بس الحصل انو واحد من الشياب المعانا كان مضروب ف بطنو وضمدوها ليها بس الجرح نزف شديد بقينا ماسكين قلوبنت وبندعي م يموت م قادرين نتحمل نخسر زول تاني ولا قادرين نشوف زول بموت تاني اي واحد ف سرو كان بدعي انو النزيف يقيف والراجل يعيش م يموت ..
انك تقوى بغيرك وانك تعيش بسبب غيرك عايش وتشد ازرك بيها اقصى مراحل الهوان💔
نفس الراجل الضمدو قبيل هو الكان بحاول يوقف النزيف حاول جهدو بس م قدر بقى يقول عايز مويه بحاول يتمتم بكلام بس م فهمناهو اخد رشفة مويه ونطق الشهاده ومات💔
كانوا نصيبوا ف الحياة كلها قطرات مويه يتجرعه اخر نصيبو وكل نصيبو كان مويه
لمن مات خيم علينا يئس وضعف وبقينا نبكي ونوح كانوا واحد من اهلنا ف راجل قام قال ي جماعه المات مات والحي حي وانتن ي نسوان اسكتن الجنجويد بعرفو مكانا بسبب نواحكن ده الراجل استشهد يعني مات شهيد ❤
واحد قال ليهو اذا نحنا ف النهايه ح نموت واحد ورا التاني تعبانين وبنعافر علشان نعيش ليه؟! اذا الجنجويد ح يلاقونا نهرب ليه؟!
رد عليهو بنهره قال ليهو: علشان ف شفع هنا اتيتمو ولسه ف بداية عمرم علشان م نموت بحسرتنا انو م عملنا شي علشان نخليهم عايشين اذا انت الراجل القوي بتقول كده النسوان والشفع ديل يقولو شنو ؟!
قومو ي جماعه نكمل فضل كيلو م تستلموا
واحد قال ليهو والمات ده نسيبو جلدو للكلاب والدواب؟!
ابوي قال ليهم لا ح ندفنو ده شهيد ح ندفنو زي م دفنا اهلنا ف الجبل قال بيئس ووجع 💔
سيد الكارو قال ليهو انا شايل كوريك بتكفي والارض رمليه بتتحفر بسهوله
ابوي قال ليهم يميهو بالتراب ماف مويه نغسلو بيها💔 قطعو جلايبم علشان يكفنو💔
صلو عليهو ودفنو وهم بدفنو فيهو اتخيلته ابوي ينزف برضو ويموت زيو وندفنو هنا ف مكان مجهول م نعرف قبرو ويسبنا برانا دموعي جات نازله وبقيت ببكي عاينته ل ابوي وكنا داخلين ع المغرب ف شافع بكاء والمره الكانت شايلاهو بكت معاهو
سيد الكارو قال ليها ختي ليهو ساي حتى لو م فيهو لبن صبريهو بيهو
قعدت تبكي وتتنهد قالت ليهو امو ماتت وانا خالتو كنت معاهم لمن الجنجويد ولدتو من شهر
اختي الصغيره قعدت تبكي قالت ليها انا زاتي امي ماتت قتلوها برضو 💔
حسيت بوخزه حاااره جوه قلبي لمن سمعتها بتقول كده حضتنها علي وانا ببكي واحده من النسوان قالت ليها ربنا يرحمه جيبي انا برضعو ليك انا فقدته ولدي مات من شهر هسي كان يكون ف عمرو💔
سبحان الله يقطع من هنا يوصل من هنا ف ابشع الظروف يطبط عليك بطريقتو شالتو رضعتو رغم كل الحاصل المره كانت بتعاين ليهو بنظرات كانو ولده من حشاها
الجو بقا بارد شديد وبعد ساعات دخلنا كردفان هنا الناي اتفرقت اي زول مشى ف طريقو المهم نتفارق وم يعرفونا جينا بالدس والافضل انو الوقت كان بليل وماف زول حس اي زول ف حالو
انا وابوي واخواتي مشينا جنب شجره لغايه الصباح ....
صحيت ع صوت امي وهي بتمسح ف راسي وبتقول لي
نسيمه ي بتي اصحي خلي بالك من اخواتك راضيه عليك ي بتي انتي بس خلي بالك من ابوك واخواتك
قولتا ليها ماشه وين يمه تعالي م تمشي يمه استني صحيت لقيت روحي ف بيتنا وف سريري اتلفته يمين شمال م لقيته قعدته ابكي قدرتي
ابوي قال لي اترحمي عليها
قولتا ليهو شفته وصتني عليكم شوفتها شوفته الحصل معانا بالتفصيل كانو شريط ومعروض قدامي حتى الحياة م عايزاني اعيش فيها لسه عقلي واقف ف الايام ديك لسه بصحى كل يوم ع كوابيس كل يوم بمر وبعدي بلقى شي بذكرني كان الناس كان الوجه كان المواقف لسه بتذكر بيتنا وبستانا الاتحرق والحواشه البنمشيها يومي وانا راكبه ف الحمار لسه بتذكر لمن اجي القي امي بتسوي الاكل وبجي جعانه معاي امنه صحبتي انا بتذكر كل حاجه كانو حصلت من ثانيتين اهلي وناسي وجيرانا م نسيتم
م قادره اعيش م قادره انسى الحصل ليه ي ابوي زنبنا شنو اننا غرابه ؟! ليه نموت طيب م كانو يعزولنا بس يغتصبونا ويقتلونا ويحرقونا وابشع من كده بكتير ليه؟!
جا حضني عليهو وقال لي ربنا بلانا ولازم نتحمل قدر الله وماشاء فعل ي بتي دي حكمه ربنا انا ماشي طالع الشغل اخواتك صحن قبلك ومشن المدرسه
مسحته دموعي وقولتا ليهو انا زاتي اتاخرته ح اطلع بعد ده
ابشع انك تعيش ف دوامه ظلم تكون انت الضحيه بسبب عرقك وشكلك ولونك تمارس معاك ابشع الاتضاهدات بمنتهى الفظاعه وتكون مجبور تسكت ي تسكت ي تموت ولسه تعاني وتستمر المعاناه ف مجتمع ظالم وعنصري واناني م بشوف غير نفسو وبس
انك تشوفي امك بتموت قدامك بس م تقدري تدافعي عنها ولا حتى تدفينها وان كان اكرام الميت دفنه ؛ تشوفي اختك تغتصب قدامك بس متقدري تعملي شي اهلك بيتحرقو ويتعذبو وصحبت عمرك التاتيتو سوا تموت وم تحضري جنازتها 💔
حضرته الاباده البشعه كنت متوقعه انو ابشع شي يحصل معانا الاباده م كنت عارفه انو ده جزو بسيط
جينا الخرطوم بعد طلعنا من كردفان بعد سنه من قاعدنا فيها اول م جينا ولغايه هسي ينتعامل ك عبيد ماف زول برضى ياجر لينا بيت او غرفه او اي ملكيه خاصه ابوي اشتغل غفير علشان اننا غرابه مع انو هو كان استاذ بس بعد جهدا جهيد اتقبل ف واحده من المدارس
عدن واسيل كانوا ببكوا عدن مشت تغسل وشها قولته ليهم خربته ليكم القعده اسيل قالت لي نحنا اسفين القصه م حكوها لينا كده قولته ليها ف ناس ن عارفنها اصلا الساعه بقت 6 اسبل وعدن رجعو بيوتم بليل فتحته الفيس لقيت منشور واحده متاقيه عزام ومكتوب تمت خطبته !!
