بقن يضربن فيني جات الشرطيه اخدتنا نحنا الاتنين للضابط ؛؛ وكان قاعد معاهو عمار بقيت اخبي ف وشي كان بشرب ف سجاره اول م شافني نزله وبقا يعاين لي مهجوم الشرطيه قالت ليهو قلبن الزنزانه ساحه معركه سعادتك قال لينا كمان كمان فوق ده كلو ختيهم لي ف السجن الانفرادي الاتنين البت قالت لي ي سعادتك والله هي البدت جرتني من شعري وبقت تضرب فيني قولته ليها انا ي مفتريه ضربتك حسبي الله ونعمه الوكيل فيك قالت لي ايوه ضربتني وولو م مصدقني سعادتك اسال الكانوا ف الزانزانه بنفسك قولته ليهو اي اسالم انا م ضربتها هي البقت تشتم وتضرب انا ولا قربته عليها قالت لي انتي ح تتبلي كمان ي بت الش...م...... قولته ليها اوعك تجيبي سيرت امي ع لسانك فاهمه الضابط ضرب التربيزه قال لينا بس انتي وهي وانتي واشر علي انت هنا ف سجن فاهمه قولته ليهو انت م شوفته قالت لي شنو هي الاستفزتني قال للشرطيه لميهن الاتنين وعلميهن الادب الشرطيه جات ساقتنا ودت السجن الانفرادي ؛؛ تميت خمسه دقايق جات طلعتني قولته ليها ف شنو تاني لزتني من ورا قالتلي امشي وانتي ساكته دخلتني المكتب الضابط قال لعمار دي؟! قال ليهو ايوه قال ليهو متاكد قال ليهو اي اخدمني الخدمه دي بس الضابط عاين لعمار وعاين لي قال لي ف دكتوره ف الدنيا بتتمسك ف اداب؟؟! صحي الزمن بقى صعب سكته قال لي انا م سجلته عليك اي حاجه علشان عمار لكن قسما بالله اشوف وشك هنا تاني وديني اربيك من الصفر فاهمه ؟؟
هزيت ليهو قال لعمار اعرف ناس نضيفه يخخ ده شنو الوسخ ده عمار قال ليهو معروفك م بنساهو ليك ؛ طلع لقيتو مستنيني بره بالعربيه كنت خجلانه شديد خصوصي انو اخو صحبتي وياااما اهلو كانو بحكوا ليهو عن ادبي واخلاقي وبشكرو فيني ح ارفع راسي فيهو كيف تاني وهو شافني ف السجن ممسكوه ف قضيه اداب انا مش خسرته قدامو انا اتزليت قدامو والزله اخير منها الموت
وقف لي العربيه قال لي اركبي قولته ليهو لالا برجع براي قال لي بنهره قولته ليك اركبي وفتح لي الباب ركبته من سكات وطول السكه خشمي م فتحتو ولا هو اتكلم معاي كان تاكل يدو ف الباب وسايق ، ولا سالني شنو الجابك هنا ولا اي سؤال كنت متاكده من حاجه واحده بس انو اسيل تاني عمري م ح اشوفه وزمان كان بنتقدني علشان جنسي المره دي ح ينبزني علشان الحصل ده فضل سااايق وجابني بطريق غريب اول مره اشوفو قولته ليهو ده م طريقنا بيتنا سكت م رد لي قولته ليهو عمار ده م طريق بيتنا عاين لي ورجع عاين قدام قولته ليهو موديني وين برضو م رد لي فضلته بسال وبتكلم وهو ولا كانو بتكلم معاو قولته ليهو ح افتح الباب انط قال لي افتحي وداس ع التامين قفلوا جيت افتح التامين قال لي موديك نفس المكان الجيتي منو بالضبط باختلاف الزبون قولته ليهو قصدك شنو؟! م رد لي وساق باقصى سرعه الساعه كانت ماشه 3 صباحا وقف العربيه ونزل فتح لي الباب قولته ليهو م جايه معاك ولا م طلبته رايك وجرانس من يدي كراني دخلني جوه شقه وقفل الباب ؛
مشيت ع الباب عايزه افتحو ابا يتفتح جدع المفتاح ف الارض قال لي شيلي افتحي عايزه ادنقر اشيلو
جا مسكني من يدي ولصقني ع الحيطه قال لي اختي انا ماشه مع واحده بتنوم مع رجال !!!
كم بدوك ف اليله هااا؟؟! 500؟؟! لالا بكون الف ، الفين تلاته كم؟؟! قرب مني شديد لدرجه بقيت م قادره اتنفس قال لي قولي لي بكم ليلتك علشان نتفق ع السعر ولا انتي سعرك بالساعه ؟! برضو م مشكله بدفع ليك وم بتكوني الا مبسوطه قولته ليهو عمار لو سمحته قال لي عندك مبرر المره دي ؟؟! قولته ليهو اقسم بالله غصبا عني قال لي م كلكم بتقولوا كده دموعي جات جاريه بقا ضاغط ع يدي شديد قال لي بتبكي ليه السعر م عجبك ولا الاسلوب هاا؟! اوو انا نسيت الزيك م بفرق معاهو اسلوب المهم الكاش صح ؟؟! قولته ليهو اديني فرصه اشرح ليك قال لي انتي كيف بتمثلي انك كويسه وانتي بالوساخه دي قولته ليهو انا م كعبه اقسم بالله دي كانت اول مره ضرب بيدو ع الحيطه قال لي اول مره ي كذابه قولته ليهو لو م عايز تصدقني م تصدق لكن والله كانت اول واخر مره انا انجبرته اعمل كده يعني ح اخسر شرفي بيدي ح امشي ف الطريقه بقصد والله العظيم مجبوره قال لي ف زول ختى ليك سكين ف رقبتك؟؟! قولته ليهو ابوي بموت قدامي شنو اعمل انا م كان عندي حل تاني قال لي كيف يعني بموت؟! قولته ليهو ابوي عندو لوكيميا ووصل لنقطه لو م اخد الكيماوي ح يموت وضرب لي الدكتور وقال لي ح يطلعوهو وعندو جلسه م اخده عشان م عندي ادفع ولو م اخد الجلسه الجايه ح نبدا من الصفر حتى الادويه بقيت م قادره اجيب حقها كانوا يطلعوهو من المستشفى وهو اقل هوا باثر عليهو عمار م كان عندي طريقه تاني اجيب بيها القروش ضربني كف بعد خشمي دفق دم قال لي لو جيتي كلمتني ولا كلمته اسيل ح نابا ليك؟! قولته ليهو الوقت متاخر وم كنت قادره افكر ختى يدينو ف راسو قال لي وضيعتي شرفك ح تقولي لابوك شنو ؟! علاجتك بشرفي؟؟ قولته ليهو لالالا انا م هبشني اصلا الشرطه جات وخدتنا لكن م لمسني عاين لي قولته ليهو والله م بكذب عمار قال لي وانا شنو البخليني اضمنك ؟! قولته ليهو استلمتني من قضيه اداب ح تصدقني كيف افتح لي الباب خليني امشي قال لي كم المبلغ ؟! قولته ليهو4 الف ضحكك بستفزاز قال لي ح بايعه نفسك عشان 4 الف!! سكته م رديت ليهو قولته ليهو عايز امشي افتح لي الباب لو سمحته مشى وم اشتغل بي لمن وصل نص الصاله قال لي الساعه 4 ح تمشي تقولي لاهلك شنو؟! بيتي هنا امشي الصباح قولته ليهو ح تصرف افتح لي الباب خشى الغرفه وقفل الباب ولا اشتغل بي قعدته جنب الباب لغايه الصباح ؛
