نجوى قالت ليهو قولته ليك م عندي قروش فلستنا وووالله العظيم ده فلسنا وم عندي التتتحه دي انت مالك م عندك دم شنو ؟؟! هسي ده كلام تقولو لي عليك الله ؟؟! حسبي الله فيك ياخي م جاني من وراكم غير الهم والبلا وقفلت الخط وبقت تبكي خالي مكرم قال ليها ي نجوى م كده ده مهما كان اخوكي قالت ليهو اخوي ؟؟! هسي ده اخ علسك الله؟! بجيني لمن بحتاج لقروش بس انت ناسي الرماني ليها زمااان؟؟! ده م اخوي ده اخو القرش بس ي مكرم وقعدت تبكي خالي مكرم قال ليها الضفر م بطلع من الاضفر لكن نجوى قالت ليهو وانا تعبته ي مكرم تعبته من استغلالهم م بتذكرو انو عندهم بت الا لمن يحتاجو لقروش ليه كده ي مكرم ليه خالي مكرم حضنه عليهو قال ليها روقي ي نجوى قالت ليهو اها قدرته تقنع تيسير؟! قال ليها عرضته عليها فكرت الزواج بس رفضت قالت ليهو كيف يعني رفضت؟! نحنا مستقبلنا كلو ف زواجه ده قال ليها ابت ي نجوى اغصبه؟! دي م عاليا ولا رزان عشان اجبره ع شي قالت ليهو هي المفروض يكون عندها احساس شويه عايشه معانا ف بيت واحد يعني البصيبنا ح يصيبه قال ليها نجوى انا اصلا م جبته ليها سيرة انو نحنا افلسنا وزواجه ده عشان المشروع يتم قالت ليهو اها والعمل قال ليها م بقدر اديهو رزان رزان يدوب ممتحنه ولسه صغيره شديد ع حتت انها تعرس قالت ليهو هم ح يحجوز ع البيت متين؟! قال ليها غالباا بعد اسبوع ح نبقى ف الشارع قالت ليهو اديهو رزان ي مكرم اديهو رزان خالي انتفض قال ليها رزان شنو ي نجوى انتي جنيتي؟! انا رزان صغيره م عارفه يعني شنو عرس زاتو قالت ليهو مافي بت صغيره ع العرس ي مكرم كل الجيل ده واعي وفاهم القدره بعاليم قال ليهو بنهره نجوى انا مستحيل اعمل كده ف رزان قالت ليهو قولته ليك سميره قولته وتيسير رفضت ناصفى ف الشارع يعني؟! اضرب ليهو ووافق م عندنا حل تاني مستقبل عيالي كلو بضيع المكتب اتحجز عليهو وليك يويمن قاعد ف البيت بتحجج بالمرض والبيت وح نطلع من الاسبوع الجاي ده كلو بسبب وصل امانه ؟! قال ليهو بتتحل قالت ليهو تتحل متين ي مكرم هااا متين؟! هو لو م عارفك ح تقدر تقيف ع حيلك م كان قال ليك يحصل بينا نسب طيب م تعرس مظفر لواحده من بناتو ؟؟! قال ليها بتو واحده وعرست م عندو بنات تاني قال ليك الحته دي فايته لي قالت ليهو ان شالله يطلقوها عشان يعرسه ولدي قال ليها نجوى تخربي بيت الناس عشان تنقذي بيتك؟؟! بتتحلا ان شالله قالت ليهو انا بكره ح احنن قلب تيسير علينا وح اتكلم معاها قال ليها اوعك ي نجوى لا تيسير لا اخواته ديل امانه ف رقبتي وديل اهلي الوحيدين م عندي غيرم تاني قالت ليهو ونحنا ؟! نترمي ف الشارع يعني؟! قال ليها شايفه قدامي حل ي نجوى وانا مابيهو م بحاول بكل طاقتي انقذ نفسنا وم قادر قالت ليهو انا م انانيه ي مكرم ومتفهمه انك عشته حرمان الاهل لكن اذا انت م بتقنع تيسير دي بالعرس انت ح تتسجن ونحنا ح نترمي ف الشارع م تنسى قال ليها يعني عايزاني اعمل شنو؟ قالت ليهو انت سبني ع تيسير دي بس وانا ح اقنعه ليك مستحيل ترضى اننا نترمي ف الشارع وكان هي رضت سميره م ح ترضى قال ليها عارفه ي نحوى لو تيسير دي شمه خبر عن الحاصل ح تفكر شنو؟! ح تفكر انو انا مشيت فتشته عليهم عشان اتاجر بيهم وم اخسر ثروتي انا عارفه بتفكر كيف صدقيني م ح تصدقك وح تسيب البيت خالي مكرم ختى يدينو ف راسو نجوى مدت ليهو حبوب الضغط بلعه مشيت ع غرفتي وانا م قادرة استوعب الحصل مشيت وانا جااايطه وم عارفه اتصرف كيف اوافق ولالا بس تبرير خالي كان منطقي لو كان كلمني كنت اكيد ح افكر بالضبط زي م قال لاقاني مظفر عيونو كانو حمر قولته ليهو امك وابوك تحت قاعدين ورحت البنمبان ظاهره مشى خطوتين وجا راجع قال لي دامك ناصحه كده ليه يوميها خليتني امشي بالبرموده قولته ليهو تستاهل قال لي سمعته ابوي عشمان فيك تنقذيهو حسب م عرفته قولته ليهو شاف انو ولدو الكبير م سند ليهو عشان كده اتعشم فيني حمر لي ودخل غرفتو ضحكته ومشيت ضربت لي اسيل وحكيت ليها قالت لي بكره نتلاقى بس هسي صلي استخاره قولته ليها صح كلامك مشيت صليت استخاره وقعدته ابكي غلبتني نفسي وزهجته من الامتحانات الورا التانيه عايزه اعيش طبيعي زي بقيت البنات نفسي انوم وانا م شايله هم ف راسي
تاني يوم عدا عاادي مواكب وبلبله وجوطه مشيت المستشفى دكتور ايهاب قال لي مالك اليله شارده طول الوقت قولته ليهو ولاشي مهم بس جايطه حابه قال لي بختو المجوطك كده 😉 ضحكته ومشيت منو تالت يوم بالعصر خالي كان قاعد ف مكتبو دقت الباب قال لي تيسير ف حاجه؟! قولته ليهو انت كان اتكلمت معاي ف موضوع العرس قال لي اي ورفضتي قولته ليهو انت كلمتو اني رفضته،! قال لي لا م كلمتو قولته ليهو انا امس استخرته وانا موافقه قام من الكرسي قال لي انتي متاكده ؟! قولته ليهو اكيد قال لي فكرتي كويس؟! قولته ليهو اي قال لي الله يريح قلبك ريحتي قلبي 💙💙 قولته ليهو ف شي؟! قال لي ابداا مافي شي بس هو كويس وم كنت عايزو يطير منكم نجوى جات قالت ليهو منو ده الماعيزو يطير قال ليها تيسير وافقت ع العرس قالت لي جد وجات حضتنتي وبقت تزغرت الف مبروك الف مبروك عاليا ومظفر ورزان كانو ف الصاله قالو ليهم ف شنو؟!خالي مكرم قال ليهم تيسير جاها عريس ووافقت سميره قالت ليها م كلمتنا قال ليها كل القصه اتكلمته معاها امس قالت ليهو ولو هي م كلمتنا قولته ليها كلمني امس بليل وجيت اكلمك لقيت نايمه وتاني يوم طلعتي مع عاليا معليش قالت لي م مبرر كيف بتاخدي خطوه زي دي من غير م تكلميينا قولته ليها سميره م تكبري الموضوع ف النهايه لسه الموضوع م طلع ويدوب ف بدايتو سميه قالت لي ولو انتي من متين بتخبي علينا؟! خالي قال ليهم ي جماعه مالكم الموضوع لسه جوه صاح سميره قالت ليهو لا ف فرق لمن يجيها عريس كانت بتجينا بس هسي نحنا منسمع من بره قال ليها بره؟؟ يعني انا معتبرني من بره؟! سميره قالت ليهو م قصدي ي خالو ابدااا م كده بس انو تيسير طوالي بتحكي لينا وزعلنا انو م كلمتنا بس م قصدي قال ليها لا ولا يمهمك مظفر قال ليهم يعني عندنا بدل العروس اتنين عرس واحده واخد التانيه مجان 😂😉 وغمز لي عينو استغربته ف البدايه قولته ليهم عن اذنكم مظفر قال لي تيسير اتلفته جدع لي تفاحه قولته ليهو اوو عارفاك جاي تقول انك مبسوط عشان ح اسيب البيت ضحكك قال لي هو نحنا اعداء يعني ؟! عموما حبيت ابارك ليك بس مبروك قولته ليهو الله ييارك فيك ...
#استكانهه
