عمار قال لي وقفي ضرب ي مجنونه انا عمار قولته ليهو عمار ؟؟! بتعمل ف شنو هنا ؟؟! وشنو الدم النازل منك ده ؟؟؟! قال لي وكان م قادر يتنفس هم بفتشو لي بره خبيني عندك اليله دي بس سمعته صوت الباب بدق شديد؛؛ قولته ليهو تعال خش هنا هم شافوك قال لي م متاكد بكون شافوني م تسلميني ليهم قولته ليهو طيب تعال دخلتو جوه غرفتنا وشلته بشكير المسح مسحته بيهو الدم الجنب الشباك سرعه ودخلتو ف الحمام ؛؛؛
فتحته الباب جو داخلين اربعه ضباط قولته ليهم خير دخلو اتنين وهم بقولو وينو؟؟! وطوالي بدو يفتشو واحد فيهم مشى اتجاه البلكونه قولته ليهم ده شنو ي جماعه انتوا كيف بتخشو عينا بالطريقه دي ؟؟! قال لي ف ولد مضروب دخل هنا؟؟! قولته ليهو ولد شنو؟؟! ويدخل وين ؟؟! قال لي ف ولد هربان مننا دخل هنا خلينا نشوف شغلنا م تنقي ف راسي قولته ليهو هييي انت داخل بيتي نص اليل و كمان بتتامر قال لي بتامر انا ضابط وده شغلي فاهمه قولته ليهو لا ووووالله م فاهمه شغلك انك تخش بيوت الناس انصاص اليالي ؟؟! دقيقه هي انت ماشه وين اخواتي جوه نايمات ومشيت عليهو قال لي زحي قولته ليهو ازح وين انت مجنون؟؟! اخواتي نايمات جوه الا جلبابتن تدخل كيف يعني قال لي ي بت الناس زحي من وشي م ابتلى فيك قولته ليهو م بزح وختيت يدي ف الباب ومن مكاني م متحركه سامع ولالا كمان دي قله ادب جديده دي اقوليك اخواتي نايمات يقول داير يخش لزاني بيدو قال لي انا ممكن احبس ولطاعتك دي خليها افضل ليك قولته ليهو وانت احترم روحك وم تتامر ف خلق الله عشان لابس لبس ضابط قال لي كلمه زياده وقسما بالله البسك الكلبشات قولته ليهو وانا كلمه زياده ح افتح فيك بلاغ انتهاك حرمات قال لي م سامع كدي قولي تاني تفتحي بلاغ ف منو؟؟! وقعد يضحك قال لي انا الشرطي هنا يعني لو دايره تفتحي بلاغ بتجيني انا فهمتي؟؟! وطيري من وشي الساعه دي والا قسماا بالله ابتلي فيك جا ضابط كبير قال لي نادي لي ابوك وين صاحب البيت ده قولته ليهو ابوي ميت الله يرحمو وانا صاحبه البيت قال لي نادي امك قولته ليهو متوفيه قال لي نادي لي زول كبير ي بت الناس قولته ليهو انا الكبيره هنا ماف اكبر مني ...
الضابط طوووالي ضحكك قال لي يعني ده بيت دعاره عشان كده م دايرانا نخش جوه صح؟؟! لزاني بكل قوتو واشر لواحد من الضباط قال ليهو اعتقله قولته ليهو يعتقل منو هي طوالي فتح الباب وفتح النور لقى اخواتي نايمات صحن مهجومات سميره قالت ده شنو ده ف شنو وانت منو؟؟! وجرت الملايه اتغطيت بيها الضابط ولا كانويل بنات طوالي دخل يفتش قال ليهم ف ولد خشى عليكم هنا سميه قالت لي بهجمه ولد شنو؟؟! اي واحده شالت الملايه الراقده فيها لفت بيها نفسه وجن بره قال لي نسيمه ف شنو منو ديل قولته ليها ديل مجانين ساااي
الضابط مسكني من خشمي قال م تتفاصحي بعفص ليك وشك العامل زي طرقت الابري ده هسي فاهمه قولته ليهو شيل يدك مني ؛؛ قال لي سميره وين اهلك ي بت ؟؟! قالت ليهو ميتين ف شنو؟! قال ليها يعني انتو عايزين تقعنوني انو عايشين هنا براكم ؟! قالت ليهو اي ابوي مات من تلاته شهور وم عندنا اهل غيرو الضابط الكبير قال ليهو سعاتك م لقينا حاجه خلينا نمشي قال ليهو هو فعلا م لقينا الجينا ليهو لم لي التلاته ديل لمن اعرف قصتن شنو؟؟! قولته ليهو يلمنا كيف يعني؟؟! انت جاي بيتنا ف نص اليالي تعتقلنا بدون سبب قال لي لمي لسانك عليك انتي م بتوريني شغلي جايبه لي بتين بنات ومحفاظهم اسطوانه وفاتح البيت دعاره وتتفاصحي قولته ليهو الزم حدك بيت شنو الفاتحاهو دعاره؟؟! شايف الرجال مارقين ودخلين عندنا بعد تقول ي بيت دعاره؟! ولقيت معانا واحد ؟؟! البيت ده بيتنا وسكانين فيهو لينا تلاته سنه وم عشان ابوي متوفي تجي حضرتك تعتقلنا بدون سبب لزيت الضابط قولته ليهو شيل يدك مني انت كمان الضابط قال لي فصحاتك دي ح البسك قضيه لمن تتادبي ي عفنه وساقنا نحنا التلاته ودانا القسم ؛؛ تفكيري كان كلو ف عمار واختفى وين م لقوهو؟؟! ديل قلبو البيت ده قلب بذااات غرفتنا ؟؟! وبنزف يعني مستحيييل يخفي نفسو ودم بكب ؛؛
