قالت لي انتي حبيتي ولا مالك بالضبط انا م قادره استوعب عمار بقا يعاين لينا الاتنين والجو بقى مكهرب قولته ليهو شنو حبيتي دي؟! قالت لي عايزاني افهم شنو من تصرفاتك دي؟! قولته ليها ياتو تصرفات ؟! قالت لي ح اتغاضى عن كووول التصرفات الفااتت تمام وح اركز ف فرحتك دي قولته ليها عااادي زي م بفرح انو المعتقلين طلعوهم فرحته ليهو قالت لي المعتقلين الانتي بتتكلمي عنهم ديل ثوااار وكلنا بنخاف عليهم لكن حسااام ده بذاااات اكسبشن عن كل الخلق البنعرفم وليكي انتي بذااات سكته وبقيت بعاين ليها بس قالت لي م تردي مالك ساكته؟! قولته ليها بعد توطي صوتك وتتكلمي معاي باسلوب افضل من اسلوب الشك ده بعداك نتفاهم عن اذنك عمار قال لينا ي جماعه استهدو بالله وقفت قدامي قالت لي ع وين ان شالله؟،! قولته ليها محل امش م بخصك قفلت باب الغرفه وجدعت المفتاح قالت لي مافي ليك مشيه من هنا غير لما افهم انا م ح اكون طيش وماشه زي الاطرش ف الزفه قولته ليها ده شنو العملتي ده؟! قالت لي بسيطه حبستك قولته ليها اسيل افتحي الباب انا طالعه قالت لي م فاتحه عمار شال المفتاح من الارض اسيل شالتو منو جدعتو بره بالشباك ؟؟!!! عمار قال ليها ده شنو التهور ده قالت ليهو انا مش قولته ليك اسكت؟! اطلعي منها عمار قال ليها اطلع كيف وانتي قفلتي الباب؟! انا عايز اسيبكم براحتكم ده شنو البتعملي فيهو ده و انتي منفعله كده مالك هسي ؟! مافي شي بخليك تعصبي فينا كده م اشتغلت بيهو جرت الكرسي قعدتني فيهو وكرت التربيزه قعدت قدامي قالت لي بسبب عمار ف حاجات كتييره م فهمته وح اسالك واحده واحده لغايه تجاوبي عليهم كولهم وافهم قولته ليها اسيل انتي شايفه روحك بتتكلمي معاي كيف؟! قالت لي لا وم عايز اشوف وبطلي تحوري قولته ليها انا م قادره اقعد دقيقه افتحي الباب قالت لي شايفه عندي مفتاح؟ عمار اتبطح ف السرير بكل برود ومسك تلفونو واسيل حااالفه تعاين لي بس لغايه اتكلم ابيت افتح خشمي معاها واسلوبه م عجبني بعد مسااافه من الصمت القاتل قالت لي اسفه فكرته اني صحبتك ومن حقي استجوبك قولته ليها تستوجبني بانك تحبسني ؟! قالت لي م قولته ليك كنت فاكره روحي صحبتك 💔💔 قولته ليها اسيل بطلي حركات الشفع دي قالت لي بقيتي صحبت عدن صح😢 قولته ليها اسييل قالت لي طووالي كنت بشوفك معاها لمن كنا بعاد عن بعض وكم مره بتنزلو اسكرينات ليكم سوا وبتمنشو بعض ف الفيس 😢💔 خلاص انا بقيت م البيست صح 😢💔 قعدته اضحكك قولته ليها انتي غيرانه يعني😂😂😂😂💔 قالت لي اول امس ضربت لي وقالت انو كنتو بتتكلموا انتوا التلاته معاكم حسااام خلااص حبتي الخرا ديل وخلتيني 😭💔 بقت بعاين ليها وبضحكك قولته ليها انتي بتجيبي الكلام ده من وين ؟!😂😂 قالت لي احر م عندي ابرد م عندك يلا مع السلامه وانا اااسفه والله م من حقي اعمل فيك واسفه ع اسلوبي اعفي لي خلاص عرفته مكانتي 😢💔 قولته ليها اووفر ك العاده😒 عملت زعلانه قولته ليها مافي شي من القولتي ده صح قالت لي مافي داعي تبرري خلاص انا فهمته قولته ليها انتي طيره ؟؟! عدن شنو البتبقى بستي انتي البست ي قلبي😍💙 قالت لي م بتمشي فيني صح؟! قولته ليها وووالله 😍💙 ضمتني عمار قال لينا اذا عصافير الحب رجعو لبعض رجااء اديني المفتاح الاحتياطي عايز اطلع ☺💔 اسيل قامت ع حيله وختت يدها ف نصه قالت ليهو بصوت عاالي م قبل افهم قصه حسام الطلعت لي بيها دي قولته ليها انتي بتتحولي ي بت ؟ 😒🔥👋 عمار قال ليها ديك صحبتك انا دخلني شنو ؟! افتحي لي الباب عايز اطلع قالت ليهو انت مش جيت الغرفه دي برجليك؟! قال ليهو ايوة قالت لي بس خلاص ماف زول قاليك خش 😊 عاينت لي قالت لي اولااا دقيقه اجيب التلفون مشت جابتو قالت لي ده اول سؤال قولته ليها ياتو؟ وجهت التلفون ورتني صورة كان انا وحسام قاعدين سوا ف المطعم قولته ليها ده لمن عزام عرس وشبح جا يفهمني القصه قالت لي طيب دي فهمتها ودي قولته ليها دي كان ف المكتبه بقرا وطلب مني اشرح ليهو وقعدته اشرح ليهو عاادي رفعت لي حاجبه قالت لي تشرحي للشبح ؟؟ قولته ليها انتي عارفه اساليبو جبرني اشرح ليهو وقعدتني اربعه ساعات بطلع ليهو المين بوينت عشان م يتعب روحو ف القرايه قالت لي ف يوم الطبيب كنتي واقفه معاهو طول اليوم ليه؟! وليه اختفيتو والناس كلها كانت بتسال عنو وفجاه ظهرتي انتي وهو؟! والفديو الاتنشر داك انتي دخلك بيهو شنو؟؟! وليه البت جات وقالت انك شلبتيهو منها وردحت ليك ليه؟؟! والاااهم ليه شبح لمن الولد داك نزل فديو حذفو وقال انو اذا لقى شخص بتكلم فيك ح يدفنو ف ارضو ؟! وعلاقتك معاهو كانت قويه شديد الفتره ديك وفي سؤال ح اسالو ليك بعد عمار يمشي قولته ليها ااااااه قوولي كده من البدايه عمار قال ليها جابت ليها فديوهات كمان؟؟! قالت ليهو انت م عارف جامعتنا دي كان بحصل فيها شنو قولته ليها افتحي لعمار يمشي بحكي ليك عمار قال لينا وانتوا ممكن تحكوا قدامي ؟؟! قعدته اعاين لاسيل واسيل تعاين لي قولنا ليهو بصوت وااحد لاااااا رفع حاجبو قال لي اسرار دوله هي اسيل قالت ليهو دقيقه اطلعك مشت تفتش المفتاح الاحتياطي م لقتو قالت لي اهاا عمار قال ليها انا م مضرر من الموضوع بس انتوا الم ح تقدرو تكملو نقاشكم ف اتصرفو افضل 😒🔥 قالت ليهو صحي والله دي عوجه دي كورك لولد قال ليهو ف مفتاح هنا اجدعو لي الشافع قال ليهو ح تديني كم؟! قال ليهو بجيب ليك شكولاتات انت فتشو واديهو لعمو البواب يجيبو لي اسيل قالت لي سيبك منو ارح ابدي قولته ليها القصه كلها بدت من يوم اليوم الطبييب .......
#موووليحظه :- بارت ونص او بارتين ح يكونو فلاش بااك ف ركزو معاي عشان م تجوطو 🙊💅 ح احاول اسردو بطريقه م تخليكم تتطشو مره واحده ...
#فلاش_باك 🎬
