Unicode
မနက်အာရုဏ်တက်နေမထွက်သေးခင် အမှောင်ထုမပျယ်သေးချိန် ခြံဝင်းအကျယ်ကြီးရဲ့ ခပ်လှမ်းလှမ်းသစ်ပင်ကနေ ခြံထဲကို လှမ်းကြည့်ကာ ချီတုံချတုံဖြစ်နေကြသည် ။ ဒီနားမှာ ကားရပ်ထားတာ နာရီဝက်လောက် ရှိနေပြီဖြစ်ပေမဲ့ ခြံထဲဝင်ဖို့ တွေဝေနေကြသည် ။
" ငါတို့ ခြံထဲဝင်သင့်ပြီ 'ဆက်' "
ခပ်တိုးတိုးသတိပေးလာတဲ့ 'လှိုင်း' ရဲ့ စကားသံအဆုံးမှာ 'ဆက်' က လက်တွေကို ဆုပ်ကိုင်လာသည် ။
" ကိုကို အဆင်သင့်ဖြစ်ပြီလား "
" အင်း ၊ ငါတို့ ဖြေရှင်းမှပြီးမဲ့ အရာတွေအတွက် တွေဝေမနေသင့်ဘူး 'ဆက်' "'လှိုင်း' စကားကို ခေါင်းငြိမ့်ပြလိုက်ရင်း လက်ခုံကို ခပ်ဖွဖွနမ်းလိုက်သည် ။ ပြီးမှ ခြံနားထိကားမောင်းသွားကာ ဟွန်းတီးလိုက်တော့ ခြံစောင့်ဖြစ်ဟန်တူတဲ့ လူတစ်ယောက်က တံခါးလာဖွင့်ပေးသည် ။ အပြင်ဘက်က ကြည့်တာထက် ပိုကျယ်ဝန်းသော ခြံထဲမှာ သုံးထပ်တိုက်ကြီးက ခန့်ညားစွာ တည်ရှိနေသည် ။
" ဟော 'ဘုန်းမင်း' ရောက်လာပြီလား ၊ 'လှိုင်း' လဲပါတာပဲ........၊ ဘွားရေ ဒီမှာ 'ဘုန်းမင်း' ပြန်လာပြီ "
ကားသံကြားလို့ထွက်ကြည့်တဲ့ 'စည်သူ' က သူတို့ကို နှုတ်ဆက်စကားဆိုလိုက်ရင်း အိမ်ထဲကို အော်ပြောလိုက်သည် ။ ထိုအခါမှ သူတို့လဲ ကားပေါ်ကနေဆင်းကာ အထုပ်အပိုးများကိုအောက်ချလိုက်ကြသည် ။ အိမ်ထဲကနေတော့ အသက် (၆၀) ကျော်အရွယ် အဘွားတစ်ဦးထွက်လာလေသည် ။ မျက်နှာတွင်လဲ သနပ်ခါးများလိမ်းကျံထားကာ အဘွားက အသက်ရွယ်နဲ့မလိုက်အောင် သွက်လက်ဖျတ်လတ်ရှိလှသည် ။
" မြေး 'ဘုန်းမင်း' ၊ ဘွားကိုလဲ ကြိုမပြောပဲ ဘယ်ကဘယ်လိုရောက်လာတာလဲကွယ် ၊ ဘွားဆီ အပြီးပြန်လာတာလား 'သား' "
'ဘုန်းမင်း' ရဲ့လက်မောင်းကို ကိုင်ကာ အဘွားက အောက်မေ့တသစွာ ပြောလာသည် ။ 'ဘုန်းမင်း' က အဘွားရဲ့ လက်မောင်းကို မှီကာ ချွဲနွဲ့လိုက်ရင်း-
" ဒါပေါ့ ဘွားရ ၊ သားက ဘွားကိုလွမ်းလို့ ပြန်လာတာ "
" အမလေး ချွဲနေပြန်ပြီကွယ် ၊ ဘွားကို မခွဲနိုင်အောင် ချစ်ရင် ဒီလိုအကြာကြီးပစ်ထားသွားပါ့လား "
YOU ARE READING
တိမ်စိုင်ဖုံးတဲ့ ကြိုးမဲ့လေတံခွန် (Z & U ) (Complete)
RomanceZawgyi ျမတ္ႏိုးျခင္းေတြနဲ႔ ပံုေဖာ္ထားတဲ့ ေလတံခြန္ေလးက ငါ.... ေမ်ွာ္လင့္ခ်က္အပိုင္းအစေတြနဲ႔ မင္းရဲ့ ရစ္ဘီးႀကိဳးေလး ခ်ည္ေနွာင္လို႔ ငါ့ကိုထိန္းခ်ဳပ္ပါ.... မ်က္ဝန္းျပာေတြ အေရာင္လဲ့ေနသ၍ ေလဘယ္ေလာက္ထန္ထန္ ငါဟာ အလွဆံုး ပ်ံဝဲေနမွာ....💫 Unicode မြတ်နိုးခြင်း...