المدير قال لي الحقيني ف المكتب بعد جيتي حمر لي ومشى عمار صفر قال لي شيلي شيلتك كلبي معاكي😹💔 نضال قالت لي ح اشتاق ليك من هسي 😹💙 قولته ليهم مالكم عايزين تخوفني انا الراجل ده م بريدو😢💔 عمار قال لي بقيتي من عيلة ابشنب من تخافي تاني خليك ريلاكس 😌 قولته ليهو كده طمتني يعني 😢 مشيت وخااته يدي ف قلبي الراجل ده م بتفاهم نهاايي ي فصلك ي فصلك خياران ليس لهما ثالث 😭💔 دقيت المكتب قال لي اتفضل خشيت كان ماسك ليهو ملف قال لي اتفضلي اقعدي قولته ليهو لا انا مرتاحه كده شكرا😊 قال لي اقعدي قولته ليك 😒 طوالي قعدته ف الكرسي قال لي الف مبروك الزواج قولته ليهو الله يبارك فيك قال لي وصلني خبر من زميلاتك انك اتزوجتي وائل عصمت ابشنب من اسبوعين تلاته كده واتاخرتي هههه طبعا حقكك لسه عرسنا جداد وعايزين تعيشو حياتكم ههههه جاني زوجك وائل واخد مني اذن م شالله منتهى الاحترام والتواضع 😊 ابتسمته ليهو وانا غامته يديني علي قال لي ربنا هنيك ي رب بس حبيت ابارك ليك بشكل شخصي قولته ليهم شكرا م بتقصر قال لي بتقدري تمشي تواصلي شغلك😊 قولته ليهو بس كده؟! قال لي شنو؟! قولته ليهو لالا ولا حاجه عن اذنك طلعته قفلته الباب ختيت يدي ف قلبي عمار ضحكك قال لي فصلك؟! 😂😂 قولته ليهو تخيل مناديني ليه؟! قال لي ليه؟! قولته ليهو عشان يبارك لي العواليق وقف قلبي 😭 عمار ضحكك قال لي م قولته ليك انتي من عيلة ابشنب اطمني تاني😹😹 قولته ليهو شكلي ح استفيد من النسب ده قال لي جداا😂💕 اها كيف وائل معاك ابتسمته ليهو عاين لي قال لي فهمته شكلك حبيتهو 😻 قولته ليهو م حصل شي كده يخليني احبو بس انو طلع انسان ف النهايه قال لي افهمه كيف دي ؟! قولته ليهو حالياا انا اتعرفته ع وائل م شبح وف فرق بين الشخصيتين لبعد بعيد شديد وم قادر احدد شي لهسي بس م بعرف عمار مشتته و م قادرة اركز بعدين هو ود خال عزام ح احس روحي وسخه لو حبيتو قال لي انتي عرستي عدييل وين الخيانه ف الموضوع لو داك م راجل ولقيتي البسعدك؟! سكته مسافه قولته ليهو تفتكر ؟! هز لي راسو وعاين لي قولته ليهو مالك بتعاين لي كده؟! قال لي من ساعه م جيتي بيتنا وبقيتي تدافعي عنو حسيت انو ف شي ليهو قولته ليهو م فاهمه ي عمار يمكن متعاطفه معاهو بس اصلا بقيت بتصرف تصرفات انا نفسي م فاهمه قال لي م هو الحب لو م كان بجوطك كده يسموهو حب كيف؟! قولته ليهو عمار م تتقلب نزار قباني عشان م تضيعني معاك وانا سلفا ضايعه 😥😧💔 قال لي انتي ضيعي هو بلقاك 💙 اتكل ع الكرسي وختى يدو ف الكرسي التاني قال لي لمن يقرب منك بتحسي بشنو؟! قولته ليهو بخلعه عمااااااااار قال لي جاوبي عاينته ليهو مسااافه وسكته قال لي اجابتك وصلتني واكيد وصلتك كمان قولته ليهو انا م عارفه مشاعرو اتجاهي هو متعود ع البنات وال....قاطعني قال لي طالما هو قال ليك انو بحسك انتي يبقى الباقي مسكنات ساي والمسكن م بريحك من الوجع دايما صاح؟ 😊 قولته ليهو بس بريحك فتره قال لي قولتها بلسانك فتره بس قولته ليهو انا لو حبيتو ح يكون بسببك قال لي بقولو انو لو حبيت شخص بسبب زول تاني معناها انت بتحب التاني م هو 😏 قولته ليهو واااو انا بحبك يلا 😹😒 قال لي اخيرا سمعتها💕 قولته ليهو سيبك مني ومن مشاكلي خلينا فيك انت ؛ انت وين ؟! قال لي بين عينا فتاة ما 💕 قولته ليهو عمار ياخ انا جاده قال لي وحااات وائل 😂😂 ضحكتته قولته ليهو قول م عايز تحكي لي بس عادي 😌 قال لي ابدااا والله م كده بس حقيقي انا تايهه ولسه م لقيت الزوله الحاسي انها ممكن القى فيها عافيتي بعدين كل العوافي عرسو ولاشنو ؟! وعاين لي قولته ليهو كنت تلحق تجازف ليك واحده قبل ينتهو قال لي م كل شي بنقدر نطولو قولته ليهو الم بتقدر تطول م فيهو خير ليك مش ده كلامك؟! قال لي يب 😄 نضال نادتني وفضلنا نشتغل لغايه الساعه 2 جات قولته ليها كده انا دوامي خلص يلا بايات نتلاقى بكره 😄👋 قالت لي اوووكشين ي زوله ضربت لي عدن وانا طالعه قالت لي عرسوووها غيرت شريحته 😹😹 قولته ليها اااكلبه ي مبتسألي قالت لي والخلقك مشتاقين 😻😻 قولته ليها كتااارات كتاررراااات 😻 قالت لي لازم القيكك اليله عندي حاجات عايزه احكيها ليك 😻💕 جايه القياده قولته ليها بجي لكن غالبا بعد المغرب لانو وائل شويه ويصل وماشه احضر الغدا ضحكت ضحكت سفاااله كده قالت لي واااي وائل لكن 😹😹😹💕 قولته ليها تافهه يلا انا وصلته البيت قالت لي دايره تفصلي مني عشانو مش ي كلبه 😹😹 قولته ليها ف عينك اصلك م بتتهدي😹😹 قالت لي المعلمني منو ي فلانه ؟؟ ضحكتت قولته ليهو بري هاا م انا 😹 قالت لي سمح ي بت جبريل😹 ضحكته وفصلته منها لاقني معتز قال لي مرت اخووي 😻 قولته ليهو حمااي😻😹 ضحك قال لي حلوة حماي دي 😹😹💔 قولته ليهو عايز حاجه ؟! قال لي سلامتك بسس 😹💕 طلعته بيتي استحميت وغيرته ملابسي عندي جلبابه قصيره م شديد واصله الركبه حسب وائل مافي لبسته رفعته شعري فوق وخشيت المطبخ طبعا تحت كلهم مافي م عدا عمتي نفحات قاعده عملته الاكل كلو فوق وندهت لسعاد قولته ليهو م تسوي اكل انا سويت لبسته توبي وجيت شايله حللي نزلتهم تحت عمتي نفحات قالت لي كان تطبخي هنا قولته ليها والله لقيت الحلل قدامي قولته مافي داعي انزل وهنا وهناك كلو واحد قال لي صاح ي بتي طبعا لمن سمعته كلمه بتي دي بعد اتخلعته 😲 قولته ي ربي ماله؟! قالت لي سعاد اعملي لي قهوة اليله م شربتها قولته لي سعاد خليها اخلطي العصير انتي انا بسوي القهوه لعمتي قالت لي تمام سويته ليها وسعاد خلطت العصير واصلا انا عامله مهلبيه بارده ك حلا طلعته فوق جبتها قولته بعدين م اطلع تاني واتبهدل ف المشيه والجيه م بعرف البس التوب طبعاا نصو كاراهو ف الارض ونصو لابساهو عمتي نفحات لمن شافتني ضحكتتت قالت لي التوب م بلبسو باليمين 😹😹💔 جاني صوت وائل قال ليها حلاته ف خمخمانه ليهو ده 😻💕 وجا علي قال لي مرتي الحلوة 😻💕 عمتي نفحات قالت ليهو مرتك بس😏 قال لي نبع الحنان ياااخ😻💕 ضحكت وانا خشيت فتحته التلاجه عايزه اخت المهلبيه حسيت بيد ضاماني اتلفته لقيتو وائل كنت ماسكه التوب بخشمي عشان م يقع مني شال طرف التوب من خشمي قال لي بتكوني سمحه وانتي متبهدله بالتوب 💕 ضحكت قولته ليهو جد ؟ حاوطني بيدنو وختيت يديني بيني وبينو قال لي اديك عيوني تشوفي بيها روحك؟ 💕 ابتسمته وتنيت راسي عليهو باس راسي مسااافه قولته ليهو فكني امك ومعتزه بره قال لي و مرتي وعيونه هنا💕قولته ليهو وائل جاده انا فكني قال لي م قادر يدني علقو😹 لزيتو قولته ليهو بطل ياااخ شال يدي باسه وختاها ف قلبو 💙 ويدو التاني محاوطني بيها وبعاين لي قال لي زمان م كان عندي سبب بجيبني البيت ابداا بس من ساعة م دخلتي البيت ده اتكونت كل اسباب الدنيا البتخليني اكون متواجد ومتوفر فيهو 24 ساعه 💕 ضحكته قولته ليهو انا م قدر كلامك الحلوة ده💙 قال لي كلامي هو المقدرك 💕 جا معتز وشافنا متماسكين 🙊 كان بشرب ف مويه قال لينا اوووبس جيت بالغلط 😹🙊 وائل جابني قدامو وحاوطني من ورا قال ليهو تجي ولا م تجي نحنا اصلا م شايفنك 😹🙊 وانا اشيل والز فيهو دخلته ف ضفوري 😥💔💔 معتز قال ليهو شكلي ح اعرس اليله دي والله م ممكن ياخ 😹😹💔 بصعوبه قدرته اتفكا منو وطوالي مشيت وائل بصوت عالي قال " وزينه البيت حيااها انا وووين😻💕" خشيت االشقه وانا بنيز فيهو السجم العواليق جدعته التوب ومسكته الريموت طبعا ناسيه تمام اني لابسه قصير حسب اخواتي هناك برانا عاادي بلبس اي شي جا داخل وشافني دخل يدينو ف جيوبو وعاين لي مساافه قال لي جريتي مالك😂 قولته ليهو م عارفه😒 مشى ع غرفتو وهو بضحك 😂 غير وجا طالع قعد جنبي وبقينا نحضر قال لي اليله مشيتي المستشفى؟! قولته ليهو ااي مشيت قال لي وكيف كان يومك قولته ليهو عادي وسكته تاني قولته ليهو صحي م حكيت تذكر يوم كان كنت واقفه معاك وجا المدير شاكلني وقال لي ممنوع الكلام اثناء الشغل ؟! قال لي ااي قولته ليهو متذكر الطريقه الكلمني بيها؟! قال لي اممم قولته ليهو اليله ناداني ف المكتب وقعدني ف الكرسي ده كلو عشان يبارك لي بس 😹😹 ضحكك قال لي غريبه قولته ليهو قطع قلبي انا لمن قال لي تعالي المكتب فكرتو ح يفصلني عشان شهر م نزلته 😹💔 قال لي انا م كلمتو لكن م عندو سبب يفصلك قولته ليهو كلمتني دكتوره ايمان لكن نضال وعمار اشتغلو فيني جامد ياااخ وقفو قلبي رسمي😭💔💔 قال لي عمار؟ قولته ليهو عمار ياسر اخو اسيل قال لي هااا وسكت بعد مسااافه قال لي هو صحبك يعني؟! قولته ليهو منو؟ قال لي عمار قولته ليهو شديد يااخ💕 قال لي اهاا وبقى مركز ف التلفزيون وبحك ف لحيتو الباب دقى دايره امشي افتحو قاا لي وين وانتي كده 😒 انا بفتح مشى فتحو كان معتز قال ليهو الغدا قال ليهو ثواني وبننزل قال لي نسيمه الغدا قولته ليهو تمام البس توبي بس ربطه التوب ف نصي وخمخمته الباقي شافني قعد يضحكك قال لي كياااااتهه يااا😹💕💕 نزلنا ونحنا بنضحك هو بضحك فيني وانا بمغرز فيهو ابشنب من ضمن الايام اليله كان قاعد ف الصفره وائل لمن شافو داير يرجع مسكتو من يدو وعاينته ليهو قعدنا بدينا ناكل وائل شال لقمتين قال شبعته انا ابنشب قال ليهو سمعته انك فتحته كافيه قال ليهو صاح ومشى ع طول من غير م يسمع الباقي شكلو كان بحاول يتفادى اي كلمه تطلع من ابوهو 💔 ابشنب كورك ليهو قال ليهو انا م خلصته كلامي وائل قال ليهو حابي اليوم ده يعدي ع خير وكفايه الحصل امس ؛ ابشنب سكت وم رد ليهو معتز قال ليهم حصل شنو امس ؟؟ وائل ضحك باستهتار قال ليهو ولاشي الحمار اخد علقتو مش كده ي عصمت ابنشب؟! وطلع طوالي م كان لي نفس اكل قعدته شويه وقمته جهزته صينيه الشاي والحلو قعدو كلهم وكانو بتناقشو ف موضوع عرس معتز ختيت ليهم صينيه وشلته صينيه فيها شاي وحلو امجد قال لي يحرد الاكل ويوصلو ليهو ف محلو دي العزه ولا بلاش 😹 ضحكته قولته ليهو استعجل انت بس عشان تحصل العزه دي 😹 ضحكك طلعته خليتم بتوونسوا لقيتو ماسك جيتار وبعزف عليهو كان قاعد ف استول ومديني ضهرو جريت كرسي قولته ليهو يعني نحنا بره اتأثرنا عشان م اكلته ونفسنا اتسدت من الاكل عشان قمته وانت هنا مبسوط اييه يااا اناني هااا ؟، ضحكك قال لي شغلي😹😹💔 قولته ليهو كون عايز ..قاطعنني قال لي ااااااا وقفل لي خشمي باصبعو م عايز افتح الموضوع قولته ليهو ولا معاي ؟! شال نفس قال لي ح اضايق واسيب ليك البيت قولته ليهو تمام سكته وعملته زعلانه جرا الكرسي علي ومسك الجيتار وبدا يعزف ويغني "
انت الاول ي حبيبي انا
م بتتحول من قلبي هنا
انت الاول وانت التاااني
انت روحي والاماني
انت روحي والاماني
لو تنساني لو تساليني 😻😻💕
بقيت بعاين ليهو وهو بغني صوتو حلو شديد 💙 كليااا مزاجي اتغير ف ثانيه وكل مقطع بغنيهو كان بعاين لي وبحسو قاصدني ختيت يدي ف خدي وبقيت بعاين ليهو مستمعته ف نص الاغنيه انحني اتجاهي وقبلني💋💋 💙 حسيت قلبي وقع ف الارض عاين لي ف عيوني قال لي " لا يحق لفتاة تمتلك ضحكه سبع سموات بأن تحزن لا يليق بك سوى الفرح ؛؛ مسمى السعاد طبع على شفتيك صغيرتي 💙"
حسيت روحي محرجه عايزه اقوم مسكني من يدي قال لي سمعتي عن العوض؟! قولته ليهو العوض ؟ سمعته اي قال لي العوض نوعين واحد بكون حلو يعوضنا ع المر البنعشو والتاني بكون جبر خاطر الاتنين ديل متمثلين فيك انتي💕 ابتسمته ليهو قال لي ينفع طلب؟! هزيت ليهو راسي قال لي ينفع الابتسامته دي تدوم ع طول 😻 قولته ليهو حسب اذا انت مبسوط ح تدوم بس اذا لا م تدوم قال لي انا مبسوطه بيك صاح بتحصل حاجات تعكر يومي وضايقني شويه بس بنساها بمجرد م اشوفك انت م تتأثري بالبحصل اكتر انا بنسك بيك♡♡ ....
#استكانهه
