Unicode
" ဟေ့ရောင် စီးကရက်ပါလား "
လွယ်ထားတဲ့ အိတ်ကို ဘေးပစ်ချကာ အလျင်စလိုမေးလာတဲ့ 'ရှိုင်းသက် '......၊ ဒီကောင်ကတော့ စီးကရက်ဂျိုးလို့ပြောရလောက်အောင် လက်ကနေ စီးကရက်ကို မချတမ်းသောက်တတ်သည် ။
" မပါဘူး ၊ ငါလဲ ဝယ်ရဦးမှာ "
ငြီးတွားစွာပြန်ဖြေလာတဲ့ 'ဝေယံ့' စကားအဆုံးမှာ 'ရှိုင်းသက်' မျက်နှာ ရှုံ့မဲ့သွားသည် ။ သူလဲ အိမ်ကနေအမြန်ထွက်လာရသောကြောင့် ဝယ်ဖို့မေ့နေခဲ့ပင်......။
" ဟဲ့ 'သဉ္ဇာ' နင့်မှာရော ပါလား "
" ဖြောင်း! "
ကြံရာမရသည့်အဆုံး ဘေးနားမှာထိုင်နေတဲ့ 'သဉ္ဇာ့' ကို မေးလိုက်တော့ ပါးစပ်ကအရင်မဖြေပဲ လက်က 'ရှိုင်းသက်' ကျောပြင်ကို အရင်ရိုက်လိုက်သေးသည် ။
" ဘယ်မိန်းကလေးက စီးကရက်ဆောင်ထားတာတွေ့ဘူးလို့လဲ ၊ ငါ့ကိုရော မိန်းကလေးလို့ ထင်သေးရဲ့လား ဟမ် 'ရှိုင်းသက်' "
'သဉ္ဇာ့' ရဲ့ ခပ်စွာစွာစကားနဲ့အတူ စပ်ဖျင်းဖျင်းဖြစ်သွားတဲ့ ကျောပြင်ကြောင့် 'ရှိုင်းသက်' မျက်နှာ ပို၍ပင် ရှုံ့မဲ့သွားသည် ။
" နင်ကလဲဟာ ဒါလေးမေးတာကို......"
" တော်ပါတော့ 'ရှိုင်းသက်' ရာ ၊ ရော့ ဒီမှာ နောက်ဆုံးလက်ကျန်တစ်လိပ် ၊ အဲ့ဒါပဲ အရင်သောက်ထားလိုက် ၊ ပြီးမှ သွားဝယ်ကြတာပေါ့ "
'ဝေယံ' က သူတို့နှစ်ယောက်ကို ဟန့်တားလိုက်ရင်း အိတ်ထဲကနေ နောက်ဆုံးလက်ကျန် စီးကရက်တစ်လိပ်ကို ထုတ်ပေးသည် ။ ထိုအခါမှ 'ရှိုင်းသက်' မျက်နှာက ပြုံးခနဲဖြစ်သွားသည် ။ အနည်းငယ်အရာထင်နေသော စီးကရက်ကို နှုတ်ခမ်းထိပ်မှာ ဟန်ပါပါတေ့ရင်း မီးညှိ့လိုက်သည် ။
" ဟူးး အခုမှပဲ အဆင်ပြေတော့တယ် "
ပါးစပ်ထဲကနေ ဆေးလိပ်ငွေ့တွေကို မှုတ်လိုက်ရင်း ဝဲကျနေတဲ့ဆံပင်ကို သပ်တင်ကာ ပြောလာသည် ။ 'သဉ္ဇာ' ကတော့ ဆေးလိပ်ငွေ့တွေကို လက်ဖြင့် ခါထုတ်လိုက်ရင်း 'ရှိုင်းသက်' နဲ့ ဝေးရာကို ရွှေ့သွားသည် ။
YOU ARE READING
တိမ်စိုင်ဖုံးတဲ့ ကြိုးမဲ့လေတံခွန် (Z & U ) (Complete)
RomanceZawgyi ျမတ္ႏိုးျခင္းေတြနဲ႔ ပံုေဖာ္ထားတဲ့ ေလတံခြန္ေလးက ငါ.... ေမ်ွာ္လင့္ခ်က္အပိုင္းအစေတြနဲ႔ မင္းရဲ့ ရစ္ဘီးႀကိဳးေလး ခ်ည္ေနွာင္လို႔ ငါ့ကိုထိန္းခ်ဳပ္ပါ.... မ်က္ဝန္းျပာေတြ အေရာင္လဲ့ေနသ၍ ေလဘယ္ေလာက္ထန္ထန္ ငါဟာ အလွဆံုး ပ်ံဝဲေနမွာ....💫 Unicode မြတ်နိုးခြင်း...