قولته ليهو عندك خبر انو اسيل بتاخد مهدئات؟! انت دكتور وفاهم استخدام المهدئات الكتيره بعمل شنو لمن قولته ليهو كده هدا شويه وعقد حواجبو قال لي براحه لاخر مره بقولك اطلعي بره قولته ليهو انا ف حياتي م شوفته انسان بقسوتك ضرب الباب بكل قوتو بعد نطيت قال لي انا م قاسي فهمتي انا م قاسي انا واحد اتهموني اني سرقته من نص بيتي عارفه يعني من نص بيتي؟! انتي م عارفه الحاجه دي حاره كيف عشان انتي م ضوقتيها الجمره بتحرق الواطيه بس يلا بره بررره ولزاني وقفل الباب بقوه جات واحده قالت لي مالو عمار بكورك قولته ليها ولا شي قالت ليي معصب شديد؟! هزت ليها راسي بمعنى ايوه صحبته قالت ليها الافضل نجيهو بعدين ارح ...
بعد مسافه جاني طالعي قال لي ليها كم بتستعملم ؟! قولته ليهو 7شهور او ازيد قال لي وانتي مدام ناصحه كده مالك م منعتيها قولته ليهو انا حاولته منها وعرفته بالصدفه لقيته بتبلع فيهم لمن سالتها اتحججت تاني حكت لي وكم مره شلتهم منها من غير م تحس بلقاها جابت غيرم مسح يدو براسو وختااها مساااافه مشى قرب للمكتب تاني جا راجع قال لي متاكده انتي ؟؟ قولته ليهو وانا ح اتغابى عنهم يعني قال لي بتستعمل ياتو نوع ؟ قولته ليهو فاليوم لو م غلطانه قولته ليهو عمار محاوله واحده منك بس اسيل دي ح تبطل انت فارق معاها اكتر من ابوها قال لي هي حكت ليك،؟ قولته ليهو امس اتلاقينا وكانت منهاره طول الوقت كانت بتبكي م رد لي ومشى دخل المكتب جات واحده شايله طفله تعبان شديد غمرانه عمر حكايه 7_8سنه الام منهااااره وبتبكي جا راجله قال لي دكتور عمار موجود ؟! قبل م ارد ليهو عمار كان طالع بمجرد م شافمم جا عليهم بسرعه وكان باين عليهو التوتر قال ليهو شنو حصل ليها ؟ امها قالت ليهو امس بليل تعبت شديد ودينها المستشفى ادوها درب ولهسي م صحت انا م عارفاها ماله بتي م بتصحي وبتكبي بحرقه عمار قال ليها بنهره البوديكم السمتشفى شنو ودرب شنو الادوهو ليها انا مش قولته ليكم اي شي بحصل تجبوها لي انا دغري ابو الطفله قال ليهو الوقت كان متاخر عمار صرخ فوشو لو نص اليل تضرب لي انا بجيبها وشاله منهم طوالي مشى اتجاه الاشعه ؛؛ امها تبكي ووشها تعباااان شديد جبتها ليها مويه مسكتني من يدي قالت لي هو مالو اتاخر بيها كده ؟؟! قولته ليها الفحص بياخد وقت استنى شويه م تخافي بتك كويسه راجله بصبر فيها بعد نص ساعه عمار جا طالع قال لي خليهم يحضرو غرفه العمليات حاااالا ونادي الطاقم م عايز ولا تاخير ولا ثانيه فهمتي واضربي لدكتور حسن تبع القلب سرعه راجله قال لي عمار ماله ي دكتور ؟! قال ليهو لازمه عمليه لشرين رئيسي املا الاستماره قال نسيمه اديهو الاستماره امها مسكت فيهو قالت ليهو بتس ح تعيشي؟ قال ليها ان شالله ؛؛ مشى لبس ابو الطفله م كان معاهو المبلغ والمدير الطبي احتجى معاهو قال لي اطلبي دكتور عمار عاين لابو الطفله قال ليهو م عندك قروش جاي تعالجه بصدقه؟؟! قاله باسلوب مبتزل ابو الطفله زعل شديد خصوصي انو كان بعاملو بطريقه ماديه مبتزله عمار قال لي ف شنو دكتور حسن قال م جاي ؟! قولته ليهو لالا بس م خلصته كلامي جا المدير قال ليهو م تعمل العمليه عمار قال ليهو لا لازم نعمله عايزه عمليه مستعجله وبدا يشرح ليهو ف الحاله المدير قاطعو قال ليهو نحنا م فاتحين المستشفى ديوان زكاه قال م ح يدفع م معاهو المبلغ كامل عمار ختى يدو ف خشمو قال ليهو ده السبب؟! قال ليهو اي اداهو بطاقتو قاليهو م فاتحنها ديوان زكاه صح فاتحنها عشان ننقذ حياة الناس وانت المفروض تفهم الحاجه دي جا دكتور حسن وخشو العمليه مرت ساعه وم طلعو امها اتجرست شديد لدرجه كل المستشفى من دكاتره لممرضات لاصغر موظف فيها كانوا بصبروهو وف البكت معاها عديل بتبكي عليها بطريقه هستريه ف مره كبيره جات تصبر فيها قالت ليها ي بتي م كده ختي الرحمن ف قلبك قالت ليها انتي م فاهمه دي بتي الوحيده جاتني بعد 10 سنين بعد تعب انا م لي غيرها دي المصبراني ع الدنيا ومهونه اي حاجه بتحصل لي والله العظيم لو حصلت ليها حاجه انا ح اموت والله العظيم راجله قال ليها انتي كييف بتقولي كده هاا المره الكبيره قالت ليها يمه الضنا وجعو حار لكن اصبري خانتي زوله مؤمنه م استجابت معاها بتبكي بس وعينه دي م جفت ثاني واحده من الممرضات اخترحت عليهو انو يدوها مهدىء قالت ليهو لو استمرت بالحاله دي ح تخش ف انهيار عصبي راجله مسك يدها قال ليها م يتحمل بتي ومرتي الاتنين بعاد انا بتصبر بيها هي قويه انا عارفه قويه وفضل يعاين ليها قعد تحت ف الارض قال ليها انفال لمن الله م رزقنا ب طفل كنتي بتقول لي ده ابتلا ونصبر عليهوو وصبرنا والله ادانا لانا صح ؟! هااا صح؟! هزت ليهو راسه قال ليها هسي ده ابتلا وامتحان من ربنا لازم نصبر ونتحمل قالت ليهو وقته م جات لانا ولا شلتها بيدي ولا شميت ريحته ولا اتعلقته بيها كان ساهل علي اقول كده هسي صعبه قال ليها عشان كده انا بقول ليك خلي ايمانك بالله كبير لانا ح تصحى وترجع لينا تاني وح تبقى كويسه قالت ليهو جد قال ليها والله بس ادعي ليها راجله كان بدعي القوه م عارفاهو كيف هو متماسك كده رغم انو الانهيار ظاهر ف وشو طول الوقت بطمن فيها ويديها امل الغريبه كان مافي اي واحد مع الزوجين ديل من اهلهم معقوله م عندهم زول قريب يجي يقيف معاهم !!!! جا صاحبو بس م اخوهو وقعد معاهم وقف جنبهم جاني قال لي الحساب وم الحساب قولته ليهو ادفع اداني رقمو قال لي ف حال حصل اي تضرب لي هنا عليك الله ممكن؟! قولته ليهو طبعا شكرني ومشى بعد ساعتين تماما طلعوها عمار كان كابي مويه من فوق لتحت قعد ف اول بينش لاقاهو امها جرت عليهو قالت ليهو وينه بتي ؟؟! م استنتو يرد عليها قالت ليهو ماتت؟؟! ماتت صح انت كذاب وتضرب فيهو قولته لي ح تعيش ليه ي كذاب راجله جا مسكه عمار قال ليهو خليها قال ليهو بتك عايشه قالت ليهو بتكذب علي ليه م شفتها ليه م طلعتوها ؟؟! قال ليها الناس كتار بجاي م بتتحمل شويه مايكروب طلعناها بالباب م صدقتو ساقه قال ليها تعالي معاي مشى العنايه المركزه قال ليها ديك ليها شايفاها؟! قالت ليهو يعني عايشه فرحت شديد قالت ليهو عايزه اخش ليها قال ليها م بقدر اخليك تخشي ح تحتاج عنايه لغايه تتحسن وتفتح عيونه شايفه نفسه طالع ونزل لمن جبتيها كانت م بتتفنس صح؟! نقول الحمدلله؟؟! قالت ليهو الحمدلله حتان المره قعدت شويه جات دكتوره ايمان ساقته معاها عمار قال لابوها تعال عايزك قال ليهو ماله بتي فيها حاجه؟! قال ليهو تعال جوه ودخلو جوه الاتنين
جات دكتوره ايمان ودكتور تاني كانو عايزين كذه حاجه الدكتور قال لي ايمان عمار ده ببالغ انا م كنت فاكرو ضعيف كده انهار جوه العمليه تعلقو بالمرضى م كويس ايمان قالت ليهو انت عارف انو البت دي بنسبه لعمار اكسبشن ده متابعه من عمر يوم وبمشي ليهم البيت قال ليهو ولو هو دكتور ودي مهنتو انو يتعلق بمريض لدرجه يخاف ويكذب ع اهلو ده غلط ايمان قالت ليهو م كذب العمليه نجحت والبت قاطعه قال ليها والبت بين الحي والموت ووضعها خطير ي دكتوره م مستقر وف دفرنت بين الاستقرار والخطر قالت ليهو العمليه كانت ناجحه ود المهم قال ليها يااا دكتوره طفله عمرها 7سنين عندها ارتخى ف الصمام واسنداد بشرايين ومقاومته ضعيفه دي جوه العمليه كانت ح تمون لو م ربنا ستر ايمان قالت ليهو اكزاتلي لو م ربنا يعني ف حاجات ابعد من قدرتي وقدرتك ك طبيب وريني الاحتمال الانت خشيت بيهو العمليه وخاتيهو انها تعيش صفر ي امير صفر يعني كونوا العمليه تنجح والبت ترجع تتنفس ولو بالصناعي ده ف حد زاتو معجزه قال ليها عهد المعجزات عدى ف شي واقع قالت ليهو عارف انا م ح اتناقش معاك كنسل ع الموضوع فتح خشمو عايز يتكلم قالت ليهو بليز قال ليها تمام تمام اها ح تتعشى معاي اليله ولا م فاضيه كالعاده؟؟! قالت ليهو ح اشوف قال ليها القمر من حقو يدلع ضحكتت قالت ليهو والله غير فصلانك بي ده مافي شي مصبرني عليك
تفكيري اشتغل وبالي بقى مع الطفله حياته واقفه ع احتمال بس تفتح عيونه سبحان الله بقيت ادعي انو حالته تتحسن حرفيا كل الفي المستشفى كانو طول اليوم بسالو عن حالته الراجل وصحبو طلعو والابو شكلو منهار صحبو مسكو قال ليهو مرتك لو حست بي حاجه تموت قبليها انت فاهم هز ليهو قال ليهو اجمد كل بيد خالق م بشر صاحبو جا شال رقمي قال لي معليش عشان اطمن انتي مشغوله م اظن تذكري اديتو رقمي قال لي معليش ح اصدع بيك بس استحملي قولته ليهو م مشكله ....
حسب هبه م جات غطيت مكانه خلصته دوام 9 وقفته ركشه كده اسيل ضربت لي قالت لي بكره الكورس الجديد ببدا المحاضره 8 قولته ليها نزلو الجدول قالت لي اي نزل ف قروب الدفعه قولته ليها اها وقت المحاضرات كيف قالت لي عموما كده حدنا 1 شغالين الفتره الصباحيه لكن مرات بنشتغل من 7 قولته ليها مع انو بدري شديد لكن احسن ح اشتغل الفتره المسائيه تاني قالت لي ضربتي لعزام ؟! قولته ليها مالو؟؟! قالت لي عمل حادث بركشه قبيل العصر قولته ليها واتعوق شديد؟! ف ياتو مستشفى قالت لي م خطيره خشى فيهو كلك رضوض بسيطه ف يدو وجبروها ليهو قولته ليها خلاص اقفلي اضرب ليهو فصلته منها وكنت وصلته بيتنا اديت بتاع الركشه قروشو وضربته ليهو كفرته ليهو ابوي سمعني بقول والعربيه خشت فيك كيف ؟ قال لي يساتر ده منو؟ قولته ليهو عزام قال لي زوله اديني اكفر ليهو قولته لب عزام ابوي عايزك هاك ليهو خليتو بتكلم معاهو وخشيت اغير كنت مسخنه شديد استحميت طلعته الباروكه راسي مولع ناااار كيف البنات ديل بستحمولها مستغرباهم ؟؟!!!
طلعته من الحمام رقدته ف السرير سميره قالت لي ع فكره اخترنا الالوان وضربوهو بكره ح نستب عفشنا ونمشي ننضف البيت هناك وبعد بكره ح نرحل قولته ليها جد واخترتو ياتو لون ؟! قالت لي رمادي فاتح قولته ليها وف يومين بس ح يخلصو قالت لي اتفقوا مع ابوي خلال يومين ح يسلموها بدو اليله وابوي قال لي صنفرو الشقه كلها قولته ليها كويس فتحته مطبقتي طلعت ليها 100ج قولته ليها امشو بيها بكره وم تشيلو من ابوي قروش فطور كويس كنت خاته يدي ف راسي سميه جات زحته قالت لي امشو يعني م جايه معانا؟؟! قولته ليها م محتاجه اقوليك م عندي وقت سميره قالت ليها م تمت يومين شغاله واللخت بنشوفه بليل بس قولته ليها كلو عشانكم قالت لي اسطوانه ابوي دي م حبابه حدرته ليها قالت لي خلاص م تعملي لي حركات الهنود دي انا قايمه من التعب نمته ف بطتحتي صحيت ع صوت كركبه عاينته للساعه لقيته 7 قمته جاريه خشيت الحمام اتذكرته العملوهو فيني الغربان قولته يارب يارب اليله م القاهم ولا اشوفم زاتو
لبسته وطلعته لقيت اسيل مستنياني ف الرسبشن كانت مبسوووطه تتكششسم من بعيد قولته ليها نعلو خير؟؟! قالت لي لله سااااي م ابتسم سكتت مسافه تاني قالت لي عمار امس ضرب اتفاجئته قولته ليها والله!!! قالت لي انا زاتي استغربته زيك كده سالني من حالي وكيفك وكده واعتذري يعني م اعتذر لي بصريح العباره لكن لمح لي لانو م كان قاصد يتصرف معاي التصرف يوم داك قولته ليها كويس قالت لي شديد عارفه صحي انو لسه بينا حواجز وخلافات لكن اتصالو الامس ده حسسني اني م بهون عليهو قولته ليها طبعا م ح تهون ي اسيل انتي ااختو قالت لي ممكن يجي يوم و نرجع زي زمان ؟! قولته ليها طبعا ممكن انتي بس بطلي السم البتبلعي فيهو ليل نهار ده نفخت لي خدوده قالت لي وبعدين معاك ع فكره انا من ضرب لي م بلعته ولا شي لغايه هسي قولته ليها واااو انجاز انتي كنتي بتبلعي كل يوم تصدقي م عارفه حمرت لي قالت لي غياظه اتلفتنا لقينا الشبح وشلتو ف وشنا جا قاطع لزاني بكتفو الا اسيل مسكتني م اقع وضحكك ومشى قولته الحمددددلله م عمل شي قعدنا ف البينش التاني المحاضره بدت الكورس كان صعب شديد كشرته لاسيل قالت لي نقرا الفاتحه ؟! قولته ليها سمي الله رفعنا يدينا قرينا الفاتحه الدكتور قال لينا خير ميت ليكم زول ؟! اسيل قالت ليهو ميتين نحنا قال ليها من غير استظراف ي طالبه قالت ليهو ي دكتور مادتك صعبه والله لينا ساعه وانا لهسي م ناقشه شي الطلبه وافقوا ع كلامها وبقو يتكلمو الدكتور ضرب التربيزه بالقللم قال ليهم ي جماعه انتوا خشيتو مديكال وعرفنو صعب اي ف الاول م ح نفهم وح نجوط وح نحبط لكن تاني ح نفهم ويبقى لينا روتين انا عايز همه شويه يخوانا ف واحده قالت ليهو طيب نحنا هسي م فاهمين الانت بتقولو ده قال ليهم طيب انا من البدايه قولته ليكم م وضحت ليكم نقطه وقفوني فيها بدا يشرح لينا تاني من جديد اسيل قالت لي وصلتي الشهر الكم قولته ليها اجهضه مره واحده ضحكت قالت لي الحاله عاد لينا خلصنا محاضره بجاي طلعنا بجاي قولته ليها ايام الفليف ولت تاني انا عندي شغل قالت لي جايه معاك المستشفى قولته ليها اتوقعتك بعد قولته ليك ايهاب هناك ح تقولي الجمله قالت لي بيبي ده كرشششي😢😢❤ قولته ليها اعملي اعتبار لود الناس البتبحي معاهو ليل نهار ده مدت لي يدها قالت لي شايفه خاتم هنا؟؟! شوفته عزام قولته ليها داك عزام ارح نسلم عليهو كان واقف مع اصحابو من بينم واقف الشبح😒🔥 اشرنا ليهو جانا سلمنا عليهو قولته ليهو ديل شنو العرر الواقف معاهم ديل عاين لي وضحك قال لي قصدك حسام 😂 قولته ليهو حسام منو؟! اسيل قالت لي الشبح الشبح يقصد الشبح قال لي ع فكره هو م بسوء ده قولته ليهو والله انت م ناقش حنانك سااي المهم م تابعو قال لي ود خالتي كيف ابعد عنو فتحته خشمي قولته ليهو ده بصوت عالي واشرت ع الشبح قال لي اي مالك ؟! قولته ليهو فعلا كل رحم براهو ضحك قال لي ده شنو المثل ده ؟!الشبح جا قال ليهو بعدين ح تجي؟! عزام قال ليهو قعداتكم دي م بريده قال ليهو م تطلع من جلباب ابوك ده يخ قولته ليهو اذا انت بايظ م تبوظ غيرك حمر قال لي انتي خليك ف حالك احسن ليك انتي م بتوبي ؟؟! عزام قال ليهو م تكلمه بالطريقه دي قال ليهو ليه بكلم الملكه ديانا كان م خادم عزام قال ليهو حساااام م تتكلم معاها بالاسوب ده وهي م خادم فاهم قال ليهو هدي مالك عصبته قال ليهو شبح دي صحبتي يعني م بتقرب منها وم بضايقه فاهم!!! قال ليهو م كنت عارف وعاين لي من فوق لتحت ومشى عزام قال لي صدقيني م يقصد اسيل قالت ليهو لا يقصد م كفايه العملو فيها عزام قال ليها عمل شنو قولته ليهو انا اتاخرته لازم امش وقفني قال لي عمل شنو؟! قولته ليهو ولا شي قال لي بعصبيه بسالك تجاوبي قولته ليهو ولاشي بضايقني بكلامو بس يعني خادم وكده قال لي والله هو م بسوء ده لكن ح اتكلم معاهو بعتذر ليك بالنيابه عنو ضحكته قولته ليهو عزام عااددي م حبكت عليهو واستاذن ومشينا اسيل قالت لي كان تكلميهو قولته ليها هو ودخالتو قال ليهو شنو اتحرش بي ؟! ولا قص لي شعري؟! قالت لي براحتك لكن هو يضايقك لو كلمتيهو كان وقفوا بعدين شكلو بحترمو م شايفاهو بعد شاكلو قال ليهو م كنت بعرف ومشى قولته ليها كلام قدامو بس
بمجرد م دخلنا المستشفى سالته من الطفله قالو لي لي لسه مافي جديد هبه قالت لي اسيل انتي اخت عمار صح؟! قالت ليها اي عرفتي كيف قالت ليها كذه مره شوفتك ف تلفونو اسيل بعد سمعت الكلام ده اتبسطتت شديد عمار جا شكلو كان بلبس امس وهو متعود م يكرر البسه مرتين ف السنه شاف اسيل قال ليها خير فيكي شي؟! ردت ليهو بابتسامه ولاشي بس جيت مع نسيمه قال ليهو ف زول بجي هنا برجليهو ؟! قاالت ليهو كنت زهجانع ف قلته اجي معاها قال ليها م دي؟! وعاين لي باحتقار قالت ليهو عمار قال لي هبه وين قولته ليهو طلعت وم قالت وين قال لي بتقدري تقولي م عارفه من غير رقي كتير ختيت الدفتر قولته ليهو وبتقدر تستنتج ده لمن شفتها مافي قال لي اتكلمي بادب انتي هنا شغاله عندي قولته ليهو شغاله معاك وموظفه زي زيك بالضبط قال لي والله؟! اسيل قالت لينا ي جماعه نسيمه م كده قولته ليها نسيمه نسيمه م تسكيتي اخوكي عارفاني م بكره بعد الجنجا غيرو قال لي جنجا ؟ قولته ليهو هبه ومافي واختك لو عايزه سوقه معاك عايز حاجه تاني قال لي ؟! عدلي اسلوبك والا فصلتك
بجد انسان مستفز وغياظ وكريهه ده المفروض يكون اخو الشبح مش اخو اسيل جا ايهاب خاشي اسيل عيونه عملت قلوب😍 سلم عليها سلام معرفه وهي م قصرت البهره بجد شال رقمه وهي ولا كضبت طوووالي ادتو ليهوو😂
هبه لفتت اسيل قالت ليها شايف القطعه الهناك دي؟! اسيل قالت ليها السمحه ديك قالت ليها دي خاته عينها اخوك م شوفتب الهنجككه والمساعه البتعمله ليهو بتجي هنا سبب برا سبب هبه بدت تقلد فيها قالت ليها بتلبس التشرتات المثلثه من فوق وهي اصلا م بتلبس طرحه وهي نوع العندها صدر بتقول ليهو عموووري انا دي م فاهماه اشرح ليها عموري انا عيانه شوف حرارتي ارتفعتي وااه واييه ووواه انا واسيل فقعنا ضحكك هبه قالت ليها اخوك ده لو سافل بسبب البت دي م شوفتي الاغراء البتعملو ليهو ياخ انا البت بنداح اسيل ضحكتت قالت ليها لكن تستاهل قولته ليها اي والله نجفهه البت قالت ليها مهما البت الخفيفه شاي اللبن م حبابه دوامنا خلص وطلعنا واسيل طول الوقت بتقلد ف هبه كيف تمشي وكيف بتتكلم وكيف بتقعد وحركاته وتضحكك ابوي لقاني قال لي بقينا نشتاق ليك عديل😂😂 قولته ليهو انا برضو والله 😂😂❤ خشيت كده التربيزه اتحركت شلتها ابت تتشال قولته ليهو خليته ليك لكن عليك الله م تزعجوني سلامآ عليكم وسلامآ علينا رجع التربيزه محلها تاني ضحكته سميه قالت لي جنيتي؟ قولته ليها شوفي سمعو كلامي😂😂 قالت لي قومي كرتني معانا باقي العفش ح يترحل بكره قولته ليها خلي العده نملمها بكره الصباح قالت لي تمام نزلي هدومك قولته ليها كويس بململ ف ملابسي وملابس ابوي خلصته خشيت الواتس بتونس نع عزام جاتني رساله من رقم غريب قولته ليهو منو معاي قال لي يعني م عرفتني ؟! قولته ليهو لالا م عرفتك منو معاي؟ قال لي اقنعيني قولته ليهو شوف نبي الله انت؟ قال لي لا قولته ليهو احمد امين؟! قال لي قولته ليهو يبقى مافي سبب يخليني اعرفك قال لي انا عمار ..
يتبع....
