قولته ليهو وانا خاته بنصر يدي ف مناخيري بتعاين لي كده ليه؟! قال لي ضحكتك حلوه دي كل الحكايه رفعته حواجبي وابتسمته خفيف قولته ليهو بجد قال لي بالخاله😂 ابتسمه قولته ليهو طيب لازم امش بعد اذنك قال لي اذنك معاك مشيت خطوه كده اتذكرته كلام سميه لمن قالت لي الكلام القالو لي قال لي م اوريك غمته يدي قولته م بمش الا اعرف تاني قولته لا ي نسيمه م شغلتك امشي خليهو م ضروري تعرفي ولا هو زاتو شي مهم وطوالي مشيت لقيت اسيل وعدن معاهم عدي قاعدين بتونسو وبضحكو ساااي قعدته معاهم بمجرد م قعدته عدن قامت قالت ليهم انا ماشه عندي محاضره عدي قال ليها محاضره؟؟! ياتو محاضره دي؟! قالت ليهو محاضره فسيولوجي قال ليها انا كلمتك قولته ليك اتلغت تمتمت ف الكلام قالت ليهو صح لكن ح امشي لبنان اشيل منها ملخص قبيل مد ليها دفترو قال ليها هاااك ده دفتري
قالت ليهو عدي عندي معاها موضوع يعني م الا اقول ليك بصريح العباره شلته منها كرستاله المويه من يدها قولته ليها عطشانه موت والكولار بره م فيهو مويه كانت بتلملم ف حاجاته مدت ليها الكرستاله قالت لي لالا خليها معاك قولته ليها م اظن تلقى بره مويه لانها قاطعه قالت لي خلاص بشتري واحده تانيه قولته ليها وتشتري ليه؟ م هدي ملانه قالت لي م اظن اعطش زاتو ومشت بسرعه
عدي بقى يتكلم معاي وكيفك والجامعه وكذه انسان ظريف ودمو خفيف شديد ف قعدتنا ديك جا الشبح سلم ع عدي ؛ عدي قاليهو جلس يااا قال ليهو م بجالس خدم وكان بعاين لي عدي قال ليهو شنو؟! قال ليهو م مهم اها ح تجي الحفله بعدين؟! عدي قال ليهوح اجازف غايتو قال ليهو بينا كول ومشى
اسيل عاينت لي قالت لي م تهتمي قولته ليها م شغاله بيهو اصلا عدي قال لينا يلا ح امشي ع الشباب ديل نتلاقى يوم تاني بعد عدي مشى اسيل قالت لي اها يلا نمشي البيت بعد ده مافي سبب بقعدنا قولته ليها اي انا زاتي اليله عندي غسيل كتير شديد وصلته البيت لقيتو فاضي شكلهم لسه م جو فتحته الغاز اعمل لي قهوه م شربته ف الجامعه ختيت المويه ف النار والهبهان قولته مسافه اخش الحمام واجي بتكون فارت خشيت الحمام وجيت راجعه شلته البن ف يدي والملعقه وقفته قدام الغاز لقيت الغاز مطفي والحماي فاااضي ولا نقطه م فيهو قولته معقوله حتى حست !! مشيت جبته مويه تاني كبيته و فتحته الغاز جبته السكريه والكبايه ختيتم جنب الغاز عاينته للحماي لقيتو برضو فاضي قولته ف نفسي معقوله نسيت اكب المويه!!!! شكلك ي نسيمه خرفتي لكن لو نسيت المفروض الحماي يحرق وم لحقت المويه فارت اصلا عشان تحسى غريبه !!! سمت الله وكبيت المويه تاني المره دي وقفته ف الغاز لغايه فارت كبيت بني وشلته جبنتي وقعدته ف السرير وانا مستغربه الحصل !!! قولته اها مالي انا بفكر كتير شربته قهوتي وعملته غداي شايفه عيش مافي شلته القروش قولته الحق قبل ينتهي تركشته الباب ومشيت كانو ف نسوانين ف الدكان
واحده جارتنا ف الدكان قالت لي انتي ساكنه ف البيت ده؟! قولتا ليها ااي قالت لي ايواا جيتو متين م قالو مسافرين قولتا ليها لالا اصحاب البيت لسه م جو نحنا قاعدين فيهو مؤقتآ قالت لي غفرا يعني قولتا ليها لالا بنفتش ف بيت وصاحب ابوي قال لينا اقعدو فيه لغايه تلقو بيت
قالت ليها اهاا وانتوا كنتوا ساكنين وين؟! قولتا ليها الحي البعد الحي الوراكم قالت لي م تكونوا الغرابه الكانوا ف العماره قولتا ليها اييي فيك الخير
عاينت لي من فوق لتحت قالت لي بافتراء قولتي لي مؤقتآ قولتا ليها اي عندك اعتراض؟! قالت لي ماف داعي للقطامه واحده تانيه قالت ليها وانتي زاتك ماف داعي لكترت السؤال 😒 قالت ليها بقطامه ساله جكالين جولي م غرابيه 😒 قولتا ليها اسمها انجلينا م جاكلين لوت لي خشمها ومشت المره قالت لي هي م تشتغلي بيها دي شمارة الحي م سايبه زول ف حالو قولتا ليها لاعادي م جديده علي الحركات دي
سيد الدكان قال لي انتي غرابيه من وين ي بت ؟!قولتا ليهو زياديه واحده كبيره قالت لي قصدك زيداب الجعل اابت؟! قولتا ليها لا زياداب من الفاشر قالت لي بري البشوفك م بقول غرابيه قولتا ليها كيف يعني؟؟
قالت لي يعني سمرتك فاتحه لو م اخاف الكضب اقول حنطيه وشكلك ملانه شعر وملامحك زاته سمحه قولتا ليها الا ابقى زعموط وسودا وشينه ؟! قالت لي م قصدته لكن ده المعروف عنككم قولتا ليها جيتي دارفور وشفوتينا كلنا ؟! قالت لي م جيت الا ده البقولو قولتا ليها تاني م تصدقي البتقال واحده نطت قالت لي اسمعي انتي بتتقاطمي كده مالك معانا؟! قولتا ليها حاشا م اتقاطمته لكن براكم من قولتا غرابيه بتحدرو لي وبتطعوني بالكلام قالت لي متين طعناكي ؟! قولتا ليها انتي قبل شويه مش قولتي الغجر ديل الجابم هنا شنو؟! تحبي اقوليك باقي الكلام ؟! عاينت لي بحاقره قالت لي م صحي بقيتو مالين البلد قولتا ليها افتكر دي بلدي زي م بلدك وعندي فيها الحق زي م عندك قالت لي انتي بتساوي نفسك بي كمان !°
قولتا ليها ومالي بساوي نفسي بواحده عنصريه وجاهله وشلته كيس العيش ومشيت لحقتني المره القبيل قالت لي هي ولا همك ديل زي م قولتي انتي جاهلات غير السواطه م عندهن شغله انا اسمي منى ساكنه تاني بيت ليكم قولتا ليها وانا نسيمه قالت لي عاشت الاسامي ❤
قالت لي انا عمي معرس غرابيه سمحه سماحه فايتنا كلنا وطبعه سمح م بنكر ف البدايه استنكرتها والله وعاملتها بجهل لكن بعد عاشرتها وعرفتها حبيتها صحي المبعرفك بجهلك قولتا ليها ولا همك
قالت لي بكره عندنا عرس حماي النبي كان تجي العزومه غدا ونبقى اهل ومنو اعرفك ع مرت عمي ح تحبيها ♡♡
قولتا ليها والله بكره عندي محاضرات لكن لو خلصته بدري بجيك ان شالله قالت لي بتقري شنو انتي؟! قولتا ليها طب قالت لي م شالله دكتوره يعني قعدته اضحك قولتا ليها بتعلم قالت لي انا قريت محماة لكن خليتها بعد عرسته😂😂💔
قولتا ليها مالك م كان تشتغلي قالت لي بري ها العيال والبيت صعبه زايد راجلي م محوجني حاجه 😂❤🙊❤ قولتا ليها وقت مرتاحه اصلو م اشكااال🙊👊 قالت لي والله حبيتك يلا عليك الله حاولي تجي سمح ؟! قولتا ليها كويس ربنا يسهل
ع قدر م كنت زعلانه ومغبونه من السمعوني ليهو النسوان ف الدكان ع قدر م ارتحته للبت الاسمها منى دي ❤
تحسها ف وشها طيبانه
شعور ان الناس تضهدك وتخت انطباع سيء عنك بسبب جنسك وحاجه ماليك فيها دخل وذنب حاجه حاره لانو بتحكم عنك بالسوء وبتخت ليك الوش الكعب وانت ابعد م تكون عن كده💔
بليل طلعته برا الحوش الجو كان هاادي وحلو فتحته لمبه الحوش و شلته شيتاتي قولته اقرا الفاتني الامتحان كبس خلصته كم محاضره كده الفهمته قريتو الساعه بقت 12 مددته رجولي ف التربيزه وخاته الشيتات ف رجولي ومتكله ضهري ع الكرسي نومته حلمته بي ناس بضبحوهم وناس بتموت قومته مهلوعه وبكب مويه وبقت اتعوذ لقيت روحي نايمه ف الكرسي شلته شيتاتي و مشيت نمته جنب اخواتي اليل كلو الباب يعملو كرو كرو تاني للصباح م جاني نوم
