وائل قال لي حصل حسيتي اننا بنتشابه؟! قولته ليهو لا قال لي م مشكله انا حسيت ♡ عاين لي ف عيوني جوه م قدرته اتفادى نظراتو لي بقيت بعاين ليهو وبعاين لي وم شال عينو مني ابدا ♡♡ استمرينا دقيقه كامله بنعاين لبعض اتلفته الجهه التانيه قولته ليهو بحس اني محرجه لفتني قال لي وانا بحس براحه كل م اعاين ليك ♡ واستمرت النظرات بيناتنا عايزه اقوم سلسلي اتشعلق ف قميصو قال لي شايفه حتى الحاجات الابساها م عايزاك تبعدي عني ضحكته وفكيتو قال لي السلسل ده م قاعد تقلعيهو ليه؟! قولته ليهو ساااي م مضايقني عشان اقلعو قال لي حلو ده هدية خالك للعرس؟! قولته ليهو لا دي هديه عمار ♡ قال لي عمار اخو اسيل؟! قولته ليهو ااي قال لي اممم حلو ظريف قولته ليهو اي ذوقو حلو قمته منو دخلته الحمام بعد طلعته كان لسه قاعد قولته لوائل ارح القيادة قال لي تمام وجاهو اتصال طلع ؛ سعاد كان قالت لي انو م نضفت غرفة وائل خشيت انضفه فعلا كانت جااايطه شديد نضفتها وكان ف زاويه يعني الغرفه زاته تحسها مقسومه ع اتنين م غرفه بس كان ف حته جوه الغرفه زاته فيها الاالات حديد وكذه جيتار سمعت صوته جوطه بره ختيت قطعه كنت بنفض بيها ف واحده من الجيتارات من غير م انتبه وطلعته تحت بسرعه كان ابشنب بشاكل ف عمتي نفحات وهي قاعده بتبكي قال ليها كلو بسببك وبسبب اندفاعك هسي انا فقدته صفقه بالملاييين الف مره قولته ليك م تخشي مع الطرف الخسران واوزني عقلك كويس بس انتي عنيده وراسك ناشف قالت ليهو واذا خسرته صفقه اها؟! بتكورك فيني قدام الموظفين بشكل ده ؟! تصغرني قدامم؟؟! قال ليها من يومك صغيره م صغرتك انا قالت ليهو م تنسى الصغيره دي بسببه انت بقيت عصمت ابوشنب الانت فيهو ده قال ليها انا ابشنب بسبب تعبي وجهدي م بسببك انتي قالت ليهو والله؟! متذكر لمن كنت بتجي تتوسل لي وتشحدني العشره جنيه متذكر ولا اذكرك؟! انت بقيت بسببي انا وبسبب املاكي لميتك من الشارع وبقيتكك زول مع الناس ضربه كف لمن وقعت قال ليها لسانك م تطولي فاهمه ولالا جريت عليها رفعتها لزتني قالت ليهو لا م فاهمه ووحات الدفناهو زمان هاا متذكرو ؟! لو م ندمتك ع الكف ده م ابقى نفحات الامين شداها من شعره قال ليها ترجعي ي شنو ي كلبه قولته ليهو عمي فكها م صاح البتعمل في ده لزاني قال لي م انتي البتوريني الصاح من الغلط فهمتي وطيري من قدامي ولسه ماسك نفحات حاولته ابعدو عنها ابا يفكها لزاني بعد راسي لفها ومسك نفحات وطلع بيها فوق سمعته بتكورك ضربته لوائل قولته ليهو الحق امك وابوك بتشاكلو ف ظرف ثانيه وائل جا وطلع مسدس من الدرج قولته ليهو وائل انت جنيت؟! قال لي بنهره م تدخلي وخشي جوه قولته ليهو م بخش جيب المسدس ده بقيت بقالع فيهو رفع المسدس فوق وفكا طلقه انا بعد بردته ف محلي كسر الباب بكل قوتو ومسك امو ووجهه المسدس ع ابوهو نفسو كان قايم شديد وعيونو حمرا وقفته بينو وبين ابوهو قولته ليهو بطل الجنان البتعمل فيهو ده مسكني من يدي قال لي انتي مالك م بتفهمي ؟! امشي من هنا قبل افرق ده ف راسك اتخلعته وم مصدقه انو وائل القبل نص ساعه كان بظارف معاي ده وائل القدامي حاليا نهرني قال لي م بتسمعي امشي من هنا قولته ليك قولته ليهو م ماشه حاولته اقلع منو المسدس قال لي يووووه وفكا طلقه تاني ف الهوى مسكني من يدي شديد قال لي المره الجايه ح تكون ف راسك ووجه المسدس لراسي عمتي نفحات كان خايفه وبترجف قالت لي م تخلي يعمل شي وائل جيب المسدس وائل ده ابوك قال ليها ده م ابوي ابشنب ضحكك قال ليهو بتتراجل بمسدس؟! هاا جايني وشايل مسدس وائل قال ليهو المفروض اجيك بخنجر صح ؟! لكن فكرته انو المسدس ارحم عشان انت ابوي ولاشنو؟! قال ليهو انا م اب لصعلوق زيك وائل ضحك باستهتار قال ليهو الولد بقلد ابوهو ولا غلطان يااا...عصمت ابشنب ؟! يدك م تمدها ع امي عشان م اقطعه ليك ومسكو من لايقتو قال ليهو فاالح وصلت لمرحله تمد يدك علي ي كلب وضربو كف وقع ف الارض شال المسدس منو جدعو وطلع قاشو دقاهو عمتي نفحات بقت تبكي وانا جريت ع وائل ابشنب قشطني سوط ف نص ضهري وجراني بيد امجد جا داااخل ومسك ابوهو قال ليهو ابوي كفايه قال ليهو رفع فيني مسدس والله اليله م اخليهو امجد قال ليهو معليش ي ابوي هو طايش انت عارفو قال ليهو طيشو ده يعملو بره م لي انا هنا امجد قال لي بنهره طلعيهو بره وائل قال لي م طالع خلي يضرب وجسمو كلو بكب دم💔 قال لامجد فكو م برتاح لو م نزل مني دم فكو خلي يضرب لسه امجد قال ليهو وائل م وقت استفزازك ده ابوك وائل قال ليهو ابوك انت م انا ، من انا صغير متحملو ومتحمل ضربو لامي لكن اقسم بالله سوطك قصاد سوطي تاني امجد قال ليهو وائل ده ابوك فااهم قال ليهو بصوت عالي لو هو ابوي هي امي واذا هو ابوي فعلا م بمد يدو ع امي ابشنب قال ليهو كبرته وبقيت تدافع ليها اااه؟! ورفع السوط ضربو ف بطنو وائل مسك بطنو ابشنب لزاهو برجلو قال ليهو لمن بقى عندك يد دافع بيها ع روحك امجد قال ليهو ابوي لا ياخ ده ولدك ابشنب ختي كراعو ف بطنو وائل عاين لامجد كان قاعد ع ركابيهو ف الارض جنب وائل قال ليهو انا اولادي اتنين ده م ولدي وائل ضحكك بصوت عااالي قال ليهو تصدق حتى لو م معترف بي انا وائل عصمت ابشنب تغريبا دي الحاجه الوحيده ال م ح تقدر تخيفها وح تستمر بدون رضاك امجد قال ليهو وائل م تعصبو واتلفت ع ابو قال ليهو ابوي الله يرضى عليك يسبو جسمو كلو بكب دم رفع الصوت داير يضربو تلفونو ضرب جدع السوط فيهو وطلع 💔 كان مطبح زي الجثه ف الارض وجسمو كلو بنزف 💔 سمعته امجد بكورك امي قومي امي قومي وائل قام بصعوبه طلع حبه من الدرج اداها لامجد بلعه ليهو اتلفته لقيتو مافي طلعته بره الممر كان كاري رجلو وماشي ع شقتنا 💔 امجد قال لي امي شويه وبتتحسن خليها ترتاح هزيت ليهو راسي ومشيت ع وائل دخلته الغرفه شكلو ف الحمام قعدته ف الكرسي مستنياهو يطلع وشايله علبه الاسعافات ف يدي بمجرد م طلع مشيت عليهو شال مني علبه الاسعافات قال لي اطلعي بره قولته ليهو م طالعه مسح المويه الفي وشو بيدو قال لي بنبره حادة نسيمه بره قعدته ف السرير وم اتكلمته قال لي بزهج خليتها ليك وطلع ...
