قولته ليها انسبقيني انا بحصلك ركان رقم غريب قولته ليهو منو معاي ؟! سكت مسافه قال لي عزام اتخلعته ف البدايه بعدين ثبتها قولته ليهو اووو العريس كيفك قال لي تمام وانتي ؟! قولته ليهو فووله عايز حاجه؟! قال لي ممكن م تكلميني بالطريقه دي؟! قولته ليهو ينفع م تتصل لي تاني ولا تسمعني صوتك ده؟ وفصلته وقفلته التلفون وجدعتو ف السرير جد مستفز شديد لا وكمان متصل عاااادي وبسالني كيفك ؟؟ ياتو درجه من الحيوانه واصله ؟ م كفايه السواهو فيني عايز يقول شنو تاني نزلته زهجانه اكلته من غير م اتفاهم مع زول عاليا بقت تعاين لي باستغراااب كنت باكل بشراااهه مكالمة عزام استفزتني شديد وم قدرته اسيطر ع نفسي مظفر قال لي للدرجه دي جعانه ؟!😏 عاليا قالت ليهو م اكلت شكله اليله مظفر قال ليها بستهتار بالله هي كانت قاعد تاكل يعني 😂💔 مراد قال ليهو مظفر ممكن تكفينا شرك طالماا خيرك نحنا م قادرين نشوفو ؟! قال ليهو بإبتسامه لا وواتلفت علي قال لي هي ي جعانه ناوليني صحن السلطه الجنبك ده مديتو ليهو قال لي شبعته رجعيهو محلو وقام خالي مكرم نهااائي م سألو او شاكلو ف تصرفو كملته اكلي عادي ولا اشتغلته بيهو مراد قال لي احسن شي انك م اديتهو العايزو وكملتي اكلك عادي م تشتغلي بيهو قولته ليهو اصلا شبعته وقومته لقاني مظفر ف السلم لزاني بكتفو ومشى كان لابس جاكت اسود وفميلا نص كم بجوه بيضا قولته ليهو تصدق انك اشيك زول عرفتو ف حياتي 💅😌عاين لي بفترى قال لي وعارفه اني م بعاين للزيك😏 ومشى ضحكته عليهو عشان كان لابس مع الاناقه الفوق دي كلها برمودهاا اي والله برموده ولونه اخضر كمااان 😂😂 لا والظررريفه لابس اسبورت ابيض 😂😂 يعني فوق وااااااو وتحت يااااي😂😂😂🙊🙊 اصلي م ح انبهو يستاهل الغبي عشان تاني م بتكلم معاي بالطريقه دي ويرفعو نخرتو فيني😏💅 خشيت غرفتي بمزاااج وكل م اتذكر شكلو بضحك 😂😂😂 رقدته صحيت بدرري صليت ونزلته لقيت مافي اي زول صحى عملته الشاي وكيك قولته المره م تقول نحنا عايشين نعام ناكل ونشرب ساااي بعد شويه جات نجوى دااخله لقتني بقطع ف الكيك قالت لي صباحي الخير مبدره اليله قولته ليها يسعد صباحك قالت لي م كان ف داعي للتعب قولته ليها العفو م عملته شي شويه كيك وشاي 😊 ضاقتو قالت لي تسلم الايادي كبت لي شااي وخالي مكرم جا خاشي كان بنادي ي نجوي ي نجوى اول م شافني سكت قال ليها شوفتي لي جزلاني وين؟! قالت ليهو ف الكمدينو م لقيتو؟! قال ليها لالا والله قالت ليهو طيب معناها ف التسريحه قال ليها برضو م لاقيهو كدي فتشي لي عليك الله الساعه 8 الا قالت ليهو طيب م تشفق كبت شااي وختيت جنبيهو كيك شلتو وديتو ليهو كان قاعد بره ف الكرسي وفاتح الحدث م عاين لي نهاائي وكان خاتي تركيزو ف الاخبار سمعتو بقول لا اله الا الله كانو عارضين عدد القتلى والجرحى وجايبني فديو لواحد بدهس بالتاشر قال معقوله ياخي ديل بشر قولته دي فرصتي اخلص من التوتر البينا ده قولته ليهو م فيهم رحمه خالص الناس دي ولا اشتغل بي طوالي مشيت جات نجوى ادتو الجزلان سميه جات سلم عليها وشايفوهو مد ليها قروشعاينت لي وابت تشيله قال ليها م تشتغلي بيها قالت ليهو جد م محتاجه قال ليها ح ازعل م عرفتت تصرف كيف مشيت خليتم واقفين م عارفاها شالتو ولالا لبسته عبايتي و طلعته مشيت المستشفى ضربت لي اسيل قالت لي اليله ف غنجه التجمع طلع بيان امس بليل😍💕 قولته ليها قدااام جيبي لي معاك الحاجات سمح انا م عملته حسابي قالت لي حاااضر لكن م تتعودي 🐸🔥 قولته ليها انتي انجزي بس كنت بتحاوم وبشوف ناس الاصابات الجابوهم لينا وبطقس عن حالتم لاقتني واحده لابسه بنطلون ضييق وبلوزه بتركوازيه وفاكه شعره قالت لي لو سمحتي وهي بتتمايع قولته ليها اتفضلي قالت لي وين مكتب دكتور عمور اقصد عمار عايزه ارد ليها كده قالت لي بس خلاص لقيتو ثاانكس ومشت عليهو وطووالي خشت فيهو حشن بعد اتخلع 👄 قالت ليهو وهي ماسكه قميصو زعلته منك شديد ليه م تقول لي انك اتصبته قال ليها الدنيا كلها عرفت اني اتصبته وكانو منزلين صورتي معقوله م شوفتيها؟! انا الزعلان والله 💔 قالت ليهو كلوو ولا زعلك ي بييي قال ليها اتفضلي نكمل كلامنو جوه قالت ليهو جبته بوكيهه الورد ده ليك اتلفت لقيت نضال رافعه حاجبه وشلوفتها الفوق فوق 😂💔 وخاته يديها ف نصها قالت لي دي ماله الممايصه دي ضحكتته قولته ليها وانا بقلد ف البت الممايصه دي جايه لدكتور عموري اقصد عمااار وقعدنا نضحك اتلفتته وراي لقيت عمار واقف ورافع حاجبو🐸💔 قال لي وهو بضحك عايز نسكافيه 2 تمام😂😂💔 حسيت بحرررج لانو عمار مخو وسخان شديد وح يخت فيها حاجااات م حاجه واحده 😊💔
نضاااال قالت لي قبضضضك والله انحرجته ليك شدييييد😂🙊 قولته ليها كلو منك ي عواليقه قالت لي وانا زنبي متشاته ف الرجلين؟!🐸😂🙊 يلا ي عموووري نمشي الشغل قبل نترفد 😂😂💔 طبعا مشيت باشرته شغلي ونسيت حتت النسكافيه الطلبو ضرب ردت نضال قالت لي انتي م وديت النسكافيه ولا شنو؟! قولته ليها نسكافيه؟؟! هاااا انا نسيت معليش تودي انتي تفايآ للبهدله الح اكوله انا 😢 قالت لي بري امشي لهتلر برجليني؟! عمار ده ولا بتفاااهم امشي انتي بطريقتك دي قولته ليها بردها لسك ي عفنه 😒🔥 مشيت جبتو وجات ممرضه وقفتها سلمته عليها قولته ليها ممكن تدخلي دي لدكتور عمار؟! قالت لي م بقدر والله ماشه احضر لعمليه ام سوووري قولته ليها تمااام فتحته الباب لقيتهم قاعدين ف الكنبه وحاضناهوو ولا هز ليهو جفن قولته ليهم اسفه البت قالت ل انتي كيف بتخش بدون تدقي الباب ؟؟! قولته ليها ااسفه ودايره اطلع قال لي تعالي ماشه وين ختي الصينيه وامرقي ختيت النسكافيه ومرقته وانا مخلووووعه ف المنظر الشفتو ده اااي عارفاهو تافهه لكن م لدرجه انو ف نص النهار وف مكتبو وف المستشفى كمان 😒🔥 نضال قالت لي شوفتي حاجات م ياها مش😂😂 قولته ليها وانتي عرفتي كيف؟! قالت لي قبل كده شوفته م جديده ع فكره 🙊💅 كرفسته ليها وشي بقرف قولته ليها قاذورااات قاذورات لمن بهنااك جا دكتور ايهاب قال لي عمار جا قولته ليهو اااي لكن من الافضل م تخش قال لي ليه؟! قولته ليهو عندو ميتنغ مهما قال لي برا ميتنغ معااك حشى وم شايفاهو طلع نضال بقت بتتاوق قالت لي اجي بقو 2×1 ولا كيف قولته ليهاا هييي نضفي دواخلك دي شنو الافكار دي استغفرالله قالت لي م دخل وم مرق تاني انضفه كيف بعد الشتفو😂🙊 حمرته ليها قولته ليها احسني الظن بعد شويه جو طالعين هم التلاته قالت لي عايني عايني 😂😂💔 كدي شوفي لي قميص ايهاب ده عديل ولا مفتوح قولته ليها نضاااال😲😲 ده شنو البتقولي ده قالت لي بقول الفي راسي 😂 قولته ليه عواليقه ع فكره وشلته فايلي ومشيت منها 😒🔥دكتور ايهاب ناداني قال لي نسيمه قهوه تمام سامعه نضال قالت ليهو بصوت عاالي م نسكافيه ي دكتور 😂💔 ضحك شكلو فهمه قال ليها لالا ياااخ انا زول جبنه بس😂😂😂💔 البت قالت لي انتي البوي اوفس ولاشنو قولته ليها ايوة تشربي حاجه ؟ قالت لي لاأه 😌👄
مشيت جبته ليهو جبنه وختيته ليهو ف مكتبو قال لي ثانكس ابتسمته ليهو فتحته الباب لاقيتو ف وشي قال لي كتيره شديد الايام دي حدرته ليهو ومشيت الساعه 1 جات خليته بعد بقت 1 ونص وشلته شنطتي ومرقته ضربته لاسيل قالت لي ف نص الموكب ارح تعالي قولته ليها وصلتك خلاص وين انتي؟! قالت لي لابسه طرحه كبديه رافع ليك يدي قولته ليها الناس دي كلها رافعه يدها قالت لي طرحه كبديه وعبايه سودا شايفاني قولته ليها اي اي لقيتك قولته ليهم اليله العدديه زادت صعف ولا بتيأ لي تنزيل قالت لي ضعف شنو ي بت ديل اربعه اضعاف شوفي ورا لسسسسسه قولته ليها كل م يموت زول بطلعو اكتر قالت لي بصوت عالي ركوووب راااااس الولد طووالي هتف" نحنا الجيل الراكب راس م بيحكمنا رئيس رقاااص " والناس بدت تهتف وراااهو وحماس م عااادي تنزيل قالت لي عاينو حسااام داك مش هو قولته ليها اااي يااااهو اسيل قالت لي ح يضربهو حسام ده ح يكون مستهدف قولته ليها اكييييد ح يتسهدفوهو ان شالله م يحصل ليهو شي بقينا التلاته بنهتف وبالنا مع حسام شويه الكجر كبسو كانت تاتشرات مووبالغه انا واسيل وتنزيل اتماسكنا فكو رصاص حي كتير شديد بقينا جارين والكجر جارين ورانا بالتاتشرات وشايفين الناس قدااامنا بتموت برصاص عديل وكل دقيقه واقع وااحد واحد تصابت بالبمان ف يدها مسكناها وبقينا جارين بيها حسام كان ورانا سامعه اسيل بتكورك ليهو بتقول ليهو حسام القناااص القناااص اطبح ف الارض نحنا قولنا خلاص حسااام مات بقى مدردق لغايه وصل لشجره جرو عليهو ولدين رفعوهو وخشينا لينا ف بيت معانا كميههه بناااات ع اولاد تنزيل قالت ليها اتصاب قالت ليها م عارفه لكن الاولاد جرو عليهو ضمدنا للبت يدها ف مره كبيره معانا البيت القاعدين فيهو كان مقابل شارع بترسو فيهو ف مره كبيره ست البيت قالت ليها م كان تطلعي ي امي قالت ليها ي بتي انا جايه مع ولدي م بقدر اخليهو براااهو كدي شوفو لي ولدي ي جماعه قولته ليها يمه بكون بكويس هو قدر شنو قالت لي كبييير بعد شويه شافتو قالت لي داااك ليهو الحمدلله قالت لي شايفه الاسمراني الطويل داااك اب شعر كتير ده ده هو ولدي من بدايه المواكب هو طالع بقت م بقعد براهو وبجي معاهو كل موكب بخاف عليهو هو مضداضنو ي بتي من ف الجامعه م مريحوني لمن بقى م بسمع كلامي بقيت بطلع معاهو م بقدر امنعو لكن بطلع معاهواسيل قالت ليهو ربنا يخليهو ويحفظو قالت ليها امين الساعه بقت 6 مساء ونحنا لسه محبوسين ف البيت والوضع اذداد سوء التاتشرات دخلت جوه الاحياء وبقت مجزره عديييل بداهمو البيوت وبقتلو وبعتقلو من طرف البت فاتحه تلفونه وبقت تحسب ف الشهداء والناس كلها مقلقه الخايف خايف والببكي ببكي وف واحدين غمرو وصوت الرصاص ده نحنا سامعينو ف رسينا كانو جوه اابيت اعاصبنا باااظت والجو بقى مكهرب شديد البت قالت لينا مجزره والله مجزره هدا هشتاق مجزرة بري ف واحده من جيناا وهي ماسكه تلفونه بعد شويه بقت تضحك م تمت 5 دقايق من ضحكته الكجر داهمو البيت وسمعناهم بتشاكلو بره مع سيد البيت بقينا نتجارى انا واسيل وتنزيل معانا المره الكبيره طلعنا السطوح فووق وبقيت البنات اي واحده ادتس ليها ف مكان ف سطوح كان ف زي شق كده كبييير تحسها زي الحفره مغطيه بحديده انقمرفنا فيها نحنا الااربعه !!! بعد نفسنا كتم سمعنا صوت رصاص اسيل قالت لي واااي ف زول مااات ونحنا بقينا فطاايس من الخوف تنزيل قالت ليها اسكتي ف صوت جاااي كتمنا النفس نحنا الاربعه والمره غمرت ف يدنا بقينا ماسكنها ونحنا روحنا م قادرين ليها بقى واقف فوق الحفره النحنا فيها ورجع تاني استنينا حكايه 10 دقايق شايفين مافي حركه تنزيل قالت لي المره دي ح تموت قولته ليها بكون مستنينا نطلع اسيل قالت لي مستحيل لو عرفو مكانا كان طلعونا غصب قولته ليها م بضر نستنا كمان استنينا لغايه الواطه ضلمت رسمي والمره لسه غمرانه طلعنا الواطه هدت شويه ومافي اصوات رصاص نزلنا بالمره تحت المره كان وشها وارم قالت لينا انتوا كنتو وين ؟! قولته ليها فوق البنات الهنا وين؟ قالت لي ف كوزه كانت ف نصكن وهي البغلت البت ام حواجب رقاق الكانت لابسه طرحه بمييه هي البلغت عنكن قولته ليها محتاجين نسعف المره دي سيد البيت قال لي اشوف ليكن ركشه طلع اتاوق شايف مافي غير الثوار مترسين الشارع ونحنا طلعنا وراهو قال ليهم امان ؟! قالو ليهو امان قال ليهم داير ركش معانا واحده عيانه ف ظرف دقايق الركشه وصلتنا وفتحو الترس ومشينا وقفلو تااني مشينا رويال لقينا ف الناس كتيره شديد والناس بتهتف دخلنا المره الكوارىء واديناها دربات دكتور ايمان قالت لي وين انتي من الصباح ارح ارح اتحركي قالت لي كنتي ف الموكب؟! هزيت ليها راسي قالت لي ارح مدي يدك ولو صاحبتك ديل بعرفن اشتغلن معانا بقينا كلنا ف الطوارىء وشغالين بيدينا وكرعينا وكل دقيقه يموت زول بقينا منهارين رسمي دكتور ايهاب ده قعد ف الارض وهو بتنضف من فوق لتحت 💔 دكتوره ايمان قالت ليهو ايهاب م وقتو ارح ورانا حياة ناس كتيره قوم م تيئس ان شالله ح ننقذم ي ايهاب ان شالله كانت بتعقوم ف الادوات قالت ليهم سريع البعد سريع جابو ليها واحد شايلينو بنقاله اول م شافتو قعدت تصرخ واااااي وااااي يمه ده شنو ده عمر اصحي ي عمر ده عمر اخوي عمر اخوي ي احمد نادو لي احمد وبقت بتكفت ف الولد مسكتها قولته ليها دكتوره ايمان بقت بتهز فيها عمر اصحى ده م وقت هظارك عمر اصحي ايهاب قال لي طلعيها بره قالت ليهو م بطلع دايره اخوي عمر مالو عمر م ماتت لالالاا م مات م مات بقيت ماسكه فيها وبحاول اطلعي جا دكتور احمد وعمار احمد جا لدكتوره ايمان قال ليها ايمان مالك ايمان قالت ليهو عمر عمر ي احمد مات قال ليها شنو ده شنو الكلام البتقوليهو ده قالت ليهو عمر مااات ي احمد عمر ماااات💔 دكتور اخمد خشى جوه وعمار وايهاب مسكوهو ....
#استكانهه 💔
