سوري عالتاخير بس كنت مشغولة خالص انهاردة.
------------------------------------------------------
فاقت مريم من نومها على صوت تليفونها بيرن وهي بتتافف. مريم فتحت التليفون من غير ما تشوف مين اللي بيتصل.
مريم بنوم: امم.... الو...
محمد: صباح الخير كل دا نوم؟
مريم بنوم: ااهه... صباح النور.
مريم كان صوتها كله نوم ودا خلى محمد مش قادر يركز في اي حاجة.
محمد: احم.. مريم انتي نايمة؟
مريم بتحاول تفوق تفسها: لا معاك اهو.
محمد: طب انتي بتكلمي مين؟
مريم بصت في التليفون وقرت الاسم المكتوب بدون وعي: حبيبي..
محمد بمكر: وانتي كمان حبيبتي وروحي.
مريم فاقت لنفسها واستوعبت اللي هي قالته.
مريم بسرعة: ايه دا؟! محمد دا انت؟!
محمد بمكر: ومالها حبييي ما كانت حلوة!
مريم وهي عايزة ترمي نفسها من الشباك: لا.. قصدي.. دي حبيبة الكلبة تلاقيها هي اللي اخدت تليفوني وغيرت اسمك وانا قريته من غير ما اخد بالي.
محمد بضحك: طب انتي كنت مسمياني ايه؟
مريم: "محمد".. هسميك ايه يعني؟!
محمد: تصدقي بدات اكره اسمي؟!.. في واحدة تسمي جوزها باسمه؟!
مريم: خلاص خلاص هخليه.
محمد بمكر: هتخليه ايه؟
مريم بتهرب: هخليه زي ما حبيية عملته.
محمد باصرار: ايوة اللي هو ايه؟
مريم بكسوف: ح-حبيبي.
محمد برومانسية: عيونه.
مربم كانت ماشية ووقعت مرة واحدة: ااااااه...
محمد بضحك: ايه مقدرتيش تستحملي ولا ايه؟
مريم: ياخفة.. لا احنا كنا سهرانين ونمنا كل واحدة في حتة وانا ماشية اتكعبلت في رجل واحدة منهم.
محمد: واضح انها كانت سهرة جامدة.
مريم: متفكرنيش.. دول هروني اسالة.. روحتوا فين واكلتوا ايه وعملتوا ايه و.. و...
مريم سكتت وافتكرت اللي حصل امبارح وحطت ايدها على جبهتها بكسوف.
محمد بمكر: سكتي ليه؟... قولتيلهم عملنا ايه؟ فكريني عملنا ايه عشان مش فاكر.
مريم بكسوف: بس يا محمد متبقاش رخم.
محمد بضحك: ماشي خلاص... اه متعمليش تليفونك صامت تاني.
أنت تقرأ
أوقَعتَني في غرامك
Romanceهي كارهة للرجال وعنيدة لكنها أيضا غامضة. وهو وسيم وهادئ وثري لكنه جدي وعملي جدا. هي تراه متكبر ومغرور ولا يختلف عن بقية الرجال . وهو يراها ذات لسان سليط وفتاة مزعجة لا يمكنه تحملها. كل منهما يكره الاخر ولا يفترقان الا والشجار سيد الموقف... يختلفان...
