အိပ်ရာထဲမှာ ဟိုဘက်လှိမ့်လိုက် ဒီဘက်လှိမ့်လိုက်နှင့်
ကြယ်တစ်ယောက် အိပ်မပျော်နိုင် ဖြစ်နေသည်။
ပြင်ဦးလွင်မှာ ဖြစ်ခဲ့သမျှ အကြောင်းအရာအားလုံးအား
တစ်ခုချင်းစီ ပြန်စဉ်းစားနေသော်လည်း ချေမိုးစိတ်အနှောင့်အယှက်ဖြစ်အောင် လုပ်ခဲ့မိသည့်
အကြောင်းတစ်စုံတစ်ရာ မရှိခဲ့....။
တစ်ခုဘဲ......။
ခေါင်းထဲရောက်လာသည်က
နီးကပ်နေသော မျက်နှာနှစ်ခု...မဟုတ်မှလွဲ....
အဲ့ကိစ္စနဲ့ပတ်သတ်ပြီး တစ်ခုခုဖြစ်သွားတာလား....။
*ငါလည်း ဘာမှမလုပ်ခဲ့မိပါဘူး.....*
တစ်ခုခုမကျေနပ်ဘူးဆို ဒဲ့ပြောတာမှ တော်ဦးမယ်...။
အော်ချင်အော်၊ လုပ်ချင်သလိုလုပ်။ ဒါပေမဲ့ ဒီလိုကြီး
ရှောင်ဖယ် ရှောင်ဖယ် လုပ်နေတာတော့ ခံရခက်လွန်းတယ်.....။
စိတ်ထဲမှာ ဘဝင်မကျသလိုလို၊ ပုံမှန်အတိုင်း သွားလာနေထိုင်နေပေမဲ့ တစ်ခုခုလိုနေသလိုကြီး....။
အကြောင်းမယ်မယ်ရရ မရှိဘဲ သက်ပြင်းခဏခဏ ချမိနေတာမျိုးကြီး.....။
*ခံစားချက်ကြီးက ဆိုးလိုက်တာ
ချစ်ရတာ ဒီလိုမျိုးဘဲလား....*
.
.
.
.
.
.
"သား....အိပ်လို့မရဘူးလား....."
ကြယ် လူးလိမ့်နေတာကြောင့်
ဦးညိုကနိုးလာပြီး မေးခြင်းဖြစ်သည်။
"အာ....ဦးညို....
ကျွန်တော့ကြောင့် နိုးသွားတာလား....."
"မဟုတ်ပါဘူး....ဦးညိုလည်း အိပ်မပျော်လို့....."
အမှောင်ထဲမှာမို့ တစ်ယောက်မျက်နှာ တစ်ယောက်မမြင်ရပေမဲ့ အသံကြားရရုံနှင့် သိသည်။
ဦးညို အိပ်မပျော်လို့ဆိုတာ ဟုတ်မှမဟုတ်ဘဲ။
ကျွန်တော် လူးလိမ့်နေတဲ့အသံကြောင့်
ဦးညို နိုးသွားတာ ဖြစ်ပုံပေါ်သော်လည်း
သူတစ်ပါး စိတ်အနှောင့်အယှက်မဖြစ်အောင် မုသားသုံးလိုက်ဟန်တူပါသည်။
ဦးညိုနှင့်ကျွန်တော့ကြားမှာ ခဏလောက် တိတ်ဆိတ်နေရာမှ ...ဦးညိုကနေစပြီး....
"အိပ်မပျော်သေးရင် ဦးညိုနဲ့စကားပြောမလား...
သားပြောချင်တာရှိရင်ပြောလေ ဦးညိုနားထောင်ပေးမယ်..."
YOU ARE READING
CHANGE(ခ်ိန္း)Completed(Z&U)
Romanceတစ္ေလာကလံုးကို သူလုပ္ေကၽြးထားရသလိုပံုစံမ်ိဳးနဲ႔ လူတကာကို ေခ်တဲ့ေကာင္ေလးတစ္ေယာက္...... ဘဝမွာ စိတ္ထားေလးကလြဲရင္ ဘာပိုင္ဆိုင္မႈမွမရွိတဲ့ ေကာင္ေလးတစ္ေယာက္နဲ႔ေတြ႕ဆံုၿပီးတဲ့ေနာက္...Change........
