Turn back
Maganda ang gising ko kinaumagahan. Pagkamulat ng aking mga mata ay kaagad dumapo iyon sa singsing na nakasuot sa aking daliri. Hindi man maayos ang seremonyas ng naging kasal namin ni Piero handa akong paglingkuran siya at maging asawa niya. Sa harap ng diyos namin tinanggap ang isa't isa. Hindi kailangan ng madaming tao, hindi kailangan ng engrandeng handaan. Ang mahalaga nangyari iyon sa pagitan namin ni Piero kasama ang Diyos, sa harap nh altar.
Napakapit ako sa kumot na nagtatakip sa aking hubad na katawan, wala na si Piero sa aking tabi kaya naman mabilis akong bumangon at nagayos ng sarili para hanapin siys. Pababa pa lamang ako ng kwarto ay narinig ko na ang ingay ng mga kasangkapan mula sa may kusina. Kaagad akong nagtungo duon, napangiti ako ng makita ko ito, nakatalikod at busy sa pagluluto. Wala rin itong suot na pangitaas kaya naman kitang kita ko kung paano nagfleFlex ang muscles niya sa tuwing may ginagawa.
"Ako dapat ang gumagawa niyan Piero" nahihiyang sabi ko sa kanya pagkalapit ko.
Nilingon niya ako at tsaka nginisian. "Bakit katulong ka ba?" Pangaasar niya sa akin kaya naman kaagad akong napanguso.
"Hindi, pero asawa mo ako. Dapat ako ang nagluluto para pagsilbihan ka" mahinang sagot ko sa kanya, kahit magasawa na kami ay naiintimidate pa din talaga ako sa kanya sa tuwing magkausap kami.
Kita ko ang pagpungay ng kanyang mga mata. "Hindi naman kita pinakasalan para pagsilbihan mo ako Amaryllis. Pinakasalan kita dahil mahal kita..." sabi niya sa akin habang ang kanyang mapupungay na mga mata ay diretso pa ding nakatingin sa akin.
Napayuko ako at kaagad na pinaglaruan ang singsing na nakasuot sa aking daliri. Lumapit si Piero sa akin at hinalikan ako sa noo. "Wag nang pahabain ang nguso, baka ikaw ang makain ko imbes na itong agahan" pangaasar niya sa akin kaya naman muli kong naramdaman ang paginit ng aking pisngi.
Tahimik akong nanuod sa pagluluto ni Piero. Hindi din maalis ang tingin ko sa suot niyang singsing. "May gusto ka bang ulam para mamaya?" Tanong ko sa kanya.
Nilingon niya ako at tsaka ako nginitian."Kung anong gusto mong ipakain sa akin baby, kakain ko naman" nakangising sabi niya sa akin kaya naman nagiwas ako ng tingin.
"Sige, magluluto na lang ako ng adobo" pagsuko ko kaya naman tumango si Piero sa akin.
Pagkatapos naming kumain ng agahan ay kaagad na siyang nagayos para sa pagpunta nila sa palayan. Panay pa din ang paalala nito sa akin na magstay lang sa bahay, tumatango naman ako sa kanya kahit ang totoo ay palagi ko siyang sinusuway.
"Ingat ka" sabi ko sa kanya bago ako tumingkayad para halikan siya sa kanyang labi. Malugod naman niya iyong tinanggap.
"Oh, papasok pa ba tayo Piero?" Kaagad akong humiwalay sa kanya dahil sa pangaasar ni tito Darren sa amin.
Napangisi si Piero. Kaagad niyang itinaas ang kamay naming dalawa kung nasaan ang singsing. "Asawa ko na tito" pagmamayabang niya kaya naman kaagad na napatawa si Tito Darren.
"May nagkasal bang pari sa inyo?" Mapanghamong tanong ni Tito Darren sa kanya kaya naman mabilis na napasimangot si Piero.
"Wala. Basta magasawa na kami" nakabusangot na sagot niya dito na ikinatawa ko na lamang din. Dahil sa aking pagtawa ay napatingin si Tito Darren sa akin. "Naku, mahirap na ang ganda pa man din nitong asawa mo. Kailangan mo talagang bantayan Hijo" patuloy na pangaasar pa sa kanya nito, napayuko na lamang ako dahil sa nararamdamang hiya.
