رجعته البيت بمجرد م فتحته الباب خشيت لقيت ابوي واقع ف الارض وراسو بتنزف دم رميت شنطتي وجريت عليهو كوركته ل سميره وسميه البيت كان صااني كان واقع ع بطنو عدلتو عديل حاولته اصحيهو ابا يصحي ف طرحه مجدوعه ف السرير شلته وانا برجف ربطه بيها المكان والدم لسه بدفق وانا م عارفه اعمل شنو جريت الشارع ود جيرانا موقف ركشتو برا دقيت الباب قولتا ليهو ابوي بدفق دم وصلني المستشفي قال لي اهدي اهدي اجيب المفتاح واجي مسافه اجي جريت جبته قروش خاتها ف خشبه الحافله وقف ركشتو قدام بيتنا وجا داخل شالو معاي واتحركنا مشينا المستشفي رقدتو ف كرعيني وبقيت ضاغطه ع مكان الجرح مره استقوى واصبر ومره ابكي لغايه م وصلنا ملابسي كلها بقت دم شلناهو دخلناهو الطوارىء عقم ليهو الجرح وخيطوهو ليهو جات الممرضه قالت لي م تخافي الضربه جاتو ورا ف راسو علشان كده غمر م تخافي هسي بصحا ابوكي م فيهو شي هو وقع ولا شنو؟! قولتا ليها م عارفه والله انا جيت خاشه البيت لقيتو واقع وغرقان ف دمو ود جيرانا قال ليها لكن الوقعه ممكن تكون عميقه كده ده نزف كتير شديد ؟؟! قالت ليهو ممكن لو جات قويه المهم ح امر عليكم بعد ساعه ختت يدها ف يدي قالت لي م تشيلي هم جات سليمه الحمدلله وبطلي خوف ولو صحي قبل الساعه كمان تعاليني بتقليني ف المكتب داك اوكيه ؟! قولتا ليها شكرا مشت مننا وبقيت قاعده ع كرعينو وببكي ود جيرانا بقا يصبر فيني ي بت الناس الممرضه قالت ليك جات سليمه وطمنتنا قولتا ليهو م عندي غيرو ف الدنيا دي انا بخاف عليهو من كل حاجه قال لي م تقولي كده يخخخ الحاج بخير وعافيه ربنا يقومو بالسلامه انتي بطلي خوفك ده لو صحي لقاك بالحاله دي ح يتهجم ف روحو قولتا ليهو تعبتك معاي اعفى لي قال لي معقول الناس بالناس والحاره للرجال ولاشنو؟! قولتا ليهو م بتقصر صحي نسيت اعفي لي م حاسبتك واخرتك من شغلك قال لي بتبالغي معاي شايفني م عندي انسانيه يعني جارتي وتقولي كده؟! م تزعليني منك وانا م ماشي قبل اطمن ع الوالد ثم ثانيا انت براك م معاك زول اخليك كيف يعني؟! قولتا ليهو ماف داعي والله انت م قصرته ... قاطعني قال لي ملاحظه انك بتهيني بكلامك ده؟! قولتا ليهو م قصدي والله بس قال لي من غير بسببه بقا قاعد معاي قعدنا ربع ساعه ابوي صحا شوفتو فتح عيونو مشيت عليهو قولتا ليهو ابوي انت كويس؟!
عصام قال لي ح امشي انادي الممرضه ابوي قال لي
نسيمه انا الجابني هنا شنو انا وين ؟! وكان ماسك راسو قولتا ليهو انت ف المستشفي اخد راحتك م تتحرك قال لي والجابني شنو؟! قولتا ليهو بحكي ليك بعد تصحى هسي انت كويس حاسي بوجع؟!
قال لي راسي بوجعني حبه م شديد جا عصام والممرضه كانت بشوشه كده قالت ليهو سلامتك ي حاج قال ليها الله يسلمك قالت ليهو وقعته انت ولا شنو قال ليها وقعته؟؟! وضغط ع راسو كان بتذكر قال ليها اي اي اتذكرته كنت طالع ف الكرسي اجيب المفتاح وكراعي اتزلقت وقعته ضربته الطربيزه قولتا ليهو وانت الوداك تطلع شنو ي ابوي وانت رجلك مكسوره ؟! قال لي كنت طالع ماشي ل عمك عكاشه قولتا ليهو كنت تتركش الباب والبنات مشو وين؟! قال لي م جو من المدرسه
عصام قال لي خليهو يرتاح ده م وقت عتاب هسي خلي يسند طولو
الممرضه كتبت لينا ع ادويه مسكنه قالت لي لو حسه بوجع اديها ليهو وتعالو بعد اسبوع اغير ليهو الشاش تاني مافي شي ابوك طيب والحمدلله عصام شال منها الورشته قال لي اسندي معاي ركبناهو ف الركشه ابوي عاين ل جلابيتو قال لي لا اله الا الله ده كلو نزل مني قولتا ليهو لقيتك بحاله ي ابوي والله قولتا م بتعيش قعد يضحك قال لي انتي باقي خوافه زي امك الحاجه كان بسيطه تضخميه في كلامنا عصام جا ركب وساق بينا الركشه قولتا ليهو دقيقه م تمشي م جبته الدواء مد لي كيس قال لي هدا ليهو امسكي قولتا ليهو لشنو لكن م كان ف داعي قال لابوي بتك دي من قبيل تشيل وتهين فيني كلمه ي حاج ابوي ضحك قال لي م ح يشيل منك انت م عارفه عصام ولا شنو ده كل م يلقاني ف الطريق بجيبني عصام عاين ف المرايه قال ليهو واجب الجار وصلنا البيت ابوي دخل جوه وقفتا مع عصام شكرتو ع موقفو معاي قال لي انتي معاطه ع فكره 😒 وساق ركشتو ومشى قولتا ده مالو هسي خشيت جوه رقدته ابوي ف السرير قال لي راسي واجعني قولتا ليهو دقيقه اديك من المسكن ده بشيل ليك الوجع اديته ليهو ملصته عبايتي ف طرف السرير مشيت المطبخ اعمل الاكل لقيتو معمول جات سميره تكلت راسه ف الحيطه قالت لي مشبتو وين انتوا ؟؟! اتلفته عليها قولتا ليها كنتي نايمه ولاشنو؟! قالت لي دي صحيتي اها م قولتي كنتوا وين ؟؟! قولتا ليها ف المستشفى ابوي ضربتو الطربيزه قالت لي احلفي قولتا ليها والله قالت لي وهو وين ؟؟! جرت عليهو لقتو نايم قولتا ليها خليهو م تصحي قعدت تبكي قولتا ليها انتي كنتي وين ؟! وسميه وين م شايفاها ؟؟! قالت لي انا كنت مع اعتدال امس م جات كانت عاينه جيت من المدرسه غشيته اوريها الفاته ولمن جيت لقيتكم مافي وسميه جوه كانت بتكتب قولتا ليها اتغديتو قالت لي قبيييل قاطعتنا سميه قالت لي اها كيف كان اول يوم ف الجامعه ي بت الجااامعه 😏 قولتا ليها زي وشك قالت لي معناته بااااسطه حظظظك خشيت جوه الغرفه ( بيتنا مكون من غرفه وصاله ومطبخ وعريشه صغيرونه كده وحمام ابوي بنوم ف البرنده ونحنا بنوم جوه ف الغرفه بعد الواطه تسخن بنوم ف العريشه )
اطبحته ع ضهري وجدعته يديني ف الفرش لاول مره احس انو الفرش ده ناااعم ومريح كده شده م كنت تعبانه نومته من غير م احس صحيت ع صوت تلفوني بضرب لقيته اسيل صمتو من بجنبه ورجعته نومته م غمضته عيوني تاني رنا مسكتو وعين مفتحه وعين مغمضه بصوت عالي قالت لي وين انتي من قبيل بضرب ليك م بتردي الو الو الووووووو ي بت قولتا ليها مالك ي اسيل ياخي قالت لي انتي نايمه ولاشنو؟! قولتا ليها لالا صاحيه صاحيه معاك ف شنو؟! قالت لي كتبتي البحث؟! قولتا ليهت بحث؟! بحث شنو ي بتي قالت لي انتي شكلك م مجمعه عديل البحث الاداني ليهو الدكتور قبيل قولتا ليهو ايواااااا اتذكرته لالا م كتبتو قالت لي كتيييير شديد من قبيل بتعملي ف شنو انتي قومي اتلحلحي اكتبيهو المهم كنت عايزه اقوليك عندك طرحه جوافيه؟! قولتا ليها لالا م عندي قالت لي خساره مهيره ابت تديني حقته قولتا لو عندك اشيل منك قولتا ليها عندي عنابيه تنفع؟! قالت لي خلاص بعد العشا بجي بشيله منك قولتا ليها سمح مستنياك فصلته منها وغطيت راسي بالمخده قولته هو اليوم ده مالو طويل كده يااااخي😭😭😭💔
سمعته صوت جاي من بره مره بتكورك بحس طوووله وبتضرب الباب بكل قوته ي جبريل امرق هنا ي راجل ي نااااقص ودق دق دق الباب يتهزا من فوق لتحت قومته مفزوووعه شلته طرحتي ولابسه لي جلباب م اسمع الا وهي بتقول لمن م قااادر ع بناتك جاايبين ليييه؟؟! اطلعو لينا من الحي خربتو سمعت بناتنا المطلوقات ابوي قال ليها ي مره بسم الله ف شنو قالت ليهو مره تمرمر مراميرك بركه الله اسمعن هنا بناتك ديل ي تلمهن عليك ي قسما باااالله البتشوفو مني م بتعرفو قال ليها مالن بناتي سون ليك شنو ؟! قالت ليهو م عارف والله تلقاك عااارف وانت المعلمن وساااكت ابوي ضرب عصاتو بالارض قال ليها اسمعي ي مره ي تحفظي ادبك ي اتفضلي من غير مطردوه وصوتك ده م تعليهو فاهمه ولالا قالت ليهو هيييي وتاني هييي م تتكلم عن الحدود وبتك هاااايفه قال ليها قسماااابالله لو م لمتي لسانك ده عليك الا اقدد ليك عيونك ديل اتكلمي بادب قولتا ليك قالت ليهو الادب علمو لبناتك ديل وتعال اتفاصح مشيت عليها قولتا ليها هي انتي قايله روحك منو بعد ترفعي وتبزي فينا قالت لي اسمعي ي خااادم لمي اختك دي واشرت ع سميه والا وبالله وتالله لو لقيته حايمه ع ولدي تاني قسما بالله الا تشيلوها بكرسي ه ابوي قال ليها حسك عينك اسمعك تجيبي سيرت بت من بناتي تاني وبتي م ماشه مع ولدك وم تجي ترمي علينا بلاكي قالت ليه اساله قبيل كانت ماشه معاهو ف الشارع ليه ؟! ابوي عاين لي سميره قال ليها صحي الكلام ده ي بت؟! قالت ليهو م حصل قالت ليها اسمعي انا شوفتك بعينني دي الياكله الدود باااكر ماشه معاهو ابوي عاين لسميره قال ليها بنهره صحي الكلام البتقولو ده ولالا انا بسال فيك ع كلمتو دي جا عمو صالح خاشي قال ليهو ي جبريل م كده استهدا بالله ابوي م اشتغل بيهو سميره قالت ليهو انا م كنت ماشه معاهو كنت طالعه من بيت ناس اعتدال وف كلب ف الشارع سعران خوفته منو جا هو قال لي امشي قدامي م بسالك وقطعني الشارع ووالله العظيم ده كل الحصل وم مشيت معاهو ولا شي بس قطعني الشارع ابوي قال ليها اظن سمعتي كلامه قطعه الشارع يعني م مشت معاهو قالت ليهو انت مستني مني اصدق الخادم دي؟! انا.... قبل م تم كلمته ابوي قال ليها تصدقي ولا م تصدقي دي مشكلتك تاني بتي قالت العندها وم بتكذب وانا من قبيل مستحمل كلامك واتهامك قولتا يمكن المره كلامه صح ولانك مره لغايه هسي مستحمل طولت لسانك لكن لمن وصلت لانك تنعيتنا بالخدم وتبزينا ف نص بيتنا بدون خجل وتلمي علينا الناس علشان حاجه سخيفه زي دي ف تفضلي من سكات بره قالت ليهو هوو بيتك بعد تطرديني كااان م غفييبر حاج صالح قال ليها ي مره الزمي حدك وانتوا يلا اي زول ع بيتو ف شنو يلا من هنا مشت ولوت خشمه قالت ليهو كان م مرقتكم من الحله دي ي عبيد م ابقى نعمات
ابوي زعل زعل من كلمته دي لدرجه نهر سميره بكل قوتو قال ليها خشي جوه يلا سميره بعد نطت طوالي خشت جوه وقعدت تبكي سميه مشت تحنسه انا قعدت جنب ابوي كان ماسك راسو قال لي جيبي لعمك صالح ده مويه وجيبب لي المسكن ده عليك الله مشيت جيت شايله الصينيه سامعه حاج صالح بقول ليهو دي مره فاكه منها وانت خابره م انا البوريك عمايله م تشتغل بيها انا فقدتك اليله ف الصلاه قولتا اجي اشوفك مالك قاطعتهم ختيت ليهو العصير شايله البستله ف يدي قال لي ماشه وين انتي؟! قولتا ليهو ماشه اجيب اللبن قال لي م تمشي ختي البستله وخشي جوه قولتا ليهو والبجيبو منو قال نسميه قولتا ليك ختي البستله وخشي جوه حاج صالح قال ليهو براحه ع البت
استغربته من رده فعلو دخلته طوالي جيت ع الغرفه سامعه سميه قالت ليها انا كلمتك قولتا ليك الولد م تباريهو هسي شوفي امو سوت فيك شنو دي الحاله شكت بس كان اتاكدت كان هرستك وعفصتك ومشت قالت ليها انا بحبو والله العظيم ذنبي شنو انا ؟! خشيت عليها قولتا ليها يعني القالتو ده صح؟؟! وقفت ع طوله قالت لي النبي م تكلمي ابوي عليك الله انت عارفاهو ممكن يعمل فيني شنو مسكتني من يدي قالت ي نسيمه اقسم بالله م عملنا شي غلط ولا اتجاوزته حدودي احلف ليك بشنو بس قولتا ليها انتي عارفه بعملتك دي وطيتنا راسنا قالت لي وطيت راسكم بشنو ده كلو علشان حبيت؟! انتي عارفه انو الشي ده لا بيدي لا بيدك قولتا ليها انتي متين كبرتي للحب والخرابيط دي؟ قالت لي عمري 18 سنه وانا م صغيره تاني اتمالكته اعصابي قولتا ليها نشوف الموضوع ده بعدين هسي ابوي قاعد م يسمعنا حسيت بالباب بتحرك اتلفتنا كلنا وخاتين يدينا ف قلوبنا اكييد ده ابوي بس اشوف اسيل داخله ختيت يدي ع قلبي سميره دي قعدت ف الارض من الخوفه اسيل قالت لي شنو ده ال م دايرين ابوكم يسمعو؟!!! قولتا ليها دي انتي الحمممدلله خشي واقفلي الباب قالت لي اها قفلتو مالكم وماله دي بتبكي قولتا ليها ولا حاااجه خشي قعدت تعاين لينا باستغراب قالت لي لقيت ابوك طااالع معاهو راجل وقال لي انكم
جوه اها كتبتي ولا لسه صحي سلامه ابوك شايفهو رابط شاش ف راسو مالو يالله؟! قولتا ليها وقع قبيل وووديناهو المستشفى قالت لي يخسسس عليك وانا قبيل سالتك مالك م كلمتني قولتا ليها اصلا كنت يدوب مصحصحه م خطر ع بالي قالت لي المهم اديني الطرحه قولتا ليها مستعجله ع شنو م تقعدي قالت لي عمار واقف لي بره عارفه حركاتو اطلعي وبتاع حدرته ليها قالت لي بعوضه ليك اها بكره ح تلبسي طرحه لونه كيف😍😍😍 قولتا ليها م فكرته البلقاها قدامي بلبسه اتلفته ع سميره قولتا ليها عايزه قميصك الابيض قالت لي م بديك ليهو بتوسخي لي قولتا ليها تمام وانا ح اكلم ابوي خلي ينضفك قالت لي خلاص خلاص بس م تمسكي علي حاجه اتملي بيهو 😒🔥🔥 اسيل ضحكت وعاينت لي بفخر كده قالت لي تربييتشششي 😂😂🔥🔥
طلعته قدمتها شايفه عمار ف العربيه قالت لي ارح سلمي عليهو قولتا ليها لالا قالت لي شييينه منك ح ياكلك يعني ؟! مشيت عليهو رفعته ليهو يدي كان بتكلم بتلفون رفع لي يدو ورجع كمل ربتت ع كتفي قالت لي بخلط وبتاع م تشتغلي بيهو المهم بكره بدري ديسيس قولتا ليها ظبوطي
صحيت الصباح لقيت روحي نايمه ف الارض وجنبي البحث و15 مكالمه من اسيل اتنفضته سريع سيع لبسته حتى م سالته ابوي اصبح كيف جزمتي لبسته ف الشارع وطريته اسيل كانت واقفه لي ف البوابه قالت لي م بدري قولتا ليها بحكي ليك اول م خشينا الرسبشن لقينا ولدين واقفين شايلين قصاصات صغيره قالو لينا لصقوها ف القميص لبسانها بمجرد م دخلنا الجامعه جوه الناس دي كلها بتعاين لينا وتضحكك ونحنا م فاهمين شي ....
#يتبع...
