Unicode
" Ice Americano တစ်ခွက်နဲ့ orange cake တစ်ခု ပေးပါ အကို "
Counter ရှေ့ကနေ Menu ကို ထောက်ကာ ပြောလာသော ကောင်မလေးကို ပြန်ပြုံးပြရင်း ခေါင်းငြိမ့်ပြလိုက်သည် ။ တစ်ခဏအတွင်းမှာ နာမည်ရလာတဲ့ သူတို့ဆိုင်လေးက အဆောက်ဦး သုံးထပ်လုံး customer များဖြင့် ပြည့်နေသည် ။
" ရပါပြီ ညီမလေး "
" ဟုတ်ကဲ့ အကို ၊ ဒါနဲ့လေ ညီမနဲ့ ဓာတ်ပုံတစ်ပုံလောက် တွဲရိုက်ပေးလို့ရမလား ၊ review ကောင်းကောင်းရေးတင်ပေးချင်လို့ပါ အဟီး "
ပိုက်ဆံရှင်းပြီး မသွားသေးပဲ ဖုန်းထောင်ပြကာ မဝံ့မရဲပြောလာသည် ။ 'သော်' လဲ ဝတ်ထားသော Apron ကို တစ်ချက် ဆွဲခါချကာ-
" ရပါတယ် ပေး အကို့ဘက်ကနေ ရိုက်ပေးမယ် "
တန်းစီနေသော လူများကို အကြာကြီး မစောင့်ခိုင်းလိုသောကြောင့် ကောင်မလေးလက်ထဲက ဖုန်းကို ယူကာ ဓာတ်ပုံအမြန်ရိုက်ပေးလိုက်သည် ။
" ကျေးဇူးတင်ပါတယ် အကို "
" ဟုတ်ကဲ့ ရပါတယ် ၊ ကောင်းကောင်းသုံးဆောင်ပါ "
ဖော်ရွေစွာပြောလိုက်တော့ ကောင်မလေးက 'သော့်' ကို ပြန်ပြုံးကာ ထွက်သွားသည် ။
" 'သော်'!! "
နောက် Customer တစ်ယောက်မုန့်မှာတာကို စောင့်နေစဉ် ခပ်လှမ်းလှမ်းမှ အော်ခေါ်လာသော 'နှိုင်း'.........၊ ဦးထုပ်ကို ခပ်ငိုက်ငိုက် ဆောင်းကာ ကျောပိုးအိတ်လွယ်ထားပြီး သူ့ကို လက်ပြကာ ခေါ်နေသည် ။ အရေးကြီးတဲ့ ပုံစံနှင့် လှမ်းခေါ်နေသော 'နှိုင်း' ကြောင့် ရောင်းလက်စ customer ကို တခြားတစ်ယောက်နဲ့ လွှဲပေးကာ 'နှိုင်း' ဆီ ထွက်လာခဲ့သည် ။
" ဘာလဲ 'နှိုင်း' ၊ ဘာပြောမလို့လဲ "
" မင်းကိုယ်တိုင် ဝင်လုပ်ပေးနေတာလား 'သော်' ၊ service ကလဲ ကောင်းလိုက်တာ Coffee တစ်ခွက် ဓာတ်ပုံတစ်ပုံပေါ့ "
သူ့အမေးကို ပြန်မဖြေအားပဲ Apron မှာ ကပ်နေတဲ့ Cream ကို လက်ဖြင့်သုတ်ကာ ပြန်မေးလာသည် ။ ခုနက အရေးကြီးသလိုဖြစ်နေတဲ့ 'နှိုင်း' က အခုတော့လဲ အရေးမကြီးတော့သလိုပင်.......။
YOU ARE READING
တိမ်စိုင်ဖုံးတဲ့ ကြိုးမဲ့လေတံခွန် (Z & U ) (Complete)
RomanceZawgyi ျမတ္ႏိုးျခင္းေတြနဲ႔ ပံုေဖာ္ထားတဲ့ ေလတံခြန္ေလးက ငါ.... ေမ်ွာ္လင့္ခ်က္အပိုင္းအစေတြနဲ႔ မင္းရဲ့ ရစ္ဘီးႀကိဳးေလး ခ်ည္ေနွာင္လို႔ ငါ့ကိုထိန္းခ်ဳပ္ပါ.... မ်က္ဝန္းျပာေတြ အေရာင္လဲ့ေနသ၍ ေလဘယ္ေလာက္ထန္ထန္ ငါဟာ အလွဆံုး ပ်ံဝဲေနမွာ....💫 Unicode မြတ်နိုးခြင်း...