Unicode
" အနွေးထည်တွေ ထည့်လိုက်မယ်နော် ညီ ၊ အဲ့ဒီမှာ ရာသီဥတုက အေးနေမှာ........."
ဗီရိုထဲက အဝတ်အစားတွေကို တစ်ထည်ချင်း သေချာထုပ်ကာ ပြောနေသော ကိုကို့ကို ခေါင်းသာငြိမ့်ပြလိုက်သည် ။ 'နှိုင်း' ခရီးထွက်ဖို့အတွက် အဝတ်အစားတွေကို ကိုကိုကိုယ်တိုင် ပြင်ပေးနေခြင်းဖြစ်သည် ။
" ကိုကိုကလဲ ပြန်မလာလဲ ရပါတယ်ဆို ၊ ညီ့ဘာသာ လုပ်နိုင်ပါတယ်........."
ဘေးမှာချထားတဲ့ အဝတ်တွေကို ခေါက်ပေးရင်း ပြောလိုက်တော့ ကိုကိုက အသာပြုံးကာ သူ့ဘေးနား လာဝင်ထိုင်သည် ။
" ဘယ်ဖြစ်မလဲ ညီရာ ၊ ခရီးထွက်တယ်ဆိုတာ မလွယ်ဘူး ၊ သေချာလိုအပ်တဲ့ ပစ္စည်းတွေကို စီစစ်ထည့်ဖို့လဲ လိုသေးတယ် ၊ ဒါက ညီ့ရဲ့ ပထမဆုံးထွက်တဲ့ ခရီးမလား ကိုကိုက သေချာပေါက် ပြင်ပေးသင့်တာပေါ့.........."
" အဲ့ဒါတော့ အဲ့ဒါပေါ့ ကိုကိုရာ ၊ ဒါပေမဲ့ ညီ့ကြောင့် ချက်ချင်းကြီး ပြန်လာရတော့ အားနာလို့......."
'နှိုင်း' အပြောကို ကိုကိုက ခေါင်းယမ်းရင်း ခပ်ဟဟရယ်မောနေသည် ။ တကယ်ဆို ကိုကိုပြောသလို 'နှိုင်း' က ဘာမှပြင်ဆင်တတ်တာမဟုတ် ၊ ကိုကို ကူပြီး ပြင်ပေးနေလို့သာ တော်သေးသည် ။ သို့ပေမဲ့လည်း သူ့ကြောင့် ရုတ်တရက်ကြီး ပြန်လာတာမျိုး မဖြစ်စေချင်ပါ ။ 'နှိုင်း' ဘဝသက်တမ်းတစ်လျှောက်လုံး ကိုကို့ရဲ့ အမြဲတမ်းနံပါတ်တစ်ဖြစ်ခဲ့ပေခဲ့ ဒီ့ထပ်ပိုပြီးတော့ လောဘမကြီးတော့ပေ ။
" ဒါကတော့ ညီက ခရီးထွက်ဖို့ကိုရုတ်တရက်ကြီးပြောတာကိုး ၊ ခရီးသွားမဲ့ရက်ထက် ပိုစောပြီး ပြောရင် ကိုကိုလဲ ပြန်လာဖို့ ကြိုပြင်ထားမှာပေါ့........"
" ညီလဲ ခရီးသွားဖို့ ဆုံးဖြတ်လိုက်တာ ရုတ်တရက်ကြီး ဖြစ်သွားတယ် ၊ အစက မလိုက်တော့ဘူး ဆိုပြီးနေနေတာ........."
" ဒီခရီးက ညီမပါလို့ မဖြစ်ဘူးမလား ဘာလို့မလိုက်ချင်တာလဲ ၊ ကိုကိုကတော့ ညီ့ကို ဒီလိုမျိုးလေးတွေသွားစေချင်တယ်........"
YOU ARE READING
တိမ်စိုင်ဖုံးတဲ့ ကြိုးမဲ့လေတံခွန် (Z & U ) (Complete)
RomanceZawgyi ျမတ္ႏိုးျခင္းေတြနဲ႔ ပံုေဖာ္ထားတဲ့ ေလတံခြန္ေလးက ငါ.... ေမ်ွာ္လင့္ခ်က္အပိုင္းအစေတြနဲ႔ မင္းရဲ့ ရစ္ဘီးႀကိဳးေလး ခ်ည္ေနွာင္လို႔ ငါ့ကိုထိန္းခ်ဳပ္ပါ.... မ်က္ဝန္းျပာေတြ အေရာင္လဲ့ေနသ၍ ေလဘယ္ေလာက္ထန္ထန္ ငါဟာ အလွဆံုး ပ်ံဝဲေနမွာ....💫 Unicode မြတ်နိုးခြင်း...