"အင်း........"
ရင်ခွင်ထဲကလူးလွန့်လာတဲ့ကောင်လေးကြောင့်
ကြယ့်ရဲ့ဦးခေါင်းပေါ် နှာခေါင်းအပ်ထားသော ချေမိုးမျက်နှာကိုခွာလိုက်ရသည်။
ထို့နောက် ခေါင်းလေးကိုဖွဖွပုတ်ပေးပြီး နဖူးကိုနမ်းလိုက်သည်။
ကြယ်နိုးလာတော့ ချေမိုးရင်ခွင်ကျယ်ကမျက်စိရှေ့မှာ....
မနေ့ညကအတိုင်း အိပ်တဲ့ပုံစံကမပျက်မယွင်း....။
သူသည်လည်း ချေမိုးလက်မောင်းပေါ် ခေါင်းတင်ထားဆဲ....။
တစ်ညလုံးဒီပုံစံနှင့်အိပ်နေရသော သူ့ခန္ဓာတစ်ခြမ်းမှာ
ကိုက်ခဲပြီးညောင်းချိနေသည်ဆိုရင် သူ့ခေါင်းတင်အိပ်ရာ ချေမိုးလက်မောင်းက ဒီ့ထက်ဆိုးမည်ထင်သည်။
"နိုးပြီလား......"
သြရှရှအသံက ကြယ့်နားထဲ စမ်းချောင်းမှရေကျသံလို
ကြည်လင်အေးမြစွာဖြင့် နားထဲတိုးဝင်လာသည်။
"မင်းဘာလို့.....ငါ့ကိုမဖယ်တာလဲ....
တစ်ညလုံးခေါင်းအုံးထားတာ လက်မောင်းတွေနာနေမှာပေါ့...."
ချေမိုးကကြယ့်နှာခေါင်းကို ဆွဲညစ်လိုက်ရင်း.....
"ငါဖယ်လိုက်ရင်မင်းနိုးသွားမှာစိုးလို့ပေါ့ကွ....."
"ငါဒီ့ထက်အချိန်ကြာကြာ အိပ်နေမယ်ဆိုရင်ရော...
ဒီတိုင်းနေမလို့လား......"
"အေး...မင်းမနိုးမချင်း....
ဒီလိုလေးဘဲနေမှာပေါ့....နိုးသွားရင်
နေချင်မှနေလို့ရမှာ....အိပ်ယာထဲမှာလို
အချိန်တိုင်းနမ်းနေလို့လည်းမရဘူးလေ...."
ချေမိုးရင်ဘတ်အား ကြယ်လက်သီးနှင့်ထိုးလိုက်ပါသည်။
နာစေလို၍မဟုတ်..လက်နဲ့ပုတ်သလို....ဖြည်းဖြည်းလေး။
ချေမိုးကရယ်ကာ ရင်ခွင်ထဲမှာရှိနေဆဲဖြစ်သောကြယ့်အား
တင်းတင်းကျပ်ကျပ် ပွေ့ဖက်ထားလိုက်သည်။
"ငါအသက်ရှူကြပ်တယ်....လွှတ်တော့...."
"အင်း...လွှတ်မယ်....အာဘွားပေးမှ....."
"ချေမိုးမင်းဘယ်လိုဖြစ်နေတာလဲ....
ဒီလောက်နမ်းနေရတာ မကျေနပ်သေးဘူးလား...."
"အမှန်အတိုင်းပြောရမှာလား....
ငါလုံးဝမကျေနပ်သေးဘူး..မြန်မြန်နမ်းကွာ...
မနမ်းမှာလည်းမဟုတ်ဘဲ စကားများနေတယ်....."
YOU ARE READING
CHANGE(ခ်ိန္း)Completed(Z&U)
Romanceတစ္ေလာကလံုးကို သူလုပ္ေကၽြးထားရသလိုပံုစံမ်ိဳးနဲ႔ လူတကာကို ေခ်တဲ့ေကာင္ေလးတစ္ေယာက္...... ဘဝမွာ စိတ္ထားေလးကလြဲရင္ ဘာပိုင္ဆိုင္မႈမွမရွိတဲ့ ေကာင္ေလးတစ္ေယာက္နဲ႔ေတြ႕ဆံုၿပီးတဲ့ေနာက္...Change........
