قولته ليهو يبقى مافي سبب يخليني اعرفك قال لي انا عمار وبطلي لماضه قولته ليها عمار !! قال لي عمار ياسر ولا تحبي اقوليك اخو اسيل اقرب !! قولته ليها اها وعايز مني شنو؟! قال لي عادي بسال منك رسلته ليهو اموج ضحك قال لي وين الغريبه قولته ليهو ولا شي ورجعته اتونس مع عزام عمار رسل لي قال لي شاغلك من حاجه ؟! قولته ليهو مش افضل لينا نحنا الاتنين انك تقول عايز شنو بدون رقي كتير ع قولك؟!! ضحك قال لي بكره عندك شنو ؟! قولته ليهو م اظن اكون فاضيه بكره ف حاجه ؟ قال لي بتكوني فاضيه متين ؟ قولته ليهو اكون فاضيه دي حاجه مستحيله لكن بحاول افضى ليك روحي لو ف شي مهم قال لي ليه بكلم رئيسه الجمهوريه !! قولته ليهو لا بتكلم نسيمه جبريل ☺ قال لي من الاخر بتفضي متين؟؟ قولته ليهو بكره يومي مليان بعد بكره بعد اخلص دوام قال لي بتخلصي كم؟! قولته ليهو بخلص بدري بكره بخلص 5 قال لي بتعرفي كافي (...) قولته ليهو اي قال لي نتلاقى فيهو قولته ليهو تمام ابوي ناداني ختيت التلفون ومشيت قال لي عند جلابيه غسليها لي شلته وكان عندي ملابس وسخانه مدام كده كده غسلته اغسلم كلهم غسلتهم وشريتم ومشيت نمته صحيت نص اليل عايزه اخش الحمام شوفته رجال طالعين اتحصنته وجيت راجعه سريري تموتي مزنوقه ي نسيمه ولا يلبسك جن حاولته انوم م قدرته ضروري امشي الحمام مرت ساااعه ساعه ونص فتحته الباب براااحه م شايفه شي بسملته واتوكلته مشيت خشيت وجيت جاريه جري بمجرد م دخلته الباب عمل كرووووو قعدته اكلم نفسي قولته اليله اخر يوم للرعب ده الواحد م صدق مشيت نمته صحيت ع صوت سميه وسميره م مشو المدرسه عشان راحلين ابوي قال لينا ماشي اجيب الكارو طلعنا كراتينا وسرايرنا وحاجاتنا كولهم ف الحوش ورجعنا ننضف للراجل بيتو زي م لقيناهو قولته ليهم اضرب لمنى اكلمه ضربته ليها قالت لي الفح توبي بس م تمت دقيقيتن جات ابوي جاب الكارو رفعنا عدتنا قولته ليهو عزام م جاي؟! قال لي م وريتو الولد يدو مفصوله قولته ليهو كلامك صح منى جابت عربيته وقفته بره قالت لي ارح اركبو شلنا جزو من الشنط شلناهم معانا وابوي مشى مع العفش وصلو قبلينا دخلو العفش ومشى يبجبو الباقي دخلنا نضاير منى قالت لي الشقه دي حلوه قولته ليها لو شوفتيها ساعت اجرناها مبالغه م بتتقعد اسيل ضربت لي قالت لي انا جاياك مشيتو الشقه ولا لسه ف بيتكم داك ؟؟! قولته ليها لالا م تمشي هناك نحنا هنا خلصتي محاضرات ؟ قالت لي ادونا الاولى والتانيه اتلغت حصلت مشكله كبيره بحكي ليك بس اصلك وفصلت رتبنا الرسبشن والغرف جوه فضل الا المطبخ جاايط وعندنا اثاث بسبب الترحيل اتكسر سميه قالت لي خلي العده لبكره انا م قادره قولته ليها ولا انا منى قالت لي ولا انا قولته ليها تعبناك قالت لي انتي هبله والله ازعل ف كلامنا جات اسيل قالت لي وانا الجايه اساعد سميره اشرت ليها ع المطبخ قالت ليها عليك بالعده قولته ليها اها حصل شنو؟؟ احكي لي سميه وسميره ومنى كولهم اتلموا اسيل ضحكتت قالت ليهم اسمعوا كنا ف المحاضره الاولى بعد خلصت طلعنا سمعنا صوت ضرب والناس دي تتجارى ونحنا م ناقشين حنانا وجو مجموعه من الاولاد شايلينن سيطان وسيخ ودخلو وبدو يضربو من طرف الامن والشرطه اتدخلو وطلعونا نحنا البنات بالباب الورا وم ح تصدقي لو قولته ليك الطلعنا منو قولته ليها منو ؟؟! قالت الشبح قولته ليها سبحان الله قالت لي المهم حصل اشتباك بين بقيت طلاب الجامعه والناس ديل اللهم متنمين للحركه الاسلاميه تغريبا والعارفاهو انو ف حزبين اتشاكلو والدنيا قامت ي بت ريحه البمبان دي واقفه فوق قولته ليها ده كلو يحصل لمن امشي بس قالت لي شوفتي انا م بغيب عشان الحاجات دي منى قالت لينا اما حكايه والله انا ماشه ع عيالي حنستنها تقعد قالت لي انتوا اضايرو بس ومن بيتكم م بطلع يلا بايات قولته ليهم انا ماشه الشغل اسيل قالت لي وانا امي بتكون خايفه علي وصلته المستشفى لقيته جايطه جيت اتاوق قولته لي هبه ف شنو؟! قالت لي قالو ديل ناس جامعتكم المهم هسي طلابكم كولهم هنا مشيت شايفه عزام كان معاهو دكتور ايهاب وكم زول تاني مشيت ليهو مهجومه قولته ليهو عزام انت بتعمل شنو هنا؟! راسو كان ملفوف بشاش قال لي انا كويس جبته صحبي قولته والله !!! راسك ملفوف تقول م فيني شي انا كنت متاكده اصلا انك ح تكون هناك قال لي وطي صوتك نحنا ف مستشفى ضربتو ف كتفو قولته ليهو ده الشغل القولته لي عليهو صح،؟ دكتور ايهاب ضحك قال ليهو خافت عليك ياا قولته ليهو شنو خافت عليك دي انا م خفته عليهو ولاشي كل القصه انو اول امس عامل حادث واليله مضروب وبكذب كمان وبس يعني وطلعته منهم قولته نسيمه دي شنو العملتيهو ده لقاني عمار ف وشي قال لي ع معادنا ؟ دايره اقول ليهو اي اتلفته ع الغرفه شايفه الشبح مجبص كلو فرحته فرح قولته بصوت من غير م انتبه تستاهل ود الكب انشالله تموت عمار قال لي اموت ؟!؟ قولته ليهو هااا لا م تموت اقصد م قاصداك عاين للغرفه قال لي بتكرهي؟ قولته ليهو م بتتخيل لاياتو مدى ف وقفتنا جا ضابط وانا من الحصل لينا عندي فوبيا من الضباط واي زول لابس مرقع سلم ع عمار ومد لي يدو ابيت اسلم عركته يديني ونفس ضاق قال لي م بتصافحي ولاشنو؟! هزيت ليهو راسي عمار رفع حاجبو قولته ليهو عن اذنكم قال لي استني انتي مش نسيمه هزيت ليهو راسي قال لي قالو بتقري ف الجامعه ونحنا عايزين شهود هزيت ليهو راسي قال لي عمار الاخت بكماء ؟ قال ليهو خالص قال لي بسالك جاوبيهو قولته ليهو انا اليله م مشيت الجامعه اصلا قال لي بترجفي كده مالك انتي؟! قولته ليهو م برجف قرب مني قال لي ي بت الناس انتي كويسه ؟! زحيتو ب يدي وغمضته عيوني قولته ليهو كويسه بس زح مني ومشيت ع طول وانا بتنفس بصعوبه قعدته ف مقعد جات دكتوره ايمان قالت لي نسيمه انتي بخير ؟ هزيت ليها راسي قالت لي مالو نفسك قايم عندك حساسيه ولا حاجه؟! قولته ليها لالا انا شويه وببقى كويسه قالت لي متاكده؟ قولته ليها اي شربته مويه وتابعته شغلي وجود الامن ف المستشفى كان م مطمني وكل م اشوف واحد بغمض عيوني ونفسي بقوم م صدقته دوامي خلص مشيت ع طول بعد ركبته اتذكرته موعدي مع عمار نزلته قولته ليهو معليش بس اتذكرته حاجه مهمه وقف لي نزلني مشيت اتجاه الكافي لقيتو قاعد بشرب ف سجاره وبتكلم بالتلفون اشر بيد مشيت عليهو قعدته قال لي تشرب شي؟ قولته ليهو لالا قال لي ح نقعد شويه ويمكن نطول قولته ليهو لو احتجته بطلب قال لي انا الح ادفع حمرته ليهو قولته ليهو عن اذنك قال لي استني بس انا اسف قولته ليهو اتفضل عشان مستعجله قال لي انتي ليه محسساني انك ماسكه بيت قولته ليهو تصدق صح قال لي امك متكله عليك لدرجه دي ؟ قولته ليهو الله يرحمه قال لي اسف وطفى السجاره قولته ليهو اها عايزني ف شنو ؟! قال لي الموضوع عايز اسيل تبطل مهدئات وعايزك تصالحيني معاها حسب انتي مقربه ليها وكده قولته ليهو الحكايه م عايزه وساطه قعده واعتذار بتنهى الموضوع قال لي ي ريت تفهميني انا واسيل مره سنتين والفجوه بيناتنا كبرت م اظن تروح باعتذار قولته ليهو انت مكبر الموضوع انت شفته اسيل مبسوطه كيف امس؟! قال لي اي قولته ليهو السبب كان اتصالك ليها وسؤالك عنها سكت قولته ليهو شفتها بسيطه كيف!! قال لي انا اهبل ف الحاجات دي م كتير بعرف اتعامل مع البنات قولته ليهو الناس قال لي شنو؟! قولته ليهو ولا شي كمل سكت وعاين قال لي شنو اعمل شلته تلفوني قولته ليهو نضرب لاسيل واجيبه لهنا تعتذر وتتونسو وترجعوا البيت مبسوطين مسك التلفون قال لي لا م كده قولته خلاص امشي جيب ليها قفه فرح او اطلعو مشوار مثلا وكده قال لي كده ممكن شفته عزام قاعد مع واحده ابتسمته وعاينته ليهو بعد عاين لي غمزت ليهو ضحك وختى يدو ف خشمو عمار لاحظ لي رجعته سرعه سرعه قولته ليهو طيب خلصنا قال لي اي قولته ليهو تمام عن اذنك قال لي اشرب حاجه ع الاقل قولته ليهو لالا م عايزه يدفعوا لي قال لي اسف م قصدته قولته ليهو ولو تقصد عايزه امشي جا ضابط خاشي الكافي وقعد ف التربيزه المقاصدانا نفسي ضاق وحسيت روحي تطلع وجسمي برد قال لي ف حاجه قولته ليهو لالا انا بس عايز امش وقفته الضابط جا قال لي ي اخت مطبقتك وقعت منك قولته ليهو عارفه مداها لي غمضته عيوني قولته ليهو ختها هنا وشكلو كان نفس الراجل الكتل جدي والراجل حالف كان يمشي قال لي مالي فيني جرب م تمسكي قولته ليهو لو سمحته ختها هنا وامشي قال لي نفسك قايم انتي عيانه معليش م قايلك عيانه قولته ليهو م مشكله قعدته ف الكرسي وم قدرته اتحرك عمار قال ليهو شكرا مسكته ف الكرسي عمار قال لي انتي كويسه ؟ قولته ليهو عايز اطلع من هنا قال لي عندك حساسيه ولا حاجه الضابط جا راجع تاني قال لي ده بخاخ استخدميهو قولته ليهو م عايزه منك شي زح مني بس قال لي ي بت الناس مالك بتتكلمي معاي كده عمار قال ليهو معليش قال ليهو دي شنو دي انا ممكن اسجنك باسلوبك ده قولته ليهو وممكن تقتلني كمان الضابط شد معاي بالكلام عمار قال ليهو معليش امسحه فيني هي م قاصده عزام ادخل قال ليهو معليش البت دي عندها فوبيا من الضباط بعتذر منك خليتم ف نقاشم ومشيت سرعه ركبته ورجعته البيت بليل لقيت كذه اتصال من عزام رجعته ليهو قال لي انتي كويسه قولته ليهو الحمدلله كسرته الجو م حبيت اتذكر الموضوع كتير قولته ليهو قبضتك ودي منو
...........
عدت سنتين وعلاقه عمار واسيل اتحسنت انتقلنا من اولى لتالته عصام اقصد عزااام عفوا اتخرج وطبعا م عمل تخريج عشان بكره اداره الجامعه وم عايز ولا فلس يمشي ليهم😂 ولسه سايق ركشتو وقدم cv بتاعو لكذه شركه الكترونيات واااخر شي اشتغل ف شركه لواحد مستثمر محتاح كفاءات بشريه وللامانه كان ف صله بين ابوهو وصاحب الشركه ؛؛ عزام بقى صاحبي شدييييد والبيست فريند والعمود التالت للشله سنه 2018 سنه كئيبه الشبح بقى دفعتي وبقرا معانا سوا لسه الغربان بعملو حركاتم لسه م يلقو طريقه يضايقوني ليها م ببخلوا بيها لسه شغال ف المستشفى والتغير الوحيد كان من سكرتيره لممرضه بعد دكتوره ايمان بقت بدخلني معاها العمليات وبساعده كتيير بس لسه مبتدئه وضعنا اتحسن الحمدلله ماديآ وصاحب الشقه باعه لينا ومني لابوي دبرنا المبلغ واشتريناها وبقت ملكنا بالرغم من انو حصلت لينا تعسرات ف البدايه لكن ذي م قال عزام م المهم جنسك المهم قروشك ايووه انا كتيييير بشيل كلام عزام لانو عاقل ومنطقي رغم التافهه الفيهو😂😂 كنت فاكره لغايه اللحظه انو سنه2016 اكعب سنه بس 2018 كانت ولا مقارنه ب 2016 خااالص م كفايه انو الشبح ودونقا دفعتي؟؟؟؟؟!!!
كنا ف المشرحه لمن حصل اشتباك بين الحركه الاسلاميه وبقيه الطلبه طلعنا جو جارين شباب وضربونا بالسيخ والسيطان وف واحدين شايلين سكاكين عدييييل الناس كانت بتتجارى كانو يوم القيامه وحاله هلع وخوف شديد ف بت جنبنا غمرت شلناها دخلناها الاستراحه ضربناها كفوف وشلاليت ع امل تصحى جبنه مويه من المغسله ورشيناها بيها م نفع لغايه واحده اتدنا بخاخ حتى فتحت عيونه فجاه دخلو علينا كذه ولد شايلين سيطان وسيخ وبدو يضربو من طرف الكلام ده جوه استراحه البنات واحد جا من غير تفاهم وقع فيننا ضرب نص البنات م لابسين طرح وجزو كان نايم صح بسوط او سيخه ع ضهرها اولادنا دخلو الاستراحه واشتبكو مع ديلك وجزو طلعنا انا جاتني محطه ف نص ضهري منو وطالعين وتغريبا كده ضهري اتقسم نصين وم كنت حاسه بعمودي الفقري خاالص طلعنا من الاستراحه ف 5 اولاد قالو لينا اطلعو بمنطقه كايرو " دي حته ف الجامعه فيها كل انواع الحاجات المحظوره والمحرمه ومنطقه عصابات
نحنا جارين والشرطه مكافحه الشغب فكت بنمبان وحكايه 10 عربات واقفه بره دي غير التاتشرات الدخلت الحرم الجامعي الاف الطالبات الجوه الجامعه ونحنا معاهم متجهين لمنطقه كايرو ع امل نلقى السلك مفتوح وم محوطينو الناس ديا ، كذه واحده وقعت من ريحه البنمبان وف الوقعت من الغبار عندها ازمه لكن شلناهم وم خليناهم ورانا انا واسيل كلنا شايلين عدن الغبار والبنمبان م نفعو معاها وصلنا للسلك الجماعه كانو مستنينا وشايلين سكاكين عديببل وف واحدين مسلحين بمسدسات ف واحد من اولادنا قالو ليهو خلو البنات يمشن الولد رفض قاليهم عاملين فيها رجال ي اولاد ميكي ؟؟! فالحين للتعرصه وجاين تعملو جنتل مان الراجل اليعدي الولد قال ليهو شوف الغلط م حبابو قال ليهو انا بحب اغلط ح تعاقبني ونبز ليهو امو بنيز كعب شديد حصل اشتباك بيناتم اثناء الاشتباك طلعونا بالسلك وباقي الشباب اشتبكو مع ديلك بمجرد م طلعنا سمعنا صوت طلق ناري والبنمباان كميه زادت
يتبع.....
