مسكته تلفوني عزام قال لي نسيمه قولته ليهو نعم قال لي بحبك رفعته راسي مهجومه اي عارفه انو ف بودار مشاعر بيناتنا ؛ انو الصداقه البيناتنا دي م ح تدوم طويل وح تتقلب بس م اتوقعته انو اسمع الكلمه دي بسرعه ديا سكته وم عارفه اتصرف كيف او اقول شنو المفروض اني اقوم وامشي او اديهو رد بس فضلته بعاين ليهو باستغراب وساكته قال لي ممكن عادي تعملي روحك م سمعتي وممكن تقومي تزحي الكرسي وتمشي ويجوز تقطعي علاقتك معاي بس الشي الجواي انا لي سنتين بحاول اتجاهلو واتحجج لكن انا م بقدر اغش ع روحي ممكن اكذب ع اي زول بس روحي لا سكته وم دريت ليهو قال لي م تسكتي اديني رد انا داخل ف صراع نفسي بيني وبين نفسي لفتره طويله واخر شي اتكلمته عشان اعرف ردك علي بس انك تسكتي انتي كده بتصعبيها علي قولته ليهو عزام انا م مستعده لارتباط حاليا قال لي وانا م قولته نرتبط قولته ليهو عزام انا محتاجه لوقت انت اعز صحاب لي وانا م بسهوله دي اتقبل فكره انك ...فجاه كده تتغير علي قال لي تمام
م بعرف ليه اترددته وخليت مصيرانا مجهول ومعلق بس الاحساس الجاني وقته بقول لا ي نسيمه لسه بدري وصلني المستشفى ومشى حسيت مخزول ولا مضايق انو جا عشان يختى نقطه ختيت ليهو استفاهم !!
الوقت مر بطيء م عارفه كيف مرت 24 ساعه !!! اديت ابوي حبوبو قولته ليهو ابلع حبتك انا امس نسيت اديك طلعته الجامعه لقيتها جاااايطه والناس متلميه قولته لي بت مالكم ف شنو قالت لي لقو جثه طالب مرميه الصباح قدام البوابه قولته ليها كيف الكلام ده وعرفو القاتل قالت لي الشرطه بتحقق لكن دي م المشكله قولته ليها وين المشكله ؟! قالت لي طلعو ناس الداخليه قالو اي زول من الخرطوم يطلع يقعدو ناس الولايات البعيده بس والباقين يتصرفو البرالمه السنه دي كتار وكلهم من خارج الخرطوم هسي الطلبه محتجين ع قرار الاداره وقالو معتصمين م ح ينزلو وطلبه اقتصاد معتصمين قالو م ح ينزلو مالم يعرفوا القاتل منو قولته ليها الولد من اقتصاد قالت لي اي ولوقهو ميت بطريقه بشع شديد مضروب ف الراس ووشو مشوه قولته لا حوله ولاقوه الا بالله كان ف مجموعه كبيره شديد من الاولاد والبنات بهتفو " طالب ي طالب طااالب بحقكك طالب لينا مطالب طااالب لحسن الطالب طالب" حسن ده الولد المات جات شرطه الشغب وقفته تاتشراته بره ودخلو الحرم الجامعي الطلبه لسه مستمرين في الهتاف " حسن وينو ؟! حسن مات الكتلو منو ؟ قتلو الكيزان ديرين شنو؟ الدم الدم
جيبو القصاص جيبو التار .. التار التار "
جا شرطي شايل المايك قال ليهم ح نجيبوا وح نعرف القاتل امشوا كملو قرايتكم واحد قال ليهو تجيبو زي م جبتو تار محمود وعثمان مش؟ واتلفت ع الطلبه وشايل ميكرفون " قالو شنو؟! بيجيوا التار
تار منو ؟! ناس عثمان القالو منو؟! شرطه كيزان شرطه كيزان شرطه كيزان " " ادره الجامعه... ماله؟! اداره باطله مالم كتلو الطلاب مالم ؟؟! كتلو االطلاب مالم كتلو الطلاب كتلو كتلو الياس كتلو عثمان كمان كتلو؛ محمود كتلو؛ حسن كتلو....." فكو كمييبهه مهوله بنمبان جا واحد من الدكاتره قال ليهم ف ناس عندها ازمه يخخ كيف بتفكو بنمبان جوه الحرم الجامعي انتوا منو السمح ليكم اصلا تخشو؟! الشرطي قال ليهو انا بشوف ف شغلي قاليهو شغلك ده بره الجامعه جوه الحرم الجامعي ممنوع اتفضلو بره جا دكتور ذا الكفل وكم واحد من الدكاتره طلعوا الشرطه غصب بره بقو محاوطين الجامعه من بره واي طالب حاول يصور الحصل ف الجامعه عاقبوهو سواء ربتوهو او اتفصل جا العميد قال ليهم ي جماعه حسن ده ولدنا قبل يكون اخوكم وواجعنا زي م واجعكم وكلنا عايزين نعرف القتلو واحد قال ليهو كلنا عارفين انو حسن كشفكم وكشف لعبتكم وقتلتوهو العميد قال ليهوو حسام اخير ليك تتكلم بادب ي طالب قال ليهو تقتلو القتيل وتمشوا ف جنازتو ي اولاد الحرام العميد قال ليهو كلمه تانيه وقسما بالله افصلك قال ليهو وحات حسن لو م قفلناها ليكم وجاطوا الاولاد هجو ع العميد وفضلو يضربو فيهو الشرطه جات اعتقلت اغلبيه الطلبه فكو كتير منهم عشان مناصب ابوهم اما الولد الكان مضادي العميد ده كان اخو حسن وهو شخص عادي من عيله عاديه هو وكم واحد اتفصلو الاسبوع البعدو علقو قائمه الطلاب الاتفصلو من الجامعه وقائمه تانيه للطلاب الجمدو ليهم سنتم دي ف طلبه كانوا ف نص المظاهرات اعتدو ع كم طالب وطالبه وضربوهم ولانهم اولاد ناس كبار ختو التهمه كلها ف رقبه اخو حسن والجماعه المعاهو واتحكموا بسجن او غرامه بقيمه 7مليون الغريبه انو رغم انو اخو حسن اللهو اسمو حسين اهلو م عندهم المبلغ ده الا انو طلعوا وادفعت الكفاله ودفعته لحسين و5 معاهو !!!
حسن كان واحد مؤثر شديد ف الجامعه والطلبه بتحبو وكان واقف مع الغريب قبل القريب ، الطلبه فضلو لمده اسبوع كامل بنجي بنهتف وبنتحتج وبنتظاهر ورغم انو اغلبيه الطلبه كانوا معتصمين وخالص م خشو محاضرات الا انو الممول الاكبر كانو جوه القاعات مكملين محاضراتم عاادي كانوا م عندهم زميل مات ميته بشعه وسبب الوفاه مجهول مشينا لاهل حسن بتلاته باصات نقيف معاهم ف عزا ولدوم؛؛ واحد اتكلم معاهم قال ليهم م ح نخلي حقو وح نجيبوا ابوحسن قال ليهو ولدي مات موته عاديه ضربتو عربيه ف الشارع الولد قال ليهو كيف بتقول كده حسن مات ميته بشعه وكلنا شفناهو ابو حسن قال ليهم حسن مات بحادث ولو غير كده اتفضلو اطلعوا الولد قال ليهو حسين هم هددكم؟
حسين قال ليهو ابوي كلامو صاح حسن مات بحادث قلنا وقفنا مصدومين من الحصل كيف حسين الكان بكورك بحق اخوهو الاسبوع الفات اليله متبكم وبقول انو مات بحادث والصدمه انو مشى سحب البلاغ الكاتبو ف الاداره ؟؟؟!!!!
اسيل قالت لي عارفه ي نسيمه شكلو هددوهم بجد قولته ليها لاحظتي لانو بتهم البتقرا معانا مافي؟! قالت لي اي لاحظته سمعته انو جاها انهيار عصبي
بدت حاجات غريبه تظهر ف الجامعه وكلام يودي ويجيب ف نفس الوقت كان ف حرايق ف السوق وغيره من الاماكن وطول الفتره دي الشبح كان مختفي وحتى عزام م عرفته ليهو مكان وقطعوا اخبارو مني !!!
يتبع.....
