ف جنبا وقعت غمرااانه قولنا يمكن ضربت شمس ولا عدن قالتينا ضربت شمس شنو ي جماعه البت دي قاعده من قبيييل ف الضل ارح بيها المستشفى سريييع جا واحد عندو عربيه كوركنا ليهو ركبنا وصلنا المستشفى بعد حكايه ربع ساعه فتحت عيونه الدكتور قال لينا انتوا اهله؟! اترددنا ف الاول تاني قولنا ليهو صحباته قال ليها انتوا من ياتو جامعه ؟! قالنا ليهو جامعه(....) قال للبت انتي متزوجه؟! قالت ليهو لاالا قال ليها انتي حامل وحمر ليها ومشى البت بتلطم ف وشها وبتبكي واااي ي عبير كرعليك ي عبير وسواد ليلك واااي انا خلاص انتهيت 😭😭💔 حاولنا نخفف عنها م كانت بتستجيب لينا قالت لي الممرضه انا عايزه انزلو هسسي وح ادفع ليك مهما كان المبلغ جا الدكتور خاشي قال ليها هنا بنحاول ننقذ حياه البشر م ناخدها منهم وطالما م عايزاهو كنتي تعملي حسابك وتبعدي عن السكه البطاله دي وخشو وراهو تلاته عساكر قال ليهم ديل ليهم نططنا عيونا نحنا الاربعه واحد من الشرطين قال ليهو اي واحده لقيتو ف دمها الكوكائين ؟! قال ليهو دي وحامل وحمر ليها الدكتور كان فظ شديد مع البت وبرد ليها الكلمه بعشره الشرطي قال ليهو كده 17حاله ف الشهر تجيني من هنا وكل الرابط يين البنات ديل هي الجامعه الدكتور قال للشرطي كونوا تجي الكميه المهوووله دي من المتعاطين والمتعاطياات دي ونسبتم تصل ل50% ده اهمال منكم ومن الدوله ولا ايواا انتوا اكيد بتقبضو لقاء دخول الممنوعات دي للجامعات صح؟! الشرطي قال ليهو ي دكتور حدك الدكتور قال ليهو حدي انا عارفو كويس م بتوريني ليهو انت وعاين لينا قال لينا اهليكم بدفعوا دم قلبم علشان تقرو والواحده فيكم تفكيره كلو ف ال...... استغفرالله العظيم يااااخي
الشرطي بقى يحقق مع البت منوالبديك الممنوعات ومنو المسؤل وكيف حملتي وف نص كلامو بشتمه بالفاظ كعبه ومرات بضربه بعصايتو ؛ ويتامر ف الممرضات عايز مويه عايز شاي وم بطلب بادب بطلب بنفرزه واحده من الممرضات شكتو للدكتور قالت ليهو ساعه جوه حاجز الغرفه كلها وقالبه بوفيه مفتوح هو وجماعتو الدكتور قال ليها استحمليهو بس م عايزين مشاكل
ف جانبنا :
عدن قالت لينا نحنا المقعدنا معاها شنو عملنا العلينا اسيل قالت لينا البت شكله اهله م هنا وم معاها زول نمشي نخليها ساي؟؟ قولته ليها بلاويها زرقاء لكن م بنقدر نقعد هنا كتير الشرطي رفع عينو قال لينا بنهره بتتووددو بتقولن شنو ونادا للمرضه قال ليها اعملي ليهم فحص كوكائين قولته ليهو نحنا م بنتعاطى قال لينا الخل يتبع الخليل طالما صحباته يبقى زيها لو م اسوء قولته ليهو نحنا م صحباته وقعت جبنبا جبناها عدن قالت ليهو اي والله ولا بنعرفه زاتو ولو م مصدقنا اسأله عاين للبت قالت ليهو صح انا م بعرفهم قال لينا مش من نفس الجامعه؟ قولنا ليهو اي قال لينا يبقوا تعملو قولته ليهو م بنعمل وكونوا من نفس الجامعه ده م مبرر م كل الجامعه بتتعاطى قال لينا لمن اقول شي تنفزو من سكات عدن قالت ليهو م بنفذ نحنا م خدم عندك ولا بحق ليك تعاملنا كده ولمن تجي تفحص للجامعه كلها وقته بنفحص قال ليها م تتلامطي معاي سامعه ولالا قالت ليهو بتلامط طالما انتي بتتكلم معاي كده مشى ضربه طااااخ كف بعد جرت شعاع عدن قالت ليهو انت كيف بتتجراء تمد يدك علي قال ليها بمدها وبعمل العايزو وزل بفتح خشمو مافي فاهمه ي معرصه؟! قولته ليهو احترم نفسك كيف بتتكلم معانا كده قال لينا بتكلم وبقول العايزو عدن قالت ليهو قسمااا بالله لو م سففتك التراب م ابقى عدن حسين وشالت تلفونها قلعوا قال ليها ح تعملي شنو هااا ح تنزليها ف الفيس وكان بلز فيها بيدو زحت يدو قالت ليهو بكره لو لقيت روحك ف المكتب بتاعك اضحك علي وشالت منو تلفونها ضحكك قال ليها ليه ح اكون ف السرير معاكي؟! ضربتو كف قالت ليهو بوريك تكون وين مسكه من شعره وضربه بالعصايه قال ليها تتضربيني انا ي بت الكب جرينا مسكناها منو وبقينا واقفين بينو وبين ضربنا ب عصايتو قال لينا ح تبيتو ف السجن ي كلاب عدن شالت تلفونها وعملته مكالمه وهو لسه بتلائم معانا وبتشاكل بعد عشره دقايق جا ود عمها اول م دخل الشرطه البره ضربو ليهو تحيه قال لي عدن وينوا؟! قالت ليهو ده عاين ليهو قال ليهو انت ضربته عدن كف؟! الشرطي قال ليهو كف شنو سعادتك ان شالله يدي تتكس.....قبل م يخلص كلامو ضربو كف بعد لفى ومسكو من قميصو قال ليهو قسماا بالله ابقى م عادل لو خليتك ف وظيفتك دي دقيقه زياده ؛ الشرطي قال ليهو انا اسف اعفي لي انا غبي لكن م تفصلني عندي عيال ءاكلهم عاين لي عدن قال ليها عليك الله ي بتنا والله م اعيده عليك الله م تخلي يفصلني عدن قالت ليهو الزيك زياده عدد وخرابين البلد من قبيل تشتم وتنبز فينا تستاهل تتفصل عشان تكون عبره لغيرك قال ليها انا عندي عيال اربيهم والله م عندي مصدر رزق تاني يرضيك شفع يجوعو؟؟! ود عم عدن قال ليهو عيالك ديل انت الجوعتهم براك لو م استغليت بزتك الابسه دي عشان تتفرعن ف خلق الله م كان اتفصلته مسك عادل من قميصو عادل فكاهو قال ليهو بعد اتفصلته المفروض يكون عندك حبه كرامه تحتفظ بيها؛ واحده من الممرضات قالت للشرطي بسبب امثالك نحنا بنجوع خلي عيالك ديل يضوقو الجوع البضوقوهو للعيالنا
*مليحظه☺ :-
عادل خطيب عدن وهو ولد وزير الداخليه وهي بتعمو اي اي كلكم بتسالوني كيف مره سنتين وعدن لسه م اتخرجت ووين عدي صاحبه م ح اوريكم تتشوقو بس😜😜
نرجع🐸
عدن مشت مع عادل تخلطو اي تخلطو الخلط الواحد ده وانا واسيل بقينا ممتمحنين ف البت لا عارفين نتفكفك منها لا عارفين نقيف معاها قولته ليها انتي اهلك وين؟! قالت لي انا اصلا جايه من الريف اقرا قولته ليها لمن جايه تقري عملتي ف روحك كده ليه ؟؟! بكت قالت لي والله العظيم انا جيت عشان اقرا بس والجامعه دي كانت حلم حياتي وابوي باع القدامو والوراهو عشان اقرا واكمل تعليمي وكنت منتبه وخاتاهم ف بالي فجاه لقيت روحي مدمنه مخدرات ووالله م عارفه كيف بقيت كده ،، اسيل قالت شايفانا عبيطات كيف م كنتي عارفه ؟ البت سكتت وم ردت قولته ليها اسمعي نحنا لو عايزين نفتنك كان خليناك للشرطه م كان وقفنا معاك لهسي علشان نتصرف ف الهباب الهببتيهو ده ف لو عايزانا نساعدك لازم تحكي لينا نحنا م بنمشي عميانين قالت لي طيب انا اتعرفته ع واحده معاي ف الداخليه وكانت ظريفه معاي شدييد وصاحبتها وعرفتني ع واحد حبيتو شدييد حبيتو من قلبي اقسم بالله وكان من النوع الشمال ف البدايه كان بعزمني ع كفيهات بس وكنت بمشي وصاحبتي دي معانا بعدين قالت لي عندو عيد ميلادو عاملنو ف شقه قولته ليها لالا م بمشي واعترضته فضلت تصر لغايه اقنعتني خصوصي انها معاي يعني م ح نكون برانا اسيل قاطعتها قالت لي الهبله قالت لي انا مشيت وم حصل شي بالعكس احتفلنا عادي ورجعته ساق سليم زي م مشيت وف يوم كان عندنا مكان ورا بنقعد فيهو ف يوم مشينا وهم الاتنين بقوا يشمو انا زعلته وقولته ليهم م صاح وكنت قايمه قعدوني وقالوا لي م تشتغلي بينا بعد فتره صحيت نص ليل بتحكحك وعرفته انها كانت بتخت لي المخدرات ف القهوه وهو كان عارف يعني متفقين شويه شويه بقيت بشم معاهم وكانو هم بجيبوهو وبدوني يعني انا م دافعه من جيبي لغايه ف يوم قال لي لو عايزه ارح معاي الشقه والا م ح اديك وموتي رفضته ف البدايه لكن حالتي كانت م بتسمح افكر مرتين ومشيت معاهو ووعدني انو م ياذيني وح يكون من بره بره بس لكن حصل حصل وانا م كنت عامله حسابي بكت مسااافه قولته ليها وانتي ندمانه ؟؟! قالت لي هو وعدني انو يتزوجني لكن انا ح انزل الفي بطني ده عشان هو م يزعل وح نتزوج ع كلمته دي قمتها من محلي ضربته كف بكل قوتي اسيل قالت لي نسيمه قولته ليها تستاهل لا فكرت ف العملو فيها ولا فكره ف اهلها وتقول لي ح انزل الفي بطني عشان م يزعل تزعلي الطرش ان شالله بكت قال لي استاهل والله استاهل لو الكف د جاني من زمان م كنت مشيت ف السكه دي قولته ليها وهسي جاك والفبطنك ده ربيهو قتل الروح اشد من السويتو قالت لي لالا مستحيل واقول لاهلي شنو قولته ليها والله دي حاجه بترجع ليك لكن الفي بطنك م بتنزلي قالت لي انتي عايزه توديني ف دهيه قولته ليها اوديك ليه انتي اصلا وصلتيها شوفي ي بت الناس قتل الروح حرام وده م عندو زنب قالت لي مستحيل لازم يموت اسيل قالت لي سيبه براحته ده افضل خيار حاليا قولته ليها اسيل م تشجعيها ده قتل البت قالت لي دي م تقولي قتل انا ح اجهضو م ح اقتلو قولته ليها والله ح تعيشيهو ف الجنه يعني ولا كيف،! اسيل قالت ليها اسمعي انتي ليك كم بتتعاطي قالت ليها لي تلاته شهور قالت ليها كويس يعني لسه ف البر قولته ليها اسيل الحاجات دي م فيها بر وبحر قالت لي لا فيها ممكن تتعالج بسهوله لو هي عندها الاراده انها تتعالج فعلا عاينته ليها وم رديت جاني اتصال من سميره قالت لي تعالي البيت سريع قولته ليها ف شنو قالتلي انتي تعالي فصلته منها اسيل قالت لي شوفي منو جا الكافي اتلفته لقيتو عزام وكان ماسك يد خطيبتو قعدوا ف التربيزه الجنبنا وبعاملني كانو م شايفينا
قولته ليهم انا ماشه انتي ح ترجعي الداخليه ،!؟ قالت لي ح ارجع اسيل قالت لي سوقيني معاك جينا ماشين جنبهم اسيل مشت سلمت عليهو عزااااام كيفك سلم عليها ببرود وعينوم رفعه مني قالت ليهو ده شنو عزام انت بتعرف اشكال زي دي؟؟! قال ليها لا
يتبع ....
