قولته ليهو جبته المبلغ هو ناقص حبه لكن ح اتموا قال لي المبلغ ادفع ؛ وادفع حق جلساتو الجايه كمان
قولته ليهو منو الدفعوا قال لي جا واحد الصباح دفع ومشى قولته ليهو زي الساعه كم؟! قال لي 7 عن اذنك ؛؛ قولته ي ربي معقوله يكون عمار؟؟ مافي زول غيرو عارف مشيت خشيت ع ابوي سلمته عليهو قولته ليهو اها كيف قال لي لو م البتاع الحار ده كنت ح اكون كويس قولته ليهو معليش الدكتور قال حالتك ف تحسن قال لي ي بتي تحسن شنو انا قبل م اخد الكيماوي ده كنت كويس هسي نفسي ي الله والبتدفعيهو كلو ماشي التراب قولته ليهو لالا م صاح التحليل ف تحسن قال لي انتي واخواتك كيف ابقي عشره عليهن وانتبهي ليهن ي بتي قولته ليهو م تشيل هم نحنا كويسين انت بس شد حيلك وقوم لينا بالسلامه قال لي ان شالله يلا امشي ع جامعتك م تتاخري قمته ع حيلي قولته ليهو لو احتجته لاي حاجه كلم الدكتور بوريني
مشيت المستشفى وبديت شغل جات اسيل قالت لي وين انتي ي بت م جبتي قولته ليها م قكرته اجي قالت لي بتبالغي وجيتي المستشفى كيف نسيمه انحنا ف تالت فاهمه يعني شنو تالت؟! قولته ليها فاهمه فاهمه قالت لي م تقول لي فاهمه محاضره اليله انتومي تاني لو بكيتي بدموعك م ح يعيدوها ليك ونتيجه الكورس الفات طلعت وابشرك عامله B بي ي نسيمه الناس كلها عامله A وB+ قولته ليها اسيل الفيني مكفيني عليك الله B دي زاته رحمه قالت لي ح اسيبك انا بضرب ليك تلفونك مقفول كنت عايزه اقوليك الامتحان الاحد الجاي م تنسي تجي تمام واسفه ازعجتك قولته ليها اسيل م تقولي كده كل القصه اني تعبانه وم قادره اركز ف شي م قصدي م تزعلي مني قالت لي غلطانه انا الشايله همك عمار قال ليها وتشيلي همها ليه خلي همها للنوم جا وقف معانا كان خاتي يدينو ف جيبوا وبعاين لي بقرف عاين لاسيل قال ليها جايه هنا ليه؟! قالت ليهو جيت لالهام ولدت قال ليها وبتعملي مع البت دي شنو ؟! انا مش قولته ليك م القاكي معاها تاني؟! قالت ليهو عمار نحنا انتهينا من زمان مالك عايز ترجع تاني قال ليها بنبره حاده كلام واضح م ح اعيدو والبت دي تختي دربه سامعه؟؟! وساقه من يدها ومشى بيها وانا الجايه اشكرو ع العملو معاي 💔
رجعته لشغلي وهبه كانت مافي نهااائي م ظاهره ولا ح اتصلت قالت لي م جايه ؟!!! جاتني واحده من زميلاتي قالت لي نسيمه اختك ع التلفون قولته ليها اختي انا قالت لي اي جريت جري خوفته تكون حاصله ليها حاجه قالت لي نسيمه تلفونك مالو مقفول قولته ليها بعتو اها لقيتي شغل قالت لي لالا م لقيت اها تميتي المبلغ دفعتي القروش اترددته قولته ليها اي قالت لي الحمدلله بردتي قلبي
اتذكرته اني ادى عمار المعاي هسي لغايه اتم ليهو المبلغ وقفته قدام باب المكتب بين عايزه اخس وم عايزه اتوكلته دقيت الباب كان شغال ع الابتوب رفع عينو عايني لي ونزله ختيت ليهو ظرف ف التربيزه قولته ليهو شكرا قال لي شيليهم م محتاجم م اشتغلته بيهو قال لي دقيقه وقام من الكرسي وجا وقف قدامي قال لي عايزه تردي الجميل؟! هزيت ليهو راسي قال لي ابعدي عن اسيل ابتسمته ليهو غصب قولته ليهو تمام قال لي المفروض تفهمي الفرق من البدايه بيناتكم وتبعدي هي شريفه وانتي وسخانه هي بت محترمه وانتي بتقرفي هي طيبه وع نياته وانتي بميه وش قولته ليهو ف حاجه كمان هي عندها اخو بخاف عليها وبسنده وم بخليها تحتاج لزول وانا لا وطلعته خليتو
ليه الحياه بالقسوه دي؟! ليه بتحفر لينا الحفر وتوقعنا فيها بالغصب ليه البشر كعبين ؟! ليه لمن نلقى فرصه ف بعض بناكل بعض ؟!
كان عندي مناوبه ف المستشفى عشان الست هبه م موجوده ، ضربته لاخواتي قولته ليهم ح ابيت ف المستشفى اليله اقفلوا الباب عليكم كويس وخلو بالكم من نفسكم ، كان عندي كذه مرجع خاتاهم ف الدرج بقرا منهم عشان كتيير بقعد ف المستشفى فتحتو وقعدته اقرا جات دكتوره ايمان قالت لي انا طالعه اذا لا قدر الله جات حاله طارئه اضرب لدكتور احمد اوكيهه قولته ليها تمام ؛ خلال ثواني المستشفى بقت شبهه فاضيه اتكلته ع الدرج نمته من غير احس صحيت ع صوت زول بدق ف الدرج لقيتو واحد من الدكاتره قال لي صحي النوم الاذان اذن قومي صلي خشيت الحمام غسلته وشي واتوضيت صليت رجعته البيت لقيتم لسه م صحو اطبحته حبه وقومته سويت الشاي ولبسته طلعته الجامعه المحاضره كانت 7 قعدته ف البينش برااي شويه جات اسيل وجات قعدت جنبي قالت لي صباح الخير قولته ليها صباح النور قالت لي معطهه من الصباح الكورس ده انا كرهتو م رديت ليها بقت تتكلم معاي قولته ليها اسيل عايزه اسمع حمرت لي ورفعت لي حاجبه قالت لي تغيبي الاسبوع كلو ويوم تجي تعملي فيها المجتهده
بعد المحاضره خلصت مشيت ع الشبح كان قاعد ف بينش ومركب سماعتو ومدنقر ف التلفون ناديت ليهو كم مره م سمعني اشرت ليهو ب يدي رفع راسو قال لي اهلين قولته ليهو جيت اقوليك شكرا وهاك طلعته ليهو ظرف القروش واديتم ليهو قال لي مافي لزوم قولته ليهو معليش انا خلصته العايزه بيهم وشكرا قال لي انا م محتاجم قولته ليهو معايش المبلغ كبير م 10 ولا عشرين جنيه شالم مني قال لي اوكيهه ابتسمته ليهو وماشه وقفني قال لي نسيمه انتي عندك منو ف مستشفى السرطان؟؟! قولته ليهو ابوي عاين لي نظام عايزيني اكمل قولته ليهو عندو لوكيميا قال لي م يشوف شر من متين قولته ليهو تم شهر ويومين كده قال لي ربنا يشيفهو قولته ليهو امين قال لي ااا لو احتجتي اي شي يعني م بينا وكده يعني ابتسمته ليهو قال لي انا مااا كعب يعني ااالدرجه دي انا عارف سويت فيك العجب والعجاب بس اعتبري طيش شباب وانا اسفه استغربته انو الشبح بذااااتو بقول لي كده فجاه كده بقى هادي ومحترم حتى حركاتو الزمان خلاها يمكن عشان شلتو اختفت وم فضل فيها غير دونقا حاجه غريبه كونوا الشبح يتغير ولو كان لسه بنفس القرف الزمان بس انو يعاملني كده ؟!!!! ياربي مسحور ولا حاجه يمكن م شايفيني كويس قال لي شوفي انا من النوع اللما تعمل ليهو معروف م بنساهو ليك انا سيء بس العملتيهو مع دونقا م ح انساهو ليك دي القصه عشان شايفك مستغرباني قولته ليهو خالص ف وقفتنا جات سميره جاريه وحيله مهدود قالت لي وهي بتتنهد ابوي ابوي ي نسيمه قولته ليها مالو قالت لي .....
#استكانه
