قالت ليهو يااااي بتعرف اشكال زي دي عزام قال ليها لا بعرف اكعب منها قالت ليهو لازم تعمل ابديت لحياتك دي عاين لي وقال ليها م بقدر قولته لي اسيل يلا اتاخرنا طلعنا وماسكه دموعي بالعافيه اسيل قالت لي معاااق بس م تشتغلي بيهو قولته ليها ولا فارق معاي اساسا قلت لي م مامشه المستشفى اليله قولته ليها لالا قللو ايامي لتلاته قالت لي ليه؟؟! قولته ليها م عارفه نزلو جدول دوام جديد وبقيت شغاله تلاته ايام بس قالت لي ومرتبك قولته ليها ف محلو وبفتش لي لشغل تاني وقفت قالت نسيمه شنو شغل شغل انتبهي لقرايتك دي حبه الامتحان بعد اسبوعين قولته ليها اسيل لازم اشتغل قالت لي انتي م مجبوره ع فكره قولته ليها مجبوره ابوي عيان قالت لي ابوك ده بقى ليك حجه الضغط ده ثابت عند الناس الكبار قولته ليها م عند ضغط عندو لوكيميا وقفت قالت لي ده شنو البتقولو فيهو ده؟؟! قولته ليها ولا انا كمان مصدقه لكن فعلا هو عندو لاسبوع الفاتت اكتشفنا المرض والاسبوع ده بدينا كيماوي قالت لي ربنا يشفيه قلبي معاك ♡♡
قولته ليها امين عدينا بمطعم كده كانو طالبين نادلات خشيت قولته ليهو ف اعلان بكره انكم محتاجين نادلات قالت حصل قولته ليهو انا عايزه اتشغل عاين لي من فوق لتحت قال لي شكلك م قريتي الاعلان كويس قولته ليهو لا قريتو قال لي خاتين شرط تكون جميله المظهر قولته ليهو وانا مالي دوكه ؟! قال لي عايني لروحك ف المرايه ببالاضافه لانك لابسه طرحه ونحنا م عندنا نادله بتلبس طرحه اتفضلي لو سمحتي حمرت ليهو ومشيت قولته ليها حتى اصحاب المطاعم بقو بتفرعنوا قالت لي الرزاق من الله رجعته لسميره قالت وين انتي قولته ليها ف الطريق ابوي حصل ليهو حاجه قالت لي لالا كويس ده كلو ف الطريق؟! قولته ليها ماشين كداري م لقينا مواصلات قالت لي المهم اسرع وفصلت خوفتني قولته ليها يكون ابوي تعب وهي م عايزه تقول لي ؟! اسيل قالت لي م اظن كان تعب كان كلمتك سميره من النوع الخواف م كان سكتت وصلته البيت اول شي دخلته ع ابوي سلمته عليهو قولته ليهو اخدته الادويه قال لي اخدتها سميره جرتني من يدي للمطبخ قولته ليهت ف شنو جاراني كده وجايباني ع مال وشي قالت لي لقيت شغل ومرتبو كويس قولته ليها اخيرااااا وكم قالت لي المرتب 2الف بدايه كده قولته ليها كويس ووين الشغل ده ؟! قالت لي سكرتيره ف مكتب كانو بفتشو ف سكرتيره ولاقيت واحده من الاداريين بالصدفه ف المواصلات وساعدتها المهم والكلام جاب الكلام حكيت ليها عينتني وقالت لي من بكره ابدي قولته ليها الحمدلله لكن مرتبك ع مرتبي بزيد ابوي قال لي وانا عندي قريشات كنت محوشهم ح يساعدو برضو اتلفتنا عليهو قال لينا اعفوا لي قولته ليهو ابوي ليه تقول كده ؟؟! قال لي بقيت عقاب عمر وعقاب روح وبشتنتكم سميره قالت ليهو واالله انا م بوجعني الا كلامك ده يعني نحنا م بناتك وانت الباقي لينا ف الدنيا كيف تقول كلام زي ده مشاعرنا م بتهمك؟ وقعدت تبكي ابوي قال ليها معليش م تبكي
عدا الاسبوع البعدو ابوي مستمر ف الكيماوي وقروشنا المحوشنها كلهاااا فضل فيها 2الف ده الفضل بعد 4جلسات بس من الكيماوي تحوشيت سنتين ده غير انو حار وابوي لم راجل كان كورك عديل من حراتو !💔
ف المستشفى زادو لي عدد لايام بقنا 4ايام جات عبير واسيل وعدن قولتها ليهم خير عندكم شنو؟! قالت لي عايزنك قولته لي هبه غطي لي لغايه اجي طلعنا بره قعدنا ف بينش قولتهم ليهم ف شنو مالكم ساكتين؟؟! عبير قالت لي بصراحه انا نزلته الولد زعلته زعل لمن قالت لي الكلمه دي سكته م رديت ليها قالت انا عارفه انو العملتو غلط واني قتلته روح لكن والله العظيم والله العظيم غصبأ عني وبكت عاينته ليها قولته ليها اها وبعدين؟! قالت لي بعدين شنو؟! قولته ليها بعد م اتخلصتي منو اها شنو؟! قالت لي الدايه العملت لي العمليه كانت بتعدل وعدلتني وح اكمل حياتي طبيعي تاني وح اخد بالي من قرايتي ووالله العظيم انا مش لي اسبوعين بس م اتعاطيت وهسي ماشه افتش لي شغل اشغل بيهو روحي عشان م ارجع لهبهاب ده تاني وارفع راس ابوي قولته ليها انتي م محتاجه ترفعيهو لانو نزل اصلا عدن قالت لي نسيمه انتي ليه بتتكلمي معاها كده قولته ليها لانو تفكيره لسه معاهو رغم العملو فيها ده كلو واساليها قالت لي م هو وعدني انو ح يتزوجني قولته ليها هسي جايه تحكي لي ده كلو ليه واليك انا؟! قالت لي لا بس انت ساعدتيني و... قولتها ليها ماف داعي انا م اديتك روحك انتي غمرتي ونحنا جبناك المستشفى يعني م ساعدانك ف حاجه قالت لي شاوري علي اعمل شنو طيب قولته ليها لو بجد انتي عايزه طريق وعندك عقل م كان لهسي عايشه ع وعدود عن اذنكم انا وراي شغل
عبير موقفه بجد غاظني شدييد يعني لو واحد غبيه م بتفكر ف الطريقه دي واحد خدعه وشربه السم ونهى مستقبله وشال شرفه ولسه بتقول هو؟!! دي م بت الله داها قلب نهااائي ف طريقي لقاني عمار قال لي مالك صاره خلقتك قولته ليها مصدعه شويه قال لي بتقدري تاخدي اجازه قولته ليهو ماف داعي ببلع حبه ووببقى كويسه شكرا جاتني دكتوره ايمان قالت لي خاشه عمليه ظريفه حابه تخش معااي؟! قولته ليها لالا قالت لي غريبه اتوقعتك تتحمسي قولته ليها م لي تعبانه اليله شديد قالت سلامتك الف سلام عمار قال ليها عمليه شنو؟! قالت ليهو زرع خلايا جزعيه واحد عندو لوكيميا قال ليها اووو ربنا يشيفيهو قالت ليهو امين حالتو م خطيره غالبا بعد الزرع ح يبقى كويس قولتها ليها دي ف ياتو مرحله كيف بتم وكم بتكلف قالت لي عندي عمليه ح اخش هسي بعدين اسئليني عمار قال لي غريبه هسي صوتك بعد كان راح قولته ليهو انتي عارف عن اللوكيميا وكده قال لي قولته ليهو م تفهمني قال جداا فضل يشرح لي عنو وعن مراحلو بصوره موسعه وكل اسئلتي الم لقيت ليها اجابه ف النت سالتو عنها قولته ليهو شكرا قال لي انتي لي مهتمه كده ؟! قولته ليهة للعلم بس قال لي اهااا جاتو مريضه دخل معاها ؛؛
بقيت بس ارجع من الدوام بلملم ملابس العماره وبغسله وبكويها ليهم لانو مرتبي م بكفي بغسله بليل وبعوس كسره وبخليها لسميه تبيعه بعد تجي من المدرسه وف نفس الوقت سميره كانت شغاله ف الشركه مرتبنا نحنا الاتنين بنهايه الشهر كلوو ع بعضو 5الف فقط يعني لا يحوق ف ده لا ف ده من الغسيل والكسره بوفر قروش البيت ومصاريفنا نحنا ابوي تعب شدييد والدكتور اصر انو يقعد عندهم لانو الخروج م من صالحو وقلل لينا عدد الزيارات عشان سلامتو مع دخول ابوي للمستشفى زاد الحمل اضعاف ف نفس اليوم جاني اتصال من الدكتور قال لي انا لهسي مخلي ابوك وم حارمو من العلاج حاولته كتيير اتعاطف معاكم لكن سياسيه المستشفى ح تطلعو بكره ف حال م دفعتو ليهو انا اسف جدا كان نفسي اساعدك ؛ راسي لفه ورجع بقيت ماسكه راسي وقاعده ف الكرسب وم عارفه اتصرف كيف!!! اذا ابوي طلع ح يموت وانا م عندي الجنيه علشان ادفعو ليهو ده غير انو تكلفه الكيماوي اتضاعفت مع تضاعف الاسعار وانا م عارفه امشي واجي من وين خلال باقي اليوم ده اوفر المبلغ والا ابوي يطلع ولو طلع ح نضطر نعيد الكمياوي من اول وجديد وتعبنا الفات ده كلو ح تشيلو الهبوب جات هبه لقتني خاته يدي ف راسي قالت لي مالك ؟! قولته ليها مافي شي قالت لي عيب ي بت نحنا اخوات احكي حكيت ليها قالت لي اسمعي انا عندي حل لكن م ح يعجبك لو من ناحيه يوفر ليك المبلغ ح يوفر قولته ليها شنو ؟! قالت لي عندي ناس معرفه بدفعو بالدولار ع اليله الواحد قولته ليها انتي مجنونه انتي عارفه بتقزلي ف شنو؟!! قالت لي اسمعي مني انتي ابوك بين الحياه والموت وجلسه بكره دي لازم ياخده عشان م يموت ليله واحده بس م بتكلف حاجه ودايات التعديل راقاااادااات طرااش صدقيني مافي طريقه توفر ليك المبلغ ده غير دي وقعدت تقنعني فيني فكره تودي وفكره تجيب جاني اتصال من سميره بتبكي قالت لي انا اضطردته من الشغل وف نفس الوقت جاني اتصال من الدكتور قال لي انا اسف جا مريض وقرور يفضو ليهو غرفه ابوك قولته ليهو لالا عليك الله انا بكره ح ادفع والله واجيبوا المبلغ كامل قال لي الموضوع فوق طاقتي قولته ليهو انت اكفلني وانا م بخيب ظنك انت عارف ابوي صحتو اتراجعت ولو طلع ح يموت قال لي متاكده انك ح تجيبهم ؟؟! قولته ليهو اي متاكده فصلته منو ورجعته ل هبه قولته ليها الناس ديل وين؟؟!
