صحت مريم من نومها راسها مصدعة وحاسة انها هتنفجر ومش مركزة في حاجة. فضلت قاعدة على السرير شوية تجمع افكارها وبعد شوية افتكرت اللي حصل واتنهدت وقامت خرجت برا الاوضة لقت حبيبة عملت قطار.
حبيبة: صباح الخير.
مريم وهي ماسكة راسها: صباح النور... اااه.. انا نمت كام ساعة؟
حبيبة: 28 ساعة تقريبا.. تعالي افطري.
مريم: 28 ساعة؟! كل دا؟!... ومصحتنيش ليه عشان الصلاة حتى؟
حبيبة: حاولت بس انتي كنت نايمة ومعرفتش اصحيكي.
مريم بتنهيدة: خلاص مش مشكلة.
قعدت تفطر هي وحبيبة وبعدين قعدوا وحبيبة فضلت تبص لمريم بهدوء.
مريم: لو عندك حاجة قوليها.
حبيبة: مش ناوية تكملي موضوع اول امبارح؟
مريم: اكمل ايه ما انا قولت كل حاجة.
حبيبة: يعني ايه يا مريم؟
مريم: يعني خلاص انا مش هقرب منهم تاني... دا الافضل ليهم... وليا.. انتي مش شايفة انا بقيت عاملة ازاي؟!... ايدي ملفوفة وراسي ورقبتي... وهما كمان حالتهم متسرش.
حبيبة: يعني دا اخر كلام عندك؟... يعني هتنقلي شغلك؟
مريم: ايوة.... بس انا مش هبدا شغل دلوقتي... هقعد لحد ما اشفى بعدين هدور على شغل تاني في مستشفى تانية.
حبيبة بتنهيدة: خلاص.. هبقى انقل معاكي... تعالي دلوقتي اغيرلك الشاش.
بدات حبيبة تغيرلها الشاش ومريم بدات تسرح بافكارها.
مريم بحزن:.... كانت ايامي هادية ساعتها... قبل 10 سنين... حياتي كانت هادية... امتى بدا كل دا؟...
--------------------------------
عند محمد في المستشفى
محمد فاق بقاله يوم واطمنوا عليه وحالته كويسة ومعندوش اي اعراض جانبية بس هيفضل في المستشفى طبعا، وعز فضل قاعد معاه ويهتم بيه وقاعدين يتخانقوا دلوقتي.
محمد: يا شيخ غور بقى وسيبني انا هعرف اكل لوحدي.
عز وهو ماسك المعلقة وبيحطها قدام وشه: لا انا هاكلك، انت ايدك متصابة.
محمد: يابني هو انا مشلول؟!.. لو مشلول عرفني يمكن انا مش واخد بالي.
عز: بس!.... بعيد الشر عليك.. دا انا كنت خايف ليحصلك حاجة... متعملش كدا تاني.
محمد بضحك: انا بدات اخاف منك على فكرة... انا محمد مش حبيبة ها؟
عز: بطل هبل ويلا كُل.
محمد استسلم وخلى عز ياكله وبعد فترة خبص اكل.
محمد: اه صح مريم كويسة؟ مشوفتهاش من لما فوقت... هي فين؟
أنت تقرأ
أوقَعتَني في غرامك
Romanceهي كارهة للرجال وعنيدة لكنها أيضا غامضة. وهو وسيم وهادئ وثري لكنه جدي وعملي جدا. هي تراه متكبر ومغرور ولا يختلف عن بقية الرجال . وهو يراها ذات لسان سليط وفتاة مزعجة لا يمكنه تحملها. كل منهما يكره الاخر ولا يفترقان الا والشجار سيد الموقف... يختلفان...
