Faded Love

51

Gab's POV

Papunta kami kala Tita Elizabeth today dahil may sabay sabay kaming maglulunch. Nakauwi na din pala si Amanda sa bahay nila at masaya ako dahil ayun ang tanging hiling ni Tita Elizabeth para sa darating na birthday nya pero maaga itong natupad.

Masaya kami nila Mama at Papa dahil buo na sila, sana maging maayos na talaga ang lahat at sana malaman na nila Tita at Tito yung katotohanan. Matagal na din kasi naming tinatago yung about sa fake na Sabrrina na iyon, sapat na siguro yung ilang taon na buhay prinsesa nung fake na Sabrrina na iyon.

Gustong gusto kong sabihin kala Mama yung tungkol don pero nagpromise ako kay Amanda na walang ibang makakaalam non, kahit lagi na akong binabagabag ng konsensya ko pinili ko pa din na manahimik nalang dahil alam kong may magandang plano si Amanda.

"Nandon na daw sila Aileen." Sabi ni Mama.

"Kasama po ba si Pat?" Tanong ko.

"Yes kasama sya." 

"Nabasa kaya ni Sam yung text ni Andrew?"  Tanong ko.

"Nabasa naman nya siguro yon, baka darating din sya." Sabi ni Mama.

Tumahimik nalang ako at tumingin nalang sa labas. Habang nasa stoplight kami may napansin akong isang pamilyar na babae na nasa loob ng isang restaurant na katapat ng kotse namin.

"Tita Rebeca?" Sabi ko.

"Sinong kausap mo?" Tanong ni Papa.

"Pa nandito si Tita Rebeca." Sabi ko.

"Sino yon?" Tanong naman ni Mama.

"Yung kaibigan ni Amanda sa San Francisco."

"You mean yung parang gustong maging anak si Amanda?" Tanong ni Papa.

"Opo sya nga po."

"Anong ginagawa ng babaeng yan dito? wag mong sabihing sinundan nya si Amanda?" Inis na sabi ni Mama.

"Mismo." Sabi ko.

"Hindi natin hahayaang masira yung mga plano natin." Sabi ni Mama at bumaba sya sa kotse at biglang naggreen light na kaya pinaandar na ni Papa yung sasakyan.

"Pa si Mama balikan natin." Sabi ko at nag U turn naman agad si Papa.

Pagdating namin sa tapat ng restaurant kung nasaan si Tita Rebeca agad akong bumaba at pumasok sa loob ng restaurant nakita ko naman na nag uusap silang dalawa ni Mama ng mahinahon.

"Gab?" Sabi ni Tita Rebeca.

"Magkakilala na pala kayo." Sabi ni Mama, kaya mas lalo akong naguluhan, anong balak nila?

"Yes kaibigan sya ng anak anakan ko na si Amanda." Sabi ni Tita Rebeca.

"Tita can I use your phone? naubusan kasi ako ng load eh may tatawagan lang ako." Sabi ko at binigay nya naman agad yung phone nya sa akin.

Binura ko yung contact number ni Amanda, basta lahat ng pwedeng gamitin ni Tita Rebeca na pangcontact kay Amanda ay binura ko.

Bago ko ibalik yung phone ni Tita Rebeca ay nanghula ako ng number na tatawagan ko, buti nalang yung napili ko ay out of coverage area. " Tita thank you po." Sabi ko sabay abot ng phone nya.

"Gab alam mo ba kung nasaan si Amanda? May usapan kasi kaming dalawa na magkikita kami today, pero until now di pa din sya nasagot."Tanong ni Tita Rebeca.

"Ang alam ko po papunta sila ngayon sa Batanes" Pagsisinungaling ko, ayun nalang ang tanging paraan ko para hindi sila magkita ni Amanda, gusto kong maging maayos na ang pamilya nila Amanda at mawala na yung mga hadlang.

"What? bakit di sya nagsabi agad. wait alam mo ba kung saan sila tumuloy doon?" Tanong nya.

"Biglaan lang po yung lakad nilang yon Tita, at sa pagkakaalam ko po ay sa Casa Feliciano sila tutuloy." Sabi ko sabay tingin kay Mama at tumawa nalang si Mama sabay thumbs up.

"Ok thank you, I have to go." Sabi ni Tita Rebeca.

"Bye Tita/ Bye Rebeca." Sabay naming sabi ni Mama.

Lumabas na din kami ng restaurant at pagsakay namin sa kotse namin ay tsaka lang kami tumawa ng malaks ni Mama.

"Woahhhh grabe Ma, success!" Sigaw ko.

"Ang galing mo don nak." Sabi ni Mama.

"Syempre Ma, kanino pa ba naman ako magmamana kundi sainyong dalawa ni Papa." Sabi ko sabay tawa.

Buong byahe namin tumawa lang kami ng tumawa nila Mama at Papa. After 15 Minutes nakarating na din kami sa bahay nila Amanda. Sinalubong naman agad kami ni Andrew, "Hi love!" Masayang bati ko sabay yakap. 

"Namiss kita." Sabi nya.

"Namiss din kita." Sabi ko.

"Mamaya na yang lambingan, sa loob nyo na yan ituloy." Sabi ni Papa kaya naman napatawa kami ni Andrew.

Pumasok na kaming lahat sa loob at sinalubong kami nila Tita Elizabeth at Tito Christopher, niyakap ko silang dalawa at nakipagbeso na din.

"Gab puntahan mo si Amanda sa kwarto nya." Sabi ni Tita.

"Sure Tita." Sabi ko sabay akyat na sa kwarto ni Amanda.

Hindi na ako kumatok at dirediretso na akong pumasok sa kwarto ni Amanda kaya naman nagulat si Amanda. "MY GOSH GABRIELA!" Sigaw ni Amanda kaya napatawa nalang ako ng malakas. "Hindi kaba marunong kumatok?" Inis na sabi nya.

"Woah grabe te init ng ulo mo ah." Pagbibiro ko.

"Ginulat mo ako eh." Sabi nya.

"Sorry na." Sabi ko sabay lapit sa kanya at hinug ko sya.

"Tara na sa baba, nandoon na sila Mama at Papa." Sabi ko.

'Maya maya na, papatuyuin ko lang yung buhok ko." 

"Ok, hintayin na kita." Sabi ko at humiga ako sa kama nya.

Habang pinagmamasadan ko si Amanda na nagpapatuyo ng buhok nya naalala ko yung plano ko.
"Amanda pahiram naman ng phone mo." Sabi ko at inabot nya naman sa akin yung phone nya. 

Noong una nagseselfie lang ako after kong magselfie tinignan ko yung mga picture ko sabay punta sa contacts ni Amanda at binura ko yung number ni Tita Rebeca, basta kung anong ginawa ko sa phone ni Tita Rebeca ganon din ginawa ko sa phone ni Amanda.

Binura ko yung history at bumalik ako sa pagseselfie. 

Sana effective yung plano ko.