صحيت مريم من نومها ولبست واخدت حبيبة وراحوا عالمستشفى وراحوا على شغلهم.
عند حبيبة.
كانت بتشتغل ودخل على مكتبها راجل ومراته وابنه.
الاب: السلام عليكم.
حبيبة: وعليكم السلام.. اتفضلوا اقعدوا.. ها ايه المشكله؟
الام وهي بتبص لابنها: ادم بقاله فترة بيصحى من النوم ومبيكونش قادر يتحرك او يحرك اي جزء من جسمه ومش بيقدر يتكلم حتى.. دا حتى بيكون خايف اوي واحيانا بتوصل معاه انه يعيط.
حبيبة قعدت تفكر شويه وبعدين بصت على ادم وابتسمتله.
حبيبه: عندك كام سنه يا ادم؟
ادم: 13 سنة.
حبيبه: طيب يا ادم عيزاك تركز معايا وتحكيلي بتحس بايه لما تصحى.
ادم بص لامه وابوه وبعدين بص لحبيبة
ادم: انا لما اصحى.. بلاقي نفسي مش قادر اتحرك وبسمع حاجات غريبة واصوات مش موجودة واحيانا بشوف حاجات بتمشي في الاوضة وببقى خايف اوي بس مش قادر اتحرك.
حبيبة وهي بتحاول تهديه: طب اهدى الاول.. انا هنا عشان اساعدك... قولتلي بقا بتحس انك مش قادر تتكلم؟
هز راسه بايوة.
حبيبة كملت: طب بتحس بايه؟ انك لسه بتحلم؟
هز راسه بايوه تاني.
حبيبة بصت لامه وابوه: طب احنا هنعمل شوية تحاليل الاول عشان نتاكد ان كل حاجة بخير.
وكتبتلهم في ورقة شوية تحاليل يعملوها وادتها للاب وهما مشيوا وهي قعدت تفكر شويه وتراجع معلوماتها على مايرجعوا بالنتايج. وبعد فتر رجعوا ومعاهم التحاليل وحبيبة بصت فيها شوية وبعدبن بصت ليهم.
حبيبة: كل التحاليل بتقول ان مفيش مشكله بس انتوا ممكن تدوني شويه وقت اراجع التحاليل دي كويس وبعدين هقولكوا باللي وصلتله.
الام بقلق: يعني ابني حالته خطيرة يا دكتورة؟
حبيبة: لا متخافيش كل حاجه تمام من الناحية الجسدية بس بردو لازم اتاكد من التحاليل دي واتناقش فيها مع استاذة قسمي.
الاب: تمام احنا ممكن نيجي بكرا؟ لان ادم عنده تمرين تنس بعد شوية.
حبيبة بتبص لادم: ايه دا انت بتلعب تنس يا ادم؟
ادم: اه واشتركت في بطولة السنادي.
حبيبة: طيب يعم... متقلقش انت وروح على تمرينك.. وابقوا تعالوا بكرا.. يلا سلام.
وخرجوا من عندها وهي قعدت شوية وبعدين قامت واخدت معاها الورق وراحت عند د أساتذة قسمها واتناقشت معاهم وموصلوش لحل لان فعلا كل التحاليل بتقول ان كل حاجة تمام ومفيش اي سبب يخليه بحس بكل دا.
أنت تقرأ
أوقَعتَني في غرامك
Romanceهي كارهة للرجال وعنيدة لكنها أيضا غامضة. وهو وسيم وهادئ وثري لكنه جدي وعملي جدا. هي تراه متكبر ومغرور ولا يختلف عن بقية الرجال . وهو يراها ذات لسان سليط وفتاة مزعجة لا يمكنه تحملها. كل منهما يكره الاخر ولا يفترقان الا والشجار سيد الموقف... يختلفان...
