وائل قال لي من عمري 7سنين بضرب فيني بالطريقه دي واكعب اول كنت بسأل عن السبب مع الايام بقى الضرب بنسبه لي روتين واسلوب حياة ولو م اضربته يومها م برتاح كل انواع السيطان الفي الدنيا انا جربتها و جسمي اخد عليها وبقيت عادي م بحس بوجع وانا بضرب يعني الضرب الشفتيهو امس ده كلو انا م حاسي بوجعو ؛؛ ابوي كان قريب من معتز وامجد وانا بعيد كل البعد عني 💔 م بطيقني ولا بحب يشوف وشي نهاائي ف البيت لدرجه وانا صغير اامي كانت بتخت لي الاكل برااي عشان ابوي م يضايق من وجودي 💔 ف بدايه حياتي اصحاب م كان عندي م بحتك بزول ابدااا ولا بحب زول يقرب مني كنت بعمل مشاكل ف المدرسه وبفرغ كل الكبت البشوفو هنا ف اي واحد ف المدرسه بعنفني ، ويوم يرسلو استدعاء ولى امر او خطاب انا بكون محضر روحي لاني ح اتجلد واتربط ف شجرة الليمون البره دي ، كان بربطني بالساعات ومرات ببيت وانا مربوط 💔 امي كان اقصى شي بتقدر تعملو تبكي مع انو مره زيها المفروض تتصرف وتخت حد للمهزله دي لكن فوق م انو ابوي كان بضربه كانت بتحبو لدرجه م بتشوف اغلاطو فيني وبتقول انو ابوي ومن حقو يعمل فيني العايزو 💔 الشي الخلاني ابعد عنها هي كمان 💔 لغايه م هي زاته اخدت ع الحته دي وبقت عادي تشوفني مربوط 💔 كبرته ف جو كل عنف وبطش ووحده لغايه م بقت من شبه متوحد لمتوحد رسمي ومن الثانوي انا عايش ف شقتي ديك وم بسال عنهم ولا بفرقو معاي وم فاهم اصلا يعني شنو عيله لانو باختصار انا زي وزي اي واحد مولود ف الشارع 💔 وفعلااا بديت اتصرف زيهم خرشه بخرش نسوان عااادي؛ سكر ؛ سجاير ؛بنقو اي دهيه ف الدنيا دي انا جربتها ويدي وصلت ليها لغايه م بقيت شبح الانتي شوفتيهو ف الجامعه مافي زول بعرف منو وائل اصلاا ولا حتى انا ؛ قولته ليهو طيب هو بعمل كده ليه؟؟! قال لي امي وابوي اولاد عم وابوي عرس خالتي وجاب منها معتز وامجد ومنى معتز البكر بعديهو منى وامجد تيمان فرق سنه بيناتمبس ماتت بحادث وهي جايه من بورسودان لهنا 💔 وخلت امجد ومنى صغار شديد يدوب عمرم شهر كان جدي ابو امي قال بنات بتو م بتربيهم غريبه وعرس ليهو امي ؛ ابوي ف البدايه رفض لانو كان عايز يعرس واحده عندها منصب كبير جدي كان عندو مصنع دخلو فيهو شريك يعني من الاخر كده اغراهو بالقروش وابوي كان يدوب ف بدايه حياتو وم عندو شي ومن غير تردد وافق امي كانت صغيره لسه يدوب ف الثانوي واشترط عليهو انها تكمل قرايته ووافق ، ابوي قال لامي انو م عايز اولاد تاني وانو كفايه معتز وامجد ومنى وفعلا لسنين امي بتسخدم الادويه المختلفه شان م تحمل طبعا امي حبتو لدرجه لغى شخصيتها خصوصي انو عرسه ف عمر صغير يعني م فاهمه شي مرة سبعه سنين من زواجم امي كانت بتربي ف معتز وامجد وهي خشت الجامعه ادارة وكانت شاطره شديد د ف سنه التانيه ليها تحديدآ امي حست انها عايزه تخلف من ابوي وفاتحتو ورفض فلمن ابوي حسى انها ممكن تبطل ادويه منع حمل بقى بتاكد انها بلعه الحبه او مركبه شريحه قبل يحصل بينم شي المهم امي موضوع انها عايزه تخلف منو ركب ف راسه شديد وحملت بي ابوي شاكله وكيف تعملي كده وقالت ليهو انو م بإيده ساقه مشى بيها الدكتور قال ليه سبعه سنين بتبلع ادويه المفروض تكون بقت عاقر الدكتور شرح ليهو انو فعلا هي مركبه الشريحه لكن الحمل حصل يعني م بيدها ودي حكمه ربنا ، بس البقنع ابوي بكده منو؟؟! خصوصي انو يوم ولادتي ابوي افلس ف اعتبرني نزير شؤؤم وابتدت قصه الكره المابينا ؛؛ قولته ليهو هو لي م عايز اولاد من امك؟! قال لي ابوي عرسه عشان القروش م عشان شي تاني وكان بحب خالتي الله يرحمه + ضيفي ع ده انو م كتير ميال للخلفه والعيال وبعتبرم هم ومن يومها مسميني الغلطه بقى يضحكك قال لي تخيلي اسمي غلطه 😹💔 سكت مسااافه وكمل.....
