عمار قال لي مافي وقت الناس دي كلمتهم واحده انا بالعافيه خليتهم يوافق يأجلو الاقتحام ساعه استثمري الساعه دي وكلمي وائل قولته ليهو عمار انا مبقدر اليله بذااات انا وائل متشاكلين اذا كلمتو...قاطعني قال لي م عندك حل تاني تكلميهو انتي افضل من بعرف من زول تاني نحنا م عندنا ضمان ولو1% احسمي قرار هسي معاك ساعه فاهمني ؟؟! وفصل....
ربعه ساااعه انا قاعده خاته يدي ع راسي قعدته ابكي اصلا من بدايه اليوم ده انا حاسه اني ح اخسر وائل واذا بحبني ولو ذرة ح يتفهمني ؛ فتحته الباب الغرفه كان قاعد بحضر جريت التربيزه وقعدته قدامو مسحته وشي مسك يدي قال لي نسيمه انا ..قاطعتو قولته ليهو وائل انت بتحبني ؟! قال لي وبتسألي انا اشرته ليهو بيدي قولته ليهو انا م جايه اتكلم معاك ف شكلتنا القبيل انا نسيت الموضوع اساسآ قال لي عيونك مورمه انا اسف قولته ليهو وائل بتثق فيني قدر شنو؟؟؟! قال لي دي شنو الاسئله دي قولته ليهو جاوب ع قدر السؤال قال لي طبعا بثق فيك جاتو رساله ف التلفون شلاه التلفون منو قفلتو قولته ليهو لغايه م اخلص كلامي لا تقاطعني ولا ح تتسعمل التلفون قال لي ف شنو ؟؟ ختيت يدي ف راسي قولته ليهو قبل م نعرس زمن ابوي كان عيان كان حالتو اتاخرت شديد وح يرمو برا المستشفى عشان م سددنا قروش الجلسات ف جات هبه قال لي هبه؟؟! خطيبت معتز هزيت ليهو راسي ملت راسي وودتني فله ؛؛ الفله دي كانت بتاعت دعاره خشيت معاها بس م حصل شي بيني وبين الزبون ومطالته لغايه الشرطه كبست واخدونا ع القسم بس اقسم بالله م قرب مني اقسسسم بالله م لمسني فضل ساااكت وخاتي يدو ف راسو م رد لي قولته ليهو انا لو مجبوره م كنت مشيت معاها انا م كنت قادره افكر ف حل تاني وهي كانت زي الشيطان ملت لي راسي وائل انت ليه ساكت رد علي دموعي جات جاريه قولته ليهو اقسم بالله م حصل بينا شي وم قرب مني وائل انا قاطعني قال لي وجايه تكلميني بكل عين قويه ليه؟؟؟؟! قولته ليهو عشان هبه مهدداني اني لوفتحته خشمي وقولته حقيقته لمعتز ح ترسل ليك الفديو قال لي فديو شنو؟؟ قولته ليهو فديو صورتني فيهو وانا هناك قال لي مش قولتي م لمسك خايفه ليه؟! قولته ليهو عشان انت ح تفهمني غلط قولته اوضح ليك انا وافهمك قبل م هبه ..ضحك قال لي انتي بتهظري صح؟؟! مستنيه مني اتفهم شنو؟! انك كنتي مع راجل غيري وانا ديوث اتفهم صاااح؟! قولته ليهوو وائل انا غلطانه بس قاطعني قال لي انتي طالق ....
بعد نطيت لمن سمعته الكلمه دي لقيت روحي ف السرير الساعه بقت 10 ختيت يدي ف قلبي قولته الحمدلله كان خيال 💔
جاني وائل خاشي لز الباب بكل قوتو قولته ليهو ف شنو ؟! مسكني من يدي قال لي ده شنو؟؟! ردي بسالك القرف ده شنو؟؟! دي انتي صح ؟! مد لي التلفون هبه رسلت ليهو الفديو 💔 قال لي انا بسال فيك جاووبي ردي مالك ساكته دي انتي ؟؟! قولته ليهو وائل ح اشرح ليك قال لي تشرحي لي شنو؟؟؟! انك نمتي مع واحد غيري؟؟! قولته ليهو لا م حصل والله والعظيم م حصل قال لي يعني الفديو ده مفبرك؟! قولته ليهو انت اهد وانا ح افهمك قال لي شنو تفهمني ؟؟! لابسه ملابس زي دي وم ع راجل تاني افهم شنو انا نسيمه ؟،! قولته ليهو اقسم بالله لسه من شويه كنت جايه افهمك عشان م تفهمني غلط قال لي هو انا مقصر معاك ف حاجه بعد تمشي لراجل تاني؟! قولته ليهو وائل الفديو ده م هسي وقاطعني قال لي يعني دي مهنتك ؟! كنتي مركبه لي وش البراءه وانتي واحده سااافله بعد قال كده دموعي جات جاريه قولته ليهو انا م سافله وم بسمح ليك تقول لي كده قال لي انا كنت فاكر اني بعرفك كويس وكنت شايفك اشرف م خلق الله اتغيرته عشااانك انا وثقته فيك واديتك الماديتو لاي مخلوق خلقو الله دي روحك انا انتي فاهمه؟،! تقومي تخزليني بالطريقه دي؟ واكتشف انك لاعبيه بي ومكذبه علي ؟! حد معاك شهور وورقتك تصلك لبيتكم ومن هنا لوقته م عايز اشوف خلقتك دي فاهمه ولزاني وقعته ف السرير طلع وقفل الباب بكل قوتو قعدته ابكي بحرقه الخايفه منو حصل عرفتها ح تخزلني ي ريتني لو كلمتو انا ي ريتني لو سمعته كلام عمار 💔
نومته ف مكاني لغايه الساعه 12 صباحآ فتحته عيني م كان لي نفس اتحرك من السرير ؛؛ جسمي كلو مكسر وعندي صداع وبطني بتوجعني قعدته قريب الساعه م اتحركته من مكاني نزلته استحميت ومشيت عملته شي اكلو م كان لي نفس اكل بس عشان الفبطني لازم اجبر روحي مر الوقت بطيء الساعه بقت 1 ووائل لسه م جا استنيتو بره نمته ف الكنبه صحيت ع صوتو قولته ليهو جيت م اشتغل بي كنت خايفه شديد يكون رجع للمخدارات 💔
بس كان ماشي طبيعي شرب مويه قولته ليهو وائل اديني فرصه اشرح...وطق قفل الباب ف وشي 💔
دقيت ليهو الباب وانا ببكي قولته ليهو وائل الله يخليك خلينا نتفاهم وائل اديني فرصه بس احكي ليك الحصل وائل وائل رد علي عليك الله م تسكت شلته اليل كلو واقفه قدام الباب م رد لي ولا فتح خشمو بكلمه 💔
