ضرب لي الدكتور قال لي جابو مريض مستعجل وقرور يطلعوا ابوك قولته ليهو عليك الله ي دكتور م تطلعوهم والله العظيم ح ادفع قال لي انا اسف كان نفسي اساعدك قولته ليهو دقيقه انا ح ادفع بكره والمبلغ ح يكون كامل بس عليك الله م تطلعوهو واكفلني اليله دي قال لي متاكده قولته ليهو لو م دفعته طلعني ؛؛ اتلفته ع هبه قولته ليها الناس ديل وين؟! ابتسمت لي قالت لي تعالي معاي ركبنا وانا ماسكه شنطتي علي وخااايفه وقلبي بدق قالت لي انزلي وصلنا اترددته وم نزلته قالت لي اتذكري ابوك بين الحياه والموت وده م وقتو قولته ليها اصبري علي حبه نازله نزلته كان بيت كبييير وواقفين بوديقارد اتنين بره لابسين نظارات سودا ضامه شنطتي علي وتابعاها وخايفه قلبي عايز يطلع من محلو انا م عايزه اخسر شرفي مافي بت بتتمنى تخسر شرفه بيده بس م عندي طريقه تاني اتختيت بين امرين اي واحد فيهم احر من التاني ي حياه ابوي الممكن تنتهي ف اي لحظه ي اخسر شرفي ونفسي وكل حاجه لكن لو كبستي حياة ابوك وخسرتي شرفك ابوكي ردو شنو ح يكون؟؟! ابوك ح يموت قهر لالالا انا م لازم اعمل كده مهما حصل استغفرالله ي رب انا م عندي حال تاني انقذ ابوي هسي وافكر ف الباقي بعدين المهم ابوي يعيش ده اخر شي باقي لي مهما حصل م اخليهو يموت ؛؛ جاني صوت هبه وهي بتقول لي ارح خشي مستنيه شنو وجرتني بيدها دخلتني جوه ؛؛
البيت من جوه كان هادي دخلتني ف واحده من الغرف كان نضيفه ومنظمه قالت لي اقعدي هنا هسي بجيك جات معاها مره قالت ليها هدي ليها م اوصيك عليها دي اختي الروح بالروح ؛ المره كانت لابسه جلباب قصير وخاته يدها ف نصها وبتاكل ف لبان قالت لي قومي قمته عاينت لي من فوق لتحت وابتسمت قالت لي اسمك منو؟! قولته ليها نسيمه مشت اتجاه الدولاب طلعت فستان قصييير شديد بيجي باسود قالت لي بتعرفي تتمكيجي ولا امكيجك ؟؟! قولته ليها يعني قالت لي ف الكورنا ديك الحمام والصوابين وكل حاجه بتلقيها جوه خشي استحمي وتلقي لوشن اتمسحي بيهو وهنا التسريحه فيها المكياجات اتمكيجي وعندك هتا ريحه تاريحي بيها م تفكري اننا عادين لا ي بييي دي لقمه عيشنا وشغلنا نحنا هاي كلاس كل البجونا هنا من القولدن ليفيل ومغتربين يعني بدفعوا بالدولار وانتي بذااات ح اربح من وراك دهب وقعدت تعاين لي من فوق لتحت تاني قالت لي علشان هبه دي بس ح اديك 5الف ف اليله دي هبه دي حبيبتي ايوووه ومعزتها من معزه اخواتي ولو عجبتي الزبون ح اخليهم ليك 8 الالف التاني عربون محبه وغمزت لي بعينه وم ترفعي لي سعرك ده الح اديك ليهو فاهمه ولالا ولو م عجبك السعر اتفضلي بره هبه قالت ليها لا م يعجبه شنو طبعا عاجبه ولا شنو ي بت هزيت ليها راسي من سكات ومن جواي بتمنى الارض تتشقى وتبلعني ؛؛ طلعوا وهبه قالت لي انا ح امكيجك بنفسي ؛ الراجل الجايباهو ليك ده جاي من ماليزيا خليك ملحله وجازفي ليك منو قرشين من غير م تعرف علشان لو عرفت ح تشيلم منك قعدته ابكي هبه قالت لي من بدايه كده انشفي شويه قولته ليها انا خايفه ي هبه انا م عايزه اعمل كده ختت يدها ف كتفي قالت لي كلنا الطريق ده م دايرنو
لكن الحياه بتجبرنا نعمل حاجات فوق طاقتنا انا ح اقوم اخليك تستحمي ح ارجع ليك بعد شويه ....
خشيت الحمام بكيت جيت البس الملابس كانت قصيره شدييد فوق للركبه ومشرشحه وكلها عريانه م تعرف ليها راس من قعر ختيتم قدامي و قعدته اعاين ليهم مسااافه ؛؛ سمعته صوت المره بدق ف باب الحمام انجزي خلينا نخلص وبعدين معااكي ؛؛ لبستهم وجيت طالعه هبه قعدت تمكيج فيني ،
بعد خمسه دقايق طلعت وجا الراجل خاشي ؛ كان كبير ف العمر عمرو زي 40 او اكتر ؛ عاين لي من فوق لتحت جرجرته الروب الطويل علي قفل الغرفه وحسيتو ح يريل ؛ جا قعد ف طرف السرير قال لي الحلوه اسمها منو ومسك يدي جرته منو قال لي من اوله كده ي جميل؟؟! وبقا يمرر يدو ف شعري وانا بتصرع منو يمين وشمال كان لابس بدله خلع الجاكيت بتاعه وجا علي قال لي 9الف قليله ع الجمال ده كلو المفروض تكون ثانيتك باليورو ولا شنو يعني المره كانت غشاني ودايره تديني 4بس ؛؛
بقيت احور معاهو ف الكلام ع امل ياجل ولا دقيقه زياده ، زهج قال لي انا جاي فاير ح نعديها كلام م يالله يخخ وجراني من يدي ورقدني ف السرير
اول م عايز يقرب علي جات المره تدق ف الباب بكل قوته اطلعوا اطلعوا كبست كبست ؛؛؛
الراجل اتنفض من مكانوا قال لي وشك شووم ي سجم وجرا انا جريت البس عبايتي لبستها وشلته شنطتي بمجرد م فتحته باب الغرفه شرطيين استلموني ؛؛ ركبونا ف البوكسي وبضربو فينا بالعصا
ودونا مركز الشرطه اتعرضنا ع الضابط قال للشرطي ديل كلهم ف بيت واحد؟! قال ليهو نعم ساعدتك
قال ليهو عصابه ولا شنو قال ليهو نعم سعادتك ده البيت الكنا براقبو قرابه شهر وديل كلهم عاهرات زديل الزباين من الفئه المرموقه واداهو cv وفايل قاليهو هنا موجود كل البيانات عن الجماعه ديل سعادتك ؛ الضابط عاين لينا قال لينا اسهل طريقه لتصبح غنيآ صح؟؟! انتن م بتخجلن من روحكن م عندكن اهل ؟؟! جا ناحيتي ومسكني من راسي قال لي لمن نشوف خلق زي خلقكن ديل الواحد اختو م بضمنه ي معرصات ولزاني قال للضابط ارمي لي ديل ف الزنزانه ي عسكري وتف فينا ومشى
العسكري لزاني قالت لي خوشي جوه ي بت الحرام من ليك ليها خوشن يخش فيكن قطر نيالا ورمتني ف الارض ، دخلونا كلنا ف زنزانه واحده قريب ال40 بت الغريبه انو هبه و المره ديك كانوا م معانا ؟؟؟!
قعدته ابكي قولته كمان اداب ي نسيمه خلاص مستقبلك انتهى خلاص تاني كلو راح وانفضحتني ي نسيمه وااا فضيحتك ي نسيمه وااافضيحتك ي بت جابر ح تقتلوا ابوكي برااكي وبعليه وااااياااا انا يمه وبكيت قدرتي 😭😭 واحده جنبي بتشرب ف سجاره قالت لي م تنبحي فينا عليك الله م رديت ليها لزتني من راسي قالت لي قومي من محلك ده دايره انبطح اريح ضهري شويه قولته ليها اقوم اقعد وين يعني شافيه الزنزانه ملانه قالت لي تقعدي ف جهنم م شغلتي زحي قولتا ليك ولزتني وقعتني ف الارض قولته ليها م بسمح ليك قامت ع حيله قالت لي م اييههه ي ماما؟؟! اسمعوا ي بنات قالت لي م بسمح ليك وقعدت تضحكك ضحكت الرقاصات ديك ختت يدها ف نصها قالت لي وانا م بسمح ليك تقعدي معانا هنا من غير اعتذار قولي لي معليش قولته ليها واعتذر ع شنو ان شالله قالت لي لسانك م تطولي عشان م ينقص م اشتغلته بيها ومشيت قعدته ف الارض لزتني بكراعه قالت لي انتي تطنشيني انا ؟؟! انا مش قولته ليك اعتذر لي قولته ليها اسمعي ي بت انتي انا م بعتذر م سويت شي قالت لي انك ترد لي ده غلط م رديت ليها وم لقيت غير كف ملصق ف وشي قالت لي لو حركتك دي عملتها تاني ح اكسر عضامك ضربته كف قولته ليها اوعك تمدي يدك علي تاني قالت لي بمدها وامدها كمان ي بت الحرام انتي جايه تعملي علي شريفه هنا قولته ليها بت الحرام انتي دي ي واطيه قالت لي انا عارفه اني بت حرام ومع ذالك ح اضربك ووقعت فيني ضرب والبنات اتلمن فيني وبقن بضربني معاها جات الشرجيه وتدنا نحنا الاتنين للضابط و لمن شفته الكان قاعد معاهو بقيت اخبي ف وشي .....
#استكانهه😌
