركبنا طويل بعد شويه زحت وصلته البيت مرهقه وتعبااانه وجعانه مشيت المطبخ فتحته الحله ع طول لقيته فاااضيه قولته ليهم وين الاكل م اتغديتو؟؟! قالت لي كسره بمويه اعجني واكلي شلته الخلاطه ختيت نص بصله وطماطمتين وشطه وتوم خلطهم وجبته العصيده ختيته ف الصحن جبته لي شطه وليمون وبسملته الاكل طعمو حلو ولا ده من جوعي م عارفه قالب كامل اكلتو براااي!!! سميره قالت لي م شاءالله كان استمريتي كده وزنك ح يزيد ف يومين بس قولته ليها انا اليله م فطرته عشان كده قالت لي ليه قاعده اليوم كلو بدون فطور ؟! قولته ليها خليك من السبب قولته لي سميه اعملي قهوه عليك الله وتعالو عايزاكم عملته وجات قالن لي احكي قولته ليهم شوفو طبعا انتوا عارفين انو ابوي ساب شغلو ف المدرسه عشان مرتبو بسيط شديد ومشى اشتغل ف مغلق وصاحب المغلق اي نعم بديهو ف الشهر مليون وده ضعف مرتب شغلو ف المدرسه لكن برضو بسيط وم برجينا نهايه الشهر ف العايزاهو منكم تخفو شويه الاندومي والحلويات والقروش البرا سبب دي خلنها سميره قالت لي نخف اكتر من كده الا كان م ناكل تاني شوفي الناس عايشه كيف ونحنا الاندومي تحرميها علينا!!! قولته ليها م حرمته عليك حاجه انا قولته نخف وانتي م تقارنينا بالناس الناس البتككلمي عنهم ديل جيبم ملان وشغلم ثابت ف بالتالي حشوات بره البيت مافي انا بجيب ليكم اكل وتحشو من هنا سميه قالت لي شنو حركات الشفع دي قولته ليها بتوفر وم دايرين نعصر ع ابوي اتفقنا؟! قالت لي اتفقنا قولته ليهن لي انا ح اشوف لي طريقه شغل كان لقيت سامعه صوت ابوي بنادي مشيت عليهو قال لي مالكن داخالات جوه مخليني براي ؟! م عارفاتني م بحب اقعد براي قولته ليهو شايفاك مستكين قولته يمكن عايز تنوم وديل جوه بقرن قال لي تعالي ي نسيمه اقعدي عايزك قولته ليهو قعدته قال لي نسيمه بتي نحنا لينا اسبوع وزياده قاعدين ف بيت الراجل ده وم دايرين نعصر عليهو اكتر من كده م شالله م قصر معانا ادانا بيت اخوهو وامنا عليهو لكن نحنا م نبقى ثقيلين ولازم نطلع ليهو من البيت قولته ليهو خير هو قال ليك حاجه؟؟! قال لي ابداا والله م سمعته منو شي وانا لي يومين بفتش لي ف بيت اجارو ولا شقه صغيره وم لقيت وناس الشقق ديل بمجرد م يسالوني اقوليهم غرابي برفضو قولته ليهو م نسكن لينا ف عماره بس نحرسه زي م كنا بنعمل زمان !!! قال لي نسيمه انا زهجته من حياه الغفره دي نحنا كده مطرودين من تلاته عمارات صاحب العماره باعه قال ليكم فضو ليهو عمارتو ، صاحب العماره جاب واحد من اهلو يحرس ليهو قال ليكم فضوها ليهو والسناريو يطول انا ي بتي كنت محوش لي كم قريشات كده بجنبه عشان م داير ابهدلكن انتن اكتر من كده انتن بنات وم وش بهدله يمه قولته ليهو ابوي ده شنو البتقول فيهو نحنا بناتك قال لي نسيمه عشان بناتي انا عايزكن تعيشن احسن عيشه لكن م باليد حيله والرجل واحده قولته ليهو رجلك الواحده دي عيشتنا عمرنا كلو وربتنا وكبرتنا قال لي عارف عارف ختى يدو ف كتفي قال لي دايرك تسالي صحباتك ديل لو جنبهم بيت للايجار ولا كده قولته ليهو بشوف عايزه ف حدود كم ؟! قال لي من مليونين ل اتنين ونص اكتر من كده م عندي قولته ليهو سمح بشوف
بليل كنا نايمين وصحيت مزنوقه قولته اخش الحمام لبسته نعلاتي وطرحتي ومشيت خشيت وطلعته شايله البطاريه ف يدي ضويت شايفه شي سائل مكشوح قولته معقوله الماسوره خلوها فاتحه لمن وصلت باب البرنده ع حسب الحوش مبلوط بلوك ؟!!! ضويت ف الارض اشوف الدم من بدايه الحوش لغايه محل واقفه وانا واقفه قريب من باب البرنده وف نص الحوش كديسه سوداء قاعده تسمعني بسسسم الله الكديسه دي طارات زي هناك انا لمن وقعته جريت جري ع ابوي كان نايم ف البرنده صحيتو ابوي ابوي قوم قوم الدم الدم وانا برجف من فوق لتحت ووصلته لسرير ابوي ده كيف زاتي م عارفه ابوي قاام مهجوم قال لي نسيمه مالك ف شنو ي بت؟ قولته ليهو ف دم قال لي دم شنو ي نسيمه انتي رجعتي لكوابيسك تاني،! قولته ليهو الحوش ملان دم قال لي كيف يعني وقام من مكانو شال البطاريه ولع لقى الحوش نضييبف انا بعد اتهجتمه قولته ليهو والله العظيم ي ابوي الحتات دي كلها كانت ملانه دم وكانت ف كديسه قاعده هناك انا خشيت الحمام وطلعته قال لي تعالي تعالي انتي بترجفي كده مالك ؟! وبقى يقرا لي قران نومته ف رجلو وانا م حاسه صحيت الصباح لقيت روحي نايمه ف سريرو ومغطيني بتوب سميه كانت قاعده ف طرف السرير بتشرب ف الشاي قالت لي اصبحتي كيف قولته ليها الحمدلله قالت لي ابوي قال لي اليل كلو تهضربي قولته ليها انا شوفته الدم ف الحوش ولمن جا ابوي اختفى سميره كانت شايله الملابس ماشه تغسله جات قالت لينا انا قولته ليكم البيت ده مسكون لكن ابوي م صدقني😒 قومته صليت الصبح وجيت قعدته اشرب ف الشاي قعدته انضف مع سميه قولته ليها اليله مافي فطور ولا شنو قالت لي مافي التلاجه فاضيه حتى الكسره بمويه الامس مافي قولته ليها نصوم يعني قالت لي بعد لقيتي ليك شاي شربتي ابوي جا خاشي وشايل معاهو كيس قال لينا ختو وتعالو نفطر قولته ليهو ده شنو قال لي سمك عمك عكاشه جاب لي عيالو وجاب لينا ختيهو قبل الصلاه تجي قولته ليهو سمح سميه قالت لي يقطع من هنا ويوصل من هنا م كنا خاتين اننا ح نفطر زاتو الحمدلله 😂😂 جبنا الصينيه وختينا فيها السمك نادينا سميره قعدنا نفطر ملينا بطنا بعد خلينا باقيهو قولته ليها خلاص ده للغدا الاذان اذن والخطبه بدت اتوضيت وشلته المصحف دايره اقرا قران بديت اقرا كده حسيت كانو ف زول وراي اتلفته م شايفه شي كملته قرايتي وصليت وقمته لملمته شيتاتي قولته ليهم ماشه اسيل اقرا معاها ابوي قال لي بالمره اساليها يمكن تفيدك
مشيت كداري هو م بعيد بتمشي برجلين لكن مشوار والله شايفه عزام سايق ركشتو ضرب لي بوري ووقف سلمته عليهو قال لي ع وين؟! قولته ليهو ماشه بيت ناس اسيل قال لي اركبي اوصلك قولته ليهو وصلته تاني قال لي قولته ليك اركبي الشارع ده كعب قولته ليهو كيف يعني قال لي ي بت الناس م تعبيني واركبي حصل شفتي بت ماشه ف الشارع ده براها؟! ارح اركبي دايره اركب كده جو اولاد قال ليهو مالك ي عمك البت م دايره تركب خليها وواحد كان شايله مطوه وشكلو سكران عزام عاين لي قال لي دي شنو الورطه الدخلتينا فيها دي ....
يتبع.....
