Save the Lust Dance

Lust 4

Lust 4

Hawak ni Aiden ang libro habang siya'y naghahanap ng impormasyon tungkol sa kanyang research work. He's taking up Theology, kahit sa barumbadong pag uugali ni Aiden. He's studious, dahil siya ang unang anak ni Smith at ni Efinia. Busog lusog ang binata. Natapos ito ng kursong Education, ngunit pagkatapos niyang mag-aral sinabak siya ng Ama to be trained as a reserved army. Hindi nakontento ang binata at nag-aral muli ng Thelogoy. Dahil sa dikta ng Ama, miyembro siya ng campus ministry.

He served the church every sunday. Hindi rin naman against si Aiden sa ganitong pamamalakad ng kanyang Ama noon. Dahil gusto rin niya ng extra curicular grades para sa pagiging honor student sa unibersidad.

Luckily he graduated with a Summa Cumlaude honor. But in the end, it's still not enough for him.

"Bro, ito na ba lahat ng libro?" giit ni Aiden sa librarian sa loob ng paaralan.

"Oo uno, may nanghiram kasi ng Liturgical book at hindi pa binabalik."

"Tingnan mo nga kung sino? Nang mahiram ko, tatlong araw lang ang maximum  sa paghiram ng libro ha?" asik ni Aiden at kumunot ang noo.

"Oo, mainit na naman ang ulo mo ha?"

"Eh paano naman, 'yan na lang ang kulang. Sino ba 'yan at mapagalitan ko," saad nito.

Tinawanan ng librarian si Aiden, madalas siyang naghihimutok dito dahil kapag hindi na sunod ang gusto niya, agad itong nagagalit at may padalos-dalos na pag-uugali.

"Si Ian pala ang nanghiram eh? Ano naman ang gagawin niya sa librong 'yon?"

"Eh bakit hindi mo alam, ikaw ang librarian dito?"

"Uno, hindi ako ang pumirma sa released portion dito. 'Yung isang librarian," pagdepensa niya sa sarili.

"Fine, sino ba 'yan at kukunin ko ang libro. Matatapos na lang ako sa pag-aaral ko wala pa 'yang libro," nangamot ito ng ulo at kinuha na ang libang hiniram.

"Eh hanggang kailan ka ba kasi mag-aaral? Wala ka naman balak mag Pari? Isa pa hindi ka naman tatangapin do'n sa dinami-rami mong kasalanan," pagbibiro nito.

Inirapan ni Aiden ang librarian at umiling.
"I just love studying, besides it's fun in making mistakes. Ine-enjoy ko lang ang buhay ko sa mundo, Brother. Ikaw rin, kapag nawala ka rito, hindi mo man lang nalasap ang tamis at pait ng kababaihan!" Pagtawa ni Aiden at naglakad papalabas ng library.

Sa bawat nakakasalubong niya sa paaralan, parati siyang nginingitian ng kapwa mga estudyante. Mula noon elementary pa siya, kilala na siya sa paaralan na ito. Hanggang ngayon ay dito pa rin siya nag-aaral.

Nilingon ni Aiden ang kanyang bag at kinuha ang papel para sa next schedule niya.
"Okay, malapit na rin akong matapos sa Theology," bulong niya sa sarili.

Bitbit ni Ann at Marian ang ilang libro na binigay ni Sister Faith. Tuwang-tuwa si Marian na bumalik sa paaralan na ito, pangarap niya na makapasok dito noon. Pero hindi kaya ng budget, lalong hindi naman siya mayaman. Lola lamang niya ang kasama sa buhay noong namayapa ang magulang, kaya hindi na rin niya inasam na makapasok sa pribadong unibersidad. Lalo nang mawala rin ang Lola sa kanya, heto at sa simbahan na siya tuluyang tumira.

"Ann, bitbitin mo na muna ito. Gustong-gusto ko nang umihi, kanina pa ang pantog ko. Kinakatok na ako!" bulalas niya at inabot ang limang mabibigat na libro.

"Ay nako! Marian bahala ka r'yan!" Nagmadaling tumakbo si Ann at iniwan si Marian. Napanguso na lang si Marian dahil hindi naman niya ugaling sumigaw lalo na't may mga estudyante na nakapaligid.

Sa patuloy na paglalakad, halos nagsitaasan na ang balahibo ni Marian dahil sa ihing-ihi na siya.

"Forgive me Lord, nagmura po ako sa isipan ko," giit ni Marian.