صحيت مريم الصبح وملقتش محمد جنبها بصت حواليها لقت نفسها في اوضة مختلفة وغريبة عليها فعرفت انها مش في الفندق. بدات تخاف لما مسمعتش اي صوت من برا وعدم وجود محمد خوفها اكتر واول حد جه على بالها هما هاني واسماعيل. قامت من على السرير بسرعة ولسه هتخرج لقت محمد في وشها وفي ايده كوباية قهوة.
محمد: بالراحة هتكوبي القهوة تاني... صباح الخير.
نريم فضلت بصاله زي اللي بتتاكد انه حقيقي مش خيال وراحت حضنته. محمد اتفاجئ من اللي عملته وحس بخوفها فاخدها وقعدوا عالسرير.
محمد: مالك؟
مريم: لما صحيت وملقتكش جنبي ولقيت نفسي في مكان مختلف خوفت وافتكرت اني....
محمد فهما قصدها فاتكلم بهدوء : افتكرتي ان هاني واسماعيل وصلولك وخطفوكي صح؟
هزت راسها بايوة.
محمد: وهما اعمامك لو خطفوكي كنتي هتلاقي نفسك نايمة على سرير مريح في اوضة واسعة وحلوة كدا؟!
مريم بصت حواليها وضحكت ومحمد اخدها من اديها ودخلها البلكونة.
مريم بتقاومه عشان متدخلش: انت مجنون؟! بتعمل ايه؟ انا محجبة مينفعش اخرج كدا.
محمد طمنها: متخافيش محدش هيشوفك ومحدش هنا غيرنا اصلا.
مريم اتنهدت بارتياح وخرجت للبلكونة وبصت على المكان وكانت مبهورة المكان كان عبارة عن فيلا كبيرة وواسعة وفيها حمام سباحة وفي حديقة جوا الفيلا ومليانة ورد بكل الالوان وبرا الفيلا كان في اشجار وزرع.
مريم بانبهار: اللله... حلوة اوي.
محمد اخدها في حضنه: دي فيلا في الريف ودا مكان هادي جدا.. انا كنت عارف ان مهما كان المكان اللي هنروحه حلو هتفضلي بردو قلقانة فقررت اننا نيجي هنا نرتاح وناخد فاصل من كل حاجة الشغل والمشاكل ونفضل هنا شهر.. شهر بحاله فاصلين عن العالم ها؟ ايه رايك؟
مريم بفرحة: رايي؟ .. دي احلى حاجة حصلتلي.. بجد انا كنت محتاجة حاجة زي دي.
محمد: طب تعالي افرجك على المكان.
مريم: يلا
---------------------------------
في الفندق في جناح عز وحبيبة
حبيبة قاعدة مدية ضهرها لعز.
عز: ما خلاص بقى يا حبيبة.
حبيبة بضيق: لا يا عز انت كداب.
عز: ياستي كداب ليه بس؟ انا مالي؟ انا زيي زيك مكنتش اعرف حاجة الا لما محمد قالي.
حبيبة: لا انت بتضحك عليا.
عز خلاها تلفله غصب عنها: واضحك عليكي ليه؟ وانا هستفاد ايه لما اضحك عليكي واشوف البوز دا؟
أنت تقرأ
أوقَعتَني في غرامك
Romanceهي كارهة للرجال وعنيدة لكنها أيضا غامضة. وهو وسيم وهادئ وثري لكنه جدي وعملي جدا. هي تراه متكبر ومغرور ولا يختلف عن بقية الرجال . وهو يراها ذات لسان سليط وفتاة مزعجة لا يمكنه تحملها. كل منهما يكره الاخر ولا يفترقان الا والشجار سيد الموقف... يختلفان...
