Amour interdit

Part 29

                 Am💘ur interdit

                         #Part29

#Instagram : yavoostories
https://www.instagram.com/yavoostories/

#Facebook : Yavoo Stories
https://m.facebook.com/yavoostories/
_______________________________________

-Clyde : 😲se ou? Sa'w vin fè la?

-Lovely : wi se mwen ki avoka'w pou sòti'w isi a, ale chita pou nou ka fè ti pale.

Clyde te rete friz li sezi li paka konprann nan ki enterè yon moun li te sou wout tire yon lè prezante kòm avokat li pou ede'l sòti nan prizon, men sa'l pa konnen pi gran pase'l.

-L : wap chita?

Li te chita...

-L : mwen se Lovely Destin jan'm sot diw deja se mwen ki avoka'w.

-C : men poukisa se mwen, m'santi mwen pa merite sa m'te manke tiye'w deja kijan de moun ou ye pou'w gen kè sansib pou yon moun kite manke tiye'w.

-L : (siw te konnen ke'm se manman'w ou tap gentan wè rezon kifè'm gen kè sansib pou ou a se domaj mwen pap ka diw sa nan prizon an moman an mal chwazi).... Mwen pa gade sou sa'w te manke fè a menm toujou ret kwè ke'm ka sove yon nan'm pèdi sou chemin an.

-C : kijan'w fè konnen'm nan prizon pou'w vin prezante kòm avoka'm?

-L : mwen se yon avokat ki gen anpil kontak isi, detay kijan'm fè konnen pa enpòtan men esansyèl se kijan'm pral fè pou ede'w kite prizon sa.

-C : bagay ki pa fasil paske mwen koupab de sa yo arete'm lan, mwen panse'w li dosye'm deja pavre?

-L : m'aprann tou senpleman ke yo pran'w an flagan deli, ki tap fè tantativ pou kase yon bijoutri kote'w te kenbe kèlke moun an otaj, men sak jwe an favè'w se paske ou pa kite okenn viktim, ni'w pat gentan pran anyen ki nan bijoutri sa, sa pap difisil pou'm mande pou lage'w sou kosyon.

-C : ou konn tande pale de Bonnie ak Clyde ki tap fè aktyalite sou rezo sosyo yo?

-L : wi.

-C : se mwen ki Clyde la, sa vle dim fè anpil lòt vòl deja ki reyisi.

-L : piga'w repete bagay sa sinon wap rann tach la pi konplike, pa gen kote yo mansyone ke'w se Clyde puiske'w pat opere ak yon fi pa gen anyen ki lye'w ak Bonnie, yo pap konnen si se ou.

-C : mmmhhh

-L : epi siw avwe ou se Clyde fòk ou bay Bonnie e'm pa kwè wap anvi livre Bonnie bay lapolis.

-C : sak fè'w kwè sa?

-L : paske'm li dosye'w mwen wè ou pa janm livre youn nan konplis ou yo, se pa Bonnie ou tap gen kè pou'w bay ke'w gen yon lyen santimantal avèl.

-C : mwen wè'w konnen'm ase byen wi.

-L : se devwa tout avoka.

-C : admettons yo pa relye'm ak vòl pase yo ki gen rapò ak Bonnie et Clyde, men yap fini pa relye'm ak anpil lòt dosye ki fo ou menm avèm konnen deja kijan sistèm jidisyè a ye isi, depi'w antre la yap met anpil dosye sou do'w pou fè'w pa janm sòti.

-L : pa pandan'w gen yon avoka tankou'm, tout dosye yo met sou do'w san fondman map rejte yo, se pou sa map mande'w depi kounya ou gen pou wè avèm sèlman pyès moun pa dwe vin pale avèw ni poze'w kesyon.

-C : se dakò.

-L : mwen avèw dwe gen menm vèsyon, ou ta'l brake yon bijoutri pou premye fwa malerezman premye esèy ou mal pase lapolis kenbe'w ou pa gentan tiye okenn moun ou pa gentan pran anyen nan bijoutri a.