غسلته العده وتكيت الطشت ع الحيطه اتلفته وراي اشوف نفسي واقفه قدامي كانو ف مرايه قدامي وقفت قدامي تغريباا ثانيين بس ثانيتين !!! واختفت كانو م كانت قولته ي ربي انا بتوهم؟! اتوهم شنو اكيد لا انا شوفتها قدامي م كنت بتخيل انا بكامل عقلي دي نفسي نفس ملابسي ونفس تسريحه شعري حتى الاسوره الكنت لابساها ف يدي نفسها لااا انتي جنيتي ي نسيمه بقيت اتعوذ واتعوذ بسم الله معقوله الزول يشوف نفسو؟؟ بقيت بحرك ف يدي ف الهوا اشوف اذا هنا ف مرايه لكن مافي شي سكته واصلي م اتكلمته ولا حتى اخواتي م كلمتهم قولته بعد ده اكيد البيت ده مسكون خلاص انا اقتنعته بالحاجه دي حاجات تختفي والباب يكركب ده غير امس ف راس البيت كان ف حجر بتحرك وحسب صوتو الحجر ده كبير يعني لو جات عاصفه عديل م بتحركو خلي هوا سااااي ؛؛ قولته احسن ي نسيمه م تفكري شلته بستلتي ومشيت الدكان لاقيت منى ف الشارع سلمت علي قالت لي يخسي عليك عزمتك العرس م جيتي قولته ليها امتحاني يوم السبت وانا حكيت ليك اني غبته فتره لو م كده انا كنت جيت قالت لي خلاص ي زوله الفات مات اها الحفله بس تعاليها قولته ليها عاملنها ف البيت ؟! ضحكت قالت لي لقيتك ظريفه انتي من زمن الحفلات قدام البيت 😂 المهم عاملنها ف صاله(....) وجايبين عربيه ح يسوقنا بيها من هنا جيبي اخواتك وتعالي قولته ليها غايتو بحاول لكن م بوعدك قالت لي هو السبت البكره ده؟؟! قولته ليها اي والله قالت لي يحلييلك شدي حيلك قولته ليها ان شالله قالت لي انا جايه من بيت اخوي حاجاتي هناك يلا م اتاخر قولته ليها تمام ي زوله نتلاقى مشيت قولته لي سيد الدكان دايره لبن قال لي كم رطل قولته لي تلاته ف وقفتي جات واحده من الكانو يوم داك قاعدين ضربتني ف كتفي براحه كده قالت ليك ازيكم ي الغرابه قولته ليها الحمدلله كيفكم انتوا قالت لي تمااام انتي صحي امك ماله م بتطلع ع الجيران خشو علينا علشان نجوكم م تبقى كعبه كده قولته ليها امي الله يرحمه لكن بنخش عليكم ان شالله سكت ساااي تاني قالت لي ربنا يرحمه قولته ليها جمعا تاني ضربت كتفي قالت لي هي م تزعلي مني انا لمن قولته غرابه م كان قصدي شي م تكوني زعلتي !! نطت واحده قالت ليها وتعذري لشنو م تزعل كان زعلت م صاح غراااابه قولته ليها فعلا غرابيه وده جنسي وفخوره بيهو كمان والانسان م بتعاب بجنسو بتعاب بطبعو مافي حاجه بتزعل م تختي ف بالك ، سيد الدكان قال لي هاكي بستلتك شلتها واديتو القروش قولته هاا كل م يسمعوني ازعل واشيل ع اعصابي ؟؟؟بالطقاق اليطقوهم ماشه كده شايفه منى واقفه قولته ليها لسه انتي واقفه؟! قالت لي مستنيه بتي تجي رسلتها هنا بيت ناس هنا ولهسي م جات قولته ليها بتكون لقت اللعب ونستك قالت لي اصلااا هي م تلقى بت هنا دي تاني ولا بتجي قولته ليها انا ماشه وصور لي العروس اشوفه قالت لي م توصي حريص 😌 مشيت منها لاقيت ابوي ف الباب قال لي انا طالع هنا عمك عكاشه وجاي قولته ليهو سمح خشيت دخلته اللبن ف التلاجه وجيت مسكته شيتي عايزه اقرا جات سميه قالت لي ارح نمشي عرس الجماعه ديل انا دايره لي موضوع قولته ليها عزموك؟ قالت لي مش عزموكي انتي دعوه واحده كفايه قولته ليها وانا م دايره امشي قالت لي بمشي تمشي م تمشي سميره جات قالت لي هاكي الشريحه دي جابه ليك ابوي قولته ليها متين؟ قالت لي م عارفه المهم اداني ليها قال لي اديها نسيمه شلتها منها وركبتها ف التلفون وسجلته رقم اسيل لقيت فيها 10ج ضربته لي اسيل قولته ليها سجلي رقمي عندك قالت لي اشيييي مبروك الشريحه حتى لحقتي قولته ليها جاب لي ابوي قالت لي بكره بدري الامتحان 8 نتلاقى نراجع قولته ليها سمح قالت لي خشي الواتس انا ثبتو ليك قبيل قولته ليها النت م مظبوط قالت لي دقيقه جنبك ورقه وقلم؟ قولته ليها اي قالت لي سجلي عندك ملتني نقاط الوصول خشيت ضبطو وعملته الخدمه وخشيت ليها واتس رسلت لي منوووره ي هنايه قولته ليها شكرا ي بتاعه اتونسته معاها لغايه بعد العشا وطلعته صليت ابوي قال لي بعد تخلصي اقفلي معاك النور قولته ليهو سمح وانا كنت قاعده ف الحوش بره وحسب ضيعته وقت مع اسيل ف الواتس ح اتاخر ف القرايه بعد خلصته قرايه لقيت روحي م نعسانه قولته اراجع الساعه كانت خاشه ع واحده الساعه الجا حجر واقع ف الارض قولته ده منو قليل الادب العمل كده ف انصاص اليالي تاني لو جاني حجر م بخليهو دنقرته ف شيتي اشوف التربيزه اتحركت من جنب السرير براااها لغايه محل الحجر م واقع قولته بسمم الله هم جو ولا شنو😭💔 لملمته شيتاتي سرعه قولته اخش جوه قبل م يبدو الجد الساعه الباب بتقفل كرووو لمن ابوي صحى لكن قال ده الهوى ورجع نام تاني ليزتو بكل قوتي فتح معاي مع انو الباب نوع الحديد للخفيف داااك خشيت الباب كرووو قفل تاني ابوي قال ده منو قولته ليهو دي انا نسيمه قال لي ثبتي الباب ده بحاجه ولا اقفليهو قولته ليهو مافي هوا برا قال لي وده شنو؟! قولته ليهو ديل الجماعه قامو قال لي بطلي الكلام ده وخشي نومي السهر م حبابو اصلا كنت واثقه انو م ح يصدقني مشيت نمته انا نايمه ف السرير الجنب الباب وراسي ورا الباب طوالي احس بحاجه سودا واقفه ف راسي وباب الغرفه فتح براااهو والزول الاسود ده جا قعد ف الكرسي بقيت بتعوذ بصوت واااطي وملمه كرعيني علي ومتغطيه بتوب مخليه عيوني بس برا وبرجف من فوق لتحت وهو لسه قااعد ف الكرسي قعد حكايه دقيقتين وقام من الكرسي واختفى تاني للصباح م نمته بين اذان الصبح الاول والتاني غفيت صحيت ع صوت سميه قالت لي الساعه 6 قومي قومته صليت وشديت الشاي شربته لبسته ابوي قال لي بعدين جيبي خضار بعد تجي من الجامعه التلاجه فاضيه ومافي شي ياكلو شلته منو القروش وطلعته مشيت كداري لغايه موقف الجامعه وقفته نص ساااعه م جات مواصلات الناس زهجانه وصف البنزين ده من بدايه الشارع لنهايتو جات عربيه كبيره بتشتغل بالجاز قال لينا مافي بنزين ارح اركبو الحافله ف ثواني بس اتلمت ولسه ف ناس واقفه ضربت لي اسيل قالت لي وين ي بت فضل تلت ساعه قولته ليها خاشه ع الرسبشن قالت لي تمام انا قاعده ليك ف شجرتنا البنقعد فيها قولته ليها سمح جايه خشيت الرسبشن الامن قال لي بطاقتك طلعتها اديته ليهو قال لي البطاقه دي ضاربه والبنات الكانو معاي دخلم طوالي قولته ليهو كيف يعني ضاربه؟! قال لي ذي م سمعتي اطلعي بره قولته ليهو اطلع وين انا خاشه عندي امتحان بعد تلت ساعه قال لي م شغلتي بيك قولته ليهو لو سمتحه انا امتحاني ح يبدا جو كم نفر ولا شاف بطاقتم دخلم سااي قولته ليهو اشمعنا ديل م شوفته بطاقتم توقفني انا قال لي هي كده قولته ليهو انا ح اشتكيك للاداره باسلوبك ده قال لي م تتفاصحي واتفضلي بره بقيت اتشاكل معاهو وهو برد لي بمنته البزائه جا دكتورنا خاشي قال لي انتي بتحبي المشاكل للدرجه دي؟ قولته ليهو ابا يدخلني وقال لي البطاقه ضاربه وف ناس جو ولا سالم من بطاقتم اصلا دخلم ساي قال لي كيف الكلام ده عاين ليهو قال ليهو ف شنو؟! قال ليهو ي دكتور البت لميضه وقليله ادب عشان كده انا م خليته تخش قولته ليهو خااف الله وم تكذب قال ليهو شايف من قبيل تنبز بقيت بعاين ليهو مستغربه قولته ليهو ي ود الناس انا بيني وبين تار ؟! قال لي ولا معرفه قولته ليهو سمح مالك بتحور ع كيفك؟ الدكتور قال لي خلاص امشي وعاين ليهو قال ليهو البزه دي ملبسنك ليها علشان تساعد الطلبه م عشان تستغلها فاهم!؟ خشيت ف واحده نادتني وكانت جاريه اشرته ليها بيدي قولته ليها عندي امتحان الاقيك بعدين قالت لي دقيقه بس م باخرك بقيت متررده بين امش واستناها والمسافه للقاعه طويله كانت جاريه قولته استناها وصلتني وهي بتتنهد قالت لي كيفك انا معاك ف الدفعه قولتها ليها اسرعي نلحق نصل القاعه قالت لي اي تعالي بجاي ف طريق مختصر انا بجي بيهو طوالي بوصلنا بسرعه قولته ليها متاكده ولا ح تلفلفي بينا م عندنا وقت نخسرو قالت لي طبعا متاكده بجي بيهو طوالي قولته ليها غريبه ولا مره جيت بجاي قالت لي بضحكه دي فايده الحوامه بعد المحاضرات تعرفك الجامعه شبر شبر قولته ليها قاعد الف لكن الطريق ده مالو زي الطويل شكلنا م ح نوصل للوقت داك كان اقرب قالت لي م تشغلي بده اقرب صدقيني قولته ليها اسمك منو م حصل شوفتك معانا قالت لي اي عشان اصلا م معاكم قولته ليها كيف يعني؟! قالت لي بضحكه انا كنت فاكراك صحبتي وقفته محلي قولته ليها فاكراني كيف ؟! انتي ناديتني باسمي قالت لي انا لهنا مهمتي خلصت بايات قولته ليها تعال لي هنا انتي فاكراني ح اسيبك حسيت بيد وراي قال لي انا ال م ح اسيبك المره دي
يتبع..
