و الان ابكي بدمع الروح لا المقل

-3-

_______
دقت الباب
وانتظرت قليلا حتى اتاها صوته : ادخلي
فتحت الباب ل تراه وهو يرتدي قميصه : مجنون !!
جواد : شو تحممت
اتجهت الي دولاب ملابسه لتخرج له كنزه صوف : خذ البس لما تمرض فش غير لمياء تنزل درجة حرارتك
ارتدى الكنزه واتجهه للأريكه وجلس : اقعدي
لمياء : قبل ما اقعد شو رأيك
نحكي بموضوع زواجك
جواد بعصبيه :حكيت اقعدي نتكلم
لمياء :بعرف انك مريت بتجربتين فاشلين بس
قاطعها لتصمت : يوسف متقدم لأسيل واسيل لازم توافق بأي طريقه
لمياء سكتت بصدمه :وليش جاي تحكيلي انا ؟
جواد : عشان تحكي معاها بأسلوبك وتحاولي تقنعيها اصلا ليش بدها ترفض مافي زي يوسف وبعدين انا وجهه ل وجهه ما رح اقدر اجبرها
لمياء بقلق : هي حره مين تتزوج
جواد : خايف عليها تتضر او انشغل عنها بيوم
لمياء : كيف
جواد :في حدا هددني فيها
شهقت بخوف على اختها : طيب احكيلها
جواد : ما بدي تخاف... لمياء لازم تقنعيها لازم انا رح اعتمد عليك بإقناعها
لمياء اخذت نفس :بجرب
جواد : لا تجربي نفذي وبدي نتيجه بدي تكوني هالمره قد الثقه
لمياء بضيق من كلمته الاخيره : كم نسبة الخطر عليها
جواد : كتييير ما بعرف مين الي براقبها وخايف عليها
يا اما انها ما بتتطلع من البيت ابدا يا اما تتزوج يوسف حل تالت مافي
لمياء: استخدم اي طريقه
جواد :اي طريقه المهم تقنعيها بواحد من الاثنين
لمياء :طيب
جواد : وانت ما بترجعي بيتك
توترت :اها صرت ثقيله هلأ
على فكرة هاد بيت ابوي وحصتي فيه مسجله بإسمي
جواد بعصبيه :اطلعي برا
لمياء خرجت من الغرفه دون نقاش لعلمها المطلق نقاش مع جواد الي اين سيصل !!
وصلت الي غرفة اسيل وهي تفكر :يارب لا تخليني احمل على ظهري خطايا اخواني
يارب الحمل الي حاملته على ظهري تجاه جواد وتأنيب الضمير كل ما شفت حالته بيعذبني وهلأ بدي اجبر اختي تتزوج وهي ملك احلامها عُمر حبيب قلبها
فتحت الباب على اسيل ليأتي صوتها:يا اهلا ب لولو تعالي جدّلي لي شعري تعبني
اقتربت لمياء منها دون كلام وبدأت بتضفير شعر اسيل الطويل وعيناها تراقب هاتف اسيل :خلصت
قامت اسيل من سريرها ل تقبّل لمياء: بحبك
لمياء :عادي استخدم موبايلك خلص رصيدي
اسيل :على حسابك
اخذته لمياء : اوك وتعالي بعد شوي خديه وبدي احكي معك بموضوع
اسيل : بصلي العشا وباجي
خرجت لمياء وهي تشعر بالخوف من افكارها لكن تظن انها تحمي اسيل من المجهول ويوسف المنقذ لأسيل
دخلت غرفتها واقفلت الباب وبحثت عن اسم عمر فورا وبدات بالكتابه ( عمر انت رحت على روسيا تدرس و لهلأ ما رجعت انا بدي اشوف حياتي واتزوج لو سمحت لا ترسل لي)

_______________

فتحت باب منزلها ويدها ترتجفان تشعر وكأن قلبها يرتجف .... و ينتفض جسمها بردا
قد اطالت الجلوس في موقف السيارات
اغلقت الباب ورمت بالمفتاح ارضا
ل يجري عليها كلبها الصغير : ابعد عني رح اموت والله رح يلاقوني تحولت ل قطعة جليد
جرت الى المدفئه وهي ترتجف وتشعر ببلل بكامل جسدها
جلست على الارض عند المدفئه
لكن رجفتها لم تهدأ بل زادت وشاركت رجفة البرد رجفة البكاء بدأت تبكي : برداانه بردانه
حسبي الله ونعم والوكيل
وضعت يدها على فمها المرتجف لتكتم شهقاتها : انا لازم اترك لازم كيف تطورت معهم كييف
صرَخت : كلّه بسببك جوااااد
قبل لا ادخل السجن ما بقي غير ابوس رجلك عشان تصدقني بكرهه قسوتك بكرهك وبكرهه اختك الغبيه الكذابه وبكرهه اهلي الي ما صدقونيي
تركتوني بالسجن وحيده لحتى قدرو هدولل يستغلوني واتورط معهم بكرهكمم كلكم بدي ارجع ل زمان بدي يكون همّي دراستي وبس
اكملت بكاها دون كلام او صوت كأن البرد جمّد حبالها الصوتيه او كأن طاقتها انتهت
لم تهدأ رجفتها بسبب ارتفاع درجه حرارة جسدها
حضنت كلبها وهي تبكي بقسوه
_____________
اسيل نطقت : مو فاهمه وضحي
لمياء امسكت يدها : يوسف متقدم لك
سحبت يدها بقوه منذ ان سمعت اسمه : هااد اللصقه ما بده يبعد عنّي وقح والله وقح بس هددته احكي ل جواد عنه راح خطبني
انه بفكر رح اوافق على واحد زيّه
لمياء : شو ناقصه معه فلوس وحلو و
قاطعتها اسيل : متى الفلوس والجمال بسوو الرجال
لمياء : شو مشكلتك معه
اسيل : ما بدي ياه وبعدين بس يرجع عمر رح نتزوج
لمياء :بدي احكيلك اشي بس لا تبكي انا مخبيته عنك عرفته من خالتي
اسيل : شو
لمياء : عمر تزوج بروسيا
شهقت اسيل : اكيد بتمزحي
لمياء بحزن على اختها وخوف من كشف الحقيقه : للأسف لا
اسيل حركت رأسها رافضة التصديق: تزوج روسيه ؟
لمياء : ما بدي تزعلي
اسيل حطت يدها على فمِها ودموعها استقرت على وجهها
لمياء قامت وبيدها هاتف اسيل حتى لا تراه : يوسف شاريك و عمر باعك بعدين انتو ما بينكم شي رسمي يعني حتى بحبك ما حكاها
ارتفع صوت بكاء اسيل بحرقه وهي ترى احلامها وآمالها معه تتبخر
لمياء : وجواد حكالي اصلا انه وافق على يوسف بس بده اقنعك فيه
ازداد بكاء اسيل
خرجت لمياء ومسحت دموعها سريعا : سامحيني اسيل اكيد هاد ل مصلحتك اصلا مستحيل جواد يوافق على عُمر انا بدي راحتك ومصلحتك
فتحت على اسمه بكل مواقع التواصل الاجتماعي وحضرته من عند اسيل
_______________