عمتي نفحات قالت لي كلوو منك انتي دي م عارفه عملتي شنو لولدي خليتهو يسمع كلامك انتي ويطنش كلامي انا امو الوالداهو من حشاااي لكن بعرف انظمك كيف وطلعت ...
كلامه ضايقني شدييييد 💔 خصوصي انو ف الايام الاخيره كانت معاي كويسه 💔 دموعي جات جاريه خلصته القهوه والشاي وطلعته فوق ع طول وقعدته ابكي يعني هي م عارفه امي ميته؟؟، لييه تجرجني بالطريقه دي؟؟ وتقول لي كلام حار قدام الناس من جيت وهي شايلاها معااي حااره م عارفه ليه او عملته ليها شنو عشان استاهل منها معامله زي دي ؛ وتسيء لامي كمان وقدام الغربه 💔 حتى لو فرضاا فرض اني هي م عارفه م خطر ع باله يوم ليه انا واخواتي قاعدين مع خالي ؟ م خطر ع باله وين امي م جات العرس؟، ساكته ليها عشان هي ام وائل بس ومجبوره اتحمله واتعايش معاها كلو عشان المشاكل م تكبر بيناتنا لكن هي مصره كل م اخت ليها وش سمح تبدلو لمن تكون براها وم معاها زول بتعاملني كويس عشان عارفه انو م ليها زول غيري بس لمن يجي زول من اهله وتحس انها م وحيده بتقلب علي ؛؛ جا وائل داخل كان زهجان م اتكلم معاي خالص ولا حاول يطبطب علي شال اوراقو وطلع بره 💔 م طلعته عليهم تاني كنت ماسكه التلفون واصلا مافي شغل ياها العده وبتغسله سعاد ضربته لعدن اعتذرته منها زعلت مني وم رضت فصلت فيني الخط 💔 وائل جا لقاني قاعده ف نص السرير قال لي لسه قاعده ؟؟ رفعته راسي قال لي م تكوني خليتي المشى عشان كلام امي البره ده؟؟ قولته ليهو لا اصلا تعبانه انا عشان كده م مشيت شال لابتوب وطلع بره 💔 زعلته شدييد من تصرفاتو وبردو معاي يعني ع الاقل راضيني ولا حنس امك عشان امشي هو عارف عدن والعملتو معاي ف عرسي ده اول موقف لي حقيقي وللاسسف خزلني ولا فكر يقيف معاي حتى قدام امو خلاص وائل ده بتاع كلام بس م بتاع فعل 💔
خشيت الحمام استحميت جيت طالعه لقيتو خاتي ملابسو مستنيني اخلص عشان يخش يستحمى قال لي وهو بأشر ع السرير البسي الملابس دي اخش واطلع القاك جاهزه م عايز تاخير قولته ليهو ع وين؟ كان حتى خشى وقفل الباب مشيت طلعته لي توب وطقمتو سمعته صوت الباب بدق كانت سعاد قالت لي عمتي نفحات بتناديك تحت نزلته مشيت ليها قالت لي لافحه توبك ع وين؟، قولته ليهو وائل قال لي اجي القاك لابسه م قال لوين حمرت لي قالت لي سوي لي قهوه سريع مشيت سويت ليها قهوه وجيت لقيت ائل مستني تحت قال لي لسه م جهزتي؟، قولته ليهو البس شبطي بس واجيك طلعته لبسته شبطي وجيت نازله كان بزرر ف يد القميص قال لي ده شنو الابسه ده؟، قولته ليهو شنو وقعدته اعاين لروحي مستغربه قال لي ده م البس الطلبته منك تلبسيهو قولته ليهو التوب احسن داك م سمح قال لي لا البس داك انا عايزم تلبسي الفستان عمتي نفحات قالت ليهو اي تمشي بالتوب قال ليها بتوبه ده من هنا م بتباريني هي زاته م بتعرف البسو اساسا تتخمخم بيهو طول الوقت؟! مهيبه قالت ليهو امها كان عرفت تعلمه م كان ده حاله عاين ليها قال ليها كلامك صح امها لوووو كانت عايشه كانت عرفت تلبس التوب وبرضو ح ارجعه وم ح تباريني بتوب قالت ليهو تمشي معاك مطلعه ضرعاته بره ساااي دي انطلاقه دي قال ليها هي ماشه عريانه ولا لابسه؟؟! بالاضافه لانو الفستان استر من التوب لا وقع لادقيقه اصلحو نسيمه امشي البسي الفستان سرعه ؛؛ م عرفته اعمل شنو ولا اتصرف كيف من جهه وائل ومن جهه امو نار احرا من نار قال لي مستنيه شنو اتاخرنا طلعته فوق لبسته الفستان وجيت نازله اول م شافني ابتسم قال لي ايووه دي مرتي الحلوه عمتي نفحات قالت ليهو ماشي بيها وين خالفته امري وموديها صحبته مش؟ ضحكك قال ليها معقوله ياااخ صحبي اليله عزمنا عندو وحالف يمين لو جينا يقطعو معاي قالت ليهو الغدا لسه عليهو قال ليها م قولته غدا عازمنا يوم مفتوح قالت ليهو صحبك ده منو؟ قال لي حيدر ود خالتو زكيه بتعرفيهو صح؟؟ قالت ليهو ايوااا اي بعرفو كان حيدر امشو قال ليها عن اذنكم مهيبه قالت ليهو والاثبات ع كلامك ده شنو قال ليها دي مرتي وانا راجله ونحنا طالعين وم مطضر اثبت او ابرر لمرقاني معاها ايآ كان المكان الاحنا ماشينو م من حق زول يعرف يلا نسيمه ح نتاخر ،، بعد طلعنا مهيبه قالت لي عمتي تفخات شايفه ولدك؟ قولته ليك سويت ليهو حاجه عمتي نفحات قالت ليها لكن وائل من يومو كده قالت ليها لا غيرتو البت دي لازم تبعديها عنو والا بكره ح تركب ليك ف راسك وتقولي مهيبه .....
