عزام قال لي دي شنو الورطه الورطينا ليها دي
الولد دق ليهو الركشه من فوق كان بشرب ف سجاره قال ليهو مالك معاها مش قالت ليك م ماشه ؟والتاني بتمايل ولسانو تقييل شكلو سكران قال ليهو م م مااالك معاها وريحت الشراب واصله السماء عزام قال ليهم ولا حاجه ي جماعه طلعت من البيت زعلانه وململه حاجاته قالت م بترجع قال ليهو عايز تقنعني انها مرتك هووي حركات الجوكيه دي انا عارفه عزام قال لي خليكي منهم انا غلطان واسف ارح نرجع بيتنا وانعلي ابليس الشايل المطوه ختاها ليهو ف رقبتو قال ليهو اسمع التمثيليه دي تعملها عند امك م هنا عزام قال ليهو وليه الغلط ده بس يااا عمك م قدام مرتي الولد قاليهو اثبت لي عزام قعد يضحك قال ليهو واثبت ليك كيف ؟! قال ليهو طلع القسيمه عزام بضحك قال ليهو قسيمه ؟! وهو انا مسافر عشان اشيله معاي محل امش الولد مسكو من قميصو قال ليهو قله ادب م معانا السكران قال ليهو ايوه م معانا الولد قال لي صحي ده راجلك قولته ليهو اي قال لي اسمو منو؟! قولته ليهو عزام قال لي عزام منو الاسم كامل قولته ليهو عزام حسن الشيباني قال لي اكتر اكله بحبهاا شنو ؟؟ سكته عزام قال ليهو فاكره بتعرف تطبخ دي خليقه ساااي قولته ليهو هي م تقول علي خليقه م كفايه اني مستحملاك انت وامك الولد السكران قال لي عيب تقول امك يااا دي نسيبتك عيب عزام قال ليهو والله انا جيت اصالح اها حبيبي نمشي خلاص ؟! كبري دماغك ي ستي وم عليك بكلام امي امسيحهو ف وشي الولد قال ليهو هي م دايره تمشي معاك يعني م ح تمشي السكران قال ليهو ايوه م ح تمشي عزام قال ليهو عليك دينك خليك محضر خير يااخخ المدام ف الشهر التالت والدكتور قال ليها م تمشي كتير وانا لي سنين مستنيهو السكران قال ليهو وهي حامل يعني؟ الولد قال لي حامل ي بت؟! قولته ليهو بتمتمه ايوه بس انا م ح ارجع الا يعتذر لي الشايل المطوه غير نظراتو طووالي قال لي لالا تمشي وم تشتغلي بحركات الحموات دي اركبي اركبي مع راجلك عزام قال لي اركبي يخ مدوخاني عليك من الصباح ومجرياني معاك الولد قال ليهو براااحه عليها عزام قال ليهو وانا قاصد يعني لكن تعبته من قبيل جاري قال لي معليش اركبي وزح لي يدو قال لي اعفي لينا م قايلنك حامل وقفناك قولته ليهو شكرا بعد اتحركنا مشينا قال لي كده تبشعي بامي كويس قولته ليهو حاولته اجيب سبب مقنع وده البحصل ف بيت النسايب ضحك قال لي الكويسه انك فهمتني طوالي بمثل قولته ليهو انت مثلته عليهم ليه؟! قال لي الشله دي كعبه لو حاولته تضاديهم مشكله بتطلع ميت وانا م مستعد اموت عشانك والله عندي حياه لسه عايز اعيشه قولته ليهو كتر خيرك قال لي الشارع ده كعب م تجي بيهو تاني وصلنا قال لي ده البيت قولته ليهو اي قال لي م ح استنى تعمل لي حركاتك ديك وشكرا وم بعرف شنو سلمي عليها ودور مشى قولته ف نفسي بعيدا عن شخصيتو الم مفهومه الا انو بجد انسان مهضوم شديد♡♡
دقيت الجرس جا عصومي فتح لي سلمته عليهو قولته ليهو سوله قاعده قال لي اي داعده قعدته اضحك قولته ليهو انت لسه ف لجتك دي م عرفته تتكلم جاتني امينه سلمت علي قالت لي شنو الغيبه دي ي بت؟ قولته ليها الحمدلله بس قالت لي والله ليك وحشه امس سالته منك اسيل اها كيف ابوك واخواتك قولته ليها الحمدلله تمااام جات خالتو ليلى (ام اسيل) سلمت علي قالت لي اليله لو م كنتي جيتي كنت زعلته منك والله ماالك قاطعتينا ي مفتريه😒 قولته ليها والله ي خالتو ...قالت لي شوفتي نهااائي م تحججي لي انا معتبراك زي اسيل لكن عذراك اخر موقف حصل وانتي هنا م كان ظريف لكن انتي عارفه ي نسيمه اني بعتبرك بتي قولته ليها والله م خاتاهو ف بالي قالت لي لالا خاتاهو امينه قالت ليها موقف شنو ي ماما؟! قالت ليها نسيمه كانت قاعده معانا بعد عرس عدنان اخوك وبتلملم معانا ف العده عمتك سماهر شافته وقعدت تشكر فيها بقت تساله عن جنسك وم جنسك واتقلبت طوالي عليها قالت لي هيي عمتي دي عنصريه وكريهه نحنا زاتنا بنكرها خالتو ليلي قالت ليها اسكتي ابوكي م يسمعك قالت ليها م صاح الزول يقول الحقيقه المهم م تركزي معاها هااا قولته ليها م مركزه والله خالتو ليلي قالت لي اسيل فوق اناديها ليك قولته ليها خليها انا بمشي ليها قالت لي اي اي تخشي ليها وم تتونسي معاي لالا ي نسيمه مافي ليك مشي انا عايزه لي قعده معاك اسيل قالت لي الله جابك لمعطه امي خالتو ليلى قالت ليها بطلي قله ادب ي بت قالت ليها ماما انتي خليك صريحه مع نفسك قالت ليها قصدك انا معاطه؟؟؟😒 قالت لي ابدااا والله م قصدته انتي الحلو كلوو😙 قالت ليها سيبي البكش ده ها انا قايمه منك زاتو قولته ليها عليك الله ي خالتو م تمشي خليكي قاعده قالت لي ماشه ع الحاج ده كان بفتش ع عمتو م لقاها عندو ميه واحده بس متعبني الا افتشه لي التقول قاطعين فيها صرتو امينه فكت الضحكه قالت ليها وااااي ماما بقيت بتتكلمي زي حبوبه م بصدق دي ليلى شريف صاحبه الكلمات المنمقه قالت ليها ي بت ها الرجال ديل يخلوكي تفقدي المنطق عديييل خلي اللباقه 😴💔
ضحكنا عليها اسيل قالت لي ارح فوق طلعنا امينه جابت لينا عصير اسيل قالت ليها نحنا عايزين نقرا لو سمحتي بره امينه قالت ليهو سمح سمح مارقه 😒 قعدنا نقرا وشرحت لي الم فاهماهوو حكايه ساعتين نحنا بنقرا اسيل قالت لي اخش الحمام واجي قولته ليها سمح اطبحته ف السرير وتكلته يدي جات خالتو قالت لي خلصتو؟! قولته ليها لسه لكن فضل لينا بسيط قالت لي اعمل ليكم برك تعالي اقعدي جنبي هنا كان ف كنبه جنب الباب مشيت قعدته جنبها مسكت يدي قالت لي نسيمه يمه قولته ليها نعم قالت لي لمن اسيل كانت ف الاساس كانوا صحباته بستغلو طيبتها ولمن مشت الثانوي واحده فيهم اقرب صاحبه ليها كانت بتكرها وحاقده عليها و اجرت ليها واحد يعتدي عليها والوحيده الانقذته انتي بعد الصدمه الحصلت ليها مافي واحده وقفت معاها وساعدته تطلع منها الا انتي اسيل بتي حساسه شويه م بتتحمل انتي جيتي ف نهايه سنه تانيه وشرحتي ليها الفاته كلها وم سبيتها لحظه كانها اختك من دمك والتغير الحصل ف شخصيه اسيل كان بسببك قولته ليها م عملته شي ده واجبي قالت لي عارفه ي نسيمه عارفه وربتت ع يدي قالت لي انا عايزاك تتاكدي من حاجه واحده بس انا م بقدر اقوليك اعتبريني امك مكانته الام م بتتعوض لكن تحت اي لحظه حسيتي انك بحاجه لامك تعال لي يمه قولته ليها حاضر م بتقصري قالت لي انا م بقول كده عشان تقول لي م بتقصري اها اانتي بتعبرني ام ليك ؟! قولته ليها طبعا ي خالتو قالت لي يعني لو طلبته طلب بتعملي عشاني ؟! قولته ليها طبعا ءامرني قالت لي حبيبتي اسيل ابوها جاب ليها تلفون وانا عرفته من اسيل انو تلفونك اتسرق ونحنا بصراحه م صدقنا لقينا فرصه نرد ليك بيها جمايلك العملتيهم مع اسيل زمان فلو قبلتي مني التلفون ده ح اكون مبسوطه شديد♡ وطلعت لي علبه تلفون مكتوب فيها هواوي y5 قولته ليها بس ي خالتو كده كتير قالت لي انتي قولتي ح تقبلي مني وانا بجد ح ازعل لو م قبلتيها ح تزعليني؟! قولته ليها ابدا وشكرا ليك مسحت ع راسي قالت لي شكرا ليك انتي انا كنت خايفه ترفضي قولته ليها معقوله ارفض ليك شي اسيل جات قالت لينا لا وووووالله!!! يعني انا اسيبك لحظه اجي القى امي حاضناكي؟؟ ضحكته قولته ليها ولو سبتينا دقيقه كمان ح تلقيها رامياك ف الشارع قالت ليها ماما بليز خليكي مع صحباتك وسيبي لي صحبتي شغل الشلابات دي م بنفع معاي قالت ليها ف بت بتقول لامها كده انا م ربيتك نهااائي 🐸🔥🔥 قالت لي ماما يلا من غرفتي لو سمحتي نحنا ناس ممتحنين وعايزين نقرا outيلااا قالت لي كمان بتطرديني ؟! قالت ليها اي بتطردك قالت ليها لمن تعمل ليك بيت برااكي اطرديني يلا نسومه انا ح امشي لو احتجتو ل شي انا تحت
بعد مشت قولته ليها شوفتي امك جابت لي شنو؟! قالت لي هي كمان جابت ليك حاجه؟! قولته ليها تلفوووون قالت لي بتهظري كدي كدي قولته ليها تعالي علميني ليهو انا البشختو ده م حصل مسكتو خلينا القرايه وبقينا ف التلفون علمتني كيف افتحو وكيف اعمل الباسويرد ونزلت لي تطبيقات من عندها قالت لي بكره بعد الامتحان بحول ليك الصور والاغاني اذان المغرب اذن قولته ليها اتاخرته قالت لي صلي وامشي صليت ولملمته شيتاتي والتلفون ف الشنطه نازلين لقانا عمار سلم علي اسيل قالت ليهو اديني مفتاح العربيه اوصل نسيمه قال ليها انتي عارفه عربيتي دي بكم وعايزاني اخليها بين يدينك ف احلامك وضربه ف مناخيره انا نزلته وهي بقت بتشاكل معاهو خالتو قالت لي خلاص ماشه؟! قولته ليها اي اتاخر الوقت قالت لي م تتعشى قولته ليها لالا الوقت اتاخر شديد قالت لي خلاص الله يعدل عليك سلمي ع ابوك واخواتك اسيل قالت ليها اميي قول لي عمار يوصل نسيمه قولته ليها مافي داعي بلقى مواصلات قالت لي ده كلام شنو الواطه ليل والشارع الورانا ده كعب نادت عمار قالت ليهو وصله قولته ليها خالتو هو يدوب جاي وتعبان خليهو مافي داعي قال لي لا انا جيت من قبيل ارح اوصلك اسيل جات وقفت معاي مشى جاب العربيه ودعت اسيل وركبته ب ورا قال لي ي زوله انا شوفيرك؟؟ قولته ليهو م فهمته؟! قال لي قومي تعالي اركبي قدام مشيت ركبته قدام من بين كل اخوان اسيل انا عمار ده لا بهضمني لا بهضمو بحسو مفتري كده ونافخ رشو اسيل عندها اخوين عدنان وده معرس وعمار عدنان لاقيتو مرتين وظريف فيهم واخته واحده الا امينه دي ومتزوجه ف الامارات بتجي اجازات بس يعني اسيل دي وحييده ودي اكتر حاجه خلته تتعلق بي شديد طول السكه عمار م فتح خشمو معاي كنت بعاين ب قزاز العربيه جا بشارع بيتنا القديم قولته ليهو نحنا رحلنا م ساكنين هنا قال لي بجد متين قولته ليهو قبل اسبوع قال ليها اهاا ومشيتو وين عماره جديده؟! قولته ليهو لالا بيت صاحب ابوي قال لي حارسينو ليهو يعني هنا قربته اضربو يعني مبقدر يتكلم غير بالاسلوب ده قولته ليهو لا ح نقعد فيهو فتره لغايه نلقى لينا بيت ايجار نحنا طلعونا من البيت داك بليل وصاحب ابوي اصر انو نقعد هناك قال لي كنتي تقولي انكم قاعدين مؤقتا بس مافي داعي للرقي ده كلو قولته ليهو شايفه كل م اختصر ليك بترجع تسال قولته اجاوب ليك سلفا قبل م ترجع تسال تاني قال لي انتي زعلتي ولاشنو انا م قاصد قولته ليهو م حصل شي جينا بتقاطع قولته ليهو لف يمين ونزلني هنا قال لي وصلنا؟! قولته ليهو اي قال لي وين البيت؟! قولته ليهو بعد الدكان داك قال لي لسه بعيد قولته ليهو مافي داعي خلاص بكمل م تخش ل جوه ولا اشتغل ب كلامي وقفني جنب الدكان قولته ليهو شكرا تعبتك معاي هز لي راسو ومشى
نزلته قولته ف روحي ده شنو المغرور الكريه ده هسي البشوف امو بقول والداه ده وحتى طريقه السؤال العاديه دي بفتري فيها غياظ حقير عواليق بيخ لي يومي وفرحتي ب التلفون ،، صحي انو كنت م عايزه اقبلو منها وخصوصي انو غالي بس بصراحه من جوه كنت مبسوووطه عشان تاني م اقعد ف الجامعه كتير عشان اكتب البحوث وافتش للمراجع ده لو لقيته
خشيت الغرفه مبسوووطه متكيفه قولته ليهم شوفو جابو لي شنووو😍😍 سميه وسميره جو جارين الحابو ليك منو بقينا قاعدين نطبز فيهو ابوي جا لقانا متكويمين فيهو كلنا قال لي ده الجابو ليك منو قولته ليهو خالتو ليلى واصرت اني اشيلو والله م كنت عايزه اشيلو قال لي م بتقصر والله شكرا ليها سميه قالت ليهو تعال نتصور سوا وصورتنا وابوي ف نصنا طلعت حلوه شديد رغم انو الواطه ليل بس كانت واضحه
قولته ليهم انا ح امشي اعمل لي شااي سميه قالت لي ف عده غسليها معاكي لقيته ملايمه جبته المويه وقعدته اغسل فيها كبيت المويه ف الباقه وتكلته الطشت ف الحيطه اتلفته وراي شوفته نفسي واقفه قدامي بنفسي ملابسي ونفسي كل حاجه حتى الطريقه الرافعه بيها شعري نفس الشي كانو مرايه ومختوته قدامي
يتبع......
