ف ولدين ادونا قصاصات مكتوب فيها انا برلوم قال لينا لصقوها ف القميص وخشو لصقناهم ودخلنا الناس دي كلها تعاين لينا وتضحك انا ومعاي كم بت من دفعتنا جاتنا واحده قالت لينا انتو برالمه قولتا لينا بكل فخر اي نحنا قالت لينا تعالو من هنا برضو ادتنا قصاصات لبستنا ليها بورا ف ضهرنا وماشين بثقه الناس بقت تضحك اكتر ونحنا م فاهمين شي واي زول نعاين ليهو بضحك وكانو باشرو بيدينم كده 👎👎👎 وبقولو "" بوووووو"" البت قالت لينا م تشتغلو بيهم يلا تعالو تعالو دخلنا النشاط وكان كبييير وزحمه غير العاده طلعتنا ف المسطبه وكل الدفعه كانت واقفه شوفته الولد الامس الكشح فيني العصير شال من البت المايك وبسخريه قال :-
Be attention pleace
"كل سنه بخشو لينا مجموعه من البرالمه وال... وعاين لينا قال لينا ممكن تلفو لو سمحتو لفينا كلنا بقينا متدينهم ضهرنا وكمل اي اي بالضبط كده Fool برالمه اغبياء جاين الجامعه متحمسين وفرحانين وفاكرين انو الجامعه دي وااااو لمن قال الكلمه دي الدفعه كلها بقت تعاين واي واحد طلع القصاصه من وراهو لقينا مكتوب فيها " A'm fool "انا غبي" يعني الجمله من قدام ورا بتقول "انا برلوم انا غبي " الناس بقت تضحكك ولا ف زول لاحظ لانو الموقف ده جارح خصوصي انا ببرالمه جداد والمفترض انو يكون سناير لينا م اعداء ويكروهنا فيها الحركه دي غاظتني غيظ مشيت ليهو وشلته المايك منو قولت ليهو لو نحنا اغبياء فانت قزر وسخيف الحركات دي الشفع خلوها نفخ فيني السجاره ومشى ولا اشتغل بي من الغيظ قربته انفجر قلعته القصاصات وجدعتها واحد من الشباب طلع قال لينا ي جماعه م تزعلو ونحنا زاتنا اتبرلمنا زيكم وانا واحد من الناس شيلنو كارو اسمنتي لمن جيت وقالو لي دي اعمال سنه والله عتلتها عااادي زي المحصل شي ف شنو عااادي واسفين يخوانا م تزعلو مننا عاهات وتقاليد
اسيل قالت لي جد سخيفين دي شنو الحركات التافهه دي قعدته احدر للولد كان قاعد ف التربيزه القدامي جات عدن قالت لي اكسري عينك قبل يعميك مره واحده ده الشبح حبيتي وضربتني بكوعن قولتا ليها شبح ولا عفريت واحد سخيف عاينت لي قالت لي م تشيلي اي حاجه ع اعصابك ح تتعبي قولتا ليها انسينا اها اصبحتي كيف قالت لي تمام وعملت لي بيدها كده👎👎 وقعدت تضحك ضحكته معاها قالت لي ايوه كده فكيها اسيل قالت لي ارح نجمع البحث لدن قالت ليها انتوا متين نزلتو علشان يدوكم بحث قالت لي امس ادونا سيرجري والدكتور قال يعمل بحث عنها عدن ضحكككت قالت ليها انتي هبله ي بت ؟! سيرجري شنو البدوهو لبرلوم 😂😂😂💔 معناها برلوممكم تاااني السيرجري ماده كبيره م بدوكم ليها هسي ولا ف اوله زاااتو موووبالغه لكن والله ضحكتوني لعبو بيكم لعب لكن😂😂😂😂😂💔 حكينا ليها الحصل امس كلوووو وقعت ف الارض وبقت تضحكك لمن الناس دي كلها عاينت لينا قالت لينا اولااا مافي برالمه بنزلوهم محاضرات من اليوم الاول الاسبوع الاول ده كلووو فراغ سااااي ثانيا الشيتات دي بلوها واشربو مويته المواد دي ف اولى ماافي واااااي لكن قطعتو بطني بالضحككك عمولها فيكممم اولاد الذين 😂😂😂😂😂💔 انا واسيل بقينا نعاين لبعض قولتا ليهم انا امس مساهر اليل كلوو بكتب 😭😭😭😭💔 عدن قالت لي معليش حبيبااااه تعيشي وتسهري ع غيرو😂😂💔 اسيل قالت ليها من جدك بتضحكي بفكك بالكرستاله دي هسي 😒🔥🔥عدن وهي بتضحك قالت ليها خلاص خلاص هاااا سكتت وتاني فقعت الضحكه جا واحد قال ليها ك العاده لامه فينا خلق الله بسبب ضحكتك علينت ليهو قالت ليهو عديييي😍😍😍😭😭 والله اشتقت ليك يخخخ 😭💙 قال ليها البشتاق بسال ي كضابه عاين لينا قال لينا والله م عجبني ليكم نهااائي تعيشو وتاكلو غيره قولتا ليهو من اول يوم فضيحه قال اي معليش معليش عدن قالت لينا ده عدي ، عدي دي نسيمه ودي اسيل قال لينا اهلينا وقعد معانا اتونس كده وقاام قال ماشي بعد مشى انا واسيل عاينه ليها بخباثه كده قالت لينا حيلكم حيلكم بيست فريند بس والله قولتا ليها بسييطه بكره ببقى بوي فريند 😌 قالت لي اتعودته ع الكلمه دي يلااااه ولا يفرق معاي تلميحاتكم اسيل قالت ليها ي ولاااا يااااجمد انت قولتا ليهم ح اضرب لابوي اشوفو عدن قالت لي مالو ف شي اسيل قالت ليها امس وقع وربطو ليهو راسو قالت لي الف سلامه قولتا ليها الله يسلمك
شلته تلفوني وطلعته بره النشاط كان جوطه تلفوني كان ربيكا طبعا الناس كلها شايله التلفون الوووواو ديك وانا قادله لي ب ربيكا 2006 وياا جبل م يهزك ريح اتصلته لي ابوي والجرس خاشي مافي رد حاولته تاني قولتا يمكن بعيد بس احس بيد سحبت التلفون من اضاني اتلفته لقيتو الشبح واصحابو قولتا ليهو شنو قله الزوق دي قال لي انتي فاكراني ناسيك! وناسي طولت لسانك قبيل !! قولتا ليهو تستاهل انت واحد غياظ وسخيف قال لي شكلك م تربيتي لكن وديني اعلمك الادب حاولته اقلع منو التلفون م قدرته عاين ليهو قدامي وورا ضحكك قال ليهم عاينو من زمن جودونا 😂😂 بتستخدمي كيف ده عليك الله ؟! قولتا ليهو م دخلك واحد قال لي ليله معاي واجيب ليك واحد ابوك م بحلم بيهو قولتا ليهو احترم روحك فاااهم قربني مني قال لي احترم شنو ي ماما ؟؟! سمعيني كده تايني لزيتو قولتا ليهو م بعيد القلتو الشبح قال لي هيب م تعملي روحك محترمه وبت ناس فاهمه انا شاميك من جيتي هنا قولتا برلومه فرحانه لكن وحات امك اشوهك وشك ده فاهمه ومسكني من جضومي قولتا ليهو م تجيب سيرت امي ع لسانك قال لي ولو جبتها؟؟! واحد قالي هوي ي بت الرقاصه م لقيت روحي الا وشايله يدي وضاربهو كف قولتا ليهو الرقاصه دي امك فاااهم ي وسخ مسكني من خصري قال لي انتي لعبتي مع الزول الغلط ي عاهره ووحاتك ادفعك تمنو غااالي ولزاني وداك شال التلفون كسر الشريحه وكسرو برجلو ومشى انا م عارفه كيف ضربتو كف وكف مديت يدي عليهو لكن تلقائيا لمن اسمع زول بجيب سيرت امي بالعاطل بتغيري وبفقد توازني حسيت بخوفه قولتا هم اولاد والجامعه كلها م قادره عليهم انتي تضربي واحد فيهم كف قلبي بقا يدق شديد واتذكرته ظظتمم لي امس انا كنت م عامله ليهم شي وكانو ح يعتدو علي والمره دي ضربته واحد كيف ح ياكلوني اكل ديل حسيت بروحي برجف جمعته قوتي وغمضته عيوني للحظه جاتي صورت امي لمن الجنجويد بعتدو عليها قبل تخش ف البرميل تتحرق نفسي قاااام شديد جات اسيل قالت لي مالك اتاخرتي كده ونفسك ده مالو قايم ؟؟!
قولتا ليها اسيل انا عملت مصيبه قالت ي بسم الله مالك وحكيت ليها الحصل عدن بقت خاته يدها ف راسه قالت لي انتي ضربتي ياتو فيهم م تقول لي الشبح قولتا ليها لاا لا م هو واحد سمين كده قالت لي لا اله الا الله دونقااا وبعلييييههه ي نسميه دووونقاا قولتا ليها ده اكعب من داك قالت لي انت تاني م تطلع من البيت الا ومعاك زول فاااهمه قولتا ليها كيف يعني قالت لي السمعتي ي تمشي تعتذري ليهو ي ترجي الراجيك تاني ده بتاع بنات ولو ختاك ف راسو بجيبك ف السرير انتي فاهمه كلامي ده؟؟!
اسيل قالت ليها وااااي بتهظري النبي لا
عدن قالت اي انتي الوداك تضربي شنو قولتا ليها نبز امي اسكت ليهو قال لي بت الرقاصه قالت لي ان شالله قاليك انتي زاتك رقاصه م تضربي كف م بتحصل لي هنا اضربي كلامو بالحيط م تردي ليهو اسيل قالت ليه عدن هي امها متوفيه علشان كده الكلام حرقه عاينت لي قالت لي اعفي لي ربنا يرحمه م كنت عارفه انا اسفه قولتا ليها هو ذنبك يعني
اسيل قالت ليها وهسي هي تعمل شنو قالت لي امشي اعتذري ليهو قولتا ليهت مستحيل طبعااا انا بعد زلني وهاني ونبز امي وامشي اعتذر ليهو انا قالت لي خلاص ارجي الراجيك تاني اسيل قالت ليهاا انتي كمان م تخوفيها قولتا ليها ي زوله انا م خايفه والبحصل يحصل انا عملته شي غلط
رجعته البيت وانا كرعيني م شايلتني من الخوف اي صاااح انا م عملته شي غلط لكن ديل م بتقدرو والغلط معاهم ح يدفعك عمرك كلو فكره توديني وفكره تجيبيني والنبره القال لي بيها انو م يخليني كانت مخوفاني اكتر من تهديدو ف حد زاتو قطع حبل افكاري ابوي قال لي انا بضرب ليك تلفونك مقفول مالو قولتا ليهو شنو قال لي بسال فيك تلفونك مقفول مالو قولتا ليهو تلفوني قال لي اي تلفونك مالك انتي اليله قولتا ليهو اااه تلفوني اتسرق ف المواصلات قال لي كيف يعني تسرق قولتا ليهو عدييل كنت خاتاهو فوق شنطتي ولمن نزلته م لقيتو قال لي عشان كده قاافل قولتا ليهو اي م كسر الشريحه قال لي منو الكسره؟! قولتا ليهو قصدي الحرامي بكون كسر الشريحه عشان م يتعرف قال لي يلا ربنا يعوضك قولتا ليهو امين قال لي خلصي الشاي ده ولحقينيني ليهو بره ف العريشه قولتا ليهو سمح
عدا الاسبوع الاول ده وانا ف اي لحظه مترقبه يحصل شي او اتاذي باي طريقه كل يوم بجي الجامعه وانا شايله قلبي ف يدي والغريبه باقي الاسبوع كلووو م لاقيت ولا واحد من الغربان تاني يوم الاتنين كان عندي محاضره الساعه 3م كنا قاعدين انا وتسيل تحت الشجره جاتنا عدن سلمت علينا وقعدت معانا قولتا ليها مالك لونك مخطوف؟! قالت لي ولا شي مرهقه بس اسيل مشت تجيب ليها مويه عدن قالت لي اتذكرته عندي فلاشه عند عدي ارح معاي نجيبه منو قولتا ليها خلي اسيل تجي وبنمشي سوا نحنا زاتنا طالعين تاني الجامعه بقت فاضيه قالت لي ارح علشان نطلع سوا ومنو اغشى الداخليه اجيب شنطتي قولتا ليها بايته برا ولاشنو قالت لي اي ماشه ناس عمتي قالت الا اجيها قولتا ليها انتي من وين صحي قالت لي انا اصلا عايشه ف الامارات بس ظروف الجامعه جابتني هنا قولتا ليها ااها بختتتك شهاده عربيه يعني ضحكت قااالت لي اااي قولتا ليها م وصلنا قالت لي قاعد ف القاعه ديك هو قولتا ليها بالله دي قاعه هي فكرتها خرابه قالت لي علشان قاعده براها ولاشنو قولتا ليهو ااي مجدوعه كده براها وقفت ف الباب قالت لي نسيمه اعفي لي قولتا ليها ع شنو ؟! قعدت تبكي قالت لي والله م بيدي انا اسفه قولتا ليها ي بت مالك بتبكي ف شنو ؟؟! شايفه دونقا وجماعتو طلعو من القاعه ومسكني من يدي قالت لي اقسم بالله كان شرفي قدام شرفك انا اسفه والله غصبا عني عليك الله اعفي لي والله كان ح يأذني لو م جبتك ليهو
بقت حاسه انو الدنيا دايره بي نهااائي م اتخيلته انو عدن دي تعمل فيني كده وم مصدقه خاالص انها جابتني لغايه عندو وانا جيت ماشه برجليني معاها ومشت وخلتني معاهم وانا م عارفه هم ناوين يتقاسموني ولا يقتلوني ولا يغتصبوني والجامعه فاضيه يعني مهما عملته ماف زول ح ينجدني
عاين لي ومسح يدو ع لحيتو قال لي انا مش قولتا ليك ح اجيبك ي ش....ك........
"" ثق بي الحياه تتغير بلحظه ..اجل لحظه فقط تملكك اما ان تصنع منك بطلآ اوتجعل منك جبانآ مزلزول الرأس ؛؛ تلك الثواني التي تقرر فيها ايهما تريد ان تكون يجب ان تذكر جيدآ ان عليك انت وحدك فقط تحمل تبعات قرارك
اخبرتك ان تكون قااتلآ جبارآ لماذا لم تستمع لي؟!
هذا العالم بشع بشع للغايه
نسيمه جبريل""
#يتبع🔥
