Amour interdit

Part 1

 

                    Am💘ur interdit

                            #Part 1

Pa neglije pataje pati sa tout kote, ann evite egoyis se youn nan mwayen nou ka ede'm fè plis moun li èv mwen yo, e kap pouse travay plis pou fè nou plezi.

Mwen swete nou bòn lekti...

22ans après...

T-Bob te fini avèk etid klasik nan institutions mixte les Gédéon tout rèv li se te pou'l antre nan Centre d’Etudes Diplomatiques et Internationales (CEDI),wi rèv li ta pral egzose li ta pral antre nan (CEDI) gras ak soutyen papa'l ki renmen'l anpil, an palan de papa T-Bob ki rele Nathan se yon nèg trè saj,nòb e ki kwè nan travay se amou li te gen pou travay ki fè'l arive reponn ak bezwen madanm li Milly pitit li T-Bob, misye te gen yon yon materiaux construction Delmas 33 ke li menm ak yon frè'l ouvri gras ak depo sa li ap jere ak frè'l la pandan 22ans plis ti sòl li antre ki ta pral fè'l peye lekòl klasik T-Bob men kounya misye nan fakilte.

Tout bagay te bèl pou T-Bob paske'l te ''fils unique'' gen rezon pou'l te viv byen sutou papa'l te renmen'l anpil men sa pa tap rete konsa paske sistèm lan ta pral bwè T-Bob....

Yon matin T-Bob ta pral nan fakilte, sou tab la pandan lap manje papa'l tap pale avèl.

-Nathan : pandan'w tap benyen an mwen te antre met kòb machine lan sou kabann lan pou ou wi Bob ou te pran'l?

Pou zanmi se te ti Bob men pou papa'l se te senpleman Bob.

-Bob : wi papa mwen pran'l wi men lòt semèn ou mèt met 5dola sou li wi, paske machine silo monte 3dola depi aprè gaz monte a li pa janm desann.

-Nathan : Ayiti wap viv wi gason'm kote'w janm tande bagay monte konn desann, se sèl kilòt manman'w ki konn monte mwen desann li wi.

-Milly : 😡eeyy Nathan pa ranse'w avèm tande epi jan de langaj sa?

-T-Bob : 🤣🤣lol.

-Nathan : sèlman wap ri bat pou fi sa pa fache sou la tande.

-T-Bob : papa epa'w vle vire bagay la an blag ou pa dim si wap met 5dola sou kòb la, sinon mwen pap gen ase kòb pou'm manje non.

-Nathan, rale bous li : ok men olye de 5dola mwen ba'w 10dola.

-T-Bob : 😀mèsi papa si demen ou te ka banm menm valè toujou li tap bon nèt.

-Nathan : al kwè'l non kòm sa gen pou'l fini tou.

-T-Bob : kòman sa gen pou'l fini an sa vle di ou pap banm kòb ankò 😔?

-N : non monchè bon se mwen ki dwe ba ou sim pa ba ou kiyès kap fè'l, se yon fason pou'm diw ke'w pap nan pran kamyonèt ankò map achete yon machine pou ou.

-T-B : 😲ou serye papa?  Kote'w ap jwenn kòb la?

-N : mwen gen yon men sòl ke'm pral touche la map achete yon machine ke yon zanmi'm ap vann pou ou.

-Milly : ou fou Natahan?  Nou nan fèm kay olye ou diw pral achete tè pou'n sot nan fèm kay se machine ou wè pou'w al achete pou Bob.

-N : se de men mwen te pran nan sòl la map fin achete machine lan paske'm pa vle moun lan gentan vann li, lòt men an map achete yon bout tè pou'n kòmanse panse sot nan fèm.