سمعنا صوت الباب بدق شديييد وائل قام مستعجل مشى فتحو وانا لفحته توبي وطلعته ؛؛ كانت عمتي نفحات بتبكي وائل مخلوع بقول ليها امي مالك؟ ابوي ضربك تاني؟؟ ف شنو؟؟ قالت ليهو ابوك ي وائل قال ليها امي مالو ابوي قالت ليهو ابوك ف المستشفى جاتو جلطه وازعفوهو من الشركه ع المستشفى ع طول قال ليها ياتو مستشفى ؟ قالت ليهو رويال قال ليها البس بس واجي لبسنا وطلعنا طووالي مشينا لقيناهو ف العنايه المركزه معتز وامجد معاهو الدكتور قال لينا انو حالتو خطيره ؛؛ عمتي نفحات كان وضعها صعب شديد 💔 قعدته معاها طول الوقت بصبر فيها وهي البكاء قتل حيلها 💔 عمري م كنت بتخيل انو عمتي نفحات دي بتحب ابشنب للدرجه دي ؛؛ تالت يوم وديناهو البيت كان م بقدر يتحرك او يتكلم الدكتور قال شهر مع العلاج حالتو ح تتحسن ان شاءالله ، خالي ونجوى جونا يكفرو ليهو جا راجل لابس اسود ف اسود وبودقارد وهيبه ف البيت ؛؛ وقفنا كلنا محتارين ف الراجل ده؟؟ وزول بعرفو فينا مافي من جا داخل قعد يعاين ف البيت يمين وشمال قال عايز ابشنب معتز قال ليهو معليش والله ابوي تعبان شديد م بقدر يستقبل زيارات بس نحنا اولادو ءامرنا؟؟ قال ليهو شكلو عمصت ربا اسود وضرب معتز ف كتفو قعد ف الكرسي قال ليهم بمأنكم اولادو ف ابوكم كان عندو عقد شغل مدتو سنه وفضل من السنه دي 3شهور وابوكم لغايه هسي م نفذ بند واحد من بنود العقد والشرط الجزائي الفي العقد ف حال فشل المشروع ح اخد المصنع بس انا حابي اخد البيت والمصنع الاتنين عجبني البيت شديد ؛؛ معتز قال ليهو وين اثبات الكلام البتقولو ده ؟؟! ضحك وعاين لخالي قال ليهو شنو ي مكرم ؟؟ م انت المحامي قول كلمه وائل قال ليهو الكلام ده صاح ؟ خالي مكرم هذا ليهو راسو الراجل قام قال ليهم قدامكم اسبوعين م اظن صعب عليكم تلاقو بيت ف الفتره دي خصوصي انو معارفكم م شالله كلهم ناس تقال و ح يساعدوكم صح؟؟! معتز قال ليهو كيف الكلام ده ؟؟! وائل قاطعو قال ليهو بس مدة العقد م خلصت صاح؟!مستعجل ع شنو ؟،! ضحكك قال ليهو اسمع ي ولد نص السنه مشت وم اظن ف الظروف دي ح تقدرو تعملو شي وائل قال ليهو نقدر او لا دي حاجه بترجع لينا بعد التلاته شهور دي تخلص تعال طلعنا ؛؛ الراجل ضحك باستهتار قال ليهو اوكي عوافي ابوكم وطلع مشى مع رجالو ؛
معتز قال لي خالي مكرم عقد شنو؟! ومشروع شنو؟! الابوي براهن بي كل املاكو فيهو؟؟! خالي قال ليهو الموضوع طويل وانا حزرته ابوك انو الراجل ده خبيث وف اقرب فرصه ح يلدغو بس م سمع مني ؛؛ وائل قال ليهو الحصل حصل حاليا انا عايز تفاصيل العقد ده وكل شي بخصو خالي مكرم قال ليهو خلينا نخش المكتب احسن معتز قال ليهو الموضوع خسران خسران والشركه ح تفلس والاسهم ح تنزل الارض م ح تقدر تتدارك الموضوع وائل قال ليهو لسه ف وقت ننقذ البنقدر ننقذو معتز قال ليهو وائل ده م وقت ...وائل قاطعو قال ليهو لسسه قدامنا 3 شهور كااامله معتز قال ليهو المشروع لو م صعب م كان حددو مدتو سنه كامله مستحيل ي وائل مستحيل فكر بمنطق امجد قال ليهو كلام معتز صاح نعمل اتصالتنا بس وائل قال ليهم انا م بشحد معتز قال ليهو انت عارف شنو عن شغلنا اصلآ ؟؟! انت اساسآ فاشل عايزنا نسمع ليك؟! وائل قال ليهو م تنسى الفاشل القدامك ده متخرج من اداره بمرتبه الشرف لمن وائل قال كده اتخلعته شديد متخرج كيف يعني؟؟؟! ده بقرا معاي سوا ومربت سنتين ؟؟ ااي عمرو 26 سنه بس عادي ياما ناس خشو الجامعاات ف عمر كبير؟؟! ده شنو م فاهمه شي ؛؛ خالي مكرم قال ليهو بفضل بتجيني ف البيت ي وائل وح اشرح كل شي الوضع متوتر حاليا م مناسب لاننا نتكلم ف الموضوع وائل مشى ع خالي مكرم قال ليهو انا عشمان فيك تساعدني وتقيف معاي خالي مكرم ربت ع كتفو قال ليهو م تقول كده نحنا اهل ؛؛خالي مكرم ونجوى طلعو عمتي نفحات بقت تبكي قالت ده شنو ي الله البحصل لينا ده ؟؟ المصايب كلها تقع ف راسنا يوم واحد ؟؟! مشيت عليها قولته ليهو كل مشكله وليها حل شيلي الصبر قالت لي صبر شنو ي نسيمه حيلي اتهدا من مشاكل العيله دي انا خلاص تبعته والله العظيم تعبته ابوهم راقد من السرير م قادر يتحرك وح يطردونا من البيت وانا خلااص ح اجن قولته ليها ده ابتلى ي عمتي ولازم نصبر عليهو قالت لي لمتين ؟، انا م فيني حيل مصيبه زياده خلاص وبكت بقيت بهدي فيها وائل طلع من البيت م عارفاهو مشى وين كان مضايق شديد من كلام معتز ومعتز زاتو مضايق من تهور وائل الوضع مكهرب شدييييد ....
الساعه 12 جات ووائل لسه بره البيت م جاني نوم نهائي فتحته التلفزيون اقلب ف القنوات شويه سمعته صوت الباب بتقفل كان شايل فايلات ف يدو قال لي انتي لسه صاحيه؟؟ مشيت عليهو ربعته يديني قولته ليهو ح انوم وانت مافي؟! قال لي اعفي لي سهرتك قولته ليهو م مهم انت كنت وين؟؟! طلعته وم قولته ماشي وين ؟قال لي مشيت المكتب اتكلمته مع سكرتير ابوي وجبته منو تفاصيل المشروع عايز ادرسو لو فهمته فيهو شي شلته منو الفايلات ختيتم ف التربيزه قعدتو ف الكنبه ودخلته المطبخ جيت لقيتو فاتح فايل بقرا قلعتو منو وختيت ليهو اكل قال لي م لي نفس اكل عايز يشيل الفايل مني زحيتو قولته ليهو انت من الصباح م اكلته شي قال لي نسميه جد م جعان شلته عيشه غمستها ومديته ليهو قولته ليهو مافي اكل مافي شغل مسح يدو ف وشو وشاله مني بقى ياكل من جوعو خلص الاكل كلو ف خمسه دقايق جبته ليهو العصير قولته ليهو اشربو ورجع لملفو سحبتو منو قال لي ف شنو تاني ؟قولته ليهو ف انك م ح تقدر تدرس شي وانت مرهق 😊 ومسكتو من يدو قال لي نسيمه قولته ليهو هشش من سكات قدامي ابا يقوم بقيت بجر فيهو قولته ليهو سمييين ياااه 😥 ضحك قال لي قولنا عضلات قولته ليهو م شايفاهم عضلاتك دي ارح قوم يااخ م تغلبني معاك بعد معط مني دام عشره دقايق حتان قام اتبطح جيت زحيت يدو ونومته فيهو قولته ليهو كلو بتحل انت م تشيل هم قفل النور قال لي ان شالله 💕 قولته ليهو وائل قال لي اممم قولته ليهو خريج اداره كيف يعني ؟! قال لي خشيت الجامعه عمري 18سنه قريت اداره رغبت ابوي عشان اساعدو ف الشغل المهم 4سنه اتصايعته فيها لكن نجحته واصلا انا بحب المجال ده وم ربته خالص وكان بنسبه لي حمامه 💕 قولته ليهو والطب؟! قال لي رغبت امي ضحكته قولته ليهو وانت بتحقق ف رغبات اهلك انت رغبتك شنو طيب؟؟؟ ضحك قال لي نسيمه💙 قولته ليهو وائل جد اها؟؟ قال لي حالي زي حال اي ولد ف البلد دي طااايش وم ناقش حنانو اهلو هم البحددو ليهو يقرا شنو كده كده م كان عندي مجال بعينو ولا فارق معاي شي بعدين كنت شماسي ساااي لافي قولته ليهو انت ف تالت جبته كم؟! قال لي امتحنته جبته 92 قولته ليهو كمم😲😲😲 قال لي مالك مخلوعه كده م شبهي؟؟! قولته ليهو نهااائي ضحكك قال لي انا شماسي لكن ذكي 😹 قولته ليهو لسه ف شنو انا م بعرفو عنك ؟! قال لي كتيير لكن قدامك عمري كلو تعريفهو 💕 قولته ليهو وائل قال لي شكلك م عايزاني انوم ع اساس جايباني ارتاح😴 قولته ليهو تمام خليتك قال لي قولي عايزه شنو قولته ليهو انا اسفه نيابة عن كلام معتز الجارح 💔 ختى راسو ف رقبتي
قال لي "" حضنآ واحد منك يهون علي قبح العالم لا داعي للاعتذار وانتي سلام الحروب 💙" قولته ليهو " اظن انني سافقد م تبقى لي من عقل بحلو لسانك ي فتى 💕" ضحكك قال لي " بل اظنها عدالة السماء ي فتاة ؛؛ تفقدين عقلك مقابل اخذك قلبي 💕 " ضربتو ف صدرو وضحكته قال لي بصوت ناعس وهادي بحبك شديد انا وبعدها نام 💕
صحيت الصباح م لقيتو جنبي قولته اكيد صحى بدري عشان يدرس الاوراق صليت وشايفه نور غرفتي مفتوح مشيت لقيتو نايم وهو ماسك القلم ف يدو شلتو منو براااحه صحى قولته ليهو برضو سويت الفي راسك ؟ قال لي وهو بحك ف عيونو م جاني نوم قولته اشتغل شويه يمكن افهم شي قولته ليهو قوم كمل نومك ف السرير قال لي لالا ح اصلي وانزل المكتب قولته ليهو ح احضر ليك الشاي نزلته عملته الشاي جات عمتي نفحات قالت لي وين سعاد؟ قولته ليها قالت عيانه قالت لي وائل صحى ؟ قولته ليها صحى اي ح ينزل بعد شويه قال ماشي المكتب قالت لي م كان ف داعي كان يساوم الراجل بس قولته ليهو وائل لو واثق انو بقدر يعمل شي م كان اخد القرار ده ف وقت زي ده قالت لي وائل فاشل وعمرو م فلح ف شي ودي مجازفه وح يودينا ف دهيه قولته ليها عمتي وائل م فاشل انتو ادوهو فرصه يثبت نفسو وصدقيني ده فرصتو يثبت فيها نفسو قدام ابوهو عاينت لي مسااافه ومشت ؛؛ خيتت ليهم سرميس الشاي بره وائل جا شرب وقام لمن جا ماشي وقفتو قولته ليهو نسيت الساعه لبستو ليها قولته ليهو وانا بظبط ليهو ف كف القميص بحصنك من المزه القاطعه العينه طااايره ؛؛ والشلااابه اللبيوت خرااابه ؛؛ والخاااله البتكابس مع الشفع القدر عياله ومن كل خفيفه ولفيفه فاكاها ف روحه وعامله روحه ظريفه ضحككك بصوت عالي قال لي ده كلو😹😹😹 قولته ليهو بخاف يحسدوك معتز قال لينا ف شنو ي جماعه وائل قال ليهو حاجات اسبشيييل🙊 عاين لي قال لي م تجيبي بوسه 💋 ضربتو ف بطنو قولته ليهو اتلمى يلا طير ومشيت منو فتح الباب عايز يطلع قال بصوت عالي " وغيرتو علي بريده بتحسسني انو بريدني ريده شديييده😻😻😻💕 " امجد قال لي لينا الله زول بغير علينا مافي 😹😹 لاحظته لانو عمتي نفحات ابتسمت لمن وائل غنى طبعا بقيت بتفاجىء من اي ردة فعل ليها حركه بتبسطني لاني بلقاها بتضحك والله م اقادره افهمه ماله وبصراااحه كده م مرتاحه ليها هي كانت م طايقاني من جيت الحصل شنو يعني اتغيرت كده ؟؟ مشيت المطبخ غسلته العده وقعدته اضاير طبعا اهلهم ح يجوهم وكده من الصباح خلطته العصاااير وكده عشان م تكتم فيني بعدين وفعلاا بعد الفطور الناس بدت تجي تكفر لي عمي عصمت ؛؛ حسب هي يدها من الضرب واجعاها م بخليها ترفع شي الا لو كان خفيف عشان ابسط شي ممكن يدها تفصل ؛؛ كانو ملموين كلهم جبته ليهم الجبنه واحده كبيره كده قالت لي انتي مرت وائل ؟! قولته ليهو اي قبلت ع عمتي نفحات قالت ليها تبارك الله عرستي ليهو لقيته وين دي؟! عمتي نفحات قالت ليها صاح والله محظوظه بيها شديد طبعا اتخلعته خلعه من كلامه بتذكر موقف مشابهه كان جونا ضيوف قامت حمرت لي قالت ليهو دي عروس البلا ☺💔 واحده تانيه قالت ليها سدت ليك خانت منى عمتي نفحات قالت ليها اي والله حسب يدي مفصوله ونهى مسافره مع راجله نهاائي م يتخليني ارفع شي المره قالت ليها والله م شالله ان شالله حال نسوان عيالنا 💕 قالت لي بتقري ولا خليتها ي بت؟! قولته ليها لا لسه بدرس قالت لي اي احسن ليك الاجازه طويله كويس انك عرستي قالت لي بتقري شنو؟ قولته ليهو طب قالت لي م شالله قالت لي انا عندي وجع هنا ف فم المعده يكون من شنو ؟؟! قولته ليهو والله انا لسه بدرس م ممكن احدد ليك المرض بس امشي الدكتور لانو غالبا مشاكل المعده دي بتكون مرتبطه بالقولون وم لازم تهمليها ابدا واحده قالت لي انتي م تحددي ليها ولا الا بقروش قولته ليها انا م مختصه عشان احدد ليك نوع المرض بعدين اني ءالف ليها من راسي وانا م عارفه دي شي بضرها م انا لانو ح تاخد علاج بناء ع كلامي وممكن تموت بسبب فشخرتي ☺ الحبوبه قالت لي لا خلاص ي بتي كلامك عين العقل 💕 جنسك شنو انتي ؟؟ قولته ليها زياديه قالت لي زياديه ال...قاطعتها قولته ليها زياديه الفاشر قالت ليها اهااا غرابيه يعني قولته ليها صح☺ عاينت لعمتي نفحات قالت ليها مالكم ماخدين ليهو غرابيه ؟؟ بنات العرب كملن ؟ ف واحده شكله بتطلع مواكب 😹😹 قالت ليها م ممكن ي خاله الناس تموت عشان العنصريه دي تنتهي وتجي حضرتك تعيبها لمجرد جنسه بعدين انتي هسي مش كنتي بتشكري فيها قلبتي مالك ؟؟ طالما الزول صالح يبقى مافي داعي للحزازيات دي ولاشنو؟؟ المره سكتت ساااي وم تكلمت تاني انا مشيت منهم المطبخ ؛ كلامه م اثر فيني اصلا اتعودته تاني😊💔 ؛؛؛
اليوم عدا كلوووو ضيوف ف ضيوف وانا حيلي اتهدا من الشغل الكتير م كنت قايله معارفم كتار لدرجه دي 😥💔
المساء جيت مترميه ف السرير جثه هامده وائل كان يدوبو خاشي البيت حالتو بالبلا اول م خشى من الباب خلع القميص 😹😹💔 ورقد ف السرير ي حليلو نام طوالي 💔 ؛؛ صحيت نص ليل عطشانه اشرب مويه وائل كان فاتح نور الصاله وشغال ؛؛ عملته ليهو قهوه ختيته ليهو ف التربيزه قال لي م جاك نوم ؟ قولته ليهو شبعته نوم نمته من 8 اليله قال لي جو ضيوف كتار ولاشنو؟؟ قولته ليهو اسسكت كتار سااي هو 😥 شرب شويه من القهوه قال لي اقعدي هنا قعدته رقد ف رجولي مطيت كرعيني ف التربيزه ولعبته ف شعرو كان ماسك ورق وخاتي القلم ف خشمو قولته ليهو فهمته شي؟؟ شال نفس قال لي نحنا ف مصيبه والموضوع اكبر من انو حتت مشروع بس ......
#استكانهه
