التاتشرات بقت داخله جوه البيت وبتدهس ف الناس ؛؛ انا كنت واقفه معاي كم بت مع اخت الشهيد التاتشر جا جوووة والناس بدت تتجارى والبنمبان جانا بالشبك واتفكا جوووة البيت امي الشهيد وقعت جيرينا عليها نرفعه اخت الشهيد كمان وقعت ؛؛ بقينا شيلينهم هم الاتنين وعايزين نطلع بيهم بيت الجيران لانو البيت بقى كتمه مسسستحيل يتقعد الكجر جا خاشي البيت جوووة شايلين العصايات وبقو يضربو من طرف جا مصطفى واصاحبو مشوا يجبو الجثمان ؛؛ ابوهم ميت جو خوالوا واعمامو وبقو يتكلموا مع الكجر النقاش اشتد واحد ضرب عم الشهيد بكل قوتو الناس اتلايمت فيهو الاولاد مسكو الشرطي دقوهو وطردوهم برا البيت وقفلوا الباب ف كان ف باب ف النص فاصلين بيهو البيتين طلعنا بيهم الام وبتها واحده قالت معاها بخاخ شلتو منها وبخيت ليهو ع الاسم عشان صدرها كان ف زنه يعني اكيد عندها ازمه او حساسيه بعد شويه فتحت وشالت نفس طبيعي بقينا ،؛ ف بيت الشهيد كان الكجر برجعو التاتشر وبلزو بيهو الباب والثوار بجوها لازين الباب وخاتين الكراسي والترابيز عشان الكجر م يقدرو ليزو الباب قرابه ال30 ثائر ديل واقفين ف الباب بس التاتشر جا خاشي فيهم بكل قوتو ودهس 5 منهم نقلوهم المستشفى القوار هاجو شديد وواحد من اعمام الشهيد مشى جاب سكين وحلف الا يقتلوهم مسكوهو الثوار ووعوهو بقى ينبز فيهم ف المسافه دي الثوار كان هجو ع التاتشر وجردوهم من السلاح و طلعو التاتشر بره وقلبوهو وطردو الكجر ..
الشباب مشوا اسعفو الخمسه الدهسم التاتشر ووصلتنا اخبار انو ف واحد رجلو اتكسرت الا يعملو ليهو بتر بالكامل 💔 شايفه اسيل جات ف موكب الكلام ده الساعه 5 م دخلت مع موكب جاي من بري لشمبات مكان بيت الشهيد هي ومعاها تنزيل جاين سوا ام الشهيد كان وقفت بقى بقت بتهتف بشكل هستيري وكل النسوان الجو بكو معاها م بكت بقت بس بتهتف وتقوليهم ولدي م مات عايش مع الثوار ؛ الناس بدت تستال عن الجثمان وليه لسه م وصل واحد من اصحاب مصطفى قال ليهم رفضو يدونا الجثمان مالم نوقع انو مات ف شكله بين اصحابو م مات بطلق ناري من الشرطه ام الشهيد قالت ليهو م توقع نهاائي قال ليها م ح يدونا الجثمان يمه 💔 قالت ليهو م توقع قولته ليك عم الشهيد قاليهم والله م اخيلهم اليله العواليق ديل قتلو ولدنا م دايرين يدونا الجثمان والله م نخليهم اولاد الحرام وشال سكينو صاحب مصطفي مسكو قال ليهو ي حاج استهدى بالله م ح تستفيد شي بالعنف خلينا والله نجيب الجثمان انت استهدا بالله قاليهو بزهج لا اله الا الله قتلو ود اخوي بعد شويه صاحب مصطفى ده ضرب ليهو قال ليهو اي جايبنو ف الشارع كلمنا اتحركنا بالموكب من بيت الشهيد لغايه الزلط شمبات كلها طلعت من كبير لصغير ام الشهيد بمجرد م شافت جثمان ولده بدت تزغرت وهي بتبكي💔 قالت ليهن م تبكو ولدي شهيد م تبكو ولدي شهيد زغرتن ي بنات البنات بقن يزغرتن وهن ببكن والاولاد بهتفو " دم الشهيد م راح لبسنو نحنا وشاح ؛ شهدائنا م ماتو عايشين مع الثوار ؛ المات ضمير خاين ؛ حالفين نجيب التار " خاله الشهيد جات شكله كانت م عارفه جات مخلووووعه من سمعت اسم محمد طوالي وقعت ف الارض البنات رفعوها وبقت بتكتح نفسه بالترابه ام الشهيد مشت عليها قالت لي امنه م تبكي ي امنه انا ولدي م ببكوا عليهو ولدي بزغرتو ليه 💔متخيلين انو ام تزغرت ف جنازت ولده💔 احيييا من قهر اللمهات💔 عم الشهيد قال ليهم م تغسلو الشهيد م بتغسل ارح المقابر طوالي الناس طلعت وبدو يهتفو ويكبرو لغايه المقبره بدو يحفرو ف القبر الكجر رمو بنمبان ف نص القبر 💔 الناس كلها عيونه بقت تدمع وبدو يعتقلو الثوار جرو ع الكجر وبقو يفقلو فيهم بالحجار الناس الكبار بنبزو ف الكجر وجزو شال حجار وبقى يضرب فيهم لغايه الكجر م خافو وجرو صلو عليهو ودفنوهو ونفس الموكب ده جا راجع كان موكب من شمبات اللهو طلع من بيت الشهيد وموكب من بري وموكب تاني جا مع الجثمان التلاته ملتحمين ف موكب واحد يعني العدديه فوق المليون الساعه بقت 10 اسيل قالت لي ارح نرجع بعد ده مشينا نحنا التلاته قولته ليها م شايفه تنزيل قالت لي دقيقه نضرب ليها اتلفته وانا بفتش ليها شايفه خالتو ليلى معاها امينه قولته ليها ديك مش امك؟! قالت لي ااي ياهاارح اتخبي قولته ليها نتخبى ليه جابنا الجابه قالت لي صح والله لكن برضو بتدينا هرشه شايفه امينه رفع لي يدهت قولته ليها اتورطنا ارح نمشي ليهم سلمته عليهم شايفه عدنان شايل شافع ف يدو وبهتف قولته لي امينه جيتي متين قالت لي وصلته اليله زي الساعه 10 كده قولته ليها اسيل م كلمتني حمدلله ع السلامه قالت لي اسيل فاضيه لي ؟! وحمرت ليها😒 اسيل قالت ليها عدنان قال م اريك م تنبحي فيني 😒 عدنان جا سلم علي وسالني من اخباري ربي جات معاهو لوت لي خشمه اسيل قالت لي منفسنه ساااي م تشتغلي بيها قولته ليها اصلااا م شغاله بيها جا دكتور ايهاب وعمار ؛؛ عمار مشى ع الثوار سلمو عليهو اوو ي بطلنا ورفعوهو بقى يهتف معاااهم خالتو ليلى قالت لي عدنان خليهم ينزلوهو هم بستهدفو البرفعوهم قال ليها م تشيلي هم ي امي بعد العملو اليله ده مستحيل يتجروء يعملو شي تاني ارح اوصلكم كفايه كده ربي قالت ليهو اااي انا زاتي تعبته من الوقفه قال ليها هسي نمشي وترتاحي وقفنا طولنا💕💕
ركبنا وصلوني معاهم خالتو ليلى قالت لي ده بيت خالك ي بت؟! قولته ليها ااي امينه قالت لي اشششي بقيتو هااي خااالص 😂😂💕 قولته ليها سبحان مغير الاحوال قالت لي سبحانو شديبد والله عدنان قال لي اتمرمطو انتوا ديل ف حياتكم ياخ ربى قالت ليهو تلقاها الفرحه م سايعاها من الفرحه م صدقت اتلمت ع الناس عدنان قال ليها بصوت واطي ربى 😒 اسيل اشرتي لي نظام نفضي ليها عدنان قال ليها ي امي ده بيت المحامي مكرم جبران الكان ماسك قضيت ابوي مذكراهو قالت ليهو بتاعت الاختلاص الاتهتموهو بيها؟! قال ليها ااي قالت ليهو م شالله والله م افتكرته انو الراجل ده غنيان كده م كان باين عليهو قال ليها متعفف شديد قولته ليهم عن اذنكم ي جماعه تصبحو ع خير قالوا لي وانتي من اهلو خشيت البيت خالي مكرم قال لي اتاخرتي شديد كنتي وين؟! مظفر كان قاعد جنبو قال ليهو م تنسى ي ابوي انها كانت مطلوقه سااي م متعوده انها تلتزم بمواعيد خالي لي قاليهو بنهره مظفر قولته ليهو كنت ف شغلي واليله كان ف موكب وجابو لينا اصابات كتيره عشان كده اتاخرته مظفر قال لي برفعت حاجب ووووالله 😏 قولته ليهو عن اذنك ي خالي تعبانه ماشه انوم خالي رفع راسو قال لي انتي قولتي خالي؟! انتبهت يدوب وم رديت ليهو طلعته فوق جيت ماره بغرفه رزان سامعاها بتتكلم قالت ليها اووف ي ماما هسي ف داعي بابا يسكنم معانا م يديهم اي حته تانيه انا اتخنقته ياخي نجوي قالت ليها معليش استحملي رزان قالت ليها استحمل شنو لكن انا م قادره اتحرك براحتي اختهم الاسمها سميه دي مقلداني ف كل حاجه تصوري اليله لقيته جايبه نفس التشريت الكوبي بتاعي لا وكمان شنو نفس البراند م بعرفه جابت القروش دي من وين نجوى قالت ليها جات الصباح شحدت ابوكي قروش الا كان ياهم الاشترت بيهم الملابس دي قالت ليها هي نفس الملابس بس دي جابت نفس الميكب بتاعي يعني اقلا شي بابا ده ادها فوق التلاته الف الميك اب بتاعي ده الماسكرا بس ب450 شايفه جابت روج وبلاشر وكنتور قالت ليها انا كنت متاكده البنات ديل جبتن هنا م لي خير وح يسفن ابوكي ده سف لمن ابوكي عنيد قولته ليهو نشتري ليهو شقه يقعد فيها براحتم ف الطائف ولا اي دهيه بعيد من هنا لكن رفض قال بنات اختو وم معاهن راجل قالت ليها ولا سميره والله ي ماما سميره دي من مراد م بتزح لاصقه فيهو لصقت الجن بكره مراد ح يجي يقوليك عايز اعرسه انا عارفه حركات البنات دي كويس قالت ليهو يعرس منو؟؟! المقطوعه الماعرفه ليها والي دي؟! والله والله لو ملكه جمال الكون م يعرسه زحي كده رزان مسكته من يدها قالت ليها اهدي ي ماما انا قولته يمكن يعني م اكيد قالت ليها وانا ح استناك لمن تااكدي قالت ليها ماماتي حبيبتي انتي عارفه بابا ح تعملي مشكله من عدم وم عندك دليل ولو اتكلمتي مع البت ح تكلم بابا وح يجوطها معانا الاتنين قالت ليها صحي كلامك انا ح اتريس لكن لو طلع الفي بالك ده جد وهي راسمه ع ولدي الا اوريها نجوم الضهر من سمعته الكلام ده ركبني عفريت مشيت لسميه طوالي دخلته توووش لقيته بتعمل ف مناكير وبتتكلم بتلفون شلته منها التلفون قلبتو يمين وشمال قولته ليها الجاب ليك التلفون ده منو؟؟!قالت لي خالو جدعتو ليها قولته ليها بكره م القاهو معاك فاهمه؟؟! عايزه تفتح معاي خشمه قولته ليها وين الحاجات الجبتهم اليله؟! قالت لي حاجات شنو قولته ليها انتي عارفه كويس انا قصدي شنو طلعي الملابس والميك اب الاشترتي اليله قالت ليه اطلعو مشيت فتحته الدولاب وبقت بفتش ف هدومها شايفه اكياس طلعتها وفعلا كان فيها الحاجات كم تشيرت وميكب وبنطلونين واسكيرت واحد قولته ليها وين باقي القروش؟! قالت لي بتردد خلصو قولته ليها كملتي تلاته مليون ف يوم واحد؟؟؟! قالت لي ااي اشتريت كل النفسي فيهو بعدين م فيها حاجه قولته ليها انتي كيف بتمشي تشحدي خالي ؟! قالت لي انا م شحدتو شافني طالعه من عندك زعلانه وقفني وكلمتو م فيها شي ده خالي قولته ليها كان خالك عشره م بتشيلو منو مبلغ قدر ده وصحي الماشاف الغنى بخلوعو اسمعي هنااا اياااك تاني القاك شاحده خالي ده فاااهمه انا هنا بس البصرف عليك م خالي ولا انتي بتو من صلبو عشان يصرف عليك قالت لي وانتي مالك زعلانه كده فيها شنو يعني لو اداني مش خالي ؟؟ انا م شحدته من زول غريب قولته ليه خالك البتتكلم عنو ده عرفتيهو ليك كم يوم عشان تقولي م غريب هااا ؟؟! بتعرفي ليك اسبوعين اتنين م زادو يوم وايااااك ثم اياااكي ي سميه جاني صوت خالي مكرم قال لي اياك شنو ي نسميه؟؟! اتلفته لقيتو واقف وراي ومعاهو عاليا ومظفر قال لي كملي اياكي شنو؟؟! قولي عرفتني اليله خاله ولا م خاله؟! قولته ليهو مع احترامي ليك لكن ... اشر بيدو قال لي بس بس م تذيدي حرف كل الطالبو منك احترام اني خالك بغض النظر عن عرفتني متين وطلع عاليا قالت لي م اتوقعتها منك والله ده كلو عشان اداها كم فلس ؟! وطلعت برضو مظفر م قال ولا شي عاين لي ومشى حمرته لي سميه وطلعته لاقتني سميه قالت لي مالكم بتشاكلو قولته ليها مع اشوفك مع مراد تاني قالت لي قصدك شنو م فهمته عليك؟! قولته ليها زي م سمعتي اتفاديهو بقدر الامكان عاين لي ومشت طوالي خشيت غرفتي وقفلته الباب م قادره انسى كلام نجوى ورزان نهاائي لي هسي صدى اصواتم ف اضاني ومعاهم حق تصرف سميه غلط وم كان تمشي تشيل منو قروش جيت صليت الفرووض العلي الضهر والعصر سلفا انا مصلياهم ف بيت الشهيد والبيت الاتحبسته فيهو الا المغرب لقاني ف الموكب م صليت والعشاء كذالك مشيت استحميت وغيرته ملابسي وجيت صليت خلصتي صلاتي سلمته شايفه عاليا قاعده كان باين عليها مضايقه قولته ليها فيكي شي؟! قالت لي ابدااا م كويسه ي نسيمه ابدااا وقعدت تبكي قولته ليها مالك احكي لي قالت لي بقدر اثق فيك ي نسيمه ؟! قولته ليها اكيد قالت لي م حابه زول من ناس البيت يعرف قولته ليها ثقي فيني والله م بكلم احكي لي مالك م تخوفيني عليك قالت لي انا تعبانه شديد ومقهوره قولته ليها من شنو؟؟! قالت لي انا كنت ف علاقه مع واحد تمام وكنا بنحب بعض شديد من اولى جامعه بس هو وقعدت تبكي قولته ليها هو مالو سابك ولا خانك ؟!قالت لي م كده ع طول بقارني بصحباتو وبرمي لي بالكلام وقدامي بقول لي شوفي ديك عامله كيف وابقى زيها قولته ليها كيف يعني مالك انتي هسي م سمحه قالت لي م قصه سماحه انا سمحه بس م عندي مقومات عاينته ليها مستغربه قالت لي عشان م شايله ي نسميه تصوري برسل لي صور بنات شايلات وبقول لي شوفيهم وابقى زيهم وانتي عندكم القروش اشتري منتجات تسمين ولا خشي كلاسااات تخيلي بقوله ف وشي وبالطريقه دي 💔 قولته ليها ده واحد حيوان بس ومخو ملان وسخ وده م بحبك سيبهو قالت لي م بقدر انا بحبو وهو بحبني انا متاكده قولته ليها لو بحبك م كان قال ليك كده ولا كان قارنك بالبنات قالت لي هو عايزني ...قاطعته قولته ليها اسمعي ي عاليا البحبك بجد م بقول ليك سوي وافعلي وفرضآ انتي بقيتي زي البقول ليك عليهن ديل هو مستفيد شنو ؟! قالت لي والله بحبني شوفي كميه البنات الحواليهو وفيهن كل المقومات لكن تمسك بي انا قولته ليها طالما انتي مقتنعه وراضيه بتبكي ليه هسي؟؟! قالت لي امس ضربته ليهو الساعه كانت 2 تمام لقيت خطو مشغول استنيت شويه حاولته تاني برضو مشغول وفضل ع الحاله دي ساعه كامله ف النهايه زهجته جليتو ونومته وم رجع لي خااالص قولته اصلي م برجع ليهو ولا ح اعبرو تخيلي م سالن عني طول اليوم ولمن لاقيتو وانا طالعه من الشغل سالتو مالك امس مشغول مع منو؟! قال لي م صحبي صحبو ده يتكلم معاو سااعه والساعه 2 كمان ؟! لمن جرجرتو ف الكلام قال لي صحبتي وكنت بحل ليها ف مشكله انا جد تعبته من صحباتو ديل م قادره اتحمل انا ضميتها علي وهي بتبكي قولته ليها ده بلعب بس سيبوها طالما انتي م ماليه عينو قالت لي م بقدر بحبو شديد انا 💔 باب الغرفه دقه عاليا زحت مني وقشت دموعه كانت رزان قالت لي انزلو العشاء قولته ليها جاين قولته لي عاليا خشي غسلي وشك وراح نتعشى قالت لي لا م جعانه قولته ليها انتي هبله ي بت؟؟! هو ينبسط وانتي حارمه نفسك الاكل ارح وجريته من يدها عايزين ننزل سانعه تلفوني دقه قولته ليها اسبقيني وشويه وبحصلك مشيت رديت لقيتو رقم غريب قولته ليهو منو معاي سكت مسااافه قال لي عزام .....
#استكااانهه
