راحت حبيبة ومريم شغلهم عادي ودخلوا والسكرتيرة شافتهم.
سمر: حبيبة استاذ محمد عايزك.
مريم ضحكت: لا انتي تقريبا اتلخبطي في الاسم... قصدك مريم.
سمر بضحك: لا مش انتي قصدي حبيبة.
مريم: طب اتاكدي كدا.. يمكن انتي غلطانة مش بعيد تكوني اتحولتي وانتي بتقري الاسم.
حبيبة: انتي ليه محسساني انك بتروحي الملاهي؟! دا انتي بتدخلي تتهزقي وتطلعي تاني.
مريم: مسمهوش تهزيق اسمه نقاش حاد.. بعدين انا بحبه.
حبيبة وسمر بصوا لبعض بصدمة فمريم لحقت نفسها.
مريم: الله يخربيتكوا.. هتسواوا سمعتي.. النقاش.. بحب النقاااش.
حبيبة: ما هو نفس المعنى بتحبيه او بتحبي النقاش معاه... بيدوا نفس المعنى.
مريم: يابنتي انتي دماغك دي مفيهاش غير فردة جزمة شمال؟!.. قصدي بحب الخناقة معاه عشان بطلع فيها غلي كله.. فهمتي يا بقرة انتي وهي؟!
حبيبة وسمر بصوا لبعض وضحكوا وحبيبة راحت عند مكتب محمد ومريم وراها.
سمر: مريم!... انتي رايحة فين!؟
مريم باستيعاب للي بتعمله: معلش رجلي خدت على المكان.
ولفت وراحت على مكتبها وسمر بصالها وقاعدة تضحك.
-------------------------------------------------------
دخلت حبيبة عند محمد المكتب ولقت الممرضة قاعدة فهى ضحكت باستهزاء وراحت قعدت.
محمد: انسة حنين بتقول ان حضرتك ضربتيها بالقلم وهي بتعمل شغلها بس عشان اتاخرت شوية.. عندك حاجه تقوليها؟
حبيبة بصت عالممرضة لقتها بتتفادى نظراتها ضحكت لنفسها وقالت في نفسها: يعني اشتكيتي عليا وقولنا ماشي لكن كمان جبانة؟! ياشيخه دا انتي خسارة فيكي الشتيمة!
حبيبة: اه ضربتها بالقلم بس كان في سبب لكدا.
محمد بحزم: في سبب او مفيش مينفعش تضربي اي حد من زمايلك وحضرتك على اللي عملتيه لازم تترفدي.
قال الحزء الاخير وهو بيبص على الممرضة وهي اتصدمت وحبيبة اتفاجئت بس مش اوي
وهي قامت مرة واحدة بتزعق.
حنين: ازاي يعني حضرتك تمشي على كلامها وهي الي ضرباني هي اللي المفروض تترفد مش انا-
قاطعها دخول عز وحبيبة استغربت.
عز: معلش اتاخرت عليكوا.
محمد: لا ولا يهمك.. اقعد يلا.
الممرضة فضلت باصة لعز وكان باين اوي اعجابها بيه وحبيبة لاحظت كدا وقالت في نفسها: ايه القرف دا؟!... دي شويه كمان وهتريل على تفسها.. ياشيخه نفسي اقوم افقعلك عينك.
أنت تقرأ
أوقَعتَني في غرامك
Romanceهي كارهة للرجال وعنيدة لكنها أيضا غامضة. وهو وسيم وهادئ وثري لكنه جدي وعملي جدا. هي تراه متكبر ومغرور ولا يختلف عن بقية الرجال . وهو يراها ذات لسان سليط وفتاة مزعجة لا يمكنه تحملها. كل منهما يكره الاخر ولا يفترقان الا والشجار سيد الموقف... يختلفان...
