قعدته ف كرسي شبح عاين لي وجدع الشال قال لي التمثيله خلصت ع اليمين هي غرفتك وزي م اتفقنا لا انتي عندك دخل ف حياتي ولا ح تتدخلي ف اي شي ولا انا ح ادخل فيك اي واحد يعيش بالطريقه البتعجبو لغايه نلاقي حل للتدبيسه دي نمثل قدامم حنك العرسان الووواو وهنا اي واحد يشيل قناعو زي م اتفقنا قولته ليهو فهمته ماف داعي تعيد الكلام كل مره ، قال لي انا طالع ضحكته قولته ليهو اذا عايز المسرحيه يصدقه الجمهور م تتصرف تصرفات غريبه عاين لي باستغراب قولته ليهو مافي راجل بسيب مرتو ليلة الدخله لو طلعته اهله ح يشكو وم تنسى انو ابوك واقف ليك ف حلقكك مرر يدو ف شعرو قال دي م حال ياخي ، مشيت منو خشيت جوه الغرفه فتحته النور اتخلعته شدت م جميله الغرفه م مربعه زي الغرفه العاديه تحسها واخده شكل المعين السقف بسيط بالبيج ، سرير اكبر شويه من المتوسط مفرش بالكبدي ؛ دولاب سحاب رمادي فيهو مرايه ف النص ؛ تسريحه بلون خشبي وجنبها مرايه طوويله خشبيه ؛ سجاده رماديه متوسطه ناعمه ع جهه السرير الشماليه الغرفه واخده اللون البين الرمادي والنيلي اللون ده ، حمام ف اخر كورنا ع الشمال ...
خشيت الحمام استحميت واتوضيت قبلي لبسته لي بجامه وعندي توب هزاز لبستو وقفلته الباب علي من جوه م ضامنه شبح خااالص رغم انو مديني وعد انو م يقرب علي صليت وقعدته ابكي ف مصلايتي حاسه اني وحيده وبراااي وحيط الغرفه كابسه ع نفسي 💔 كنت مسخنه شديد فتشته للمكيف م لقيت الكوبس بتاعو او الريموت فتحته الشباك والمروحه ونمته السخاانه ساااي فسختني الغرف دي بدون مكيف ولا بتتقعد قولته ده شنو ياااخي من بدايته كده 😭💔 ملصته فميله البجامه وقعدته الا بالفميلا الداخليه نمتتتته صحيت الصباح ع صوت باب غرفتي لبسته توبي وفتحته الباب لقيتو شبح قال لي قافله الباب عليك لدرجه دي مافي ثقه 😹💔 قولته ليهو الناس بقولو صباح الخير قال لي صباح شنو مع وشك ده😏 الفطور تحت اجهزي بسرعه م تتكلي لي مية ساعه قولته ليهو طيب وقفلته الباب مشيت استحميت لبست لي جلبابه وتوب ومرقته لقيت العيله كلهاا قاعده امجد قال لي وين وائل؟! قولته ليهو طلع قبلي م نزل يعني؟! ابشنب قال ليهم عمرو م ح يتغير الولد ده اكيد طلع من الصباح ده لو بات ف البيت اصلا م خلص كلامو شبح جا قال ليهم صباح الخير عمتي نفحات قالت ليهو صباح النور اصبحته كيف اليله😍 قال ليها تمام وجرا الكرسي الجنبي داير يقعد قالت ليهو لا تعال اقعد جنبي بجاي منى قالت ليها اجي ي امي خلاص تاني خلي يقعد جنب مرتو مافي داعي تدلعيهو جات البدلعو وغمزت لي 😉 عمتي نفحات قالت ليها انا امو ومهما حصل وجات غيري ح يقعد معاي انا وحدي وعاينت لي بحقاره حسيته م راضيه بالعرس م نفس الوش الكانت بتقابلني بيهو ايام الحبسه ؛ منى قالت لي امي بتحب وائل شديد ووائل كمان م تزعلي هاا قالت ليها وتزعل لشنو قولته ليها ابداا ماف زعل كمان بالعكس 💕 قالت لي احسن طول الفطور كانت بتأكل ف شبح لدرجه حسيتو بيبي عمرو 3سنين كل دقيقه بقوليها امي انا م صغير وكان مضايق شديد اثناء م بتأكل فيهو قميصو اتوسخ امو شالت المنديل وبقت تنضف ليهو فيهو اضايق من الحركه دي قال ليها امي ارتاحي م مهم ابشنب قال ليها بسبب دلعك ده طلعتي باطل 💔 شبح عاين ف الصحن مساافه وقمتو يدو شديد قام قال ليهم شبعته قالت ليهو م اكلته ي ولد م رد ليها ومشى طوالي طلع بره ؛ عمتي نفحات قالت ليهو لازم تجدع ليهو كلمه تحردو اللقمه ابشنب قال ليها ولدك حساس بزياده دي هيئه راجل هسي واحد شحط عمرو 26 سنه امو بتأكل فيهو ؟! كنت تعملي حساب لشكلو قدام مرتو عمتي نفحات طووالي قلبت علي قالت لي م تقومي تشوفي راجلك قاعده بتاكلي ليه؟ بعد اتخلعته لمن قالت لي كده امجد قال ليها تلحقو وين هو طلع بره البيت قالت ليهو واذا راجله قام من الصفره تقوم معاهو سوا مش تقعد تاكل ولا م لاحظتي انو اضايق ؟! منى قالت ليها ماما م كده هي لسه عروس جديده قالت ليها م بهمني وجدعت الملعقه ومشت ؛ منى قالت لي معليش م قصده قولته ليها لا عادي اصلا شبعته قومته من الصفره خشيت المطبخ اشرب مويه شايفه عدة ملايمه مشيت غسلتها جاتني الحبشيه قالت لي م كان داعي قولته ليها خلصته اصلا قالت لي شكرا ماما ابتسمته ليها جات منى قالت لي ده شنو ده ؟! م تقول لي غسلته العده ؟! قولته ليها عادي قالت لي شنو عادي؟! انتي جنيتي ي بت؟! انتي عروس وده اول ليك يوم ف بيتنا ليه تعملي كده 😑 ختيت يدي ف كتفه قولته ليها م تدخيمي الموضوع مشينا قعدنا ف الصاله اتونسنا الساعه بقت 12 قولته ليها انا ح اطلع يلا منى ضحكت قالت لي عااد م بسااالك 😏
