Breathe love, breathe with me
Ilang minuto simula ng umalis ang mag-amang iyon ay tsaka ko lamang natanggal ang nagawa nilang pagkakatali sa aking kamay mula sa likuran. Sa sobrang inis ay mabilis kong sinipa ang maliit na lamesita.
"Putang..." pagmumura ko sa sobrang inis.
Mabilis akong tumakbo pababa ng tenement ngunit wala na akong naabutan. Tangay ng mga iyon ang aking sasakyan, halos nanduon lahat ng importanteng gamit ko. Cold cash, atm card at mga importanteng documento.
Bagsak ang balikat kong bumalik sa Agrupación. Mahigpit na nakakuyom ang aking kamao dahil sa nararamdamang galit at inis.
"Tell me you have a good news" salubong sa akin ni Boss Bob pagkapasok ko sa kanyang opisina.
Unti unting nawala ang ngisi sa kanyang labi ng nagiwas ako ng tingin sa kanya. Hindi nagtagal ay ipinagbabato niya halos lahat ng laman ng kanyang lamesa. Nagwala ito sa aking harapan, hindi naman ako natinag, nanatili akong nakayuko. Ilang folder ang tumama sa aking mga paa ngunit hinayaan ko na lamang.
"Mga wala kayong lahat kwenta!" Sigaw niya.
Maya maya ay may dalawang lalaki ang pumasok sa opisina ni Boss Bob at tumayo iyon sa aking likuran. Kumunot ang noo ko ng mapansin ko ang paglapit nila sa akin. Parehong malaki ang katawan nito.
Habol habol nito ang kanyang paghinga dahil na din sa ginawang pagwawala. Maya maya ay tinuro niya ako mula sa kanyang kinatatayuan.
"Turuan ng leksyon iyan!" Sigaw na utos niya sa mga ito.
Kaagad akong nagpumiglas ng hawakan nila ako sa magkabilang braso. "Teka anong gagawin niyo sa akin?" Nagtatakang tanong ko sa kanila habang patuloy ang aking pagpupumiglas.
Hindi nila ako sinagot, bagkus ay sapilitan nila akong dinala sa isang bakanteng kwarto kung saan duon ay malaya nila akong ginulpi. Nakatali ang kamay ko paitas kaya naman wala na talaga akong laban.
"Hindi pa matigas ang buto nito pare" natatawang sabi ng isa sa kanila habang paulit ulit niya akong sinikmuraan.
Nang mahusto na sila ay kaagad nila akong pinakawalan. Awtomatikong bumagsak ang katawan ko sa sahig. "Tara na pare, magtatanda na yan" nakangising sabi pa ng isa bago sila sabay na lumabas duon.
Nang makaipon ng sapat na lakas ay tinulungan ko ang aking sarili na makaalis duon, iika ika akong naglakad palabas habang hawak ang aking sikmura, halos hindi ko maitayo na maayos ang aking sarili dahil sa sakit ng aking katawan.
Napairap ako ng matanaw mo si Zandro sa dulo ng hallway, nakangisi itong nakatingin sa akin. "Ginalit mo nanaman si Boss Bob" puna niya sa akin.
Muli ko siyang inirapan. "Ninakawan pa ako ng magamang iyion, hayop" inis na sabi ko sa kanya kaya naman mas lalo siyang napangisi.
Hinawakan nito ang balikat ko kaya naman mabilis kong tinabig ang kamay niya. "Puta pare, masyado ka pang malambot. Kailangan mong tumigas, hindi uubra ang awa sa trabaho natin. Papatay kung kailangang pumatay" pagpapaalala pa niya sa akin.
Hindi ako tumigil sa paghahanap sa Doctor na iyon at sa anak niya. Hindi na lamang sa Agrupación sila may atraso kundi maging sa akin. Hindi ako titigil hangga't hindi ko sila nakikita.
Sa aking mga libreng oras ay hindi natigil ang patago kong pagpunta sa labas ng eskwelahan nila Sachi, mula sa malayo ay masaya na akong tinatanaw siya. Napapangiti sa tuwing nakikita kong masaya siyang nakikipagtawanan sa kanyang mga kaibigan. She is really my peace of mind. Gumagaan ang loob ko sa tuwing nakikita ko siya.
