تفكيري كلو بقى متمحور ف عمار شنو الحصل ليهو وي ربي هو كويس ولا لا حسيت بيد وراي اتلفته لقيته سميره قالت لي مالك مسهيه؟! قولته ليها مافي حاجه قالت لي نسيمه خالي دي بجد قلبو علينا شفي ضربنا ليهو الساعه كم جا عشانا قولته ليها وانا مركزه ف تلفوني م عايز اتناقش ف الموضوع قالت لي والله هو ..قاطعتها قولتها ليها سميره فكك مني عليك الله وختين التلفون ف التربيزه وخشيت الحمام الساعه كانت ماشه ع اربعه قولته اتصل ع اسيل تاني قولته لالا اخلع البت ساي سمعته اذان بخيير اتوضيت وصليت واتبطحته ف السرير سميه وسميره كانو نايمن ف سررير وانا ف سرير براي م جاني نوم نهاائي وعيني م غمدت دقيقه حاولته ف رقمو كم مره اداني مغلق قولته خلاص عمار ده مات استنين الساعه 6 بعد جاات وطوالي لبسته توبي ومرقته البيت كان صااني جريت جري الزلط وقفته اقرب سيد ركشه ركبته مشيت البيت م لقيت ااااي اثر ليهو كانو اتبخر ختيت يدي ف راسي وقعدته ابكي ببكي ع شنو انا زاتي م عارفه ضربت لي اسيل كانت منهاره بتبكي وبتشهق شهقان قالت لي عمار بمجرد م قالت لي اسمو بقيت برجف قولته ليهو مالو عمار قالت لي عمار ي نسيمه م عارفين مكانو وين لينا تلاته ايااام وامس صحبو قال انو كان موكب العربي وقال شافو وكان مضروب وم لاقينو للان قولته ليها لهسي م عرفتو مكانو قالت لي لالا م عارفين وم خلينا مكان م فتشنا ليهو فيهو ولا زول بعرفو م سالنهو انا خايفه يكون حصل ليهو حاجه ي نسيمه ولا مات قولته ليها م تفاولي عليهو هو كويس وان شالله ح تلقو انتي وين هسي؟! قالت لي نحنا طلعنا نفتش ليهو ف المعتقلات هسي نخنا ف سجن شندي قالو ف معتقلين جابوهم هنا امس بليل ومعاهم تلاته مصابين قولته ليها انا جاياك معاكي منو ؟؟! قالت لي امي وعدنان قولته ليها خمسه دقايق بكون عندك ؛؛
مشيت لقيت خالتو ليلى باركه ف الارض وبتبكي جيبو لي ولدي وديتو ولدي وين وعدنان ماسكه من يدها بحاول يرفعه واسيل واقفه بعيد وبتبكي مشيت عليهم حاولته ارفعه معاهو قالت لي ك قايمه انا م بمشي بدون ولدي جيبو لي عمار حسها كان مقروش ومكسر وجسمه مسخن قولته ليها اهدي ك نلاقيهو انتي بس اهدي قالت لي اهدي كيف وانا حشاي م عارفاهو مات ولا عايش انا دايره ولدي ي عدنان جيب لي اخوك واحيييا قتلو لي عمار 😭💔 عدنان قال ليها ي امي عليك الله م تقولي كده ي امي عمار عايش قالت ليهو م عايش عمار خلاص مات كتلوهو الكلاب ديل انا كلمتو قولته ليهو م تطلع م سمع كلامي ومشى قلبي كان مقبوض واحييييييا ي عمار واحييييا منك اريتك سمعته كلامي قولته ليها والله م مات عايش انتي قومي قالت لي م قايمه م جابو لي ولدي انا م قايمه قولته ليها والله عايش عدنان قال لي وانتي عرفتي طيف انو عايش سكته وشايفه خالتو ليلى سكتت قامت ع حيله جرتني من توبي قالت لي نسميه انتي شوفتي؟؟! احكي لي ريحي قلبي عليك الله قول لي كان شوفتي هزيت ليها راسي ودموعي جاريه قشقشته دموعه قالت لي احلفي قولي والله انتي شوفتي؟! عدنان قال لي نسميه برانا عايشين ع اعصابنا قولته ليهم امبارح بليل نط ببلكونه بيتنا خالتو لي قالت لي اهاا وهو كويس ابيت اقول ليها انو مضروب قولته ليها ااي كويس لكن الشرطه كانت مطارداهو وحكيت ليها الحصل كلو قالت لي عليك الله هو كويس قولته ليها اااي والله كويس عدنان قال ليها ارح ي امي البيت كده اطمن وعرفنا انو عايش قالت ليهو لكن م عرفنا مكانو قال ليها ي امي كونوا انو عايش ده كفايه مكانو م مهم ح نلقاهو هسي الطمنا انو عايش ارح نرجع ونفكر عن المكان للممكن يكون فيهو ووالله ي امي اجيب لعندك انتي بس اهدي وعايني لصحتك دي امس ماخده 5 دربات انسلوين قالت ليهو خلاص نمشي نفتش عليهو ارح اركب ركبنا اسيل قالت لي عليك الله انتي شوفتي قولته ليها اي والله العظيم شوفتو قالت لي كويس؟! هزيت ليها راسي وقعدت تبكي وصلنا بيتم خالتو ليلى قالت ليهو ي ولد ها قولته ليك نفتشو قال ليها تفتشي وين ي امي اتي عارفه ليهو مكان ؟! بمشي انا افتشوو وبديك خبر بتلفون قالت ليهو لالا جايه معاك دايره اشوفو بعيني دي قال ليها امي عليك الله م تغلبيني اكتر من كده الله يرضي عليك خشي البيت وتابعيني بتلفون قالت ليهو لكن قاطعه قال ليها امي عمار ده اخوي زي م هو ولدك انا افتش عليهو انتي خليكي هنا قالت ليهو سمح ح تجيبو قال ليها كان م جبتو م بجي خاشي البيت اشر لي اسيل قال ليها دخليها جوه ؛؛ قولته ليهم انا امشي اسيل قالت لي معليش خلعتك من الصباح قولته ليها م تقولي كده م بينا نحنا...قاطعتني قالت لامها يلا نمشي موعد الخقنه فات ؛؛ عدنان قال لي اركبي اوصلك ف طريقي ركيته معاهو قولته ليهو عدنان انا عايز اقوليك حاجه ضروريه بس م عايزاك تخاف قال لي احكي ف شنو قولته ليهو هو انا امبارح فعلا شفته عمار بس م كان كويس قال لي يعني القصه دي كلها مزيفه ؟؟! قولته ليهو لالا زي م حكيت ليكم لكن عمار كان متصاب ف بطنو اتهجم شدييد قال لي قولي بتهظري عليك الله قولته ليهو مع الاسف انا شفتو والجرح كان هميق بعد نازف ختى يدينو ف وشو واتكل ع الدريكسون قال لي انتي كيف بتخلي يمشي وهو بالحاله دي؟؟ قولته ليهو انا وريتك انو اعتقلوني قاال لي طيب يمكن يكون لسه ف البيت وم طلع قولته ليهو انا مشيت فتشتو اليله الصباح وم لقيتو قال ليي رب يكون كويس ي رب انا م عارف المطلعو شنو عندو كل مقومات الحياه محتاج شنو بطالبو بيهو برا اصلو عمار ده لو م مات وبشتنى معاهو م برتاح هسي افتش ليهو وين ؟! قولته ليهو م عارفه انا زاتي محتاره زيك بس ان شاالله م يكون حصل ليهو شي قال لي كونوا يكون بخير ده ف حد زاتو رحمه وصلنا قولته ليهو شكراا تعبتك معاي قال لي اعفي لينا ياخ اسيل خلعتك قولته ليهو م تقول كده الحاله واحده 💕
